Fréttablaðið - 30.11.2011, Blaðsíða 66

30. nóvember 2011 MIÐVIKUDAGUR
FÓTBOLTI Pálmi Rafn Pálmason
hefur fundið sér nýtt félag í norsku
úrsvalsdeildinni en hann hefur
yfirgefið Stabæk og mun spila með
Lilleström næstu þrjú árin. Pálmi
var að klára fjórða tímabil sitt með
Stabæk en liðið á miklum fjárhags-
erfiðleikum og berst við það að
forðast gjaldþrot.
„Það er mjög ljúft að vera búinn
að ganga frá þessu og geta farið
heim í próf og frí án þess að hafa
áhyggjur. Það var fínt að klára
þetta,“ sagði Pálmi Rafn Pálma-
son staddur á flugvellinum í Ósló
á leiðinni heim til Íslands.
„Það var annað í boði en þetta
hljómaði spennandi og þetta er
flottur klúbbur. Við þurfum líka
ekki að flytja sem er plús. Þetta er
í 20-25 mínútna fjarlægð frá Ósló,
sem er mjög gott,“ sagði Pálmi.
Þrír íslenskir leikmenn spiluðu
með Lilleström á síðasta tíma-
bili. Það eru markvörðurinn
Stefán Logi Magnússon, miðju-
maðurinn Stefán Gíslason og
sóknar maðurinn Björn Bergmann
Sigurðarson.
Hann náði því að vera norskur
meistari á sínu fyrsta ári með Sta-
bæk árið 2008 og segir að það væri
gaman að upplifa slíkt aftur. Lil-
leström náði bara þrettánda sæti á
síðasta tímabili og hefur ekki
komist ofar en í tíunda
sæti þann tíma sem
Pálmi Rafn hefur spilað
í Noregi.
„Það er stefnan að gera
eitthvað stórt á næsta
ári og á næstu
árum. Það er mik-
ill metnaður í
þeim og það er
vonandi að
við fáum það
í gang,“ sagði
Pálmi.
„Pálmi er
sókn djarfur
miðju maður
sem bæði skor-
ar og leggur
upp mörk. Hann er dæmigerður
íslenskur leikmaður sem er vinnu-
samur og passar því vel inn í okkar
lið,“ sagði Torgeir Bjarmann, yfir-
maður íþróttamála hjá Lilleström,
á heimasíðu félagsins.
„Þeir eru vanir því að hafa góða
Íslendinga hjá sér og vænta þess
sama frá mér líka,“ segir Pálmi,
en fyrst er það skólinn sem kallar
og því er enginn tími til að fagna
nýjum samningi á næstunni. „Ég
er í sálfræði í fjarnámi og það
er próf strax á morgun. Ég
þarf að reyna að fara að
einbeita mér að því.
Það var því léttir að
ná að klára þetta.
Ég fer síðan út
eftir áramót og
við byrjum að
æfa 9. janúar,“
sagði Pálmi
Rafn. - óój
Pálmi Rafn Pálmason skrifaði undir þriggja ára samning við Lilleström í gær:
Kostur að þurfa ekki að flytja
PÁLMI RAFN
PÁLMASON
HANDBOLTI Lengi hefur verið
tvísýnt um þátttöku landsliðs-
fyrirliðans Ólafs Stefánssonar á
Evrópu mótinu í Serbíu í byrjun
næsta árs.
Langvinn hnémeiðsli héldu
honum frá keppni með danska lið-
inu AG fyrstu þrjá mánuði ársins
en þegar hann sneri aftur í síð-
ustu viku glöddust íslenskir hand-
boltaáhugamenn enda töldu flestir
að hann yrði með í janúar.
Ólafur sjálfur er hins vegar
farinn að tala um það opinber-
lega að best sé fyrir hann að taka
sér hvíld á EM og einbeita sér að
því að koma sér í gott form fyrir
verkefni vorsins með AG og ekki
síst hjá íslenska landsliðinu sem
mun reyna að vinna sér sæti á
Ólympíu leikunum í forkeppni
leikanna í apríl.
