Morgunblaðið - 06.10.2010, Blaðsíða 2
BAKSVIÐ
Kristján Jónsson
kjon@mbl.is
Fulltrúar stjórnarandstöðunnar
voru sammála um að fundur með
oddvitum ríkisstjórnarflokkanna í
gær um ráðstafanir vegna skulda-
vanda heimila og fyrirtækja hefði
verið árangurslaus. Ríkisstjórnin
hefði í reynd aðeins boðið stjórnar-
andstöðunni að taka þátt í að fram-
kvæma það sem stjórnarliðar
ákvæðu. Ekkert benti til að áhugi
væri á að hlusta á aðra. Óljóst er
hvort nýr fundur verður haldinn.
„Um var að ræða sýndarfund,“
sagði Sigmundur Davíð Gunnlaugs-
son, formaður Framsóknarflokksins.
„Og ég hef áður setið marga slíka
fundi með fulltrúum ríkisstjórnar-
innar.“ Jóhanna Sigurðardóttir for-
sætisráðherra hafi þegar mest gekk
á í mótmælunum á Austurvelli gefið í
skyn að hún vildi samráð og sam-
starf. En morguninn eftir hefði hún
dregið í land.
Vill skuldaniðurfellingu
Sigmundur segist aðspurður vilja
að nýjar þingkosningar verði þegar
búið er að leysa mesta vandann.
Hann vill að rædd verði tillaga
flokksins frá því snemma árs 2009
um almenna skuldaniðurfærslu.
Einnig að fyrningarfrestur á gjald-
þrotum verði styttur.
Ólöf Nordal, varaformaður Sjálf-
stæðisflokksins, sagði að Jóhanna og
Steingrímur J. Sigfússon fjármála-
ráðherra hefðu ekki haft neinar mót-
aðar tillögur fram að færa í gær.
„Ríkisstjórnin er ráðalaus og
skortir nauðsynlega forystu til þess
að leysa úr erfiðum málum,“ sagði
Ólöf. „Og við höfum ekki þörf fyrir
slíka stjórn eins og nú árar á Íslandi.
Stjórnin hefur það verkefni að koma
með tillögur gagnvart þessum hópi
sem nú er í vandræðum en hún verð-
ur að ákveða sjálf hvað hún vill gera
áður en hún fer að tala um það
við aðra hvort þeir vilji koma
og hjálpa henni.“
Þór Saari, formaður
þingflokks Hreyfing-
arinnar, sagði á
mbl.is að fundur-
inn með ráðherr-
unum hefði verið
gagnslaus. Þegar
hann var beðinn
að gefa honum ein-
kunn fyrir árangur
á bilinu 0 til 5 svar-
aði hann: 0,5.
Stjórnin bauð upp
á „sýndarfund“
Jóhanna og Steingrímur sögð áhugalaus um samráð
Morgunblaðið/Golli
Samráðsfundur Fulltrúar stjórnarandstöðuflokkanna með forystumönnum ríkisstjórnarinnar í gær. Lítið kom út
úr fundinum og hefur annar ekki verið boðaður. Ráðherranefnd kemur saman til fundar í dag um skuldavandann.
2 FRÉTTIRInnlent
MORGUNBLAÐIÐ MIÐVIKUDAGUR 6. OKTÓBER 2010
www.noatun.is
Hafðu það
gott með
Nóatúni
CH. TOWN PIZZUR
PEPPERONI
OG CHEESE
KR./PK.
549
Morgunblaðið Hádegismóum 2, 110 Reykjavík. Sími 5691100 Fréttir ritstjorn@mbl.is Fréttastjórar Sunna Ósk Logadóttir, sunna@mbl.is Sigtryggur Sigtryggsson, sisi@mbl.is Viðskipti
vidsk@mbl.is Ívar Páll Jónsson, fréttastjóri, ivarpall@mbl.is Menning menning@mbl.is Umræðan | Bréf til blaðsins | Minningar mbl.is/sendagrein, Arnór Ragnarsson Íþróttir sport@mbl.is
Sigurður Elvar Þórólfsson, seth@mbl.is Víðir Sigurðsson, vs@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is Prentun Landsprent ehf.
Kjartan Kjartansson
Egill Ólafsson
Bankarnir höfðu í lok júní á þessu
ári fellt niður skuldir hjá átta til-
teknum fyrirtækjum upp á samtals
54,7 milljarða króna. Þetta kemur
fram í skýrslu eftirlitsnefndar um
sértæka skuldaaðlögun. Ekki kem-
ur fram í skýrslunni hvaða fyr-
irtæki þetta eru, en hins vegar
segir að um sé að ræða þrjú fast-
eignafyrirtæki sem hafi fengið
fellda niður 30,3 milljarða. Hin
fimm fyrirtækin fengu fellda niður
24,3 milljarða.
Samkvæmt lögum eiga fjármála-
fyrirtækin að skila upplýsingum til
eftirlitsnefndarinnar í hverjum árs-
fjórðungi um þau fyrirtæki sem
hafa fengið afskrifað meira en einn
milljarð króna. Átt er við eftirgjöf
skulda sem getur falið í sér lækkun
höfuðstóls, breytingu skuldar í
víkjandi lán eða breytingu á víkj-
andi láni í hlutafé eða annað eigið
fé.
Markmið laga um sértæka
skuldaaðlögun er að hraða end-
urreisn íslensks efnahagslífs og
koma jafnvægi á skuldir heimila og
fyrirtækja. Nefndin hefur metið
árangur af starfi fjármálafyrirtækj-
anna við skuldaaðlögun heimila og
fyrirtækja og kemur fram með
ábendingar í skýrslunni um hvað
betur megi fara.
