Fréttablaðið - 29.11.2011, Blaðsíða 6
29. nóvember 2011 ÞRIÐJUDAGUR6
REYKJAVÍKURBORG Borgarráðs-
fulltrúar minnihluta Sjálfstæðis-
flokks og Vinstri grænna segja
„mjög slæmt“ að boðað sé til auka-
funda í borgarráði og borgarstjórn
í lok árs vegna fimm ára áætlunar
um rekstur borgarinnar.
Í borgarráði í gær bókaði minni-
hlutinn að fimm ára áætlunin hefði
samkvæmt yfirlýsingum átt að
liggja fyrir í september. Borgar-
ráðsfulltrúar væru þó að sjá gögn-
in fyrst núna. Illa sé staðið að verki.
„Við fyrstu sýn virðist því sem
frumvarpið innihaldi enga stefnu
eða pólitíska sýn, heldur aðeins
upplýsingar um forsendur fjár-
mála borgarinnar næstu árin. Nær
væri að leggja slíkt plagg fram
sem minnisblað eða greinargerð en
varla sem frumvarp að fimm ára
áætlun,“ bókuðu fulltrúar Sjálf-
stæðisflokks og VG. Borgarráðs-
fulltrúar Besta flokksins og Sam-
fylkingarinnar sögðu hins vegar
að nú væri í fyrsta sinn í langan
tíma lögð fram langtímaáætlun í
fjármálum borgarinnar þar sem
ítarlega væri reynt að spá fyrir um
aðstæður næstu ára.
„Fullyrðingar Sjálfstæðisflokks
og Vinstri grænna um að fimm ára
áætlun sé seint á ferð eru furðu-
legar því slík áætlun hefur ekki
áður verið lögð fram jafnsnemma
og raunar hefur fimm ára áætlun
aldrei verið lögð fram áður,“ bókaði
meirihlutinn. - gar
Nær væri að leggja
slíkt plagg fram sem
minnisblað eða greinargerð
en varla sem frumvarp að
fimm ára áætlun.
ÚR BÓKUN FULLTRÚA SJÁLFSTÆÐISFLOKKS
OG VINSTRI GRÆNNA
Fulltrúar minnihluta VG og Sjálfstæðisflokks gagnrýna meirihlutann í borgarstjórn:
Telja enga stefnu í fimm ára áætlun
NORÐURLÖND Talsverð röskun var enn á
samgöngum á Norðurlöndum, Lettlandi og
Eistlandi í gær í kjölfar óveðursins sem
gekk yfir á þessum slóðum um helgina. Í
Svíþjóð, þar sem tugir þúsunda voru enn
án rafmagns, höfðu tré sem rifnuðu upp
með rótum eða brotnuðu í óveðrinu fall-
ið á lestarteina og í Noregi var hluti aðal-
járnbrautarleiðarinnar til Bergen hulinn
þriggja metra djúpri aurskriðu.
Tveir menn drukknuðu undan suðvest-
urströnd Noregs en þeir höfðu verið að
taka myndir af óveðrinu og tveir aðrir
létu einnig lífið af völdum óveðursins.
Í Finnlandi voru tugir þúsunda án raf-
magns í fyrrinótt en rafmagnslaust varð
eftir að tré höfðu fallið á rafmagnslínur.
- ibs
Talsverð röskun var enn í gær á samgöngum á Norðurlöndum í kjölfar óveðurs:
Óveðrið kostaði fjóra lífið í Noregi
HAUSTLÆGÐ Ölduhæðin við Noregsstrendur var 20 metrar í óveðrinu sem
gekk yfir um helgina. NORDICPHOTOS/AFP
DÓMSMÁL Karlmaður um þrí-
tugt hefur verið dæmdur í fimm
mánaða fangelsi fyrir þjófnaði,
skjalafals og fíkniefnalagabrot.
Maðurinn stal varningi í fimm
skipti úr verslunum á höfuð-
borgarsvæðinu. Þá framvísaði
hann fölsuðum úttektarbeiðnum
í verslunum, sem höfðu verið
fylltar út af óþekktum aðila og
stimplaðar með stolnum stimpli.
Hann var einnig dæmdur fyrir
að hafa haft eiturlyf í fórum
sínum. Maðurinn rauf með þessu
skilorðsdóm frá 2008. - jss
Í fimm mánaða fangelsi:
Stal og sveik
ítrekað út vörur
Telurðu að Ögmundur Jónasson
hafi brugðist á réttan hátt við
beiðni Huangs Nubo um kaup
á Grímsstöðum á Fjöllum?