Það þarf að fara langt aftur til
þess að finna stórmót hjá íslenska
karlalandsliðinu þar sem Ólafur
Stefánsson er ekki með. Það gerð-
ist nefnilega síðast á HM í Svíþjóð
árið 1993 og síðan þá hefur Ólafur
tekið þátt í fimmtán stórmótum í
röð.
Gengi íslenska liðsins hefur
líka verið frábært á þessum
tíma. Ólafur hefur verið í aðal-
hlutverki á fjórum af fimm bestu
stór mótum íslenska lands liðsins
og Ólafur hefur verið með í sjö
af ellefu stórmótum þar sem
íslenska landsliðið hefur verið
meðal þeirra sjö hæstu.
Ólafur var reyndar ekki eins
áberandi og áður á síðustu tveim-
ur stórmótum og flestum mótum
þar á undan en mikilvægi hans er
þó óumdeilanlegt.
Hann er andlegur leiðtogi
strákanna og hefur enn alla burði
til þess að gera út um leiki með
útsjónarsemi sinni og reynslu.
Ólafur hefur leikið 101 af 106
leikjum íslenska landsliðsins á
stórmótum frá og með árinu 1995
og hefur því aðeins misst af fimm
leikjum á HM, EM á Ól á þessum
19 árum. Ólafur hefur skorað 483
mörk í þessum 101 leik eða 4,8
mörk að meðaltali í leik. Hann
skoraði fimm mörk að meðaltali
í leik á átta stórmótum í röð frá
2001 til 2007 og hefur skorað fjög-
ur mörk eða meira á tíu þessara
móta.
Það verður örugglega skrýtið
fyrir íslenska handbolta-
áhugamenn að sjá engan Ólaf
Stefánsson meðal strákanna
okkar í Serbíu í janúar. Guðmund-
ur Guðmundsson landsliðs þjálfari
sefur örugglega ekki betur og
ætli íslenska liðið sér langt á
mótinu þurfa aðrir leikmenn liðs-
ins að fylla í stórt skarð á hægri
vængnum. Það kemur samt allt-
af að þeim tímapunkti að lands-
liðsskórnir hans Ólafs fara upp í
hillu. EM í Serbíu gæti því verið
góð æfing fyrir þann tíma þegar
besti handboltamaður Íslands-
sögunnar kveður íslenska lands-
liðið endanlega. ooj@frettabladid.is
Nítján ár síðan Ísland fór
síðast á stórmót án Ólafs
Ólafur Stefánsson segir það vera best fyrir sig að hvíla á Evrópumótinu í Serbíu
en einbeita sér þess í stað að því að koma sér í form fyrir átök vorsins. Ólafur
hefur verið með á fimmtán stórmótum í röð og spilað 101 leik á HM, EM og ÓL.
LYKILMAÐUR Í LANGAN TÍMA Ólafur Stefánsson sendir inn á línuna í leik á móti Frökkum. NORDICPHOTOS/GETTY
HM á Íslandi 1995
7 leikir - 11 mörk (1,6 mörk í leik)
HM í Kumamoto 1997 9 - 26 (2,9)
EM í Króatíu 2000 6 - 22 (3,7)
HM í Frakklandi 2001 6 - 32 (5,3)
EM í Svíþjóð 2002 8 - 58 (7,3)
HM í Portúgal 2003 9 - 58 (6,4)
EM í Slóveníu 2004 3 - 20 (6,7)
ÓL í Aþenu 2004 6 - 43 (7,2)
HM í Túnis 2005 5 - 25 (5,0)
EM í Sviss 2006 4 - 33 (8,3)
HM í Þýskalandi 2007 10 - 53 (5,3)
EM í Noregi 2008 4 - 19 (4,8)
ÓL í Peking 2008 8 - 29 (3,6)
EM í Austurríki 2010 8 - 32 (4,0)
HM í Svíþjóð 2011 8 -22 (2,8)
Fimmtán stórmót Ólafs: