Morgunblaðið - 09.10.2010, Blaðsíða 20

Nýsköpun Eiríkur Hansson grunnskólakennari með
verðlaunanemendum sínum og verkum þeirra.
ÚR BÆJARLÍFINU
Albert Eymundsson
Hornafirði
Nú þegar haustar breytist mannlífið hér í héraðinu
eins og veðrið. Hornfirska skemmtifélagið er byrjað
með sína árlegu tónlistaskemmtun. Að þessu sinni
heiðrar það poppgoðið Rúnar Júlíusson með flutningi á
tónlist hans og nefnir sýninguna „Söngur um lífið“.
  
Atvinnuástand er gott í sveitarfélaginu og fáir á
atvinnuleysisskrá. Gott ferðasumar að baki þótt það
hafi ekki slegið út metárið í fyrra.
  
Öræfingar tóku málin í sínar hendur og stofnuðu
sitt eigið fjarskiptafélag þegar þeir sáu fram á að eiga
ekki kost á sambærilegu netsambandi og flestir lands-
menn. Mikil ánægja ríkir með þennan áfanga í Öræfum
þrátt fyrir kostnað heimamanna en hvert heimili eða
fyrirtæki lagði til um hálfa milljón í verkefnið. Í Öræf-
um eru sjónvarsútsendingar nú skýrar auk þess sem
fleiri útvarpsstöðvar nást. Þarna sannast að sam-
takamáttur lítilla samfélaga getur lyft grettistaki.
  
Rannsóknarsetur Háskóla Íslands á lands-
byggðinni héldu nýlega ársfund sinn hér í Nýheimum á
Höfn. Í máli háskólarektors, við það tilefni, kom fram
að vel hafi tekist til með háskólasetrin. Athygli vakti að
háskólarektor lagði áherslu á að rannsóknarsetrin
væru ekki síður mikilvæg fyrir háskólann sjálfan en
samfélagið sem setrið er staðsett í. Þetta leiðir hugann
að starfseminni í Nýheimum sem er miðstöð fjöl-
breyttrar starfsemi þar sem unnið er að því að leysa úr
læðingi sköpunarkraft hvort sem um er að ræða við
nám, leik eða störf. Uppbygging Nýheima og umræða
um starfsemina þar hefur haft jákvæð áhrif víða í sam-
félaginu.
  
