Framsóknarblaðið - 09.06.1965, Blaðsíða 2
2.
FR AMSÓKN ARBL AÐIÐ
WBHManHaBBODianMHHMHBHHBBMHBBBBnBraiI
VATNSÖFLUN f VESTMANNAEYJUM
Framhald af 1. síðu.
heppilegustu stærð vatnsgeyma. Eg
geng hér út frá því, að önnur leiðsl
an frá landi bili og viðgerð taki 5
daga. Þá þarf að vera til staðar
vatnsforði, sem svarar því magni,
sem tapast , eða 5250 tonn.
Bæjarkerfi.
Gert er ráð fyrir því að bæjar-
kerfi verði tvískipt eftir hæð lands-
ins. Liggja til þess eftirfarandi á-
stæður. Ýmis tæki eru þannig gerð,
að þau þola ekki mikinn þrýsting.
Oft er viðgerð þeirra miðað við að
þrýstingur í vatnskerfi fari ekki yf-
ir 60 m. Það er dýrt að dæla vatn-
inu hærra en þarf og er því eðli-
legt að vatn sem nota skal í neðri
bæjarhlutum, sé ekki dælt jafn hátt
vatni til efri bæjarhluta. Bæjarkerf
ið verður að mestu leyti byggt upp
úr asbestleiðslum, en þær eru
byggðar fyrir mismunandi þrýst-
ing. Algengasta gerð þeirra er ætl-
uð fyrir mesta þrýsting 60 m. Næsta
gerð fyrir ofan þolir 100 m, en er
talsvert dýrari. Með þetta fyrir aug
Aðalfundur Kf. Vestm.eyja
Aðalfundur Kaupfélags Vest-
mannaeyja var haldinn miðvikudag
inn 2. maí í húsi K. F. U. M. og K.
í Vestmannaeyjum.
Formaður félagsstjórnar, Stein-
grímur Benediktsson, setti fundinn
og flutti skýrslu stjórnarinnar. Því
næst tók kaupfélagsstjórinn, Guðni
Guðnason, til máls, og flutti ýtar-
lega ræðu um rekstur félagsins á
liðnu ári.
Heildarvelta félagsins var á árinu
kr. 27,5 millj. og hafði aukizt frá
árinu áður um 30%. Eftir að vöru-
lager hafði verið afskrifaður um
37,5% var rekstursafgangur kr. 210
þús. kr. Var honum varið til af-
skrifta á öðrum eignum fél. Á árinu
greiddi kaupfélagið nálega 1,2 millj.
króna í söluskatt.
Kaupfélag Vestmannaeyja rekur
nú þrjár matvöruverzlanir, og auk
þess vefnaðar- og búsáhaldaverzlan-
ir. Einnig rekur það kjötvinnslu og
pylsugerð. Á árinu festi félagið
kaup á húseignunum Bárugötu 6 og
Strandvegi 42, fyrir mjög hagstætt
verð, en fyrri eigandi var Samband
ísl. samvinnufélaga. Af framkvæmd
um á árinu má geta, að félagið er
að reisa verzlunarhús í austurbæn-
um, og auk þess fóru fram gagngerð
ar endurbætur á húsnæði kjöt-
vinnslunnar.
Úr stjórn félagsins áttu að ganga
Steingrímur Benediktsson og Jó-
hann Björnsson, en voru báðir end
urkjörnir. Auk þeirra eiga sæti í
stjórninni Páll Eyjólfsson, Eiríkur
Ásbjörnsson og Jón Stefánsson.
um er gert ráð fyrir því að í neðra
kerfinu verði mesti þrýstingur um
60 m. Þetta svarar til þess að botn-
kóti í 5 m háum vatnsgeymi sé um
55 m. Dreifikerfi frá þessum geymi
mun ná til bygginga sem standa á
landi neðan við 40 metra hæðar-
línuna. Á meðfylgjandi teikningu
er sýnt hvaða landssvæði fær vatn
frá þessum geymi. Stærð þessa
geymis er 5000 tonn, hann er stað-
settur í kvosinni ofan við Gagn-
fræðaskólann og verður gerður úr
steinsteypu.
