Fréttablaðið - 30.11.2011, Blaðsíða 58

30. nóvember 2011 MIÐVIKUDAGUR30
Afsláttardagur
Lífrænar vörur í 25 ár
Rauðarárstígur 10 • 105 Reykjavík
Sími: 562 4082 • www.yggdrasill.is
10%
afsláttur af öllum vörum
Vörukynningar: Dr. Hauschka | Weleda | Naturfrisk engiferöl 30% afsláttur
Jólagjafir
Lífrænar snyrtivörur
frá dr.Hauschka,
Himalayan saltlampar
og gjafakörfur.
HVAÐ? HVENÆR? HVAR?
Miðvikudagur 30. nóvember 2011
➜ Tónleikar
21.00 Skemmtilegir tónleikar verða á
Gauki á stöng með sveitunum Náttfara
og Nolo. Miðaverð er kr. 500.
20.00 Nemendur Söngskóla Sigurðar
Demetz setja upp óperuna Arthúr
konung eftir Henry Purcell í Skógarhlíð
20. Á þriðja tug einsöngvara stíga á svið
auk kórs og 13 manna hljómsveitar.
Almennt miðaverð er kr. 1.900 en nem-
endur og eldri borgarar greiða kr. 1.000.
20.00 Tónlistarhópurinn Jaðarber
beinir sjónum að norrænni tónlist
með tilraunakenndri framsetningu á
Kjarvalsstöðum. Verk eftir Simon Steen-
Andersens, Stine Sørlie, Kaj Aune og
Øyvind Torvund verða flutt. Aðgangur
er ókeypis.
20.00 Karlakór Kjalnesinga og Kvenna-
kór Reykjavíkur halda aðventutónleika í
Langholtskirkju í Reykjavík. Örlygur Atli
Guðmundsson og Ágota Joó stjórna.
Sérstakur gestur er Söngkvartettinn
Vallargerðisbræður. Almennt miðaverð
er kr. 3.000 við inngang en kr. 2.500 í
forsölu hjá kórfélögum.
21.00 Hljómsveitin ADHD sendi frá sér
plötuna adhd2 fyrir stuttu. Að því tilefni
fóru þeir í tónleikaferð um landið sem
lýkur með tónleikum í Edinborgarhús-
inu á Ísafirði í kvöld.
21.00 Hljómsveitin For a Minor
Reflection sendi frá sér stuttskífuna EP
um daginn. Af því tilefni efnir sveitin til
útgáfufagnaðar á Faktorý. Ásamt þeim
koma fram We Made God og Lockerbie.
Miðaverð er kr. 1000 kr.
21.00 JP Jazz og The Eternal Triangle
koma fram á síðustu tónleikum
tónleikaraðar djassklúbbsins Múlans á
þessu hausti. Tónleikarnir fara fram í
Norræna Húsinu og aðgangangseyrir er
kr. 1.500.
22.00 Í tilefni útgáfu plötunnar Annar
í Bassajólum verða haldnir tónleikar
á Café Rosenberg. Jakob Smári leikur
lög sín ásamt bassaleikaranum Guðna
Finnssyni og trommuleikaranum Arnari
Þór Gíslasyni. Sérstakir gestir verða
Jökull Smári Jakobsson og Lárus Jakobs-
son.
➜ Leiklist
20.00 Draumasmiðjan sýnir leikverkið
Lostin í Tjarnarbíói. Verkið var frumsýnt
árið 2009 og sýnt aftur vegna fjölda
áskoranna. Sýningin er ekki ætluð
börnum. Miðaverð er kr. 2.900.
➜ Opnanir
16.00 Innangarðs, sýning mynd-
listarnema í Listaháskóla Íslands opnar
í görðunum innan Háskóla Reykjavíkur.
Gjörningar verða fluttir við opnunina og
eru allir velkomnir.
➜ Fundir
12.25 Alþjóðamálastofnun Háskóla
Íslands og Forlagið standa fyrir fund um
börn flóttamanna í stofu 101 í Odda.
Anna Kristine Magnúsdóttir-Mikulcaková
blaðakona er dóttir flóttamanns frá
fyrrum Tékkóslóvakíu. Foreldrar Tinnu
Davíðsdóttur lyfjafræðings flúðu frá
Víetnam. Þær segja frá flóttanum og
sitja fyrir svörum. Tilefni fundarins er
útkoma bókarinnar Ríkisfang: Ekkert.
