Fréttablaðið - 30.11.2011, Blaðsíða 10

30. nóvember 2011 MIÐVIKUDAGUR10
DÓMSMÁL Ekkert þeirra fjögurra ungmenna
sem ákærð eru fyrir að hafa brennt
Krýsuvíkur kirkju til grunna í janúar 2010
gekkst við því fyrir dómi í gær. Tveir ríflega
tvítugir menn vísuðu sökinni hvor á annan –
þótt annar þeirra hafi gengist við öllu meiri
þátttöku en hinn.
Kirkjan, sem hefur verið á þjóðminjaskrá
síðan 1990, brann til kaldra kola aðfaranótt 2.
janúar 2010.
Sakborningunum fjórum, tveimur 21 árs
piltum og tveimur átján ára stúlkum, ber nokk-
urn veginn saman um hvað gerðist framan af
kvöldi. Annar pilturinn, kunningi stúlknanna,
hafi sótt þau á bíl og þau farið á rúntinn.
„Ég held að við höfum tekið einhvern smá-
rúnt – og það var allt í góðu – en svo kom sú
hugmynd upp að kveikja í kirkju,“ sagði öku-
maðurinn, sem hin þrjú voru reyndar sammála
um að hefði verið helsti hvatamaðurinn að ferð-
inni suður í Krýsuvík. Umræður hafi sprottið
um „djöflakross“ sem önnur stúlkan hafi borið
um hálsinn og í kjölfarið hafi hún stungið upp
á því í gríni að þau skyldu brenna kirkju. Hug-
myndina hafi ökumaðurinn gripið á lofti og ekið
til Krýsuvíkur með viðkomu á bensínstöð þar
sem fyrir liggur að hann fyllti á bílinn og dældi
á brúsa í leiðinni.
Öll ungmennin gangast við því að hafa farið
inn í kirkjuna þegar komið var á leiðarenda
en þar myrkvast hins vegar málið. Stúlkurnar
segja ökumanninn hafa tekið til við að skvetta
úr bensínbrúsanum á stiga og síðan borið eld að
svo úr rauk. Þær hafi þá farið út og skilið strák-
ana tvo eftir og ekki séð hvað síðan gerðist.
Hinn pilturinn vísar allri ábyrgð á ökumann-
inn. Sjálfur hafi hann ekkert gert sem tengdist
íkveikjunni. Hann hafi ekki þekkt ökumanninn
og óttast hann mjög, enda hafi hann gortað af
glæpum og skemmdarverkum á leiðinni suður.
Þegar hann hafi hitt ökumanninn nokkru síðar
hafi sá haft í óbeinum hótunum við hann og
látið hann sitja andspænis geltandi schäfer-
hundi.
Ökumaðurinn hefur aðra sögu að segja.
Piltarnir hafi hellt í sameiningu úr brúsan-
um, sem þó hafi ekki verið þungur, og honum
snúist hugur þegar ekki hafi tekist að kveikja
í stiganum. Fjórmenningarnir hafi hins vegar
allir ákveðið að rífa niður Biblíur og sálma-
bækur, hinn maðurinn hafi sett pappírinn inn í
altarið og kveikt í. Sá síðarnefndi hafnar þessu.
„Ég ríf ekki bækur,“ segir hann.
Ökumaðurinn segist hafa verið mjög and-
vígur öllu saman. „Ég sagði að það kæmi ekki
til greina að kveikja í altarinu.“ Þarna ber því
nokkuð í milli. Af framburði ökumannsins var
þó að skilja að hann myndi atburðarásina mjög
illa. Allir voru sammála um að stúlkurnar tvær
hefðu ekkert gert.
Þjóðminjasafnið krefur fjórmenningana um
8,7 milljónir króna í bætur, en þeir hafna allir
kröfunni. Aðalmeðferðin heldur áfram síðar.
stigur@frettabladid.is
Vísa hvor á annan um hver
brenndi Krýsuvíkurkirkju
Grín sem spratt af umræðu um „djöflakross“ varð til þess að hópur ungmenna hélt í Krýsuvíkurkirkju og
brenndi hana til grunna. Óljóst er hins vegar hvert þeirra kveikti eldinn og stendur þar orð á móti orði.
Fólkið er jafnframt ákært fyrir að hafa stolið
um 4.000 krónum úr safnaðarbauki í kirkjunni.
Það kannast við að mikið klink hafi ratað inn í
bílinn fyrir ferðina heim en minnist þess ekki
að hafa tæmt baukinn. Þá sverja allir af sér að
hafa fengið peningana í sinn hlut, hvað þá eytt
þeim.
4.000 krónur hurfu úr safnaðarbauki
ALLIR SEGJAST SAKLAUSIR Þrír sakborninganna eru sammála um að ökumaðurinn í ferðinni, annar frá vinstri, hafi
verið höfuðpaurinn í málinu og helsti hvatamaðurinn að brennunni. Sjálfur gengst hann við því að hluta en neitar
því þó að hafa kveikt eldinn. FRÉTTABLAÐIÐ/GVA
ATVINNUMÁL Íslandsbanki hefur sagt upp
42 starfsmönnum, 26 konum og 16 körlum.
Uppsagnirnar eru liður í hagræðingu innan
bankans eftir að hann keypti og sameinaðist
Byr.
Um 66,5 prósent starfsmanna bankans eru
konur, að því er kemur fram í tilkynningu
frá bankanum. Þar segir að aðgerðirnar séu
hluti af almennri hagræðingu í íslenska fjár-
málakerfinu og séu mikilvægar í ljósi aukins
eftirlitskostnaðar og vaxandi opinberrar
gjaldtöku á fjármálafyrirtæki.
