Fréttablaðið - 31.10.2011, Blaðsíða 2

31. október 2011 MÁNUDAGUR2
SKÓLAMÁL „Við erum að skoða
það að ræða við stjórnendur hjá
Reykjavík um þessi mál,“ segir
Fríða Ólafsdóttir, eftirlitsmað-
ur hjá Vinnueftirliti ríkisins,
um stöðuna í skólamötuneytum
borgarinnar.
Fríða segir fréttir undanfarið,
ábendingar sem hafi borist auk
skoðunarferða Vinnueftirlitsins
sjálfs hafa beint sjónum þess sér-
staklega að skólamötuneytunum.
„Í nokkrum grunnskólum er
ástandið nokkuð gott og jafn-
vel sumstaðar frábært en víða
mætti betur fara. Sum eldhús-
in eru þannig að þau eru ekki í
samræmi við fjöldann sem þau
eru að þjóna og mannhaldið ber
merki þess að það er alltaf verið
að skera niður,“ segir Fríða.
Eins og kom fram í Frétta-
blaðinu á dögunum segja Sam-
tök faglærðra matreiðslumanna í
grunnskólum Reykjavíkur starfs-
fólki hafa fækkað og að gífurlegt
álag sé því á starfsliðinu. Það
komi niður á gæðum matarins.
„Ekkert bendir til þess að gæði
matar hafi rýrnað, þvert á móti,“
segir í svari skóla- og tómstunda-
sviðs Reykjavíkurborgar við
fyrirspurn Fréttablaðsins vegna
gagnrýni matreiðslumannanna.
Með samræmdum innkaupum sé
lögð vinna í að tryggja sem mest
gæði á allri matvöru sem keypt
sé inn fyrir skólamötuneytin.
„Leitast er við að framreiða eins
hollan og góðan mat og mögulegt
er. Fylgst er með gæðum matar
og unnið eftir gæðahandbók.“
Þegar spurt er hvort skóla-
mötuneytin séu undirmönnuð og
álagið of mikið er svarið að þau
hafi tekið á sig hagræðingu eins
og flestar aðrar starfseiningar
og starfsþættir. „Skólastjórar
taka ákvörðun um ráðningar og
stöðugildi vegna skólamötuneyta
á forsendum fjárhagsáætlunar,“
bendir skólasviðið á.
Borgin segir að síðustu níu
mánuðum hafi starfshópur
skoðað rekstur allra skólamöt-
uneyta borgarinnar, meðal ann-
ars starfsmannahald þeirra
og verði niðurstöður þeirrar
vinnu kynntar innan skamms.
Fríða segir vandamálið einmitt
vera fjármagn. Skólarnir hafi
ekki notið góðærisins og nú sé
ástandið enn verra.
„Aðstæður eru orðnar erfiðar
því það er svo gríðarlega mikill
niðurskurður. Þá eru til dæmis
kannski keyptir pottar sem henta
ekki fyrir þann fjölda sem verið
er að elda. Þetta er mjög óheppi-
legt en það þarf að vera á brems-
unni alls staðar,“ segir Fríða
Ólafsdóttir. - gar
FÆREYJAR Sambandsflokkurinn og
Fólkaflokkurinn unnu sigur í þing-
kosningum í Færeyjum á laugar-
dag, en Þjóðveldisflokkur Høgna
Hoydal tapaði mestu.
Sambandsflokkurinn og Fólka-
flokkurinn voru saman í ríkis-
stjórn ásamt Jafnaðarflokkn-
um frá síðustu kosningum, sem
haldnar voru árið 2008, allt þar
til Fólkaflokkurinn sagði sig úr
stjórninni síðastliðið vor og skildu
hina flokkana tvo eftir í minni-
hlutastjórn.
Lögmaður Færeyja frá síðustu
kosningum hefur verið Kaj Leo
Johannesen, leiðtogi Sambands-
flokksins. Hann reynir nú vænt-
anlega að mynda nýja meirihluta-
stjórn.
Mikil endurnýjun varð á lög-
þinginu í þessum kosningum, því
16 nýir þingmenn taka nú sæti á
þinginu, sem er nærri helmingur-
inn af 33 manna þingi færeysku
landstjórnarinnar.
Einn nýr flokkur, sem heitir
Framsókn, náði tveimur mönnum
inn á þingið.
Tíu konur, tæplega þriðjungur
þingmanna, náðu kjöri í þetta
skiptið. - gb
Þingkosningar voru í Færeyjum í gær eftir hálfs árs minnihlutastjórn:
Sambandsflokkurinn áfram í stjórn
MENNTUN Anna Margrét Ólafs-
dóttir, leikskólastjóri á Nóa-
borg, hefur ýtt úr vör vefsíðunni
paxel123.com.
Síðan er leikja-
síða með leikj-
um sem eiga
að örva læsi
í stærðfræði
og móðurmáli
fyrir börn frá
fjögurra ára
aldri. Vefurinn
hefur hlotið
góðar viðtökur
og verið er að þróa suma leikina
yfir í apps fyrir iphone og ipad.
