Fréttablaðið - 28.11.2011, Blaðsíða 2
28. nóvember 2011 MÁNUDAGUR2
Stigahlíð 45-47
Lögg. fasteignasali: Guðrún Hulda Ólafsdóttir Hdl.
896 1810
Sýnishorn úr söluskrá
• Sérstök sérverslun við Laugaveginn
• Þekktur matsölustaður – Öll tæki
• Bónstöð á besta stað
• Fyrirtæki með tekjuöflun í Noregi
• Nýr Pylsuvagn – Lækkað verð
• Arðvænt fyrirtæki fyrir Golfáhugamenn
• Rótgróinn söluturn – Stórlækkað verð!
• Vel staðsett hjólbarðaverkstæði
• Sumarbústaðir í nágr. Rvk. + 20 lóðir
Óskum eftir fyrirtækjum til skráningar!
Nánari upplýsingar veittar á skrifstofu
reynir@fyrirtaeki.is - www.fyrirtaeki.is
Hársnyrtistofa – mjög vel staðsett.
Framleiðsl á vönduðum minjagripum
Vél til a framleið BioDiesel
Þekkt innrömmunarfyrirtæki
Afkastamikil hreingerningaþjónusta
Verslanir við Laugaveginn
Bílaleiga/ferðaþjónusta
Stór lágvöruverslun - inkaumboð
Einstaklega vel staðsett bónstö
SPURNING DAGSINS
LIST „Þetta er stórmerkilegur
gripur,“ segir Jóhann Hansen
hjá Gallerí Fold um postulíns-
vasa með mynd
af Bessastöð-
um sem er til
sölu hjá danska
uppboðshald-
aranum Bruun
Rasmussen.
Verðið á vas-
anum er á bilinu
ein og hálf til
tvær milljónir
íslenskra króna.
Myndin á vasanum var máluð á 19.
öld af Dananum F. T. Kloss þegar
hann kom til Íslands ásamt Frið-
riki Danakonungi. Talið er að tveir
vasar hafi verið gerðir en annar
þeirra brunnið hjá konungsfjöl-
skyldunni. Hinn var gefinn Scheel-
fjölskyldunni, sem er núna að selja
gripinn og lýkur uppboðinu í dag.
„Hann myndi sóma
sér vel, til dæmis, á
Bessastöðum. Þetta er
gullfallegur vasi, stór-
glæsilegur og örugg-
lega merk heimild,“
segir Jóhann. Hann
bætir við að nokkuð
mörg verk eftir sama
listmálara liggi eftir
hann frá þessari Íslands-
ferð árið 1834.
Spurður út í verðmatið
á vasanum telur Jóhann
að það sé hæfilegt. „Þessi
vasi hefur kannski meiri
þýðingu fyrir Ísland og
Íslendinga en til dæmis ein-
hvern Dana. Ég held að for-
setaembættið hafi engar leiðir
til að kaupa svona en það væri
ráð ef einhverjir myndu slá
saman og bjóða í þetta fyrir
embættið.“
Listasafn
Íslands fer með
öll mál varðandi
listaverk á Bessa-
stöðum og öðrum
opinberum stöðum.
Þar á bæ kannaðist
enginn við postu-
línsvasann glæsi-
lega og ekki heldur
forsetaritarinn Örn-
ólfur Thorsson. „Við
höfum nú ekki ráð-
rúm til þess að kaupa
mikið þessa dagana,“
segir hann. - fb
JÓHANN HANSEN
GLÆSILEGUR Myndin á vasanum
glæsilega var máluð á 19.
öld.
Postulínsvasi frá nítjándu öld boðinn upp hjá dönskum uppboðshaldara:
Íslandsvasi til sölu á 2 milljónir
DÓMSMÁL Mál Leifs Ivars Kristi-
ansen, leiðtoga Vítisengla í Noregi,
verður flutt í Héraðsdómi Reykja-
víkur í dag.
Leif Ivar var stöðvaður við
komuna til Íslands þann áttunda
febrúar í fyrra. Hann gisti fanga-
geymslur í Reykjanesbæ yfir eina
nótt og var svo sendur með flugvél
til Noregs. Ákvörðun um brottvís-
unina var tekin af Útlendingastofn-
un. Leif Ivar kærði þá ákvörðun til
viðkomandi ráðuneytis, sem þá hét
dómsmálaráðuneytið, en ákvörð-
un Útlendingastofnunar var stað-
fest. Leif Ivar ákvað því að stefna
íslenskum stjórnvöldum fyrir Hér-
aðsdóm Reykjavíkur. - jhh
Leiðtogi Vítisengla í Noregi:
Mál Vítisengils
fyrir dóm í dag
Ingibjörg Þórunn Jónasdóttir
Rafnar lögfræðingur er látin,
61 árs að
aldri. Hún
lést í gær
eftir baráttu
við krabba-
mein.
