Fréttablaðið - 30.11.2011, Blaðsíða 38

KYNNING − AUGLÝSINGHreingerning MIÐVIKUDAGUR 30. NÓVEMBER 20114
GLUGGAÞVOTTUR
Til að jólaskreytingarnar njóti sín sem best er gott að hafa glerið í gluggunum tandurhreint.
Á Leiðbeiningastöð heimilanna eru gefin góð ráð um gluggaþvott. Þar er til dæmis kennt
hvernig blanda megi sinn eigin rúðuúða. Það er gert með því að blanda ½-1 dl af glæru ediki
(borðedik) í 1 lítra af vatni en gott er að setja blönduna á blómaúðabrúsa. Ástæðan fyrir því að
edik nýtist vel er að það klýfur fitu og býr til gljáa.
Aðferð: Sprautið blöndunni á rúðuna og þurrkið vel yfir glerflötinn með þurrum mjúkum klút
jafnóðum. Pússið glerið með gömlum dagblöðum, krumpið blöðin í höndina og nuddið vel.
Prentsvertan eykur gljáa. Gleymið ekki gluggakistunum, þær er best að þvo með volgu vatni
og uppþvottalegi.
Ef þrífa á glugga að utan er best að gera það ekki í sólskini þar sem glerið þornar of hratt og
kám og taumar sitja eftir. Þvoið glugga að utan með ediksblöndu eða vatni og uppþvottalegi,
þurrkið síðan strax með gluggasköfu og alltaf í sömu átt.
Heimild: Leiðbeiningastöð heimilanna www.leidbeiningastod.isMARGNOTA
UPPÞVOTTALÖGUR
Uppþvottalögur er til margra
hluta nytsamlegur og kemur að
góðum notum í margt annað en
hið hefðbundna uppvask.
Hann hefur til dæmis nýst
ágætlega við björgun fugla sem
lent hafa í olíumengunarslysum.
Eftir Exxon olíuslysið árið 1989
fékk alþjóðlega rannsóknar-
miðstöð fuglabjörgunar gefins
hundrað kassa af Dawn upp-
þvottalegi sem notaður var til
að þrífa fugla og önnur dýr sem
höfðu lent í mengunarslysinu.
Uppþvottalögurinn kemur einnig
bifvélavirkjum að góðum notum.
Með því að nudda óblönduðum
uppþvottalegi á hendur sem
eru svartar af olíukámi næst að
þvo mikið af því af auk þess sem
lögurinn er ekki eins ertandi og
önnur leysiefni sem
notuð eru til að
þrífa slíka olíu.
Löginn má einnig
nota til að blanda
í múrefni
þegar önnur
íblöndunar-
efni eru fyrir
hendi.
NOTAÐIR Í HÁLFA ÖLD
Uppþvottahanskar hafa
verið notaðir á heimilum allt frá
sjöunda áratugnum.
Slíkir hanskar voru upprunalega
fundnir upp af bandaríska
skurðlækninum William Stewart
Halsted (1852-1922) sem notaði
slíka gúmmíhanska við uppskurði.
Stewart þessi stuðlaði að miklum
framförum í skurðlækningum og
kom á umtalsverðum umbótum
með hugmyndum sínum um
sótthreinsun í aðgerðum.
Hann var einn af fjórum pró-
fessorum sem stofnuðu John
Hopkins spítalann.
Tryggjum öllum börnum gleðileg jól
Taktu þátt í Pakkajólum Bylgjunnar við jólatréð í Smáralind
Gefðu eina aukagjöf um jólin og leggðu góðu málefni lið. Fjölskylduhjálp
Íslands, Mæðrastyrksnefnd og Hjálparstarf kirkjunnar koma pökkunum
til þeirra sem á að gleðja.
Á landsbyggðinni tekur Pósturinn á móti pökkum og kemur þeim í
Smáralind sendendum að kostnaðarlausu.
Gefðu eina gjöf og vertu með í Pakkajólum Bylgjunnar.
Við óskum öllum gleðilegra jóla