Fréttablaðið - 31.10.2011, Blaðsíða 46
31. október 2011 MÁNUDAGUR26
„Ég er rétt að byrja,“ segir söng-
konan Agnes Björt Andradóttir,
sem gekk nýlega til liðs við hljóm-
sveitina Sykur.
Sykur sendi í síðustu viku frá
sér plötuna Mesópótamía, sem er
önnur plata hljómsveitarinnar en
sú fyrsta sem Agnes Björt syngur
inn á. Sykur hefur hingað til feng-
ið til sín gestasöngkonur – Katrína
Mogensen úr Mammút og Rakel
Mjöll Leifsdóttir úr Útidúr hafa
gripið í hljóðnema með hljómsveit-
inni – en hin tvítuga Agnes Björt er
fyrsta söngkonan sem gerist með-
limur í hljómsveitinni. Það er vel
við hæfi þar sem hún er skráð rokk-
stjarna í símaskránni. „Já, maður.
Ég er rokkstjarna,“ segir hún, innt
eftir útskýringu á því.
„Ég er búin að vera að syngja
frá því að ég man eftir mér,“ segir
Agnes. Hún á ekki langt að sækja
hæfileikana, þar sem leikkonan
Elva Ósk Ólafsdóttir er móðir henn-
ar. „Hún er mjög sátt við að ég sé
að fá útrás. Við erum báðar mjög
andlegar og það er mikill listamað-
ur í okkur. Eins og reyndar pabba
mínum og öllum í kringum mig. En
mamma er svakaleg. Hún tjáir sig
mjög fallega og vel.“
En stóð þá aldrei til að þú færir að
leika í staðinn fyrir að syngja?
„Nei, það er ekki fyrir mig.“
Agnes lærði að eigin sögn allt sem
hún kann í kórstarfi. „Þetta byrjaði
hjá henni Þórunni Björnsdóttur kór-
stjóra. Hún er frábær manneskja.
Að vera í kór er eitthvað það besta
sem ég hef gert. Hingað til. Ég var
að ferðast út um allan heim með
barnakór þegar ég var lítil.“
Þar hófst rokkstjörnulífernið …
„Já, í kórnum, sko. Í alvöru, það
er það. Þetta er ekkert nunnulíf,“
segir Agnes í léttum dúr.
Agnes hefur unnið að eigin tónlist
ásamt því að vera í hljómsveitinni
Elevators. Mesópótamía er fyrsta
platan sem hún syngur inn á, það
hlýtur að vera skemmtilegt. Eða
hvað?
„Þetta er fyrsta platan mín,
maður. Hell yeah! þetta er mjög
góð tilfinning, skal ég segja þér, og
ég veit að það er að koma meira af
þessu í framtíðinni.“
atlifannar@frettabladid.is
SJÓNVARPSÞÁTTURINN
Að vera í kór er eitt-
hvað það besta sem
ég hef gert. Hingað til.
AGNES BJÖRT ANDRADÓTTIR
SÖNGKONA HLJÓMSVEITARINNAR SYKUR
AGNES BJÖRT ANDRADÓTTIR: ÉG ER RÉTT AÐ BYRJA
Rokkstjörnulífernið hófst í barnakór
FYRSTA PLATAN GÓÐ TILFINNING Agnes Björt er ný söngkona hljómsveitarinnar Sykurs, sem sendi nýlega frá sér fyrstu plötuna sína.
FRÉTTABLAÐIÐ/ANTON
„Þetta verður eins konar handbók
um allt sem herramaður nútímans
þarf að kunna,“ segir Kristinn
Árni Hróbjartsson höfundur upp-
flettiritsins Litla herramennsku-
kverið.
Kristinn hefur undanfarin
misseri haldið úti vefsvæðinu
plebbinn.is ásamt því að halda
fyrirlestra í menntaskólum um
herramennsku. Kristinn leitar
upplýsinga um herramennsku
bækur, vefsíður og kvikmyndir.
„Ég hef sjálfur verið að pæla í
þessu í langan tíma, lesið bækur,
vefsíður og horft á kvikmynd-
ir, aðallega þær sem fjalla um
breskt hefðarfólk,“ segir Kristinn
sem telur sig geta heimfært þessa
þekkingu sína inn í nútímasam-
félag. „Herramaður er orð sem
hefur fest i tímaskekkju. Herra-
mennska er lífsstíll og gefur líf-
inu ákveðið gildi. Maður á venja
sig á það að koma vel fram við
annað fólk.“
Ásamt Kristni sjá Brynjar
Guðnason og Júlíus Valdimars-
son um að útlit bókarinnar verði
sem glæsilegast, ef bókin fær
yfirhöfuð að koma út. „Þetta er í
fyrsta sinn sem við gefum út bók
og runnum því frekar blint í sjó-
inn. Svo rákumst við á skemmti-
lega fjármögnunarleið sem kallast
hópfjármögnun,“ segir Kristinn
en félagarnir ætla að freista þess
að geta fjármagnað útgáfu bók-
arinnar með því að safna saman
peningum á ástralskri vefsíðu
þar sem fólk getur keypt eintök
af bókinni og styrkt útgáfu bók-
arinnar um ýmsar upphæðir. Ef
ekki næst að safna fyrir útgáf-
unni, sem er rúmlega 400 þús,
kemur bókin einfaldlega ekki út
og þeir sem hafa styrkt verkefnið
og keypt sér eintak fá endurgreitt.
