Fréttablaðið - 30.11.2011, Blaðsíða 29
MIÐVIKUDAGUR 30. nóvember 2011 3
Það var um miðja síðustu öld sem farið var að gera tilraunir með að
rækta jólastjörnu.
Ræktunarsaga jólastjörnunnar í þeirri mynd sem við erum vönust
henni er ekki löng. Það var nefnilega ekki fyrr en í Bandaríkjunum
rétt eftir 1945 að byrjað var að gera tilraunir með að rækta hana í
gróðurhúsum og stíla inn á þörf markaðarins fyrir „jólablóm“.
Það tókst. Jólastjarnan hefur verið í ræktun sem „jóla blómið“ á
Íslandi frá 1957. Árlega eru framleiddar og seldar um 80.000 jólastjörnur
hér á landi og varla er til það heimili eða vinnustaður sem ekki skartar
að minnsta kosti einni jólastjörnu fyrir jólin.
Ef uppáhaldsliturinn er bleikur
má með útsjónasemi hafa hann
ráðandi á jólaborðinu án þess að
það komi niður á hátíðleikanum.
Galdurinn við að komast upp
með bleikt jólaborð án þess að
það verði of væmið, er einfaldur:
Notið gyllt eða silfrað skraut svo
sem diskaplatta, servéttuhringi
og glös með gyllingu og hafið
eitthvað af rauðum kertum eða
öðrum fylgihlutum með.
Bleikt jólaborð getur verið afar
hlýlegt og ekki síður jólalegt en
jólaborð með hefðbundnu lita-
þema.
Bleikt á jólaborðið
Í bland við gyllt og slifrað verður bleiki liturinn umsvifalaust hátíðlegur.
Thorvaldsensfélagið leggur for-
vörnum gegn offitu barna lið
um jólin og mun styrkja þróun
á meðferð fyrir of feit leikskóla-
börn og fjölskyldur þeirra.
Offita barna hefur aukist mjög á
síðustu áratugum um allan heim.
Offita leikskólabarna er einnig
orðin mun algengari en áður.
Offitu fylgja auknar líkur á
ýmiss konar heilsufarslegum
vanda á lífsleiðinni eins og stoð-
kerfisvandamálum, sykursýki af
tegund II og hjarta- og æðasjúk-
dómum. Tengsl hafa jafnframt
fundist milli offitu og verri líðan-
ar og lífsgæða.
Á Barnaspítala Hringsins hafa
farið fram rannsóknir á með-
ferð við offitu barna á skólaaldri.
Niður stöður þeirra rannsókna,
sem birtar hafa verið í alþjóð-
legum vísindatímaritum, gefa
til kynna góðan árangur bæði til
skemmri og lengri tíma. Vöntun
er á svipaðri meðferð fyrir börn
á leikskólaaldri. Þegar barn er á
leikskólaaldri eru tækifærin hvað
mest til þess að hafa mikil áhrif til
framtíðar og þá áður en offitan fer
að hafa merkjanleg áhrif á líkam-
lega og andlega heilsu.
Thorvaldsensfélagið, sem er
líknarfélag stofnað árið 1875,
hefur gefið út jólamerki frá árinu
1913. Ágóðinn af sölu jólamerkis-
ins hefur alla tíð runnið óskertur
til líknarmála. Allur ágóði af sölu
jólamerkis félagsins í ár rennur til
rannsókna og forvarna gegn offitu
barna á leikskólaaldri.
Jólamerki fyrir of
feit leikskólabörn
Nánari upplýsingar um merkin og
hvernig hægt er að nálgast þau er að
finna á thorvaldsens.is.
Á sér ekki langa sögu
Árlega eru framleiddar og seldar um
80.000 jólastjörnur hér á landi.