➜ Hönnun og tíska
21.00 Árleg herrafatasýning Kormáks
og Skjaldar verður haldin í Þjóðleikhús-
kjallaranum. Skemmtiatriði og vöruúrval
verslunarinnar til sýnis. Aðgangur er
ókeypis og allir velkomnir.
➜ Tónlist
20.00 Tíunda kvöld Barböru tileinkað
raftónlist fer fram í kvöld. Sean Danke
og Fu Kaisha spila ásamt plötusnúð-
unum Frímanni og Baarregaard.
22.00 Reykjavík Soundsystem sam-
steypan hefur umsjón með tónlistinni á
Kaffibarnum.
22.00 Dj Creature of the Night stjórnar
tónlistinni á Bakkusi.
➜ Dans
14.00 Síðdegisdans verður hjá Félagi
eldri borgara í Reykjavík í Stangarhyl 4,
frá kl. 14.00 til 16.00. Stjórnendur eru
Matthildur og Jón Freyr. Vinabandið
kemur í heimsókn, aðgangseyrir er 600
kr.
Upplýsingar um viðburði sendist á
hvar@frettabladid.is.
Bíó ★
Jack and Jill
Leikstjórn: Dennis Dugan
Leikarar: Adam Sandler, Al Pacino, Katie Holmes, Eugino Derbez,
Johnny Depp
Adam Sandler hatar þig!
Stundum koma út myndir sem láta
mann furða sig á því að enginn hafi
bremsað framleiðsluna af strax í
upphafi. Að enginn hafi gert athuga-
semdir við söguþráðinn. Að enginn
hafi fattað það á á tökustað hvað
viðkomandi afurð ætti eftir að verða
mikið drasl. Adam Sandler að leika
tvíbura af sitthvoru kyninu hefði
átt að kveikja á viðvörunarbjöllum
hjá einhverjum, en á undraverðan
hátt komst Jack and Jill alla leið í
kvikmyndahús og í augu mín. Ó,
aumingja vesalings augun mín!
Sandler er ævintýralega lélegur
gamanleikari. Skrækirnir og líkams-
tjáning hans í hlutverki Jill eru af
Gilbert Gottfried-skólanum og
rembingslegir og ófyndnir eftir því.
Mynd af þessu tagi stendur og fellur
með aðalleikaranum. Þegar hann
stendur sig svona illa skiptir annað
engu máli. Aðrir leikarar eru skárri
en allir virka þeir pínlegir og þvingaðir. Líklega hefur Sandler komið höndum
yfir vandræðalegt kynlífsmyndband þar sem Al Pacino hangir nakinn á haus
á meðan sirkusdvergar skiptast á að flengja hann. Það er eina mögulega
ástæðan sem ég get fundið fyrir því að Pacino samþykkti að leika í Jack and
Jill. Hann hefur verið kúgaður til þess.
Af hverju er Adam Sandler svona illa við okkur? Hvað höfum við gert
honum? Er hann kannski viljandi að reyna að eyðileggja feril sinn? Af hverju
hættir hann ekki þá frekar að leika í kvikmyndum? Og hvernig má það vera
að þessi mynd sé búin að hala inn 65 milljónir dollara? Megum við eiga von
á framhaldsmynd? Spurningarnar eru margar og þeim er ekki auðsvarað. En
þessa mynd skaltu forðast eins og drepsótt. Haukur Viðar Alfreðsson
Niðurstaða: Sparaðu þér aurinn og settu frekar jalapeño í augað á þér.
„Við þurfum svolítið að fagna
saman,“ segir Sigtryggur Baldurs-
son tónlistarmaður. Sigtryggur er
einn skipuleggjenda Dags íslenskr-
ar tónlistar sem haldinn verður
hátíðlegur á morgun, á sjálfan full-
veldisdaginn.
Í tilefni dagsins hefur verkefnið
Syngjum saman verið skipulagt,
en allar útvarpsstöðvar Íslands
munu á morgun spila þrjú íslensk
lög samtímis, klukkan 11.15. Allir
eru svo að sjálfsögðu hvattir til að
syngja með.