„Þetta verður glæsileg bók sem
allir verða að eiga á stofuborðinu
sínu. Svona uppflettirit og kjör-
in jólagjöf fyrir unga sem aldna
herramenn.“ Hægt er að kaupa
bókina og styrkt útgáfu hennar á
vefsíðunni herramennska.pozible.
com. -áp
Rit fyrir nútíma herramanninn
Þjóðleikhúsið hefur tryggt sér réttinn að upp-
færslu leikverks upp úr bókinni Konan við
1000° eftir Hallgrím Helgason. Höfundurinn og
þjóðleikhússtjóri, Tinna Gunnlaugsdóttir, skrif-
uðu undir samning þess efnis fyrir skemmstu.
Bókin, sem er meðal annars innblásin af sögu
barnabarns Sveins Björnssonar, kom fyrst
út í Þýskalandi í tengslum við bókamessuna
í Frankfurt en er núna fáanleg í íslenskum
bókaverslunum.
Tinna sagðist í samtali við Fréttablaðið hafa
kolfallið fyrir bókinni þegar hún las hana, hún
hafi nánast lesið hana í einum bita. Hún viður-
kennir að þetta sé vissulega „stór“ bók sem fari
víða. „Og það verður spennandi að sjá hvernig
hægt verður að koma þessu upp á svið. Aðal-
persónan, Herbjörg María, er náttúrlega alveg
mögnuð persónusköpun.“
Hallgrímur segir þetta vissulega vera spenn-
andi verkefni. Þrátt fyrir að höfundurinn sé
nýkominn heim úr mikilli reisu frá Þýskalandi
er hann á leiðinni út aftur, nú til Austurríkis,
nánar tiltekið Salzburg, en leikverk upp úr bók
hans, Tíu ráð, verður frumsýnt á fimmtudaginn
í næstu viku. „Þetta verður svolítið slungið
verkefni, þetta er flókin saga sem gerist á
mörgum tímabilum og að miklu leyti í
hausnum á einni manneskju,“ segir Hall-
grímur, en líklegt þykir að skáldið sjálft
skrifi leikgerðina. „Mér finnst alveg
gaman að vinna í leikhúsi, ég hef skrifað
leikrit sem ekki hafa verið sett upp og
svo leikrit sem hafa verið sett upp en
fengið misjafnar viðtökur. Maður er því
bara eins og brennt barn sem sækir í
eldinn.“ - fgg
Hallgrímur semur við Þjóðleikhúsið
HERRAMAÐUR FRAM Í FINGURGÓMA Kristinn Árni Hróbjartsson freistar þess, ásamt
þeim Brynjari Guðnasyni og Júlíusi Valdimarssyni, að gefa út Litla herramennsku-
kverið fyrir jól. FRÉTTABLAÐIÐ/VALLI
„Ég er vandræðalega föst í
Grey‘s Anatomy, það er svo gott
að gráta. Svo er það The Killing
sem er líka fantagóður.“
Sigríður Eyrún Friðriksdóttir leikkona.
MARGSLUNGIN BÓK Tinna Gunnlaugsdóttir las
bók Hallgríms Helgasonar nánast í einum bita og
nú hefur Þjóðleikhúsið samið um réttinn á upp-
færslu leikgerðar upp úr henni. Hallgrímur mun
að öllum líkindum skrifa leikgerðina sjálfur.
Alla virka daga kl. 18.00
Disovery Channel er fáanleg í ALLT FRÆÐSLA TOPPUR LANDSBYGGÐ
Í jólabókaflóðinu er
jafnan mest spenn-
andi að sjá hver
selur næstmest á
eftir Arnaldi
Indriðasyni. Í
jólaplötuflóð-
inu er ekkert
slíkt uppi
á ten-
ingnum og
keppnin um
söluhæstu plötuna er oft ansi hörð.
Um þessar mundir virðast Mugison
og Of Monsters and Men vera
vinsælustu listamenn landsins og
ætla greinilega að enda ofarlega á
sölulistum ársins. Nanna Bryndís
Hilmarsdóttir og félagar í Of
Monsters and Men eiga vinsælustu
lög landsins en Mugison selur
fleiri plötur. Mugison hefur aldrei
farið eins hratt af stað í sölu og
verður forvitnilegt að sjá hvort
Haglél heldur vinsældum sínum
þegar nær dregur jólum. Enn eiga
eftir að koma plötur með lista-
mönnum sem selja jafnan grimmt,
til að mynda með Hjálmum og Páli
Óskari, svo allt getur enn gerst.
Tveir fyrrverandi kvikmyndagagn-
rýnendur Fréttablaðsins hafa tekið
höndum saman um opnun nýs
kvikmyndavefs, Svarthöfða. Þetta
eru þeir Þórarinn Þórarinsson og
Vignir Jón Vignisson
sem báðir hafa
ódrepandi áhuga
á kvikmyndum
og ættu að hafa
nóg fram að færa
í skrifum sínum.
Vefurinn fer í loftið á
morgun. Slóðin er
Svarthofdi.is.
- hdm
FRÉTTIR AF FÓLKI