Fréttablaðið - 28.11.2011, Blaðsíða 39
MÁNUDAGUR 28. nóvember 2011 19
ODDNÝ EIR ÆVARSDÓTTIR RITHÖFUNDUR
Bækur ★★★★
Jarðnæði
Oddný Eir Ævarsdóttir
Bjartur
Í upphafi sögu er aðalpersón-
an Oddný stödd hjá foreldrum
sínum, nýskilin að nálgast fer-
tugt. Hún leitar upplýsinga um
rætur sínar, forfeður og mæður,
og leggur ásamt kærasta sínum
Fugla upp í eins konar
píla-
gríms-
för
um
land-
ið. Þau
gera
sér far
um að
njóta
náttúr-
unnar
til fulln-
ustu,
gista í
tjaldi,
smyrja
nesti,
heimsækja rústir og gamalt fólk,
pæla í ættfræði, sögu og forn-
leifafræði.
Athvarf hafa Oddný og Fugli
í Hveragerði og þar dvelja þau
milli ferðalaga, í nánum félags-
skap Ugla, bróður Oddnýjar.
Ísland er kannað, en líka stokk-
ið til Parísar, Basel og London án
þess að ástæða þyki til að gera
meira veður yfir því en að bruna
til Stykkishólms.
Sögukonan Oddný er æði forn
í háttum, gáfuð, gagnmenntuð og
hæfileikarík. Hún hefur ferðast
víða, leikur fjórhent á píanó með
vinum sínum og hefur séð fleiri
kínverskar kvikmyndir en banda-
rískar. Hún er hafin yfir dægur-
þras en skrifar mikið, grúskar og
spekúlerar. Pælingar hennar og
samræður við fólk snúast heldur
ekki um neitt hjóm:
„Við systkinin elduðum saman
nautatungu með estragoni og
spjölluðum á meðan. Sökktum
okkur ofan í eitt þessara spjalla
sem manni finnst vera eins og
botnlaust og alltaf meiri opnun,
dýpri skilningur og fjör í beinum.
Eftir að hafa rætt aðeins um sam-
búðarformið kom okkur saman
um að gamla stórfjölskyldubýlið
væri framtíðin, ef við fyndum því
nýtt form.
Ég hef þó nokkra fyrirvara
um stórfjölskyldufyrirbærið.
Hef verið að rifja upp greiningu
Hönnuh Arendt á opinberu rými
og útrýmingu þess, á uppruna
alræðisins og endalokum lýðræð-
isins.“ (114)
Eins og sjá má af þessu broti
mun Oddný Eir ekki veita Arn-
aldi Indriðasyni neina samkeppni
á þessari vertíð, enda skrifar hún
ekki fyrir þau sem vilja hraða og
spennu eða plott sem gengur full-
komlega upp í lokin. Þvert á móti
er Oddný einhvers konar and-
Arnaldur (án þess að ég treysti
mér til þess að skýra það nánar).
Verkið er tileinkað fugla- og
fornleifafræðingum. Báðar
fræðigreinar eru á áhugasviði
höfundar, en líka sagnfræði,
heimspeki, bókmenntir og ætt-
fræði. Saman við er svo líka nátt-
úruverndaráhuginn, en vel er
hamrað á honum í lok bókarinnar
þegar hinn ljóðelski Nubo hefur
falast eftir því að fá að kaupa
risajörð þar sem pabbi Oddnýj-
ar ólst upp og þau systkinin eiga
rætur. Þetta er sársaukafullt
fyrir sögukonuna þar sem hún
er á móti slíkum umsvifum stór-
Leitað að rótum og næði
laxa og hana dreymir um sjálf-
bært samfélag í litlum einingum.
Sagan er nokkuð seinlesin þó
að hún sé ekki sérstaklega löng.
Kannski er það vegna þess að
textinn er djúpur og margbrot-
inn, en verður á stöku stað tyrf-
inn og þá er daðrað við tilgerð.
D.: „Í iðinni og glaðri hunangs-
ilmandi hlýju í ljósi nýjustu hug-
ljómunar.“ (139)
Jarðnæði fjallar um leitina að
rótunum, leitina að næði til þess
að vera maður sjálfur í samfélagi
við annað fólk, leitina að næði til
þess að skapa. Já, leitina að jarð-
næði.
Oddný Eir hefur nú þegar skap-
að sér sérstöðu meðal íslenskra
höfunda. Texti hennar er bæði
fallegur og stórfróðlegur í senn,
stíllinn djarfur og einkennilegur.
Það besta við Oddnýju sem höf-
und þykir mér þó grallaraskap-
urinn í henni. Hún hikar ekki við
að leika sér með orð og setning-
ar, jafnvel búa til orð eftir hent-
ugleikum – og texti hennar er svo
sannarlega úr lífrænu efni.