Leikjavefurinn er ókeypis,
þar eru engar auglýsingar, engin
skráning, engum persónuupplýs-
ingum safnað eða miðlað. Anna
Margrét er í góðu samstarfi við
kennara á öllum Norðurlöndun-
um og flestir notendur síðunnar
eru í Danmörku. - fsb / síða 14
KÁTIR KRAKKAR Í HÁTEIGSSKÓLA Gæði skólamáltíða hafa síst minnkað eftir hrunið
segir Reykjavíkurborg en Vinnueftirlitið segir mörg skólaeldhús hins vegar ekki henta
fyrir fjöldann sem þau eiga að þjóna og íhugar að taka málið upp við stjórnendur
borgarinnar. FRÉTTABLAÐIÐ/ANTON
Fjöldinn sprengir af
sér skólaeldhús víða
Vinnueftirlitið íhugar nú að ræða við Reykjavíkurborg vegna ástandsins í
eldhúsum skólamötuneyta sem víða henti ekki fjölda nemenda. Borgin segir
sparað þar eins og annars staðar. Gæði matarins hafi ekki rýrnað eftir hrunið.
ANNA MARGRÉT
ÓLAFSDÓTTIR
Leikskólastjóri í nýju hlutverki:
Leikjasíða á sjö
tungumálum
KAJ LEO JOHANNESEN Leiðtogi Sam-
bandsflokksins fær tækifæri áfram.
FRÉTTABLAÐIÐ/NORDEN.ORG
FARÞEGAR Í VANDRÆÐUM Tugir
þúsunda komust ekki leiðar sinnar.
NORDICPHOTOS/AFP
ÁSTRALÍA, AP Óháður dómstóll í
Ástralíu kvað í gær upp þann
úrskurð að ástralska flugfélagið
Qantas verði að hefja flug að nýju.
Stjórn flugfélagsins ákvað á
laugardag að hætta öllu flugi
vegna deilna við verkalýðsfélög,
sem höfðu ekki viljað semja við
félagið eftir að starfsemin var
skorin niður í sparnaðarskyni.
Úrskurðurinn felur í sér
að deiluaðilum er skipað að
hefja viðræður, sem í sjálfu
sér er sigur fyrir flugfélagið.
Alls urðu 70 þúsund manns í 22
löndum fyrir óþægindum vegna
flugstöðvunarinnar. - gb
Ástralskt flugfélag hætti flugi:
Skipað að hefja
flugferðir á ný
FÓLK Fimm hundruð unglingar
voru samankomnir á Lands-
móti æskulýðsfélaga kirkjunnar
sem fram fór um liðna helgi en
mótinu lauk í gær með messu í
Selfosskirkju.
Unga fólkið kom alls staðar að
af landinu til að fræðast og láta
gott af sér leiða en á laugardag
safnaði það meðal annars pen-
ingum í Kjarnanum á Selfossi
til styrktar munaðarlausum
börnum í Japan.
Séra Óskar Hafsteinn Óskars-
son, prestur í Selfosskirkju,
hrósaði krökkunum í predikun
sinni í gær og þá sagði Rakel
Brynjólfsdóttir landsmótsstjóri
landsmótið hafa gengið vel fyrir
sig. Helgin hefði verið yndis-
leg og krakkarnir hefðu sýnt að
þeir hefðu „hjarta úr gulli“. - rat
500 unglingar á landsmóti:
Krakkar með
hjarta úr gulli
Sverrir, verður það Sveppi eða
Herr Pilz sem mætir á sviðið?
„Ætli það verði ekki bara Mr.
Mushroom. Enska er eiginlega eina
málið sem ég tala sæmilega fyrir
utan íslensku.“
Sverrir Þór Sverrisson, eða Sveppi, mun
afhenda verðlaun á kvikmyndahátíð í
Lübeck í Þýskalandi á næstunni. Pilz
þýðir sveppur á þýsku.
Sum eldhúsin eru
þannig að þau eru
ekki í samræmi við fjöldann
sem þau eru að þjóna.
FRÍÐA ÓLAFSDÓTTIR
EFTIRLITSMAÐUR HJÁ VINNUEFTIRLITINU
ORKUMÁL Gerðardómur í deilu
Norðuráls og HS Orku vegna
álversins í Helguvík hefur frestað
úrskurði sínum um einn mánuð,
en vonast hafði verið eftir niður-
stöðu um þessi mánaðamót.
Dómarar við gerðardóminn
óskuðu eftir frestinum þar sem
þeir telja deilumálið um orku-
samninginn það viðamikið.
Þetta er í þriðja sinn sem
úrskurður frestast, en upphaf-
lega stóð til að að hann yrði kveð-
inn upp í lok júlímánaðar. Eftir
málflutning í maímánuði var
úrskurði frestað út september,
síðan var honum frestað út októ-
ber og nú til nóvemberloka.