Skoða eftirgjöf skattaskulda
Fáir einstaklingar hafa nýtt sér
sértæka skuldaaðlögun og aðeins
128 hafa gengið frá endanlegum
samningum. Alls hafa 437 ein-
staklingar farið fram á skuldaað-
lögun, 78 þeirra var hafnað en 231
erindi er enn í vinnslu. Nefndin
segist merkja breytingu í viðhorfi
bankastarfsmanna gagnvart skuld-
urum frá hruni. Það hafi í fyrstu
einkennst af hörku vegna þess að
talið var að meginhluti lána myndi
innheimtast. Það hafi síðan tekið
miklum breytingum.
Nefndin mælist til að ríki og
sveitarfélög sýni gott fordæmi og
taki til endurskoðunar eftirgjöf
skattaskulda og opinberra gjalda
því oft hafa lágar skuldir við ríki
eða sveitarfélög orðið þess valdandi
að fólk geti ekki fengið sértæka
skuldaaðlögun. Þá þurfi að skoða
lækkun hærri marka veðsetning-
arhlutfalls í a.m.k. 100%, til að ná
jafnvægi á virði eigna og greiðslu-
getu gagnvart fjárskuldbindingum
með hærra hlutfalli. Úrræðið virð-
ist einkum henta þeim sem eru
með tekjur yfir meðallagi og hærri.
Íslandsbanki neitaði að afhenda
eftirlitsnefndinni skýrslur innri og
ytri endurskoðanda bankans með
þeim rökum að skýrslurnar komi
lítt inn á starfssvið nefndarinnar.
Nefndin fékk heldur ekki skýrslu
frá Arion banka um útlánastefnu
við endurfjármögnun þar sem end-
urskoðunarnefnd og innri endur-
skoðandi bankans hefðu ekki skilað
skýrslum um þessi atriði.
Fengu tuga
milljarða skuld-
ir afskrifaðar
Fáir hafa nýtt sér skuldaaðlögunina
Jónas Margeir Ingólfsson
jonasmargeir@mbl.is
Þrír stærstu viðskiptabankar lands-
ins segja það ómaklegt að reyna að
færa alla ábyrgð á stöðu skulda-
vanda heimila yfir á bankana en Jó-
hanna Sigurðardóttir fór hörðum
orðum um frammistöðu bankanna í
þessum efnum í stefnuræðu sinni.
Arion banki sendi frá sér til-
kynningu í gær í ljósi ummæla for-
sætisráðherra. Þar kemur fram að
umtalsverður árangur hafi náðst í
úrlausnarmálum einstaklinga og
fyrirtækja innan bankans þótt vissu-
lega væri þess óskandi að árang-
urinn væri enn meiri. Að því er fram
kemur í tilkynningu bankans hafa
um þrjú þúsund einstaklingar nýtt
sér þær lausnir sem bankinn býður.
Kristján Kristjánsson, upplýs-
ingafulltrúi Landsbankans, tekur í
sama streng en segir það rétt hjá
forsætisráðherra að sértæk skulda-
aðlögun hafi ekki gagnast eins og til
var ætlast. „Það er engum einum að
kenna. Ég ætla ekki að kasta bolt-
anum á ríkið og mér finnst rangt af
ríkinu að kasta boltanum á bank-
ana,“ segir Kristján.
Fram kom í máli Birnu Ein-
arsdóttur, bankastjóra Íslands-
banka, í Morgunblaðinu í gær að
mikil vinna hefði verið unnin innan
bankastofnana frá hruninu.
Ábyrgð ekki öll bankanna
Morgunblaðið/Árni Sæberg
Stefnuræða Jóhanna Sigurðar-
dóttir flytur ræðuna á Alþingi.
Telja góðan árang-
ur hafa náðst í
úrlausnum mála
Gagnrýni Jóhönnu
» Í stefnuræðu sinni á Al-
þingi gagnrýndi Jóhanna Sig-
urðardóttir bankana harðlega
fyrir seinagang í úrlausn skuld-
ugra einstaklinga og fyr-
irtækja.
» Á svipuðum nótum var
Steingrímur J. Sigfússon fjár-
málaráðherra en var þó ekki
eins afdráttarlaus í gagnrýni
sinni á bankana.
Steingrímur J. Sigfússon sagði
þegar hann mælti fyrir fjárlaga-
frumvarpinu á þingi í gær að
mikil óvissa ríkti í efnahags-
málum, ekki aðeins hér heldur í
heiminum. Hagvaxtarspá Hag-
stofunnar gerði ráð fyrir 3,2%
hagvexti á næsta ári, en hún
gerði ráð fyrir meira atvinnu-
leysi en nú væri útlit fyrir og
minni styrkingu raungengis.
Í spánni væri aðeins gengið
út frá fyrsta áfanga álvers-
framkvæmda í Helguvík en þar
væri ekki gert ráð fyrir jafnmik-
illi fjárfest- ingu í álverinu í
Straumsvík og
nú hefði
verið
ákveðin.
Óvissa um
hagvöxt
FJÁRLAGAFRUMVARPIÐ
Steingrímur
J. Sigfússon
Í eftirlits-
nefndinni sitja
María Thejll,
forstöðumað-
ur Lagastofn-
unar HÍ, for-
maður,
Sigríður Ár-
mannsdóttir,
löggiltur end-
urskoðandi,
og dr. Þór-
ólfur Matt-
híasson, pró-
fessor við
hagfræðideild
Háskóla Ís-
lands. Starfs-
maður nefnd-
arinnar er
Valgerður Rún
Benedikts-
dóttir lög-
fræðingur.
Þau eru í
eftirlitinu
FYRSTA SKÝRSLAN KOMIN
María
Thejll
Þórólfur
Matthíasson
Sigríður
Ármannsdóttir