Fréttablaðið - 21.12.2011, Blaðsíða 38
38 21. desember 2011 MIÐVIKUDAGUR
KAFFIVÉLAR - MATVINNSLUVÉLAR - POTTAR & PÖNNUR
SAFAPRESSUR - ELDHÚSÁHÖLD
JÓLIN KOMA
Kynntu þér málið hjá sölumönnum Eirvíkur
Suðurlandsbraut 20, Reykjavík | Sími 588 0200 | www.eirvik.is
Fjármálaráðherra þorir ekki að anda á bankasýsluna og fjár-
magnseigendur, sem halda ríkis-
stjórninni í heljargreipum í krafti
auðvalds. Ábyrgð hans er mikil
þegar hann rétti vogunarsjóðum
og hrægömmum skuldakröfur á
heimili og fyrirtæki á slikk, sem
eru síðan rukkaðar af fullri hörku.
Fjármálastofnarnir ætla svo að
hámarka arðsemi með því að inn-
heimta skuldug heimili og halda
þeim í gíslingu með 110% leiðinni,
sem er gjörsamlega galin og dæmd
til að mistakast.
Það verður samt að teljast með
ólíkindum að á meðan horfum við
upp á landið brenna og fjölskyld-
ur flosna upp, heimili eru innleyst
ásamt bílum vegna kolólöglegra
myntkörfulána sem er haldið áfram
að innheimta í skjóli ríkisstjórnar-
innar. Það er með ólíkindum að
almenningur skuli ekki reyna að
mótmæla og andæfa þessu ástandi.
Fólk lætur sig samt ekki vanta ef
það getur fengið einhvers staðar
ókeypis pylsur og kók eða horft á
Gay Pride, með fullri virðingu fyrir
því.
Þúsundir heimila eru
hættar að borga af skuld-
um sínum, og hafa þar
af leiðandi meira til að
spila úr, sem stjórnvöld
kalla svo efnahagsbata!
Jafnvel eru einhverj-
ir sem taka sér Bjarna
Ármannsson, fyrrver-
andi bankastjóra, sér
til fyrirmyndar og eft-
irbreytni sem sagði
óábyrgt að borga skuld-
ir sínar. Svo því sé til
haga haldið er ég ekki
að verja óábyrgt fólk
eða fyrirtæki sem borga
ekki skuldir sínar, það
má mín vegna fara lóð-
rétt á hausinn.
Ekki vantaði stóryrð-
in hjá Steingrími þegar hann var í
stjórnarandstöðu og steytandi hnef-
ana í allt og alla sem honum var svo
tamt á Alþingi. Það kæmi ekki til
greina að borga Icesave, og engin
þörf væri fyrir að Alþjóðagjald-
eyrissjóðurinn kæmi. Það verður að
teljast með ólíkindum viðsnúning-
urinn hjá honum að um leið og hann
var kominn í stjórn var allt breytt
og það skyldi borgað sama
hvað það kostaði.
Sem var réttlætt með
að allar lánalínur væru
lokaðar og ekki hægt
að byrja uppbyggingu á
Búðarhálsvirkjun, þar
sem ekkert lánsfé feng-
ist nema borga Icesave.
Talað var um að Svavar
Gestsson væri búinn að
ná frábærum samningum
og síðan átti Lee Buchheit
að hafa fullkoma samn-
ingana. Iceland Food
keðjan væri að seljast á
fleiri hundruð milljarða
og þrotabúið væri stút-
fullt af peningum!
Heildarskuld Icesave
innistæðanna er 1.320
milljarðar króna miðað
við gengi í apríl 2009 (sem er við-
miðunargengi krafna í þrotabú
Landsbankans). Bretar og Hol-
lendingar lögðu hins vegar sjálfir
út 1.150 milljarða króna til inni-
stæðueigenda. Forgangskröfur eru
20.887 evrur pr. reikning sem er ca
674 milljarðar eða 51% af forgangs-
kröfum. Skilanefnd Landsbankans
áætlar 13 milljörðum króna hærri
en sem nemur bókfærðum for-
gangskröfum í bankann.
Enn er haldið að okkur villandi
upplýsingum og gefið í skyn að það
sé til fyrir þessari Icesave-kröfu
ásamt vöxtum, þar sem þrota-
búið og sala á Iceland Foods gæti
þurrkað út Icesave. Eins og Fin-
ancial Times greindi frá hefur
skilanefnd Landsbankans ákveðið
að skoða hvort hentugt sé að selja
hlut sinn í Iceland Foods. Söluverð-
mæti hlutar skilanefndarinnar
er talið liggja á bilinu 1,5-2 millj-
arðar punda samkvæmt Financial
Times og fleiri aðilum, sem gera á
bilinu 278-371 milljarða íslenskra
króna samkvæmt þáverandi gengi.
