Morgunblaðið - 09.10.2010, Blaðsíða 44

44 MENNING
MORGUNBLAÐIÐ LAUGARDAGUR 9. OKTÓBER 2010
 Hljómsveitirnar Dysmorphic,
Discord, Angist og Black Earth
leiða saman hesta sína í TÞM í
kvöld. Allt eru þetta nýlegar sveitir
sem eru að stíga sín fyrstu skref í
hljómleikahaldi og greinilegt að
gróskan í íslenskum þungarokks-
heimi er mikil að vanda.
Metall í TