Fréttablaðið - 29.10.2011, Blaðsíða 94

29. október 2011 LAUGARDAGUR66
sport@frettabladid.is
VILDARÁSKRIFT AÐ STÖÐ 2 SPORT INNIHELDUR 512 5100 STOD2.IS VERSLANIR VODAFONE VERSLANIR OG ÞJÓNUSTUVER SÍMANS 800 7000
LAUGARDAG KL. 11:30
KJARTAN HENRY FINNBOGSON er nú til reynslu hjá enska B-deildarfélaginu Brighton & Hove Albion en
þetta kom fram á Fótbolti.net í gær. Liðið er nýliði í deildinni en eftir góða byrjun hefur liðinu fatast flugið á síðustu
vikum. Stjóri liðsins er Gus Poyet en Kjartan Henry var lykilmaður í Íslands- og bikarmeistaraliði KR í sumar.
Þessi grínhugmynd
er á góðri leið með
að verða að veruleika. Það er
frekar fyndið.
ATLI MÁR BÁRUSON
HANDBOLTAMAÐUR HJÁ VAL
FÓTBOLTI Sagan endalausa um
vistaskipti Veigars Páls Gunnars-
sonar frá Stabæk til Vålerenga í
norska fótboltanum ætlar engan
endi að taka. Félögin þurfa að
greiða háa sekt og þrír háttsett-
ir aðilar fá ekki að koma nálægt
fótbolta í 12-18 mánuði – og nú
hefur norska lögreglan áhuga á
að rannsaka málið.
„Við lítum á þetta sem brot
á norskum lögum og ef málinu
hefur verið rétt lýst í fjölmiðlum
eigum við von á tilkynningu frá
norska knattspyrnusambandinu,“
sagði fulltrúi lögreglunnar við
norska fjölmiðla.
Stabæk og Vålerenga eru grun-
uð um að hafa sett á svið leikþátt
sem átti að koma í veg fyrir að
Stabæk þyrfti að greiða allt að
50 milljónir kr. af söluverðinu til
Nancy í Frakklandi. Veigar var
seldur á 20 milljónir kr. og með í
kaupunum fylgdi 15 ára ungling-
ur sem metinn var á 80 milljón-
ir kr. Nancy fékk því aðeins 10
milljónir kr. í sinn hlut. Stjarnan
og KR, sem Veigar lék með hér
á landi, voru einnig hlunnfarin í
þessu máli, en þau eiga rétt á hlut
af söluverði hans.
Sjálfur segir Veigar, sem er
saklaus aðili að málinu, að hann
kæri sig ekki um þessa byrði. „Ég
vil eiginlega ekki segja meira um
þetta mál. Þetta hefur verið auka-
byrði á mér sem ég þarf ekki á að
halda. Ég mun ekki tjá mig meira
um þetta.“ - seth, esá
Umdeild félagaskipti:
Salan á Veigari
á borð lögreglu
VEIGAR PÁLL Lék lengi með Stabæk við
góðan orðstír en sala hans hjá félaginu
er afar umdeild. MYND/SCANPIX
HANDBOLTI Svo gæti farið að Ísland
ætti þátttakanda í handbolta-
keppni Ólympíuleikanna þó svo að
íslenska landsliðið komist ekki til
London. Hinn tvítugi Valsari Atli
Már Báruson hefur nefnilega sótt
um að komast í lið heimamanna.
Bretar hafa ekki verið þekktir
fyrir afrek sín á handboltavellin-
um en þar sem þeir halda leikana
fá þeir að vera með í handbolta-
keppninni.
Bretar auglýstu eftir leikmönn-
um um allan heim sem hefðu
reynslu af handbolta og gætu spil-
að undir merkjum Bretlands. Faðir
Atla er Breti og þess vegna á hann
kost á að spila undir merkjum
Bretlands.
„Það er smá vinna eftir. Ég hef
ekki verið í miklu sambandi við
föður minn en þarf að ná sambandi
við hann og fá ýmislegt frá honum
svo ég geti gengið frá umsókn-
inni um tvöfalt ríkisfang. Það er
því aðalmálið núna. Ef það gengur
eftir fer ég út til reynslu hjá Bret-
unum í janúar,“ segir Atli Már, en
Bretarnir eru spenntir fyrir því að
skoða strákinn.
„Þeir vilja ólmir fá mig út og
vonandi ganga málin hratt fyrir
sig. Þetta er spennandi ævintýri.“
Það var upphaflega vinur Atla
sem kom honum í samband við
Bretana og eftir það fóru hjólin að
snúast.
