Fréttablaðið - 21.12.2011, Blaðsíða 18

21. desember 2011 MIÐVIKUDAGUR18
AVS rannsóknasjóður hefur að markmiði að styrkja
verkefni, sem stuðla að auknu verðmæti íslensks
sjávarfangs og styrkja samkeppnishæfni íslensks
sjávarútvegs og fiskeldis.
Sjóðurinn auglýsir nú eftir umsóknum í verkefni
með þetta að markmiði.
Skilafrestur umsókna er til kl. 17, 1. febrúar 2012.
Umsóknum ber að skila rafrænt á netfangið
avs@avs.is og bréflega á póstfangið AVS
rannsóknasjóður í sjávarútvegi, Háeyri 1, 550
Sauðárkrókur
Styrkir sem sjóðurinn veitir falla undir þrjá flokka:
a. Styrkir til rannsókna- og þróunarverkefna
Styrkir til afmarkaðra rannsókna- og/eða
þróunarverkefna, sem falla að markmiðum sjóðsins.
Veittur er styrkur til eins árs í senn og skal í umsókn
gera grein fyrir verkþáttum og fjármögnun. Hver
styrkur getur numið allt að átta milljónum króna.
Hægt er að sækja um styrki til umfangsmeiri
verkefna (framhaldsverkefna), sem unnin eru á lengri
tíma, eða allt að þremur árum, en sækja þarf um
styrk á hverju ári. Hafi verkefnið áður verið styrkt,
þarf að gera grein fyrir fullnægjandi framvindu
verkefnisins áður en styrkumsókn er afgreidd.
b. Smá- eða forverkefni
Hægt er að sækja um styrki til smærri verkefna eða
verkefna til undirbúnings stærri verkefna á sviði
rannsókna og/eða þróunar. Styrkupphæð er allt að
einni milljón króna og skal verkefninu lokið innan tólf
mánaða frá úthlutun.
c. Atvinnuþróun og nýsköpun í sjávarbyggðum
Veittir eru styrkir til verkefna, sem stuðla að nýjum
störfum og aukinni verðmætasköpun í
sjávarbyggðum. Horft er til ýmissa verkefna, sem
geta tengst t.d. framboði á sjávarfangi,
ferðaþjónustu, nýjum vörum eða þjónustu.
Hámarkstími verkefna er 12 mánuðir og
hámarksupphæð styrkja er þrjár milljónir króna.
Um alla styrki gildir að framlag sjóðsins má ekki
fara fram yfir 50% af heildarkostnaði og sjóðurinn
tekur ekki þátt í að styrkja fjárfestingar.
Nánari upplýsingar og umsóknarblað er að finna
á heimasíðu sjóðsins www.avs.is.
AVS rannsóknasjóður í sjávarútvegi starfar á vegum sjávarútvegs- og landbúnaðarráðuneytisins
og veitir styrki til rannsókna- og þróunarverkefna sem auka verðmæti sjávarfangs.
AVS rannsóknasjóður í sjávarútvegi · Háeyri 1 · 550 Sauðárkrókur · sími 453 6767 · www.avs.is
AVS rannsóknasjóður
í sjávarútvegi
auglýsir eftir umsóknum
ÞJÓÐKIRKJAN Þeir sem sækja um
störf innan þjóðkirkjunnar þurfa
að leggja fram sakavottorð áður
en þeir eru ráðnir til starfa. Hafi
umsækjendur gerst sekir um brot
gegn börnum, kynferðisbrot eða
önnur ofbeldisbrot, fíkniefna-
lagabrot eða brot gegn frjálsræði
manna áskilur kirkjan sér þeim
rétti að neita þeim um stöðuna. Á
þetta jafnt við um presta og aðra
starfsmenn kirkjusókna.
Guðmundur Þór Guðmunds-
son, framkvæmdastjóri Kirkju-
ráðs, bendir í þessu samhengi á
nýja ályktun sem samþykkt var
á kirkjuþingi í nóvember síðast-
liðnum, sem ber yfirskriftina:
Þjóðkirkjan líður ekki kynferðis-
brot.
„Það hefur ýmislegt breyst
á síðustu árum; fagráðið, siða-
reglur og svo þessi skimun,“
segir Guðmundur.