Ingibjörg
fæddist á
Akureyri
hinn 6. júní
1950. Hún
starfaði bæði sem lögfræð-
ingur, umboðsmaður barna
og gegndi ýmsum félags- og
trúnaðarstörfum. Eiginmaður
Ingibjargar er Þorsteinn Páls-
son, fyrrverandi ráðherra og
ritstjóri Fréttablaðsins. Börn
þeirra eru Aðalheiður Inga,
Páll Rafnar og Þórunn.
Ingibjörg
Rafnar er látin
HEILBRIGÐISMÁL Þrjú hundruð
manns leituðu á bráðamóttöku
Landspítalans á sex ára tímabili
vegna parasetamóleitrunar. Einn
þeirra lést úr lifrarbilun.
Parasetamóleitrun er ein
algengasta orsökin fyrir bráðri
lifrarbilun í vestrænum löndum.
Parasetamól má til að mynda finna
í lyfjunum Panodil og Paratabs.
Í vikunni var birt rannsókn þar
sem kannað var hversu algeng
parasetamóleitrun er hér á landi.
Ingibjörg Kjartansdóttir lífeinda-
fræðingur vann rannsóknina undir
leiðsögn Einars Björnssonar, yfir-
læknis í meltingarsjúkdómum. - fb
Parasetamóleitrun á Íslandi:
Þrjú hundruð á
bráðamóttöku
DÝRALÍF Eyruglu var á dögunum
bjargað undan hrafnahópi í Vest-
mannaeyjum og farið var með
hana á Náttúrugripasafnið við
Heiðarveg þar í bæ. Uglan var í
ágætu ásigkomulagi og var frels-
inu fegin þegar henni var sleppt
lausri daginn eftir. Talið er að
uglan hafi haft viðdvöl í Eyjum
í nokkrar vikur ásamt annarri
stærri uglu, að því er kom fram
á Eyjafrettir.is. Fjölmargir hafa
séð þessar tvær uglur á ferli,
aðallega við Hraunskóg í nýja
hrauninu sunnan við Skanssvæðið
og umhverfinu þar um kring. - fb
Bjargað undan hrafnahópi:
Eyruglu sleppt
lausri í Eyjum
SLEPPT LAUSRI Uglunni var sleppt lausri
í Vestmannaeyjum um helgina eftir
dvölina á Náttúrugripasafninu.
MYND/JÚLÍUS G. INGASON
ALÞINGI Alþingi skal fela ríkis-
stjórninni að endurskoða allt laga-
umhverfi er varðar rétt erlendra
aðila til kaupa á bújörðum, öðru
nytjalandi og óbyggðum. Guðfríð-
ur Lilja Grétarsdóttir, þingkona
VG, leggur fram þingsályktunar-
tillögu um málið í dag.
Guðfríður Lilja segir markmiðið
með endurskoðuninni meðal ann-
ars vera að koma í veg fyrir kaup
erlendra aðila sem ekki hafa hér
lögheimili eða fasta búsetu á landi.
Endurskoðun laganna eigi jafn-
framt að huga að þáttum eins og
landstærð, nýtingu landgæða og
fjölda landareigna sem almennt
sé heimilt að verði á hendi eins og
sama aðila.
„Í því samhengi er ítrekuð nauð-
syn þess að horfa til umhverfis-
sjónarmiða, ákvæða um almanna-
rétt og opinbers eignarhalds á
auðlindum,“ segir Guðfríður Lilja.
Í ályktuninni kemur fram að
nauðsynlegt sé að huga að almenn-
um viðmiðum eins og landstærð og
fjölda og mikilvægi ákvæða um
almannarétt í allri lagaumgjörð og
taka þar meðal annars mið af sér-
stökum aðstæðum varðandi land-
búnað og auðlindir.
„Jafnframt er bent á hversu veik
auðlindalöggjöfin er hérlendis þar
sem auðlindir, eins og til dæmis
grunnvatn, eru sjálfkrafa einka-
eign landeiganda,“ segir Guðfríður
Lilja, sem hefur stuðning flokks-
félaga sinna í málinu.
Jóhanna Sigurðardóttir forsæt-
isráðherra er ósammála því sem
kemur fram í tillögunni.
„Mér finnst þessi tillaga óskyn-
samleg og hún er ekki í samræmi
við stjórnarsáttmálann né þá
stefnumörkun sem unnið hefur
verið að varðandi erlenda fjárfest-
ingu,“ segir hún. - sv, mþl
Forsætisráðherra telur nýja þingsályktunartillögu um landkaup óskynsamlega:
Útlendingum verði bannað að kaupa land
GUÐFRÍÐUR LILJA
GRÉTARSDÓTTIR
JÓHANNA SIG-
URÐARDÓTTIR
Ómar, varstu alveg gáttaður á
viðtökunum sem þið fenguð?
