Morgunblaðið - 20.08.2010, Blaðsíða 14
STANGVEIÐI
Einar Falur Ingólfsson
efi@mbl.is
„Ég átti alls ekki von á þessu,“ sagði
Áskell Agnarsson, byggingaverktaki
í Keflavík, sem veiddi í vikunni 101
cm lax í Norðurá, en slík tröll eru afar
sjaldgæf þar um slóðir. Laxinn, sem
var leginn hængur og rúm 20 pund
samkvæmt viðmiðunarkvarðanum,
fékk Áskell í Myrkhyl á Snældu í
þýsku fánalitunum.
Áskell hefur nokkrum sinnum
áður veitt í Norðurá en hans stærsti
lax þar til þessa vó 8 pund.
„Þegar við Kristján Guðmunds-
son, félagi minn, komum að Myrkhyl
vildi ég koma flugunni vel niður í dýp-
ið,“ segir hann. Áskell setti því sökk-
enda á línuna, sterkan taum og fyrir
ofan Snælduna bætti hann við tveim-
ur blýhöglum til að sykki vel. „Ég
notaði síðan bakstraum sem er þarna
við strenginn til að bera Snælduna
vel niður í dýpið. Það tókst! Menn
sögðu að þetta væri þvílík vitleysa og
hlógu að aðferðinni en þetta skilaði
árangri og var virkilega gaman. Lax-
inn stökk aldrei en ég missti hann
heldur aldrei langt frá mér. Hann var
mjög þungur á allan tímann en það
var ekki fyrr en hann velti sér og
sýndi þessa hrikalegu sporðblöðku að
ég fékk virkilegt adrenalínkikk. Þá
áttaði ég mig á því hverskonar
skepna þetta var.“
Þeir félagar mældu fiskinn og
slepptu honum síðan aftur, eins og
skylt er að gera með tveggja ára lax-
inn í Norðurá. Hann harmar að hafa
skilið símann með myndavélinni eftir
í veiðihúsinu um morguninn, en hann
hafði hringt svo mikið og truflað
kvöldið áður að þeir ákváðu að veiða
símalausir.
„Auðvitað áttum við ekki von á
svona fiski en við hefðum átt að hafa
símann í vasanum, hafa bara slökkt á
honum. Þá ætti ég mynd af fisk-
inum,“ segir Áskell sem þykir synd
að geta ekki hirt svona risa, en hann
segir fiskinn hafa verið nokkrum
sentimetrum lengri en sá sem er upp-
stoppaður í veiðihúsinu.
Hollið fékk 46 laxa en þá var aft-
ur tekið að sjatna í ánni eftir að hún
óx við rigningarnar um liðna helgi.
Allir laxarnir voru talsvert legnir ut-
an tveir sem voru nýgengnir.
„Hér er myljandi veiði,“ sagði
Árni Friðleifsson, stjórnarmaður í
SVFR, sem er þessa dagana umsjón-
armaður Laxár í Dölum. Um síðustu
helgi rigndi loksins í Dölunum, þá óx í
ánni og laxinn fór á hreyfingu – og að
taka. Síðasta fluguhollið fékk þá 112
laxa en nú er fyrsta maðkahollið við
veiðar og gengur vel.
Allir kátir í Dölunum
„Hér eru allir kátir, enda eru
menn að ná kvótanum, sem er fimm
laxar á vakt, og sleppa einnig ein-
hverju. Þrigga daga hollið mun ef-
laust enda í um 200 löxum á stang-
irnar sex. Það er ekki slæmt,“ sagði
Árni. Hann bætti við að fiskur væri
ennþá að rjátlast inn, þannig veiddist
lúsugur lax í gærmorgun.
„Það er nokkuð af rígvænum
fiski inn á milli,“ sagði hann. „Um
daginn var ég með erlendum veiði-
manni sem setti í einn stóran í Papa.
