Morgunblaðið - 09.10.2010, Blaðsíða 14

14 FRÉTTIRInnlent
MORGUNBLAÐIÐ LAUGARDAGUR 9. OKTÓBER 2010
FRÉTTASKÝRING
Kristján Jónsson
kjon@mbl.is
Bæði Icelandair og Iceland Express veðja á að er-
lendum ferðamönnum muni fjölga enn hér á landi
á næsta ári og jafnframt að Íslendingar muni
ferðast meira á því ári en í ár. Fyrrnefnda félagið
ætlar sér auk þess að ná til sínum auknum skerfi
af alþjóðlega fluginu yfir Atlantshafið. Bæði fyr-
irtækin fjölga ferðum og áfangastöðum. Alls
munu aukin umsvif merkja að vel á þriðja hundr-
uð störf verða sköpuð, langflest hjá Icelandair
sem bætir við tveim Boeing-757 þotum.
Birkir Hólm Guðnason, framkvæmdastjóri
Icelandair, segir að eftir uppsagnir og niðurskurð
2008 hafi nú tekið við ný sókn. „Við fórum inn á
Seattle sem hefur gengið afskaplega vel. Núna í
ár jukum við ferðaframboðið um 13% en vöxt-
urinn í farþegafjölda og tekjum er aðeins yfir því,
í kringum 15-16% miðað við allt árið.
Bókunarstaðan fyrir næstu mánuði er síðan
mun betri en framboðsaukningin. Fyrir næsta ár
er viðbótin hjá okkur 17% en við misstum mikið
vegna gossins þannig að í reynd er þetta kannski
ekki mikið meiri aukning en á þessu ári. En þetta
er samt allt í rétta átt.
Það sem er að gerast hjá okkur er að þrátt
fyrir eldgosið héldum við sama framboði, þurftum
ekkert að fella niður flug eða minnka áætlunina
þegar allt lokaðist meira eða minna í Evrópu. Það
tókst með því að fljúga inn á staði í Evrópu sem
opnuðust og færa leiðakerfið til Glasgow. Gosið
hafði þess vegna aldrei áhrif á bókunarflæðið frá
Íslandi og yfir hafið, aðeins á bókanir hingað.“
Fleiri þakkarnótur en kvartanir í gosinu
Birkir segir aðspurður að félagið hafi ekki
fengið á sig neinar kærur vegna óánægðra far-
þega í gosinu eins og mörg önnur félög lentu í.
„Þessa daga þegar truflanir urðu vegna gosösk-
unnar náðum við að tryggja áfram um 85% af
framboðinu okkar, vorum eiginlega aldrei lokaðir
inni. Við færðum leiðakerfið til Glasgow og feng-
um mun fleiri þakkarnótur en kvartanir! Við vor-
um eina flugfélagið sem færði leiðakerfið, hin biðu
bara eftir því að allt opnaðist á ný.“
Hann segir forsendurnar fyrir auknum
umsvifum einkum vera að mikil aukning sé í
bókunum í alþjóðlegu farþegaflugi yfir Atl-
antshafið á þessu ári og næsta. Þess vegna
sé verið að styrkja kjarnann í leiðakerfinu
með meiri tíðni. Miklu skipti að geta boð-
ið upp á ferðir á hverjum degi, mark-
miðið sé að ná í fleiri farþega sem
ætli yfir hafið og þurfi ekki að
gera annað en skipta um vél hér á
landi.
En einnig sé búist við 10%
aukningu í ferðum útlendinga
hingað til lands. Langtímaáhrifin
af gosinu á ferðaþjónustuna séu góð vegna þess
hvað landið hafi fengið gríðarlega mikla kynningu.
Ferðir Icelandair munu yfir háannatímann
verða 183 í viku sem merkir að meðaltali 26 komur
og 26 brottfarir dag hvern og alls um 9000 far-
þega. Óttast hann ekki flöskuhálsa í Leifsstöð
með svo mikilli aukningu? „Þetta á að ganga á
næsta ári en við höfum svolitlar áhyggjur af inn-
viðum í Leifsstöð hvað varðar frekari vöxt,“ svar-
ar Birkir Hólm Guðnason.