„Já og ekki síður á lúðrahljómnum
í Stórsveitinni. Það voru sko engir
Leppalúðrar.“
Ómar Ragnarsson og Gáttaþefur héldu
tónleika í gær með Stórsveit Reykjavíkur.
Líkamsárás í Hafnarfirði
Tveir menn voru handteknir og einn
fluttur á sjúkrahús eftir líkamsárás í
heimahúsi í Hafnarfirði í fyrrinótt. Sá
særði var talinn höfuðkúpubrotinn.
LÖGREGLUFRÉTTIR
UMHVERFISMÁL Fóðurframleiðsla
fyrirtækisins Líflands á iðnaðar-
svæðinu á Grundartanga er harð-
lega gagnrýnd af Umhverfisvakt-
inni við Hvalfjörð (UH). Á það er
bent að fyrirtækið sé innan þynn-
ingarsvæðis eiturefna. Fram-
kvæmdastjóri Líflands hafnar því
að ástæða sé til að gagnrýna rekst-
urinn á svæðinu. Mælingar sýni að
magn eiturefna í andrúmslofti á
þynningarsvæðinu sé undir þeim
mörkum sem sett eru fyrir svæði
utan þynningarsvæðisins.
Umhverfisvaktin, sem eru sam-
tök áhugafólks um umhverfismál
í Hvalfirði, ályktuðu á fyrsta aðal-
fundi samtakanna á dögunum að
það væri „óhugnanleg staðreynd“
að innan þynningarsvæðis brenni-
steins og flúors sé unnið fóður til
framleiðslu landbúnaðarvara.
„Fyrir búfjárframleiðslu á Íslandi
er ólíðandi með öllu að hugsanlega
sé verið að flytja skaðleg efni af
iðnaðarsvæðinu á Grundartanga
út um hinar dreifðu byggðir lands-
ins í formi dýrafóðurs.“
Bergþóra Þorkelsdóttir, fram-
kvæmdastjóri Líflands, segir í
skriflegu svari við fyrirspurn
Fréttablaðsins að fyrirtækið hafi
starfsleyfi frá Matvælastofnun
(MAST) sem hafi farið ítarlega
yfir starfsemi verksmiðjunnar frá
því að hún var reist, meðal annars
með sýnatökum. Á svæðinu sé
umhverfisvöktun, samþykkt af
Umhverfisstofnun, sem hafi sýnt
að magn efna í andrúmslofti er
undir þeim mörkum sem sett eru
fyrir svæði utan þynningarsvæð-
isins.
Bergþóra segir jafnframt að
Lífland geri þær kröfur til yfir-
valda, nágranna sinna og hafn-
aryfirvalda að eftirlit með losun
mengandi efna sé með þeim hætti
að ekki stafi hætta af þeim. „Að
lokum finnst mér vert að hvetja til
þess að umræða sem þessi sé vönd-
uð og að ekki séu búin til vandamál
þar sem þau eru ekki til staðar. Við
búum í landi með sterka innviði og
þar sem miklar kröfur eru gerðar
til atvinnurekstrar þegar kemur að
mengunar- og gæðamálum.“
Ragnheiður Þorgrímsdóttir,
formaður Umhverfisvaktarinnar,
segir að staðsetning Líflands verði
að skoðast í því ljósi að hugmyndir
séu uppi um framleiðslu á álgjalli,
brotastáli á svæðinu auk klórverk-
smiðju. „Við teljum það mikið álita-
mál að þetta sé í lagi. Við furðum
okkur á því hvernig mönnum dett-
ur þetta í hug í ljósi þess hve hættu-
leg efni eru í notkun á svæðinu;
flúor og brennisteinn. Svo er þetta
kryddað með þungmálmum,“ segir
Ragnheiður sem segir stærsta ein-
staka mál Umhverfisvaktarinnar
að stemma stigu við frekari meng-
andi iðnaðar uppbyggingu í firðin-
um. svavar@frettabladid.is
Framleiðsla fóðurs á
iðnaðarlóð gagnrýnd
Umhverfisvaktin við Hvalfjörð furðar sig á framleiðslu fóðurs innan þynningar-
svæðis eiturefna á iðnaðarsvæðinu á Grundartanga. Fyrirtækið segir hráefni
geymd og unnin í lokuðum kerfum. Vöktun og eftirlit sé auk þess strangt.
IÐNAÐARSVÆÐIÐ Á GRUNDARTANGA Sambýli fóður-, áls-, og járnblendiframleiðslu
er gagnrýnt af umhverfissamtökum. FRÉTTABLAÐIÐ/GVA