Skilanefndin hefur áður lýst því
yfir að mat þeirra á þessari eign
ásamt öðrum sé varfærið mat. Það
er hæpið að fá mikið meira en 200
milljarða króna fyrir Iceland Food
miðað við núverandi tilboð, sem
segir hversu villandi staðreyndum
hefur verið haldið á lofti.
Það þarf engan stærðfræðing
til að sjá að það vantar 600 millj-
arða til að klára að gera upp Ice-
save, miðað við samning Svavars
og útreikning skilanefndar, ásamt
ca 110 milljörðum í áfallna vexti.
Stjórnarliðar ásamt elítunni sem
er á ríkisspenanum og forkólfum
í Sjálfstæðisflokki sem vildu sam-
þykkja Icesave, hagræða sann-
leikanum og skauta framhjá stað-
reyndum og reyna að breiða yfir
skömmina, með að halda á lofti vill-
andi upplýsingum að þrotabúið geti
borgað Icesave, sem er ekki rétt þar
sem það dugir tæplega fyrir for-
gangskröfum.
Ábyrgð fjármálaráðherra er
mikil að hafa ætlað að undirgang-
ast ólögvarða skuldakröfu sem
við hefðum aldrei haft ráð á að
borga, með tilheyrandi hörmung-
um og örbirgð fyrir almenning og
komandi kynslóðir um ókomin ár,
sem er eitt stærsta svínarí fyrr og
síðar að gjafakvótanum frátöldum.
Fjármálaráðherra kemur aldrei til
með að geta hreinsað sig af þessu
ódæði og reyndar ætti að draga
hann fyrir landsdóm (ekki síður en
Geir Haarde), fyrir að hafa ætlað að
þvinga þessari kröfu upp á þjóðina
sem hún hefði aldrei getað borgað.
Skömm fjármálaráðherra
Í grein í Fréttablaðinu 29. októ-ber 2011 setur Snorri Baldurs-
son, þjóðgarðsvörður á Vestur-
svæði Vatnajökulsþjóðgarðs, fram
ótrúlegar dylgjur um Ferðaklúbb-
inn 4x4 og gerir félagsmönnum
klúbbsins það upp að þeir skæl-
ist yfir land utanvega til að GPS-
ferlar eftir þá séu skilgreindir
sem vegir.
Þetta eru rangar og ærumeið-
andi fullyrðingar um meðlimi
Ferðaklúbbsins 4x4 sem endur-
spegla ótrúlega þröngsýni og
vanþekkingu á starfsemi og bar-
áttumálum Ferðaklúbbsins 4x4
varðandi eðlilegt ferðafrelsi
ásamt áralangri baráttu gegn
utanvegaakstri og ábyrgri ferða-
mennsku á hálendinu. Ferða-
klúbburinn 4x4 stendur árlega
fyrir mörgum nýliðaferðum fyrir
fólk á óbreyttum bílum sem vill
ferðast um hálendið á ábyrgan
hátt og námskeiðum um ábyrga
ferðamennsku á fjöllum. Ferða-
klúbburinn 4x4 hefur einnig með
samstarfi við Landmælingar
Íslands lyft grettistaki í að ferla
vegi á hálendinu til að leggja
grunn að ábyrgum akstri þar.
Snorri talar um að ekki sé verið
að loka hálendinu, en hvað með
Vikrafellsleið og Vonarskarð sem
hafa verið eknar sem þjóðleiðir í
meira en 60 ár eða löngu áður en
GPS-tæki voru til. Að loka þess-
um vegum án vísindalegra raka
eða með tilvísun í náttúruvernd-
un kallar hann að siðvæða ferða-
mennsku og færa hana inn í 20
öldina. „Siðvæðing“ þjóðgarð-
svarðarins er sérstök gerð af upp-
eldi. Snorri sem vill nútímavæða
ferðamátann ætti að hugleiða
nútíma uppeldisaðferðir, nefni-
lega að leyfa, hvetja og leiðbeina,
en ekki loka, banna og refsa.
Snorri setur fram spurningu
um hvort Ferðaklúbburinn 4x4
ætli ekki berjast fyrir því að opn-
aðir verði 20-30 slóðar við Laka-
gíga. Þar er velheppnuð hringleið
sem skemmtilegt er að ferðast um
og þjóðgarðsvörðurinn veit, eða
ætti að vita að Ferðaklúbburinn
4x4 hefur eingöngu verið að mót-
mæla lokunum vega án raunveru-
legra röksemda og það hefur ekk-
ert með Lakagíga að gera. Þau rök
sem stjórnvöld oftast nota fyrir
lokunum á vegum byggjast á til-
finningalegum forsendum um að
umferð bíla trufli göngufólk (Von-
arskarð) eða að verið sé að upp-
fylla það sem kallað er ósnortin
víðerni (Vikrafellsleið) sem þjón-
ar þeim tilgangi að falla inn í ein-
hverjar alþjóðlegar skilgreining-
ar sem ekki passa hér á landi.