„Hún er nauðsynleg. Þetta
starfsfólk er mikið úti á akrin-
um, ef svo má segja, og vinnur í
mikilli nálægð við aðra.“
Guðmundur veit ekki til þess
að neinum hafi nokkrum sinnum
verið neitað um stöðu hingað til
vegna þessa. - sv
STRAND 180 tonnum af eldsneyti og
40 tonnum af dísilolíu á að pumpa
upp úr fraktskipinu TK Bremen sem
strandaði fyrir helgi á Kerminihy-
strönd í Erdeven í Frakklandi.
NORDICPHOTOS/AFP
Ályktun um varnir gegn kynferðisofbeldi innan kirkjunnar samþykkt á kirkjuþingi:
Dæmdir menn ekki ráðnir til kirkjunnar
Úr samþykktri ályktun kirkjuþings um varnir gegn kynferðisbrotum:
Þjóðkirkjan vill:
■ að forvarnir gegn kynferðisbrotum verði efldar
■ taka sér stöðu með þeim sem brotið er á, styðja og vernda þolendur
■ setja sér vandaðar verklags- og siðareglur
■ læra af þeim sem best þekkja til og hafa mikla reynslu
■ hvetja þá einstaklinga sem telja á sér brotið að nýta sér öll þau úrræði
sem í boði eru í samfélaginu
■ vera öruggt skjól til að leita til og veita hjálp, ráð og huggun.
Kirkjan vill standa með þolendum
SAMFÉLAGSMÁL Öll börn í öðrum og
tíunda bekk í grunnskólum landsins
fá fræðslu um kynferðislegt ofbeldi
í skólanum á næsta ári. Alþingi
samþykkti við þriðju umræðu fjár-
laga að veita 25 milljónum króna í
vitundarvakningu á árinu.
UNICEF á Íslandi hefur bent á
það að enginn aðili fari með for-
varnir gegn kynferðislegu ofbeldi
gegn börnum á Íslandi, eins og
Fréttablaðið greindi frá fyrir
stuttu.
Halla Gunnarsdóttir, aðstoðar-
maður Ögmundar Jónassonar
innanríkis ráðherra, tekur undir
með framkvæmdastjóra UNICEF
og segir litlu fé hafa verið varið í
forvarnir gegn kynferðisofbeldi.
Sérstaklega ef miðað er við þá ógn
sem ofbeldið sé við líf og heilsu
barna og kvenna.
Ísland er aðili að sáttmála
Evrópu ráðsins um varnir gegn
kynferðislegri misnotkun og mis-
neytingu á börnum. „Einn hluti
sáttmálans er að standa fyrir
vitundar vakningu um kynferðis-
legt ofbeldi gegn börnum. Síðasta
vetur fór óformlegur samráðs-
hópur innanríkisráðuneytis,
menntamálaráðuneytis og vel-
ferðarráðuneytis yfir það hvernig
mætti standa að þessu hér á landi,“
segir Halla. Niðurstaða þess hóps
var að taka ekki hrátt upp efni sem
Evrópuráðið býður upp á í þess-
um tilgangi. „Þrátt fyrir allt erum
við hér komin töluvert lengra í
vitundar vakningu en til dæmis
Mið- og Suður-Evrópulönd.“
Samráðshópurinn hélt fundi
með öllum þeim aðilum sem komið
hafa að forvörnum gegn kynferðis-
ofbeldi gegn börnum. „Þetta hefur
mest verið á hendi frjálsra félaga-
samtaka svo það hefur verið dá-
lítið tilviljanakennt hvaða börn fá
fræðslu og hver ekki. Við vildum
taka á þessu.“
Átakið verður að mestu fram-
kvæmt í gegnum skólana. „Hug-
myndin er að því verði komið fyrir
að öll börn fái fræðslu í ein hverjum
ákveðnum árgöngum. Við erum
að horfa á annan og tíunda bekk
nú. Þetta er eitt pínulítið skref í
byrjun, auðvitað á þetta að vera
samþætt inn í alla fræðslu í grunn-
skólum. En það hefur sýnt sig að
skólarnir eru misvel búnir til að
takast á við slíka fræðslu. Þar er
ekki við skólana sjálfa að sakast,
þetta hefur ekki verið svo mikið
áhersluatriði. Við erum því að fara
fetið í þessa átt.“
Til að byrja með verður brúðu-
leikhús Blátt áfram notað sem
fræðsluefni í öðrum bekk, en verið
er að setja saman teymi sem mun
sjá um fræðslu fyrir tíunda bekk og
starfsfólk skóla. thorunn@frettabladid.is
Veita milljón-
ir í forvarnir
gegn ofbeldi
Ríkið ætlar að verja 25 milljónum króna í vitundar-
vakningu gegn kynferðislegu ofbeldi á næsta ári.
