Fréttablaðið - 21.12.2011, Blaðsíða 11

HÖFUÐBORGARSTOFA, ORKUSALAN OG HÖNNUNARMIÐSTÖÐ
STANDA FYRIR SAMKEPPNI UM OPNUNARATRIÐI VETRARHÁTÍÐAR Í REYKJAVÍK
VERKEFNIÐ
Verkefnið felst í að vekja athygli og ánægju íbúa Reykjavíkurborgar og gesta hennar
með því að hanna opnunaratriði Vetrarhátíðar í Reykjavík 2012 á fjölförnum en
óvæntum og spennandi stað í borgarrýminu. Sóst er eftir útiverki sem höfðar til
almennings og inniheldur upplifun, gagnvirkni og gleði.
MARKMIÐ
Öflugt menningarlíf eykur lífsgæði borgarbúa og stuðlar að samfélagslegri velferð.
Markmið verkefnisins er að styrkja Reykjavík sem kraftmikla og skapandi borg sem
einkennist af lifandi og spennandi umhverfi. Þar kemur að mikilvægi Vetrarhátíðar í
Reykjavík en opnunaratriði hátíðarinnar á fjölförnum stað í borginni er liður í því að
auka ánægju og upplifun borgarbúa í mesta vetrarmyrkrinu.
Sóst er eftir hverskonar opnunarverki með tengingu við rafmagn. Hugsa þarf verkið
fyrir almenningsrými utandyra. Listaverkið þarf auk þess að geta staðið í a.m.k.
mánuð og þarf að huga að því við efnisval. Nærvera verksins má vera fyrirferðamikil
í rými og snerta skynfæri borgarbúa á mismunandi vegu. Það má gjarnan fela í sér
einhverja gagnvirkni eða skynjun.
FYRIR HVERJA
Samkeppnin er opin öllum myndlistarmönnum, hönnuðum, arkítektum,
tónlistarmönnum, ljósamönnum, rafmagnsverkfræðingum eða öðrum þeim sem
vinna með rafmagn og list í einhverju formi. Hvatt er til samstarfs milli ólíkra aðila
og/eða listgreina. Miðað er við að höfundur/höfundar tillögu sem dómnefnd velur til
útfærslu verði ráðinn til verksins.
VERÐLAUNAFÉ
Verðlaunafé er 500.000. Greitt er fyrir þá tillögu sem valin verður í fyrsta sæti.
Auk þess verður gerður samningur við vinningshafa um framkvæmd hugmyndarinnar.
Um Vetrarhátíð
Reykjavíkurborg hefur haldið Vetrarhátíð árlega frá árinu 2002. Hún fagnar ljósi og vetri með dagskrá sem tengist menning og listum, orku og atvinnulífi, félags-
og skólastarfi, útivist og íþróttum, umhverfi og sögu. Hátíðin lýsir upp vetrarmyrkrið í febrúar með viðburðum og uppákomum af ýmsu tagi, stórum sem smáum,
og gefur borgarbúum og gestum tækifæri til að taka þátt í fjölbreyttri dagskrá sér að kostnaðarlausu.
Vetrarhátíð verður að þessu sinni haldin dagana 9. – 12. febrúar 2011 eða frá fimmtudegi til sunnudags.
Þema ársins 2012 er Magnað Myrkur og speglast það í fjölmörgum viðburðum hátíðarinnar. Fastir liðir Vetrarhátíðar eru Safnanótt og Heimsdagur barna.
www.vetrarhatid.is
SKILAFRESTUR ER TIL
6. JANÚAR
2012
Nánari upplýsingar er að finna á vef Hönnunarmiðstöðvar Íslands.
www.honnunarmidstod.is
við seljum rafmagn
Upplifun, gagnvirkni og gleði Hvatt er til samstarfs
Öflugt menningarlíf