Hann togaðist á við hann í 50 mín-
útur, áður en laxinn lak af. Það var 20
punda fiskur.“
„Myljandi veiði“ sögð
vera í Laxá í Dölum
Veiðimaður sökkti Snældunni vel og landaði 101 cm laxi í Myrkhyl í Norðurá
Morgunblaðið/Golli
Við Norðurá Veiðikona kastar flugu á einn margra fallegra veiðistaða í ánni. 98 laxar veiddust þar síðustu vikuna.
Aflahæstu árnar
Heimild: www.angling.is
10.749
4.229
2.371
2.413
4.004
2.408
1.622
1.993
1.339
2.254
880
1.117
1.404
1.266
2.019
Staðan 18. ágúst 2010
3.117
3.116
3.107
2.739
2.125
1.897
1.502
1.468
1.434
1.205
1.060
1.005
850
812
805
Ytri Rangá & Hólsá (20)
Eystri Rangá (18)
Þverá + Kjarará (14)
Blanda (12)
Miðfjarðará (10)
Norðurá (14)
Haffjarðará (6)
Selá í Vopnafirði (7)
Grímsá og Tunguá (8)
Langá (12)
Elliðaárnar (6)
Laxá í Aðaldal (18)
Laxá í Kjós (10)
Laxá í Leirársveit (6)
Víðidalsá (6)
Veiðivatn (Stangafjöldi) Veiði
Lokatölur
2009
Veiðin
11. ágúst
3.117
3.116
3.107
2.739
2.125
1.897
1.502
1.468
1.434
1.205
1.060
1.005
850
812
805
14 FréttirINNLENT
MORGUNBLAÐIÐ FÖSTUDAGUR 20. ÁGÚST 2010
ICELANDAIR hefur samið við hót-
elbókunarfyrirtækið HRS, Hotel
Reservation Service, um samstarf á
sviði hótelbókana á vefsíðum Ice-
landair. HRS starfrækir rafrænt
hótelbókunarkerfi sem er eitt hið
stærsta í heimi og býður upp á rúm-
lega 250 þúsund hótel í 180 löndum.
Úrval hótelanna er fjölbreytt. Þar
má finna hótel sem henta bæði til
frístunda og viðskiptaferða, allt frá
litlum fjölskyldureknum hótelum
upp í alþjóðlegar keðjur. Samning-
inn undirrituðu Christian Riesen-
berger frá HRS og Guðmundur
Óskarsson frá Icelandair að við-
stöddum Bob Engeringh deild-
arstjóra HRS og Hrund Sveins-
dóttur verkefnisstjóra Icelandair.
Hótelbókanir
Frá og með 8. september þurfa allir
sem ferðast án áritunar til Banda-
ríkjanna að greiða gjald sem nemur
14 Bandaríkjadollurum þegar þeir
sækja um ESTA-ferðaheimild.
Sækja þarf um ESTA-ferðaheimild-
ina á http://esta.cbp.dhs.gov.
Ferðaheimildin gildir í tvö ár frá
samþykki eða þangað til vegabréf
viðkomandi rennur út, hvort sem
gerist fyrr. Umsækjendur þurfa að
sækja um a.m.k. 72 klukkustundum
áður en fyrirhugað ferðalag hefst.
Nánari upplýsingar um ESTA,
ásamt leiðbeiningum varðandi út-
fyllingu umsóknar, er að finna á
heimasíðu bandaríska sendiráðsins
á Íslandi, https://iceland.usem-
bassy.gov.
Ferðaáritanir til
Bandaríkjanna
Árlegur fundur forseta þjóðþinga
Norðurlanda og Eystrasaltsríkja
var haldinn í Reykjavík í gær.
Þar ræddu forsetar sameiginleg
verkefni þjóðþinganna og notkun
upplýsingatækni við þingstörf.
Gerð var grein fyrir því sem er efst
á baugi í stjórnmálum á Norð-
urlöndunum og Eystrasaltsríkj-
unum. Einnig ræddu forsetarnir
þátttöku þjóðþinga í alþjóðlegu
þingmannasamstarfi.
Forsetar hittust
STUTT
Helgi Bjarnason
helgi@mbl.is
Lagning síðasta kaflans á nýjum vegi til
Vopnafjarðar gengur vel og er á undan áætlun.