Ofan við þetta svæði búa núna
um 700 manns. Gera má ráð fyrir
ð mikill hluti fólksfjölgunarinnar
verði á efra svæðinu. Hér er gert
ráð fyrir 1500 íbúum á efra svæð-
inu og er vatnsþörf þeirra þá 450
tonn á dag. Vatnsgeymir fyrir efra
svæðið verður að stærð 250 tonn
með botnkóta 90 m. hæð 5 m. Rétt
er að hafa hann ekki hærri þar sem
á svæðinu geta verið nokkrar bygg
ingar á landi neðan við 40 m. sem
hentugra er að tengja við efra kerf-
ið. Geymir þessi verður staðsettur
neðan við Dalaveginn, móts við af-
leggjarann að malargryfjum í
Helgafelli. Dælustöð fyrir þetta
kerfi verður við neðri geyminn,
/Verða þar tvær dælur, sem hvor
um sig afkastar 450 tonnum á dag
við 40 m þrýsting. Aflið er ca 40
HK pr. dælu. Þær ganga til skiptis
og er stýrt með flotrofum í báðum
geymum. Frá dælustöð liggur 6”
leiðsla að efra geymi. Lengd henn-
ar er um 400 m.
Efra kerfið nær til bygginga á
landi neðan við 75 metra hæðarlínu.
Á teikningu er þessi hæðarlína
sýnd og landssvæði það, sem kerfið
þjónar. Ofan við 75 metra eru mjög
fáar byggingar og er gert ráð fyrir
að ekki verði í náinni framtíð leyft
að byggja þar. Ef æskilegt verður
síðar meir að byggja hverfi ofan
við 75 m verður að bæta við þriðju
vatnskerfinu, sem næði til lands
milli 75 og 110 m. hæðarlínanna.
Þær byggingar, sem nú standa of-
an við 75 m., geta fengið vatn úr
efra kerfinu með sérstökum dælum
og má víðast hvar notast við dælur
þær sem eru fyrir í þeim.
Það sem hér er sagt um bæjar-
kerfið á fyrst og fremst við vatns-
veitu, sem byggist á leiðslu frá
landi. Verði hins vegar valin sú leið
að vinna vatn úr sjó, yrðu vinnslu-
vélarnar sennilega staðsettar á Eið-
inu eða austur á Urðum. Staðsetn-
ing geyma yrði þá önnur. Þar sem
dreifingarkerfið um bæinn byggist
í flestum tilfellum utan um leiðsl-
una milli dælustöðvarinnar og
geymis er ekki á þessu stigi máls-
ins hægt að vinna að áætlunum um
það. Fyrst þegar vatnsöflunarað-
ferð hefur verið ákveðin svo og
staðsetning geyma verður hægt að
hefja teikningu bæjarkerfisins.
Kostnaður í Vestmannaeyjum.
Dælustöðvar, geymar og leiðslur
milli þeirra.
millj. kr.
Vatnsgeymar, 5.250 tonn
á 800/— 4,2
8” leiðsla, 1000 m. á 800/— 0,8
6” leiðsla, 400 m. á 500/— 0,2
Dælustöðvar o. fl. 0,8
Samtals millj. kr. 6,0
Það þykir líklega ekki færandi í
frásögu, þótt dagamunur sé gerður
á Sjómannadag í stærsta útgerðar-
bænum, a. m. k. hef ég ekki heyrt
útvarpið segja frá neinu hátíðar-
haldi þar, þennan dag.
Vestmannaeyjar eru þó sá staður
sem mestur sjávaraflanum er land-
að og hann verkaður, og leggja því
að sínum hluta stórt „prósent" í
þjóðarbúið. Því ætti sjómanna-hátíð
is-dagur að vera þar með meiri
glæsibrag en annarsstaðar.
Það var blítt veðrið 30. maí.