JÁ 50,6%
NEI 49,4%
SPURNING DAGSINS Í DAG:
Ætlar þú á skíði í vetur?
Segðu þína skoðun á visir.is
STJÓRNSÝSLA Óvissa um viðskipta-
legar forsendur og pólitísk afstaða
sjávarútvegs- og landbúnaðarráð-
herra varð til þess að stjórn Mat-
vælarannsókna Íslands (Matís)
ákvað síðastliðinn föstudag að
hætta við að sækja um 300 milljóna
króna styrk til Evrópusambandsins
(ESB).
„Þetta er ákveðin krísa sem við
lentum í,“ segir Friðrik Friðriks-
son, stjórnarformaður Matís, sem
er opinbert hlutafélag. Hann segir
forstjóra fyrirtækisins hafa ákveð-
ið að sækja um styrkinn án þess
að bera málið undir stjórnina. Nú
hafi vinnulagi verið breytt þannig
að bera þurfi svo risavaxnar styrk-
umsóknir undir stjórnina.
Um svokallaðan IPA-styrk er að
ræða, en þeir standa til boða þjóð-
um sem eiga í aðildarviðræðum við
Evrópusambandið. Fyrir styrkinn
átti að kaupa tæki til að mæla skor-
dýraeitur og önnur efni í matvælum
með það að markmiði að uppfylla
skilyrði matvælalöggjafar ESB eins
og Alþingi samþykkti í fyrravor.
Friðrik segir að eftir á að hyggja
hafi ekki verið rétt að sækja um
styrkinn. Hann segir að viðskipta-
legar forsendur fyrir því að koma
sér upp þeim tækjabúnaði sem átti
að kaupa og starfsfólki til að nýta
hann hafi ekki verið til staðar.
Ætlunin var að rukka Matvæla-
stofnun og aðra fyrir rannsókn-
ir með nýja tækjabúnaðinum, en
stofnunin ber ábyrgð á að skil-
yrði matvælalöggjafarinnar séu
uppfyllt. Friðrik segir að of mikil
óvissa hafi verið um tekjur til að
hættandi væri á að kaupa tækin. Þá
hafi verið líkur á að Matís þyrfti að
borga tekjuskatt af styrknum.
Nú er ljóst að Matvælastofnun
verður að leita til rannsóknarstofa
utan landsteinanna til að sinna
þessum rannsóknum.
Friðrik segir að pólitísk afstaða
Jóns Bjarnasonar, sjávarútvegs- og
landbúnaðarráðherra, hafi ráðið
miklu um að umsóknin hafi verið
dregin til baka. Hann segir Jón ekki
hafa gert neitt til að hafa sjálfur
áhrif á ákvörðun stjórnarinnar, en
horfa verði til þess að Jón fari með
hlut ríkisins í Matís og því skipti
hans afstaða miklu.
„Það er alltaf þannig í stórum
álitamálum að menn verða að leggja
eyrun við jörðina og hlusta eftir því
hvort starfsemin sé í samræmi við
það sem eigandinn reiknar með,“
segir Friðrik. „Það þurfti ekki sér-
staka tilskipun [...] við þurftum bara
að horfa á pólitískar aðstæður.“
brjann@frettabladid.is
Matís vill ekki styrk
ESB vegna ráðherra
Neikvæð afstaða sjávarútvegs- og landbúnaðarráðherra til styrkja frá ESB er ein
af ástæðunum fyrir því að Matís dró til baka 300 milljóna króna styrkbeiðni.
Ekki reyndist rekstrarlegur grundvöllur fyrir verkefni segir stjórnarformaður.
Það er alltaf þannig í stórum álitamál-
um að menn verða að leggja eyrun
við jörðina og hlusta eftir því hvort starfsemin
sé í samræmi við það sem eigandinn reiknar
með.
FRIÐRIK FRIÐRIKSSON
STJÓRNARFORMAÐUR MATÍS
MÆLINGAR Nota átti tækin, sem kaupa átti fyrir styrk ESB, meðal annars til að mæla
skordýraeitur í matvælum. FRÉTTABLAÐIÐ/VILHELM
KJÖRKASSINN
tökum notuð barnaskíði og skó upp í ný
SKÍÐASKIPTIMARKAÐUR
o.fl. o.fl.
sögur
uppskriftir
leikirgjafir