Fréttablaðið - 31.10.2011, Blaðsíða 14
31. október 2011 MÁNUDAGUR14
MOSAIK
Hjartkær föðursystir mín, mágkona
og afasystir,
Hildur Thorarensen
áður til heimilis að Hagamel 42,
Reykjavík,
lést á Dvalar- og hjúkrunarheimilinu Grund,
laugardaginn 22. október. Jarðarförin fer fram frá
Neskirkju þriðjudaginn 1. nóvember kl. 13.00.
Ingibjörg Thorarensen Örvar Birkir Eiríksson
Þóra Ölversdóttir
Þórey Inga og Lovísa Rán
Yndislegi eiginmaður minn, faðir
okkar, tengdafaðir, tengdasonur og afi,
Franklín Friðleifsson
Nónhæð 1, Garðabæ,
sem varð bráðkvaddur á heimili sínu fimmtudaginn 20.
október, verður jarðsunginn frá Vídalínskirkju
í Garðabæ miðvikudaginn 2. nóvember kl. 11.00.
Heiðbjört Harðardóttir
Sólveig Franklínsdóttir Ernir Kr. Snorrason
Valgerður Franklínsdóttir Andri Már Ingólfsson
Halla Ágústsdóttir
Franklín Ernir, Alexander Snær og Viktor Máni
Elskuleg háöldruð móðir okkar og
ættmóðir fjögurra ættliða,
Hansína F. Guðjónsdóttir
áður búsett að Grandavegi 47,
lést á Hjúkrunarheimilinu Skjóli 18. október sl.
Útförin hefur farið fram í kyrrþey að ósk hinnar látnu.
Sérstakar þakkir eru færðar starfsfólki Skjóls fyrir
dásam lega umhyggju og hlýju. Þökk sé öllum sem hafa
sýnt vinar- og samúðarhug.
F.h. afkomenda,
Þröstur Sveinsson
Rúnar Sveinsson
Inga Björg Sveinsdóttir
Halldór Sveinsson
timamot@frettabladid.is
„Vefurinn fór í loftið núna í vor og um
helgina kom fimmti leikurinn inn á síð-
una sem er á sjö tungumálum,“ segir
Anna Margrét Ólafsdóttir, leikskóla-
stjóri á Nóaborg, sem ýtt hefur úr vör
vefsíðunni paxel123.com þar sem eru
leikir sem eiga að örva læsi í stærð-
fræði og móðurmáli fyrir börn frá
fjögurra ára aldri. „Þetta er byggt á
leikjum og viðfangsefnum sem ég bjó
til fyrir tólf árum í tengslum við þró-
unarverkefni sem ég var að vinna.
Leikirnir hafa verið mjög vinsælir hjá
börnunum hér á Nóaborg allan þennan
tíma og þess vegna fór ég að leita leiða
til að koma þessu á framfæri svo fleiri
gætu notið þess,“ segir Anna Margrét.
Leikjavefurinn er ókeypis, þar eru
engar auglýsingar, engin skráning,
engum persónuupplýsingum safnað
eða miðlað. „Þetta er eins öruggt og
það getur orðið,“ segir Anna Margrét.
„SAFT (Safer Internet Action Plan) á
Íslandi hefur verið að kynna verkefnið
erlendis við mjög jákvæðar undirtekt-
ir í sumar og haust. Markhópurinn er
krakkar sem eru að byrja að nota tölv-
ur þannig að allir leikirnir eru glað-
ir og litríkir, allar myndir handteikn-
aðar og Eyþór Gunnarsson og dóttir
hans, Elín Ey, hafa samið tónlistarstef
við hvern leik fyrir sig. Ég er með ein-
tóma snillinga í kringum mig í þessu
verkefni og fólk er ótrúlega tilbúið
til að leggja sitt af mörkum, það er
ómetanlegt.“
Verkefnið er eingöngu rekið með
styrkjum og þeir stærstu hafa komið
frá Nordplus språg og kultur. „Upphaf-
lega var verkefnið reyndar styrkt sem
leikjasíða fyrir sænsk börn á sænsku,“
segir Anna Margrét og hlær. „En síðan
fékk ég styrk frá Kennarasambandi
Íslands til að gera þetta á íslensku og
síðan hefur boltinn rúllað hratt.“ Leik-
irnir eru nú á öllum norðurlandatungu-
málunum, nema finnsku, auk færeysku
og grænlensku. Þýðing á finnsku er í
bígerð og fleiri tungumál eru vænt-
anleg, að sögn Önnu Margrétar. „Við
erum að þróa suma leiki yfir í apps
fyrir iphone og ipad, og greiðsla fyrir
niðurhal gæti í framtíðinni hjálpað
til við að þróa síðuna áfram, bæta við
leikjum og tungumálum.“
Anna Margrét segist hafa verið
í góðu samstarfi við kennara á
Norðurlöndunum og hafi Danir tekið
sérstaklega vel á móti síðunni en einn-
ig sé algengt að Íslendingar búsettir á
Norðurlöndunum beini börnum sínum
inn á síðuna endi henti hún vel fyrir
tvítyngd börn. „Flestir notendur núna
koma frá Danmörku,“ segir hún. „Ég
hef fengið alveg ótrúlega jákvæðar
undirtektir þaðan og er einmitt að
fara núna í nóvember til Kaupmanna-
hafnar til að funda með fullt af fólki
sem hefur áhuga á síðunni. Þetta er
allt óskaplega spennandi. En mestu
skiptir auðvitað að krökkunum finnst
þetta skemmtilegt og þetta á að vera
skemmtilegt. Og á meðan mér sjálfri
finnst þetta skemmtilegt þá held ég
áfram.“ fridrikab@frettabladid.is
ANNA MARGRÉT ÓLAFSDÓTTIR: OPNAÐI LEIKJASÍÐU Á SJÖ TUNGUMÁLUM
Þetta á að vera skemmtilegt
MIKILL ÁHUGI „Ég hef fengið alveg ótrúlega jákvæðar undirtektir, segir Anna Margrét Ólafs-
dóttir, leikskólastjóri á Nóaborg, sem þróaði leikjasíðuna paxel123.com. FRÉTTABLAÐIÐ/GVA
EINAR BENEDIKTSSON SKÁLD (1864-1940) fæddist þennan dag.