Alls fækkar þó starfsmönnum Íslands-
banka um 63, þar sem gengið hefur verið frá
starfslokum 21 starfsmanns að auki sem eru
annaðhvort að fara á eftirlaun eða hætta að
eigin ósk. Fólkið hættir störfum um áramót.
Tæplega 2.000 bankastarfsmönnum hefur
verið sagt upp hér á landi síðan um mitt
ár 2008, samkvæmt Friðbert Traustasyni,
stjórnarformanni Samtaka starfsmanna fjár-
málafyrirtækja (SSF). Þar ef eru um 80 pró-
sent konur, sem þýðir að um 1.600 konur og
400 karlar hafa misst vinnuna síðan í efna-
hagshruninu.
Friðbert segir í samtali við fréttastofu
Vísis að það gangi líklega þvert á tilfinningu
margra, sem og stefnu stjórnvalda, að kynja-
hlutföllin séu svo ójöfn. SSF muni aðstoða
alla þá sem sagt var upp eftir fremsta megni,
en samtökin voru upplýst um hvað stæði til,
áður en tilkynnt var um uppsagnirnar. - sv
80 prósent af þeim tæplega 2.000 bankastarfsmönnum sem hafa misst vinnuna eftir hrun eru konur:
Íslandsbanki segir upp 42 starfsmönnum
HÖFUÐSTÖÐVAR ÍSLANDSBANKA Alls munu 63 hætta
störfum hjá bankanum um áramót, annaðhvort vegna
starfslokasamninga eða uppsagna. FRÉTTABLAÐIÐ/VILHELM
o.fl. o.fl.
sögur
uppskriftir
leikirgjafir
EGYPTALAND, AP Ótti almennings í Egyptalandi við sektir,
sem herforingjastjórnin hefur hótað að leggja á hvern
þann sem ekki tekur þátt í þingkosningunum, kann að
eiga sinn þátt í því hve góð kosningaþátttakan hefur
verið þessa tvo fyrstu daga.
Fólk hefur flykkst á kjörstaðina og aðstoðað aldraða
eða sjúka ættingja, sem eiga erfitt um fótaferð, við að
komast á staðinn.
Þessi mikla kosningaþátttaka gengur þvert á afstöðu
mótmælenda, sem treysta ekki herforingjastjórninni til
að halda frjálsar kosningar.
Að mestu leyti virðast kosningarnar hafa farið vel
fram. Víða hafa þó stjórnmálaflokkar sent liðsmenn
sína á kjörstaði, í orði kveðnu til þess að aðstoða kjós-
endur við að komast á réttan stað, en í reynd ekki síður
til að dreifa kosningaáróðri og tala fyrir málstað síns
flokks.
Iðnastir við þetta hafa verið flokkar íslamista, sem
fyrir fram er spáð flestum atkvæðum. Frjálslyndari
flokkar og veraldlega sinnaðir hafa margir gengið
sundraðir og veikburða til kosninganna, ekki síst vegna
innbyrðis deilna um það hvort rétt sé að taka þátt í kosn-
ingunum af heilum hug eða beina kröftunum frekar að
því að krefjast afsagnar herforingjastjórnarinnar. - gb
Mikil kosningaþátttaka kemur herforingjastjórninni í Egyptalandi þægilega á óvart:
Ótti við sektir hvetur kjósendur
SÝNIR PERSÓNUSKILRÍKI Egypsk kona bíður á kjörstað eftir
því að röðin komi að henni. FRÉTTABLAÐIÐ/AP
LIST Postulínsvasi með mynd af
Bessastöðum var á mánudag seld-
ur hjá danska uppboðshaldaranum
Bruun Rasmussen í Kaupmanna-
höfn fyrir 3,5 milljónir króna með
uppboðsgjöldum.
Jóhann Hansen hjá Gallerí Fold
sagði við Listapóstinn að loknu
uppboðinu að starfsfólk gallerísins
hefði boðið í vasann fyrir þrjá mis-
munandi aðila, þó ekki þann sem
hreppti gripinn. Myndin á vas-
anum er eftir málverki sem F. T.
Kloss málaði þegar hann kom til
Íslands ásamt Friðriki Danakon-
ungi árið 1934. Talið er að tveir
vasar hafi verið
gerðir en annar
þeirra brunnið
hjá konungsfjöl-
skyldunni. Hinn
var gefinn Scheel-
fjölskyldunni, sem
á mánudag seldi
sinn vasa. - gar
Margir vildu 19. aldar grip:
Íslandsvasi fór á
3,5 milljónir
EFTIRSÓTTUR VASI Mynd
af Bessastöðum prýðir
vasann sem seldur var í
Kaupmannahöfn.
TÁLKNAFJÖRÐUR Borun eftir heitu
vatni á Tálknafirði verður boðin
út á næstunni. Hreppsnefnd
sveitarfélagsins hefur ákveðið
að bjóða verkið út. Með auknu
aðgengi að heitu vatni er vonast
til að húshitunarkostnaður lækki
og atvinna aukist.
Sveitarfélagið nýtir nú þegar
heitt vatn úr tveimur heitavatns-
holum í Sveinseyrarhlíð við
Tálknafjörð, fyrir sundlaugina,
Pollinn, íþróttahúsið og fyrirtæki
bæjarins. RÚV greindi frá.
Hreppsnefndin hefur sótt
um fjárveitingu til verksins frá
Orkusjóði. - sv
Útboðsverk á Tálknafirði:
Auka aðgengi
að heitu vatni
FJÖGURRA ÁRA Hvítabjörninn Arktos
borðaði ísköku, sem var búin til úr fiski
og grænmeti, á afmælisdegi sínum í
gær. Arktos býr í dýragarðinum í Hann-
over í Þýskalandi. NORDICPHOTOS/AFP