Verktakinn stefnir að því að aka neðra burð-
arlag á veginn niður Vesturárdal í haust og
skila verkinu haustið 2011. Þótt vegurinn verði
ekki opnaður í vetur má búast við því að margir
Vopnfirðingar nýti sér framkvæmdina, á eigin
ábyrgð.
„Guð skapaði þennan dal þokkalega til vega-
gerðar en efnið í honum er erfitt, mikið um
blautar mýrar og jökulleir sem blotnar þegar
hreyft er við honum,“ segir Gísli Jósefsson,
verkstjóri hjá verktakafyrirtækinu KNH sem
vinnur við lagningu vegarins niður Vesturár-
dal. Nokkuð jafn halli er á veginum af Vopna-
fjarðarheiði og niður í Vesturárdal. Lýsingin á
efninu í vegstæðinu á við efri hluta dagsins,
kaflann fyrir ofan efsta bæ.
Vegurinn er um 30 km langur, frá núverandi
slitlagsenda á Vopnafjarðarheiði, um Vestur-
árdal og niður í þorpið á Vopnafirði. Núverandi
vegur liggur um Bustarfellsbrekkur og Hofs-
árdal. Brekkurnar eru erfiðar á vetrum. Gera
þarf nýja tengingu inn í þorpið þar sem veg-
urinn kemur að því að norðanverðu en ekki
með sjónum eins og verið hefur.
Jafnframt verða dalirnir tengdir með svo-
kallaðri millidalaleið, sem liggur frá efsta bæ í
Vesturárdal að Bustarfelli. Samtals eru veg-
irnir með tengingum um 40 km á lengd.
Vinnuflokkur KNH er nú að ljúka við fyll-
ingar vegarins í Vesturárdal og segir Gísli Jós-
efsson að reynt verði að aka út neðra burð-
arlagi alls vegarins fyrir veturinn. Jafnframt
verður byrjað að mala efni í efra burðarlag.
Millidalaleiðin komin vel á veg
Flokkurinn er einnig búinn að leggja stóran
hluta af millidalaleiðinni og er stefnt að því að
ljúka henni á næsta ári og leggja slitlag á alla
vegina. Ef áætlanir ganga eftir og KNH tekst
að ljúka verkinu næsta haust, skilar fyrirtækið
því af sér ári áður en samningar við Vegagerð-
ina kveða á um.
Þótt vegurinn um Vesturárdal verði orðinn
fær í haust, þegar vinnuflokkur KNH hættir,
verður hann ekki opnaður fyrir almenna um-
ferð. Gísli reiknar þó ekki með því að neinn
verði kærður þótt hann nýti sér veginn.
Ljúka neðra burðarlagi í haust
Vopnfirðingar fá nýja tengingu við þjóðvegakerfið Lagning vegar niður
Vesturárdal er á undan áætlun Landið gott til vegagerðar en efnið slæmt
Morgunblaðið/Helgi Bjarnason
Samgöngubót Unnið er að fyllingum nýja
Vopnafjarðarvegarins um Vesturárdal.
Starfsmenn KNH voru léttklæddir þegar
þeir fengu sér kaffi í gamla strætisvagn-
inum, Holtahverfi nr. 31, skammt ofan við
Hauksstaði í Vesturárdal, enda hlýtt í
veðri og skotin gengu á milli manna. Sá
sem var ber að ofan gerði grín að peysu-
klæddum verkstjóra.
Starfsmenn KNH hafa strætisvagninn
til að stytta ferðatímann en borða og sofa
í íbúðarhúsi í Ytri-Hlíð í Vesturárdal.
Þótt verktakafyrirtækið sé vestfirskt
koma starfsmennirnir víða af að landinu.
Þeir vinna alla daga vikunnar í hálfan mán-
uð og fá svo frí í eina viku.
Skot í strætó
LÉTTKLÆDDIR VEGAGERÐARMENN
Kaffipása Ekki er mikil ferð á strætisvagninum
á meðan starfsmenn fá sér kaffi og brauð.