„Nú finnst mér það allt svo lítið og lágt, sem lifað er fyrir og barist er móti.“
Margrét Bretaprinsessa sendi frá sér yfirlýsingu
31. október 1955 þar sem hún lýsti því yfir að
hún væri hætt við að giftast hinum fráskilda
flugdeildarforingja Peter Townsend. Samband
þeirra hafði vakið mikla andstöðu og hefðu þau
gifst hefði Margrét þurft að afsala sér tilkalli til
krúnunnar þar sem hann var fráskilinn.
Samkvæmt breskum lögum mátti Margrét
ekki giftast fyrir 25 ára aldur án leyfis eldri
systur sinnar, Elísabetar drottningar, og eftir
það ekki án samþykkis breska þingsins. Hún
varð 25 ára í ágúst 1955 og þingið hafði þegar
lýst yfir að það myndi ekki samþykkja þennan
ráðahag.
Margrét sagði þó í yfirlýsingu sinni að hún
hefði tekið ákvörðunina upp á eigin spýtur og
eingöngu tekið mið af kenningum kirkjunnar
um að hjónaband ætti að endast út ævina. Svo
merk þóttu þessi tíðindi að BBC rauf útsend-
ingu til að lesa yfirlýsinguna fyrir alþjóð.
ÞETTA GERÐIST: 31. OKTÓBER 1955
Margrét prinsessa aflýsir giftingu
Sigríður Arnardóttir, Sirrý,
verður með opið fræðslu-
námskeið í Heilsuborg í
Faxafeni 14 þriðjudaginn 1.
nóvember frá klukkan 19.30
til 22.
Fyrirlestur hennar ber
yfirskriftina Að laða til sín
það góða. „Þetta er léttur og
kraftmikill fyrirlestur þar
sem þátttakendur fá í nesti
tæki og tól til að halda út í
framtíðina bjartsýnir og
upplitsdjarfir og laða að sér
hamingjudaga,“ segir Sirrý
um efni námskeiðsins.
Meðal þess sem hún
fjallar um eru spurningar
eins og „Hvað er það mikil-
vægasta í lífinu og hverju
getum við stjórnað?“,
„Hvernig löðum við að
okkur góða strauma og
hamingju?“ og „Hvern-
ig gefum við af okkur
jákvæða mynd og eflum
tengslanetið?“
Sirrý er félags- og fjöl-
miðlafræðingur og hefur
áralanga reynslu af nám-
skeiðahaldi í samskipta-
færni. „Fyrirlestrarnir
mínir fjalla um að halda í
kraft og sjálfstraust þrátt
fyrir mótbyr og krefjandi
tíma. Það hefur alltaf verið
húsfyllir og um að gera
að skrá sig sem fyrst hjá
Heilsuborg í Faxafeni 14,“
segir hún. - fsb
Sirrý laðar til sín það góða
FRÆÐSLUNÁMSKEIÐ HJÁ SIRRÝ „Fyrirlestrarnir mínir fjalla um að
halda í kraft og sjálfstraust,“ segir Sirrý. FRÉTTABLAÐIÐ/STEFÁN
Söngvarinn Þór Breið-
fjörð heldur tónleika á Café
Rosenberg við Klappar-
stíg ásamt hljómsveit sinni
föstudaginn 4. nóvember
klukkan 22.
Flutt verða lög eftir Þór
og ný smáskífa hans, sem
farin er að hljóma á öldum
ljósvakans og ber nafn-
ið Vetrarmorgunn, verður
frumflutt á tónleikunum,
ásamt velþekktum uppá-
haldslögum.
Þór er bæði söngvaskáld
og leikari og mun fara með
aðalhlutverkið í uppfærslu
Þjóðleikhússins á söngleikn-
um Vesalingarnir eftir ára-
mótin.
Þór Breiðfjörð á Café Rosenberg
Þór Breiðfjörð syngur á Café
Rosenberg á föstudagskvöld.