„Alls staðar jákvæðni“
Iceland Express er einnig í sóknarhug. „Við
munum fara fjórum sinnum í viku til Boston, ætl-
um að fljúga til Chicago og opnum nýja áfanga-
staði, Stokkhólm og Glasgow,“ segir Matthías
Imsland, forstjóri Iceland Express. „Við erum
líka að auka tíðnina í ferðum á hefðbundna staði
eins og Kaupmannahöfn og London.
Og síðan eigum við að skýra frá nýjum
áfangastað á næstu vikum þannig að í heildina er-
um við að tala um kringum 20% aukningu á um-
svifum á næsta ári og við bætum við einni vél. Við
gerum ráð fyrir að þetta merki einhverja tugi
nýrra starfa og förum fljótlega að auglýsa.“
Félagið gerir ráð fyrir að íslenski markaður-
inn stækki 2011 eins og hann hafi gert á þessu ári,
miðað við 2009. „Svo verðum við varir við mikinn
áhuga á flugi til Íslands, erlendir samstarfsaðilar
okkar spá allir aukningu, það er alls staðar já-
kvæðni. En auk þess gerum við ráð fyrir aukningu
í umferðinni yfir Atlantshafið.“
Reikna með blússandi
aukningu í farþegaflugi
 Flugfélögin bjartsýn á næsta ár og fjölga bæði ferðum og starfsmönnum
Morgunblaðið/ÞÖK
Andlit út á við Leifsstöð var reist á níunda áratugnum og var síðar stækkuð. En verði mikil aukning á
umsvifum íslenskra flugfélaga næstu árin gæti flugstöðin aftur reynst of lítil.
Egill Ólafsson
egol@mbl.is
Um 940 manns hafa staðfest að
þeir ætli að mæta á þjóðfund sem
haldinn verður 6. nóvember. Þor-
steinn Sigurðsson, framkvæmda-
stjóri þjóðfundarins, segir að und-
irbúningur fundarins gangi vel.
Hann á von á að í næstu viku verði
búið að fylla öll sætin en gert er
ráð fyrir að 1.000 manns sitji þjóð-
fundinn.
Þjóðfundinum er ætlað að ræða
um stjórnarskrána og grundvöll
hennar. Niðurstöður þjóðfundarins
fara síðan til stjórnlagaþings sem
ætlað er að gera tillögur um breyt-
ingar á stjórnarskránni.
Fulltrúar á stjórnlagaþing eru
valdir með slembiúrtaki úr þjóð-
skrá. Tekin eru fimm slík úrtök,
samtals 5.000 manns, og er fyrsta
úrtakið skilgreint sem aðalmenn.
Hver aðalmaður er síðan með fjóra
varamenn, en það tryggir að vara-
maðurinn er af sama kyni og að-
almaðurinn og sama aldri og býr á
svipuðu svæði. Markmiðið er að
þjóðfundurinn sé eins konar speg-
ilmynd af þjóðinni. Hlutfall kynja
er algerlega jafnt og fólk alls stað-
ar að af landinu kemur til fund-
arins.
Þorsteinn sagði að um 600 að-
almenn hefðu þegið boð um að
mæta á þjóðfund. Hinir 400 af-
þökkuðu boð eða ekki hefði náðst í
þá. Því væri haft samband við vara-
menn og sú vinna væri að klárast.
Þorsteinn sagði að fulltrúar á
þjóðfundi fengju ábendingar um
hvernig þeir gætu undirbúið sig
fyrir fundinn, en fólk mætti líka
einfaldlega mæta með þá lífs-
reynslu og lífssýn sem það hefði og
taka þátt í umræðum.
Þjóðfundurinn er skipulagður
með sama hætti og þjóðfundurinn
sem haldinn var í fyrra, en að hon-
um stóð Mauraþúfan. Fólk ræðir
saman á 120 níu manna borðum.
Lögð er áhersla á að þjálfa hóp-
stjóra og er sú vinna hafin.
940 manns staðfest komu á þjóðfund
Morgunblaðið/Árni Sæberg
Þjóðfundur Fundurinn byggir á erlendri fyrirmynd og á vinnu Mauraþúf-
unnar en hún hélt þjóðfund á síðasta ári sem þótti takast vel.
