Fréttablaðið - 26.11.2011, Blaðsíða 10
26. nóvember 2011 LAUGARDAGUR10
LÖGREGLUMÁL Rúm sjötíu prósent
fólks, sem spurt var um afstöðu
til þess hvort heimila eigi lög-
reglumönnum að bera skotvopn
við almenn skyldustörf, voru því
andvíg.
Þetta kemur fram í nýrri könn-
un MMR um ofangreint efni.
Könnunin var gerð dagana 21. til
23. nóvember og var svöruðu alls
963 einstaklingar. Aðrar helstu
niðurstöður voru þær að and-
staðan við skotvopnaburð lög-
reglu eykst með hækkandi aldri
og að fleiri konur en karlar eru
hlynntar því að heimila eigi lög-
reglumönnum að bera skotvopn.
Þannig voru 33,5 prósent kvenna
fylgjandi slíkum vopnaburði
borið saman við 25,9 prósent
karla.
Einnig var nokkur munur á
afstöðu milli einstakra tekjuhópa.
Þannig sögðust 34,3 prósent fólks
með heimilistekjur á bilinu 250 til
399 þúsund á mánuði frekar eða
mjög fylgjandi því að lögreglu-
mönnum væri heimilað að bera
skotvopn við almenn skyldustörf,
borið saman við 25 prósent fólks
með 800 þúsund eða meira á mán-
uði. - jss
MMR kannaði afstöðu fólks til skotvopnaburðar lögreglu við almenn skyldustörf:
Rúm 70 prósent vilja byssulausar löggur
SAMFÉLAGSMÁL Fimm konur og einn
aðgerðahópur hlutu viðurkenningu
Stígamóta í ár. Viðurkenningin var
veitt í gær, á alþjóðlegum baráttu-
degi gegn kynbundnu ofbeldi.
Berit Ås, Guðrún Ebba Ólafsdótt-
ir, María Lilja Þrastardóttir, Mar-
grét Pétursdóttir, Sóley Tómasdótt-
ir og aðgerðahópurinn Stóra systir
hlutu viðurkenningu. Í tilkynningu
frá Stígamótum segir að í ár hafi
sjónum verið beint að „þeim hug-
rökku konum sem á ólíka vegu hafa
fylgt réttlætiskennd sinni og rutt
brautina fyrir raunverulegt kven-
frelsi“. Sumar hafi dansað á mörk-
um hins löglega, og allar hafi þær
mætt ýmiss konar andstöðu.
„Á Stígamótum trúum við því að
slíkar konur gegni mjög mikilvægu
hlutverki. Það er kominn tími til að
hampa þeim og lyfta þeim upp í ljós-
ið. Láta alþjóð vita að við stöndum
með þeim og séum þakklátar fyrir
hugrekki þeirra. Ekki veitir af á
Íslandi ef við viljum með réttu telj-
ast paradís kynjajafnréttis.“ Viður-
kenningarhafarnir fluttu allar ræðu
um ögranir við afhendinguna, sem
fór fram í Norræna húsinu. - þeb
Dagur gegn kynbundnu ofbeldi var í gær og Stígamót veittu viðurkenningar:
Hugrakkar konur viðurkenndar
VIÐURKENNINGARHAFAR Konurnar sem
hlutu viðurkenningar og fulltrúar þeirra
að lokinni athöfn í gær. MYND/STÍGAMÓT
Könnun MMR 21.-23 nóvember 2011
Hversu fylgjandi eða andvíg(ur) ert þú því að lögreglumönnum verði heimilað að
bera skotvopn við almenn skyldustörf?
40
30
20
10
0
HEIMILD: MMR
Mjög fylgjandi Frekar fylgjandi Frekar andvíg(ur) Mjög andvíg(ur)
7,6%
21,9%
34,5% 36,0%Íslendingar á aldr-
inum 18-67 ára
97% tóku afstöðu
Svarfjöldi: 963
einstaklingar
HAFNARFJÖRÐUR Sjálf Grýla hyggst
hjálpa gestum í Jólaþorpinu í
Hafnarfirði við að telja niður að
tendrun jólatrésins í miðju þorp-
inu síðdegis í dag.