Snorri tengir frumkvöðla í
ferðamennsku fyrri tíma, Guð-
mund Jónasson, Pál Arason og
Jón Sigurgeirsson, við umhverfis-
sóðaskap og að þeir hafi á þess-
um tíma ekið yfir holt og hæðir
og hellt niður olíu um allar jarð-
ir. Skoðanir þjóðgarðsvarðarins á
fyrri kynslóðum eru í besta falli
fordómar og móðgun við þá aðila
og afkomendur þeirra og sýnir í
hnotskurn að hann telur að ekki
aðeins fólk sem nýtir ákveðinn
ferðamáta sé betra fólk en annað,
heldur að ákveðnar kynslóðir séu
betri en aðrar.
Ferðaklúbburinn 4x4 er hags-
munasamtök sem berjast fyrir
eðlilegu og skynsamlegu ferða-
frelsi fyrir hinn almenna ferða-
mann um hálendi Íslands og
leggja áherslu á innleiðingu á
ábyrgri ferðamennsku hér á landi.
Hér er listi yfir nokkra þætti sem
klúbburinn hefur komið að og
tengjast ábyrgri ferðamennsku á
hálendinu og náttúruvernd:
● Ferðaklúbburinn 4x4 stend-
ur árlega fyrir námskeiðum
og nýliðaferðum fyrir fólk á
óbreyttum og lítið breyttum
bílum þar sem áhersla er lögð
á að kenna fólki að ferðast af
ábyrgð um hálendið.
● Ferðaklúbburinn 4x4 hefur
ávallt verið tilbúinn til sam-
starfs í málum sem snúa að úti-
vist og jeppamennsku. Sú vinna
félagsmanna með opinberu
starfsfólki hefur verið launa-
laus, í sjálfboðavinnu og oft á
vinnutíma.
● Félagar í Ferðaklúbbnum 4x4
hafa í eigin tíma stikað hálend-
isleiðir, málað stikur og merkt
og klúbburinn greitt stikur og
efni.
● Ferðaklúbburinn 4x4 lagði til
gögn um hvað þyrfti að mæla
á hálendinu og félagsmenn
mældu hálendið með Land-
mælingum og eyddu í verkefnið
mörg þúsund klukkustundum.
● Ferðaklúbburinn 4x4 lagði til
vegagögn vegna stækkunarferl-
is friðlandsins í Þjórsárverum,
gögn um öll mannvirki og skil-
greiningar á öllum slóðum, til-
gang þeirra og tilurð.
● Ferðaklúbburinn 4x4 kom með
raunhæfar tillögur um hvaða
vegslóðum bæri að loka innan
friðlands í Þjórsárverum.
● Ferðaklúbburinn 4x4 hefur
gefið út bæklinga gegn utan-
vegaakstri og lagt fjármagn í
slík verkefni hjá öðrum.
● Ferðaklúbburinn 4x4 hefur
styrkt hálendisgæslu Lands-
bjargar.
● Ferðaklúbburinn 4x4 rekur
með miklum kostnaði VHF-
fjarskiptakerfið sem allir geta
nýtt til skemmtunar og í örygg-
isskyni.
● Ferðaklúbburinn 4x4 hefur
tekið þátt í landgræðslu í Þórs-
mörk, Hekluskógum og víðar.
● Ferðaklúbburinn 4x4 hefur
fengið landgræðsluverðlaun.
● Ferðaklúbburinn 4x4 er aðili að
Landvernd.
Það er óskiljanlegt hvað Snorra
Baldurssyni þjóðgarðsverði geng-
ur til með að tengja Ferðaklúbb-
inn 4x4 við þá þætti sem hann
nefnir í sinni grein og ganga þvert
gegn því starfi sem klúbburinn
stendur fyrir.
Samgöngunefnd Vatnajökuls-
þjóðgarðs hefur nú lokið störf-
um þar sem deilumál hafa verið
rædd. Nefndin hefur skilað nið-
urstöðum til stjórnar Vatnajökul-
sþjóðgarðs og það er óskandi að
stjórn þjóðgarðsins taki jákvætt
í þær tillögur og leggi þar með
grunn að góðri sátt um garðinn.
Líklega eru fáir ákafari um slíka
sátt en félagsmenn Ferðaklúbbs-
ins 4x4.
Þjóðgarðsvörður Vatnajökuls-
þjóðgarðs á villigötum
Fjármál
Vilhelm
Jónsson
fjárfestir og fv.
atvinnurekandi
Hálendisferðir
Guðmundur G.
Kristinsson
ritstjóri blaðs
Ferðaklúbbsins 4x4
Það er óskiljanlegt hvað Snorra Baldurs-
syni þjóðgarðsverði gengur til með að
tengja Ferðaklúbbinn 4x4 við þá þætti
sem hann nefnir í sinni grein og ganga þvert gegn því
starfi sem klúbburinn stendur fyrir.
Það þarf
engan stærð-
fræðing til
að sjá að það
vantar 600
milljarða
til að klára
að gera upp
Icesave.