Börn eru snemma á ferli með Sjó-
mannadagsblaðið og merki dagsins,
blaðið fjölbreytt að efni og snoturt
að vanda.
Upp úr hádegi fór fólk að safn-
ast á horn Vestmannabrautar og
Kirkjuvegar, börn og unglingar
voru þar í meirihluta. Lúðrasveit
spilar undir stjórn Oddgeirs Kristj
ánssonar, ávarp er flutt. Undir
blaktandi fánum og við hljómfall
þýðra tóna gengur fjölmenn fylk-
ing um nokkrar götur, og loks er
staðnæmzt milli dyra Landakirkju
og myndastyttu „drukknaðra og
hrapaðra“ þar sem Einar Gíslason
flutti snjalla ræðu, milli hljóma og
söngs. Kirkjan fyllist og hátíðar-
messa er sungin, séra Þorsteinn L.
Jónsson flytur þróttmikla prédik-
un.
Stakkagerðistún, samkomusvæðið
í miðjum bænum, er fánum prýtt.
Þar fóru fram ýmsir skemmtiþætt-
ir, lúðrar þeyttir, leikir, og ræða
flutt, Karlakórinn Svanir frá Akra
nesi söng nokkur lög. Allt fór þetta
vel fram og ánægjulega. Slysavarna
deildin Eykyndill hafði kaffisölu í
grenndinni.
Um kvöldið var innisamkoma með
góðri dagskrá og að síðustu var
dansað í samkomuhúsum fram á
nótt.
Mjög þótti það á vanta þessa há-
tíð, að kappróður og aðrir þættir
við höfnina fórust fyrir. En þar
hafa oft verið góðir þættir og á
sannarlega vel við að þar — við
sjóinn — geti fólk séð ýmsar listir,
Framsóknar-
blaðið
Ritnefnd:
Sigurgeir Kristjónsson,
Jóhann Björnsson, ób.
Afgreiðslu annast:
Sveinn Guðmundsson.
Gjaldkeri:
Hermann Einarsson.
sem sjómennsku tilheyra. Róður, að
vera góður ræðari hefur frá upp-
hafi verið höfuðkostur sjómanns-
ins, enda er róður falleg og heilsu
samleg íþrótt, og það má telja mjög
illa farið, ef hin vaska og fjölmenna
sveit, sem sjóvinnu stundar í Vest-
mannaeyjum kann ekki lengur ára-
lagið, eða fæst ekki til að leggja
út ár til gagns eða gamans. Vél-
tækni og tæki margskonar er mjög
til farsældar, hags og öryggis. En
líkams og sálarþrótt ber hverjum
manni þó að æfa og þroska svo sem
kostur er á, og tjón er það, ef fornir
þættir atgerfis falla í gleymsku eða
víkja fyrir öðru mtízkuþáttum,
kannski tvísýnum að gildi. Heill og
heiður okkar kæru eyjar, er að
mestu háð hreysti og manndómi
þeirra, sem sjóinn sækja, til fiskj-
ar eða flutninga. Heill sé þeim og
hverri starfandi hönd.
Einar.
KruÉ spyr
Miðvikudaginn 19. maí spyr
Brautin, málgagn Alþýðuflokksins.
Er það satt, að venjulega sé lög-
regluþjónn staðsettur á horni Báru
götu og Vestmannabrautar um há-
degi, nema ef yfirlögregluþjónninn
fer úr bænum, þá sjáist enginn?
Skýringin á þessu fyrirbrigði er
einfaldlega sú, að þegar yfirlögreglu
þjónninn er fjarverandi, er aðeins
einn maður á vakt um hádegið, og
af skiljanlegum ástæðum getur
sami maður ekki verið til afgreiðslu
á lögreglustöðinni og stjórnað um-
ferð á tilteknu götuhorni á sama
tíma.
Þá skal spyrjandanum bent á, að
hann hefði getað sparað sér þessa
glósu í blaðinu í garð okkar gömlu
lögregluþjónanna, með því að
hringja á lögreglustöðina og fá þar
framangreinda skýringu.
S. K.