Jólaþorpið opnar klukkan eitt og
ljósin á trénu verða tendruð klukk-
an fimm. Tréð er gjöf frá vinabæ
Hafnarfjarðar, Friðriksbergi í
Danmörku, og mun danski sendi-
herrann taka að sér að kveikja á
ljósunum. Lúðrasveit Hafnarfjarð-
ar leikur nokkur lög og Karlakór-
inn Þrestir syngur. - sh
Jólaþorpið opnar í dag:
Grýla tendrar
ljósin á trénu
ÍÞRÓTTIR Fimmtíu ár voru í gær
liðin frá því að Vesturbæjarlaug
var vígð. Afmælinu var fagnað í
lauginni í gær.
Eva Einarsdóttir, formað-
ur Íþrótta- og tómstundaráðs
Reykjavíkur, og Gísli Marteinn
Baldursson, formaður Íbúasam-
taka Vesturbæjar, fluttu ávörp.
Þá var boðið upp á kökur og kaffi
í afgreiðslu laugarinnar.
Áframhaldandi hátíðahöld
verða í heila viku, þar sem laugin
var tekin í notkun fyrir almenn-
ing viku eftir að hún var vígð.
- þeb
Afmælisveisla í heila viku:
Vesturbæjar-
laug fimmtug
FAGNAÐ Í LAUGINNI Eva Einarsdóttir,
formaður ÍTR, flutti erindi í tilefni af
fimmtíu ára afmæli Vesturbæjarlaugar-
innar í gær. FRÉTTABLAÐIÐ/VALLI
GRINDAVÍK Pálmi Ingólfsson hefur
verið ráðinn skólastjóri við
Grunnskóla Grindavíkur eftir að
Páll Leó Jónsson hætti störfum á
dögunum.
Á vef bæjarins segir af for-
eldrafundi sem haldinn var um
skólamál í bænum í fyrrakvöld
og er haft eftir Róberti Ragnars-
syni bæjarstjóra að ástæða
starfsloka Páls hafi fyrst og
fremst verið „stjórnunarvandi“.
Harmaði hann „ósanngjarna
og ranga umræðu“ um starfslok
Páls.
Endurspegla þessi ummæli
skoðun bæjarráðs sem þakkaði
Páli auk þess samstarfið undan-
farin ár. - þj
Skólastjóraskipti í Grindavík:
Harma „ósann-
gjarna“ umræðu
FRÁ GRINDAVÍK Bæjaryfirvöld þökkuðu
fyrrverandi skólastjóra samstarfið og
sögðu umræðu um starfslok hans hafa
verið ósanngjarna. FRÉTTABLAÐIÐ/VALLI
Lögregla fundar með íbúum
Árlegur fundur lögreglunnar með
hagsmunaaðilum í miðborginni
verður haldinn í félagsmiðstöðinni
Vesturgötu 7 klukkan fjögur síðdegis
á mánudag. Á fundinum kynnir lög-
reglan helstu þætti í starfi sínu í
hverfinu, fer yfir tölfræði og er til við-
ræðu um lögreglumál í hverfinu.
FUNDUR
1. Hvaða góðgerðasamtök standa
fyrir sölu á rauða nefinu um þessar
mundir?
2. Hvaða lið situr nú í efsta sæti
N1-deildarinnar í handknattleik
karla?
3. Hvað heitir smásagnasafn Ólafs
Gunnarssonar sem gefið verður út í
Bandaríkjunum?
SVÖR:
1. UNICEF, Barnahjálp Sameinuðu
þjóðanna. 2. Haukar. 3. Meistaraverkið.
VEISTU SVARIÐ?