Góður árangur grunnskólanema frá Hornafirði í
nýsköpunarkeppni grunnskólanna í ár má eflaust að
einhverju leyti rekja til þess andrúmslofts sem skap-
aðist með starfsemi Nýheima. Frá því að Eiríkur
Hansson grunnskólakennari hóf markvissa kennslu í
nýsköpun hefur Grunnskóli Hornafjarðar í tvígang ver-
ið útnefndur nýsköpunarskóli ársins og nemendur skól-
ans oft unnið til verðlauna á þessum vettvangi. Hug-
myndir sem kvikna í þessum verkefnum barnanna eru
í senn fjölbreyttar og raunsæjar.
Samtakamáttur til eftirbreytni
Ljósmyndari/ Maríus Sævarsson
20 FRÉTTIRInnlent
MORGUNBLAÐIÐ LAUGARDAGUR 9. OKTÓBER 2010
Björn Blöndal og Heiða Kristín Helgadóttir.
Heiða Kristín Helgadóttir hefur
verið ráðin framkvæmdastjóri
Besta flokksins. Mun hún jafnframt
gegna stöðu framkvæmdastjóra
borgarstjórnarflokks Besta flokks-
ins og varaformennsku í flokknum.
Heiða Kristín hefur undanfarna
mánuði sinnt starfi aðstoðarmanns
Jóns Gnarrs borgarstjóra en við því
starfi mun taka S. Björn Blöndal,
sem áður hefur gegnt stöðu fram-
kvæmdastjóra Besta flokksins.
Breytingar hjá
Besta flokknum
Íslandsmót skákfélaga fer fram í
Rimaskóla nú um helgina. Um er að
ræða fjölmennasta skákviðburð
ársins en á mótinu tefla um 400-450
skákmenn. Þar á meðal eru sterk-
ustu skákmenn landsins, sterkir
stórmeistarar utan úr heimi, konur,
eldri borgarar og börn niður í sex
ára. Meðal félaga má nefna félagið
Ósk, sem er hreinræktað kvenna-
félag, og Æsi, þar sem aðeins tefla
eldri borgarar, auk hreinræktaðra
ofursveita og unglingasveita. Alls
taka þátt um 48 sveitir og eins og
síðustu ár er slegið þátttökumet.
Gera má ráð fyrir því að baráttan
standi helst milli Taflfélags Bolung-
arvíkur og Taflfélags Vestmanna-
eyja rétt eins og í fyrra.
Mótið hófst í gærkvöldi með
fyrstu umferð. Í dag, laugardag,
eru tefldar tvær umferðir. Sú fyrri
hefst kl. 11 en sú síðari kl. 17. Þá
mætast Hellismenn og Bolvíkingar
sem og Eyjamenn og Taflfélag
Reykjavíkur. Fyrri hluta Íslands-
móts skákfélaga lýkur svo á sunnu-
dag með fjórðu umferð kl. 11.
Kepppni Íslandsmót skákfélaga fer fram um helgina í Rimaskóla í Reykjavík.
Meira en 400 skákmenn keppa
á Íslandsmóti skákfélaga um helgina
Sveitastjórn Hrunamannahrepps
hefur kynnt umhverfisráðuneytinu
áform um fyrirhugaða byggingu
heilsuþorps á Flúðum. Gert er ráð
fyrir að þorpið verði byggt á sjö
hektara svæði í sveitarfélaginu og
er stefnt að því að byggðin verði
skipulögð með það fyrir augum að
þetta nýja samfélag verði sem mest
sjálfbært og hljóti alþjóðlega vott-
un í því sambandi. Hafa ráðgjafar
verkefnisins í skipulagsmálum lagt
til að nýtt vottunarkerfi, „Sustai-
nable sites“, sem tekur til alhliða
umhverfisvottunar í landnotkun
verði notað sem grundvöllur vott-
unar.
Umhverfisráðuneytið hefur
ákveðið að styrkja verkefnið með
fjárstuðningi að upphæð 650 þús-
und krónum, auk þess að styðja
verkefnið á annan hátt eftir því sem
tök eru á. Þá hafa sérfræðingar
Skipulagsstofnunar heitið því að
aðstoða Hrunamannahrepp og ráð-
gjafa við umsókn í norræna sjóði
um frekari fjárstyrk til skipulags-
hluta verkefnisins.
Morgunblaðið/Árni Sæberg
Gróðurhús Nóg er af hollu grænmeti í
gróðurhúsunum á Flúðum.
Nýtt heilsuþorp í
Hrunamannahreppi
Í dag, laugardag, stendur sveitarfélagið Ár-
borg fyrir opnum íbúafundi um málefni Heil-
brigðisstofnunar Suðurlands vegna tillagna í
fjárlagafrumvarpi um mikinn niðurskurð í
rekstrarframlögum til stofnunarinnar. Fund-
urinn verður haldinn kl. 14 í Fjallasal í Sunnu-
lækjarskóla. Íbúar eru hvattir til að mæta.
Bæjarstjórn Árborgar hefur samþykkt
ályktun þar sem niðurskurðinum er harðlega
mótmælt. Verði fjárlagafrumvarpið sam-
þykkt mun nauðsynleg grunnþjónusta við
íbúa á Suðurlandi verða skert verulega, en niðurskurðurinn jafngildi
kostnaði við rekstur sjúkrasviðs stofnuninnar og mun því m.a. fæðing-
arþjónusta og skurðþjónusta leggjast af. Sýnt hafi verið fram á það að unnt
sé að reka þessa starfsemi með hagkvæmari hætti á Heilbrigðisstofnun
Suðurlands en á Landspítalanum.
Íbúafundur á Selfossi um niðurskurð
Heilsa Niðurskurði er mótmælt.
Í dag, laugardag kl. 15-16, mun
landsliðskokkurinn Hrefna Rósa
Sætran, yfirkokkur og eigandi
Fiskimarkaðarins, bjóða gestum
Bókabúðar Máls og menningar upp
á sushi og kenna þeim sushigerð.
Allir eru velkomnir.
Að átinu loknu mun Saga Garð-
arsdóttir, uppistandari og leikkona,
stýra leiknum sívinsæla Hver er
maðurinn?, en nýlega kom út sam-
nefnd bók eftir Meðal-Jón. Í bókinni
er að finna fjöldan allan af áhuga-
verðum karakterum ásamt teikn-
ingum af mörgum þeirra. Bókin er
hluti af rassvasabókaseríu Ókei-
bóka, en bækur hennar hafa setið á
vinsældalistum bókabúða und-
anfarin misseri.
Sushi-kennsla
STUTT
Tenerife
Verð frá kr. 179.900
- Iberostar Bouganville ****
með hálfu fæði
Netverð á mann m.v. 2 fullorðna í hebergi í 16. nætur.
Innifalið er flug, gisting og skattar.
Sértilboð 28. október. Aukagjald fyrir einbýli kr. 48.580
Skógarhlíð 18 • sími 595 1000 • www.heimsferdir.is
Birt með fyrirvara um prentvillur.
Heimsferðir áskilja sér rétt til leiðréttinga á slíku.
Ath. að verð getur breyst án fyrirvara.
Verð frá kr. 139.540
- Dream Villa Tagoro*** með allt innifalið
Netverð á mann m.v. 2 fullorðna og 2 börn, 2-11 ára í íbúð m/1 svefnherbergi.
Innifalið er flug, gisting, skattar og "allt innifalið" þjónusta". Verð kr. 187.980 á
mann m.v. tvo í íbúð m/1 svefnherbergi.
Sértilboð í 16 nætur þann 28. október.
28. október í 16 nætur
Ekki missa af síðustu sætunum í sólina nú í haust
bókaðu strax!
Heimsferðir bjóða nú síðustu sætin til
Tenerife þann 28. október á ótrúlegu
sértilboði.
Á haustin skartar þessi yndislega eyja
sínu fegursta. Veðurfarið er
einstaklega milt og notalegt sem og
allt umhverfi, hvort sem dvalið er við
amerísku ströndina, á Costa Adeje
eða í Los Cristianos. Nú fer hver að
verða síðastur að panta sér ferð í
október til Tenerife, því það eru
einungis örfá sæti laus.
- Ekki missa af þessari ferð!