„Okkur hefur lengi vantað svona
viðburð til að halda upp á daginn
á skemmtilegan hátt, og þannig að
það tengist út í þjóðfélagið. Lögin
þrjú eru þjóðþekkt og allir ættu að
geta tekið undir. Stingum af með
Mugison er til dæmis mikið sung-
ið á leikskólum landsins um þess-
ar mundir,“ segir Sigtryggur, en
hin lögin tvo sem spiluð verða eru
Söngur fuglanna eftir Atla Heimi
Sveinsson og Stuðmannaslagarinn
Manstu ekki eftir mér? eftir Ragn-
hildi Gísladóttur. Margir kunna
textana við lögin, en þeir sem
lærðu þá ekki í skáta útilegunni
eða á sveitaballinu geta fundið
skjal með öllum textunum þremur
á stef.is.
Grunn- og leikskólabörn lands-
ins munu ryðja veginn með verk-
efnið, en skólar landsins hafa tekið
vel í framtakið og í mörgum hverj-
um verður söngstund á sal til heið-
urs íslenskri tónlist. Sigtryggur
hvetur þó alla til að taka undir, og
vinnustaði til að gefa hlé frá vinnu.
Hann segir fulla þörf á degi sem
þessum sem minnir okkur öll á auð
íslenskrar tónlistar. „Hugmyndin
er sú að hnykkja á því hvað íslensk
tónlist er mikilvæg í daglegu lífi
okkar allra. Hvort sem við erum
skólabörn, alþingismenn eða tón-
listarfólk. Tónlist er svo mikill
hluti af menningu okkar og svo
skemmtilegur hluti af tilverunni.
Það er afskaplega mikilvægt að
minna á það.“ - bb
Íslendingar taki lagið saman
SIGTRYGGUR BALDURSSON 1. desember er hátíðisdagur fyrir íslenskt tónlistarfólk, en
sama dag verður haldið upp á fimm ára afmæli Útón. FRÉTTABLAÐIÐ/ANTON
Síðrokkbandið For a Minor
Reflection gaf fyrir skömmu út
stuttskífuna EP sem inniheldur
fjögur lög. Af því tilefni verða
útgáfutónleikar á Faktorý í kvöld
þar sem We Made God og Locker-
bie koma einnig fram.
EP er þriðja útgáfan frá hljóm-
sveitinni. Áður hafa komið út
plöturnar Reistu þig við, sólin er
komin á loft og Höldum í átt að
óreiðu, sem kom út í fyrra. „Mjög
mikið af þessu efni er samið
þegar við erum að túra, þegar við
erum að dunda okkur í tölvunni.
Við ákváðum að gefa út plötu til
að eiga auðveldara með að fá gigg
úti. Það tók tíu daga þetta ferli og
síðan fórum við beint til Kína
eftir það,“ segir gítarleikarinn
Kjartan Holm. Þar spilaði sveit-
in á tvennum tónleikum á vegum
Sonicbids.
For a Minor Reflection hefur
verið dugleg að kynna sig
erlendis á þessu ári og hefur
komið fram á mörgum tónlist-
arhátíðum, þar á meðal South
By Southwest. Einnig hefur hún
ferðast til Bandaríkjanna, meg-
inlands Evrópu og Kína, eins og
áður sagði. Alls eru tónleikarn-
ir 29 talsins á árinu. „Við tókum
skemmtilega hátíð í Sziget í Búda-
pest sem er með flottari festivöl-
um í Evrópu að mínu mati,“ segir
hann. Aðspurður vonast hann til
að geta lifað eingöngu af tónlist-
inni í náinni framtíð. „Þetta er
bara svo dýr bissness og erfiður
en frábær engu að síður.“
Næsta tónleikaferð verður
farin um Evrópu í lok febrúar á
næsta ári og því enn fleiri ferða-
lög fram undan. „Ætli við verð-
um bara ekki áfram í þessari rút-
ínu sem við erum búnir að vera
í,“ segir Kjartan og kvartar ekki.
„Þetta venst, maður er svo ungur
og hraustur.“
Dýrt og erfitt en
samt frábært
NÝ STUTTSKÍFA Hljómsveitin For a Minor Reflection gaf fyrir skömmu út stutt-
skífuna EP. FRÉTTABLAÐIÐ/VILHELM