Deila HS Orku og Norðuráls:
Enn beðið eftir
gerðardómi
BANDARÍKIN, AP Meira en þrjár
milljónir heimila í norðaustan-
verðum Bandaríkjunum urðu
rafmagnslaus í gær, þegar
hríðarveður skall á mun fyrr að
vetri en venja er til á þessum
slóðum.
Snjó kyngdi niður og var bæði
blautur og þungur, þannig að til
dæmis tré skemmdust víða.
Þótt snjókoman hafi hætt í
gær, þá var búist við að rafmagn
kæmist sums staðar ekki á aftur
fyrr en að nokkrum dögum
liðnum. - gb
Snjó kyngdi óvænt niður:
Milljónir urðu
rafmagnslausar
TRÚMÁL Endurskoðun á hlutverki
biskups og minna umfang stjórn-
sýslu kirkjunnar. Þetta er meðal
hugmynda sem
séra Örn Bárð-
ur Jónsson setti
fram í prédik-
un í Neskirkju
í gær.
Í prédikun
sinni lýsti Örn
Bárður yfir
áhyggjum af
fjárhagsstöðu
kirkjunnar.
Tekjur hafi dregist saman vegna
fækkunar á meðlimum og endur-
skoðunar á samningum kirkju og
ríkis. Segir Örn Bárður að haldi
þessi þróun áfram kunni það að
koma niður á starfi kirkjunnar
og bendir máli sínu til stuðnings
á nýlegar fréttir af því að fimm
starfsmönnum Háteigskirkju hafi
verið sagt upp vegna aðhalds-
aðgerða.
Til að bregðast við þessari þróun
leggur Örn Bárður til að skrifstofu-
húsnæði kirkjunnar við Laugaveg
og Biskupsgarður, íbúðarhús bisk-
ups við Bergstaðastræti, verði seld.
„Yfirstjórn kirkjunnar breytt-
ist 1997 þegar mörg verkefni færð-
ust frá ráðuneytinu og inn í kirkj-
una. Og þá óx biskupsstofa og risið
á kirkjunni varð svolítið bratt og
er svolítið bratt. Ég hef talað fyrir
því að það þurfi að lækka þetta ris
aftur,“ sagði Örn Bárður í prédikun
sinni.
Örn leggur einnig til að þjóð-
kirkjan kaupi hálft safnaðarheim-
ili Dómkirkjunnar sem standi varla
undir rekstri þess vegna skulda. Þá
mundi starfsemi biskups færast inn
í Dómkirkjuna.
„Ég vil að biskupinn sé niðri í
miðbæ og þjóni við Dómkirkjuna.
Messi þar einu sinni í mánuði þar
sem almenningur getur hlustað
og haft aðgang að honum,“ segir
Örn og bætir við: „Ég geri þá ráð
fyrir því að kirkjuþing og kirkju-
ráð mundu sjá um þessa ver-
aldlegu umsýslu. Og það mætti
framkvæma hana á skrifstofu á
ódýrara svæði en á Laugaveginum.
Á móti væri biskupinn ekki í þessu
veraldarvafstri.“
Loks viðurkennir Örn fúslega að
þessar hugmyndir séu ekki fullmót-
aðar. Þær megi hins vegar ræða og
þá komi vonandi eitthvað gott út úr
þeim. - mþl
Séra Örn Bárður Jónsson vill minnka yfirbyggingu þjóðkirkjunnar og selja eignir:
Endurskoða þarf hlutverk biskups
ÖRN BÁRÐUR
JÓNSSON
Ég vil að biskupinn
sé niðri í miðbæ og
þjóni við Dómkirkjuna.
ÖRN BÁRÐUR JÓNSSON
PRESTUR Í NESKIRKJU
Stigahlíð 45-47
Lögg. fasteignasali: Guðrún Hulda Ólafsdóttir Hdl.
896 1810
Sýnishorn úr söluskrá
• Sérstök sérverslun við Laugaveginn
• Þekktur matsölustaður – Öll tæki
• Bónstöð á besta stað
• Fyrirtæki með tekjuöflun í Noregi
• Nýr Pylsuvagn – Lækkað verð
• Arðvænt fyrirtæki fyrir Golfáhugamenn
• Rótgróinn söluturn – Stórlækkað verð!
• Vel staðsett hjólbarðaverkstæði
• Sumarbústaðir í nágr. Rvk. + 20 lóðir
Óskum eftir fyrirtækjum til skráningar!
Nánari upplýsingar veittar á skrifstofu
reynir@fyrirtaeki.is - www.fyrirtaeki.is
• Parketslípun – stór verkefni bókuð
• Ferðaskrifstofa á ótrúlegu verði
• Ein elsta hannyrðabúð landsins
• Snyrtilegur asískur veitingastaður
Afkastamikil hreingerningaþjónusta
Söluturna í ýmsum stærðum
afverktakafyrirtæki f. norðan
Sérverslun við Laugaveginn
Bónstöð á besta stað
SPURNING DAGSINS