„Ég hafði grínast með það lengi
að ég gæti spilað með Bretum á
Ólympíuleikunum. Ingvar, vinur
minn og markvörður Vals, sendi
fyrirspurn út til þeirra fyrir
mig. Þeir svöruðu um hæl og eru
spenntir fyrir því að fá mig til
sín,“ segir Atli og það leynir sér
ekki að hann er talsvert spenntur.
Þar sem Bretar hafa ekki iðkað
handbolta mikið gerir hann sér
grein fyrir því að hann á mjög
góða möguleika á að komast í liðið,
fari svo að hann fái leyfi til þess að
keppa undir merkjum Bretlands.
„Ég geri mér ekki alveg grein
fyrir styrk þeirra sem fara í
æfingabúðirnar í janúar og hversu
margir þeir verða. Það eru tveir
landsliðsmenn Breta að spila hér
á landi og miðað við styrk þeirra
tel ég mig eiga góðan möguleika.
Þessi grínhugmynd er á góðri leið
með að verða að veruleika. Það er
frekar fyndið.“
Það er stærsti draumur
flestra íþróttamanna að spila á
Ólympíuleikunum og Atli viður-
kennir að hann hafi ekki átt von á
að sá draumur myndi kannski ræt-
ast á næsta ári.
„Í það minnsta ekki með Bret-
landi. Ég sá það ekki fyrir. Það er
alveg ótrúlegt. Þetta ætti að skýr-
ast allt í janúar en ég er bjartsýnn
á að dæmið gangi upp. Ég er orð-
inn gríðarlega spenntur og þetta
yrði algjör draumur.“
Atli er uppalinn Valsari og hann
nýtti öll ráð til þess að heilla Bret-
ana. „Ég sagði þeim að ég spilaði
með félaginu sem Ólafur Stefáns-
son ólst upp hjá. Sagði að frá þessu
félagi kæmu einnig leikmenn eins
og Dagur Sigurðsson, Sigfús Sig-
urðsson og Guðmundur Hrafnkels-
son. Það var um að gera að nýta
það sem ég get,“ segir Atli og hlær
við. henry@frettabladid.is
YRÐI ALGJÖR DRAUMUR
Valsarinn Atli Már Báruson hefur sótt um að komast í breska ólympíuliðið í
handbolta. Hinn tvítugi Atli hefur verið í sambandi við forráðamenn breska
liðsins, sem vilja ólmir fá hann til reynslu. Málið skýrist væntanlega í janúar.
ÓVÆNTUR FULLTRÚI ÍSLANDS Á ÓLYMPÍULEIKUNUM? Hinn tvítugi leikmaður Vals, Atli Már Báruson, er á góðri leið með að tryggja
sér sæti í ólympíuhópi breska landsliðsins í handbolta. FRÉTTABLAÐIÐ/ANTON
KÖRFUBOLTI Svíþjóðarmeistarar
Sundsvall Dragons eru enn á
toppi sænsku úrvalsdeildarinnar
eftir öruggan sigur á Södertälje.
Liðin voru jöfn að stigum fyrir
leikinn.
Hlynur Bæringsson skoraði 13
stig og tók 6 fráköst fyrir Sund-
svall. Jakob Örn Sigurðarson
skoraði 11 stig, tók 4 fráköst og
gaf 2 stoðsendingar. Pavel Ermol-
inskij skoraði 10 stig og gaf 8
stoðsendingar.
Helgi Már Magnússon fór
algjörlega á kostum og skoraði
heil 39 stig þegar lið hans, 08
Stockholm, lagði hans gamla
félag, Uppsala. Forráðamenn
Uppsala hafa klárlega séð á eftir
Helga í kvöld enda var þetta lang-
besti leikur hans í sænska bolt-
anum. Helgi tók einnig 7 fráköst í
leiknum og gaf 3 stoðsendingar.
Brynjar Þór Björnsson og
félagar í Jämtland höfðu síðan
betur gegn Loga Gunnarssyni og
félögum hans í Solna. Brynjar
og Logi skoruðu báðir 17 stig í
leiknum. - hbg
Sænski körfuboltinn:
Helgi Már
skoraði 39 stig
HELGI MÁR Gamli KR-ingurinn átti
ótrúlegan leik í gær. FRÉTTABLAÐIÐ/ANTON
HANDBOLTI Guðmundur Guðmunds-
son landsliðsþjálfari var ekki á
því að gefa Kára Kristjáni Krist-
jánssyni neina afmælisgjöf í gær
þegar Löwen, lið Guðmundar,
sótti Kára og félaga í Wetzlar
heim.
Löwen vann öruggan sigur,
27-33, og leiddi allan tímann.
Kári var í afmælisstuði og skil-
aði sínu fyrir Wetzlar. Var næst-
markahæstur með sex mörk. - hbg
Þýska úrvalsdeildin:
Afmælisbarnið
Kári tapaði