Öll börn í öðrum og tíunda bekk fá fræðslu, sem og
kennarar og annað starfsfólk skóla.
GERA ÁTAK Vitundarvakning gegn kynferðislegu ofbeldi gegn börnum hefst á næsta
ári og verður farið í alla grunnskóla.
DANMÖRK Rúmlega 10.000 manns
aka undir áhrifum áfengis á degi
hverjum í Danmörku að því er
fram kemur í nýrri könnun og
danskir miðlar segja frá.
Ölvunarakstur er bein tengdur
alvarlegum bílslysum, enda
mælist áfengi í í blóði hjá fimmt-
ungi allra þeirra sem deyja eða
slasast alvarlega í bílslysum þar
í landi. Hlutfallið hækkar upp í
þriðjung ef fólk undir lyfja- og
fíkniefnaáhrifum er talið með í
þessum hópi.
Þeim sem aka undir lyfja- og
fíkniefnaáhrifum í Danmörku
hefur fjölgað mikið síðustu ár. - þj
Lífshættulegur ósiður:
Þúsundir Dana
keyra drukknar
hvern dag
EFTIR EINN EI AKI NEINN Dönsk rann-
sókn sýnir hættulega þróun þar sem
þúsundir aka undir áhrifum.
EFNAHAGSMÁL Arnór Sighvatsson
aðstoðarseðlabankastjóri segist
skilja gagnrýni á flækjustig
hinnar svokölluðu fjárfestingar-
leiðar bankans en segir grunn-
hugmyndina þó ekki flókna.
Fjárfestingarleiðin er skref í
áætlun Seðlabankans um losun
gjaldeyrishafta. Hún felur í grunn-
inn í sér að bankinn mun standa
fyrir gjaldeyrisútboðum þar sem
hann kaupir erlendan gjald-
eyri í skiptum fyrir krón-
ur til innlendrar fjár-
festingar. Þannig gefst
eigendum aflandskróna
tækifæri til að nota þær
til fjárfestinga hér. Hefur
leiðin verið gagnrýnd fyrir
að vera of flókin, síðast af
Gylfa Magnússyni, dós-
ent við Viðskipta-
fræðideild Háskóla
Íslands, í kvöldfrétt-
um Stöðvar 2 í síð-
ustu viku.
„Að vissu leyti
skil ég þessa
gagnrýni vel
því skjalagerðin öll er flókin. Hún
er flókin vegna þess að þar eru alls
konar varnaglar sem taka á þeim
sniðgöngumöguleikum sem leiðin
gefur færi á og þarf að stemma
stigu við,“ segir Arnór og held-
ur áfram: „Hins vegar er grunn-
reglan í þessu ekki flókin. Flestar
tegundir fjárfestingar eru þarna
opnaðar og það er alveg skýrt.
Menn þurfa að koma með 50 pró-
sent í erlendum gjaldeyri
á móti krónunum til þess
að tryggja að þetta verði í
heild sinni hlutlaust gagn-
vart gjaldeyrisforðanum.“
Þá segir Arnór að hann
hafi ekki orðið var við að
þetta hafi verið að vefj-
ast fyrir þeim ein-
staklingum
sem hafi
ver ið í
sambandi
við Seðla-
bankann
varðandi
leiðina.
- mþl
Viðbrögð við gagnrýni á fjárfestingarleiðina:
Grunnhugmyndin í
sjálfu sér ekki flókin
ARNÓR
SIGHVATSSON