Þórunn Hrefna Sigurjónsdóttir
Niðurstaða: Einkar fallega skrifað
verk, óvenjulegt og fullt af djúpum
pælingum.
arionbanki.is — 444 7000
Birting lýsingar
Útgefandi: Hagar hf., kennitala 670203-2120, Hagasmára 1, 201 Kópavogur
Hagar hf. birta í dag lýsingu í tengslum við almennt útboð á hlutum félagsins og ósk stjórnar félagsins um að hlutir í Högum
hf. verði teknir til viðskipta á Aðalmarkaði NASDAQ OMX Iceland hf. Lýsingin er dagsett 26. nóvember 2011, gefin út á
íslensku og birt á vefsíðu félagsins, www.hagar.is.
Lýsinguna má nálgast hjá félaginu næstu 12 mánuði, en hún er gefin út rafrænt á vefsíðu félagsins. Lýsinguna má einnig
nálgast á vefsíðu umsjónaraðila, www.arionbanki.is. Frá 30. nóvember 2011 má jafnframt nálgast innbundin eintök hjá
Högum hf. í Hagasmára 1, 201 Kópavogi og hjá Arion banka hf. í Borgartúni 19, 105 Reykjavík.
Heildarfjöldi útgefinna hluta í Högum hf. nemur 1.217.585.840, en þar af á félagið 3,8% eigin hluta. Allir hlutir félagsins
eru í sama flokki og jafn réttháir. Hlutir félagsins eru gefnir út rafrænt í kerfi Verðbréfaskráningar Íslands hf. og er hver
hlutur 1 króna að nafnverði. Auðkenni hlutabréfanna hjá Verðbréfaskráningu er HAGA og ISIN númer hlutabréfanna er
IS0000020121. Stjórn útgefanda hefur óskað eftir því að HAGA verði auðkenni hlutabréfanna í kerfum Kauphallarinnar.
Almennt útboð 5.-8. desember 2011
Eignabjarg ehf., dótturfélag Arion banka hf., hyggst selja þegar útgefna hluti í Högum hf. með almennu útboði. Stærð
útboðsins nemur 20% af útgefnum hlutum, eða 243.517.168 hlutum, en stjórn seljanda áskilur sér rétt til að stækka útboðið í
allt að 30% af útgefnum hlutum eða samtals í allt að 365.275.752 hluti. Tekið verður við áskriftum frá og með mánudeginum
5. desember 2011 klukkan 10.00 til og með fimmtudeginum 8. desember 2011 klukkan 16.00. Lágmarksáskrift er að
andvirði 100 þúsund krónur og hámarksáskrift að andvirði 500 milljónir króna. Stjórn seljanda óskar eftir áskriftum á
verðbilinu 11–13,5 krónur á hlut og mun eftir lok áskriftartímabils ákvarða eitt endanlegt útboðsgengi til allra kaupenda í
útboðinu, en það mun verða á framangreindu verðbili.
Markmið Eignabjargs ehf. er að útboðið geri Högum hf. kleift að uppfylla skilyrði NASDAQ OMX Iceland hf. um
dreifingu hlutafjár og marki þannig grunninn að dreifðu eignarhaldi á Högum hf., en þá er bæði horft til þess að
almenningur og fagfjárfestar eignist hlut í félaginu, og jafnframt er markmið seljandans að fá ásættanlegt verð fyrir eign sína.
Stjórn seljanda mun falla frá útboðinu ef ekki fæst áskrift í útboðinu fyrir að lágmarki 20% af útgefnum hlutum í Högum
hf. eða ef NASDAQ OMX Iceland hf. samþykkir ekki í desember 2011 fyrirliggjandi umsókn útgefanda um að hlutir í
Högum hf. verði teknir til viðskipta. Stjórn seljanda áskilur sér jafnframt rétt til að falla frá útboðinu hvenær sem er fram að
tilkynningu NASDAQ OMX Iceland hf. um að hlutir í Högum hf. verði teknir til viðskipta ef upp koma einhverjir
þeir áhrifaþættir sem stjórn seljandans telur gefa tilefni til þess, svo sem sérlega neikvæð þróun á efnahagsumhverfi og
verðbréfamarkaði á Íslandi.
Niðurstöður útboðs munu liggja fyrir að morgni 9. desember 2011. Að því gefnu að lágmarksskilyrði Kauphallarinnar
um hlutafjárdreifingu verði uppfyllt með útboðinu og Kauphöllin hafi áður samþykkt umsókn Haga með fyrirvara um
hlutafjárdreifingu, þá mun Kauphöllin taka hluti í Högum til viðskipta á Aðalmarkaði NASDAQ OMX Iceland hf. í kjölfar
útboðsins. Gert er ráð fyrir að 15. desember 2011 verði fyrsti dagur viðskipta með hluti félagsins í Kauphöllinni, en hann
verður tilkynntur af Kauphöllinni með minnst eins viðskiptadags fyrirvara.
Nánari upplýsingar
Nánari upplýsingar um Haga hf. og skilmála almenna útboðsins má finna í lýsingu Haga hf.
Fyrirtækjaráðgjöf Fjárfestingabankasviðs Arion banka hf. hefur umsjón með almenna útboðinu og því ferli að fá hluti
félagsins tekna til viðskipta í Kauphöllinni.
Reykjavík, 28. nóvember 2011
Stjórn Haga hf.