 Vel gengur að undirbúa þjóðfund um stjórnarská sem fer fram 6. nóvember
 Reiknað er með að þúsund manns sitji fundinn en valið er úrtak úr þjóðskrá
Samkvæmt nýj-
ustu nið-
urstöðum rann-
sóknar á
örverufræðileg-
um gæðum íss úr
vél í Reykjavík,
sem Matvælaeft-
irlit Reykjavíkur
framkvæmir ár-
lega, stóðust 72%
fyrirtækja prófið
í fyrstu umferð.
Sýni voru tekin hjá 42 íssölufyr-
irtækjum til að kanna gerlamagn í
ís úr vélum. Þrjátíu þeirra stóðust
prófið í fyrstu umferð, átján af
þeim voru með fullnægjandi nið-
urstöður og tólf fengu eina at-
hugasemd. Önnur tólf fyrirtæki
stóðust ekki kröfur í fyrstu umferð.
Þrjátíu ísfyrirtæki
fullnægðu kröfum
um gerlamagn
Ís Ákveðnar reglur
gilda um hreinlæti.
Framundan eru þingkosningar í
Bandaríkjunum og verða þær efni
erindis sem Michael T. Corgan, pró-
fessor í stjórnmálafræði við Boston-
háskóla, heldur nk. mánudag, 11.
október. Fyrirlesturinn fer fram í
stofu 102, Háskólatorgi frá kl. 12 til
13.
Kosningarnar í Bandaríkjunum í
nóvember verða að öllum líkindum
mjög spennandi. Demókratar eiga í
vök að verjast á mörgum sviðum og
spurningin er hvort öfl eins og the
Tea Party með Söruh Palin í far-
arbroddi séu að styrkjast í vinsæld-
um og jafnvel áhrifum. Í fyrirlestri
Corgans mun hann skanna hið póli-
tíska svið kosningana og kynna fyr-
ir okkur helstu leikendur, segir í
fréttatilkynningu.
Nýir leikendur
á sviðinu
Að uppræta einelti er yfirskrift
fundar Náum áttum, samstarfshóps
um fræðslu- og forvarnamál, sem
fram fer miðvikudaginn 13. októ-
ber kl. 08.15 - 10.00 á Grand hóteli.
Framsöguerindi eru frá Ungmenn-
aráði SAFT, þar sem leikhópurinn
ELÍTAN sýnir leikverk um rafrænt
einelti. Berglind Rós Magnúsdóttir,
ráðgjafi menntamálaráðherra
fjallar um „faglega umhyggju og
velferð í skólasamfélaginu“. Liðs-
menn JERICO fjalla um „einelti út
frá geranda og þolanda“.
Skráning fer fram á vef Lýð-
heilsustöðvar.
Að uppræta einelti
Samstöðuhópur á Seyðisfirði hefur
boðað til fundar við sjúkrahúsið á
Seyðisfirði á morgun, sunnudag, kl.
13 þar sem mótmæla á boðuðum
niðurskurði fjárveitinga til heil-
brigðismála á Austurlandi.
„Þessi fordæmalausi nið-
urskurður er aðför að bænum okk-
ar og landsbyggðinni og ógnar til-
verurétti okkar,“ segir í fundarboði
hópsins.
Samstöðufundur
á Seyðisfirði
Ljóst er að skellurinn sem ferðaþjónustan varð
fyrir í vor vegna gossins verður ekki viðvarandi.
Síðastliðinn september heimsóttu 29.170
manns landið að sögn Upplýsingamiðstöðvar
Ferðamála og hafa þeir aldrei verið fleiri í sept-
ember frá upphafi mælinga. Fjöldi gesta hefur
verið mældur síðan 2002 en þá komu 7.465
ferðamenn í miðstöðina.
Meðalfækkun fyrstu átta mánuði ársins var
8,6% en nú stefnir heildarfjöldi
heimsókna í yfir 300.000 gesti sem
verður annað besta ár hjá miðstöð-
inni. „Hópar sem áttu bókað í
vor og urðu að afbóka
vegna flugsamgangna
eru að skila sér í tölu-
verðum mæli nú í
september og
október,“ segir í
tilkynningu mið-
stöðvarinnar.
Aukinn áhugi er-
lendra ferðamanna
FERÐAÞJÓNUSTAN
STUTT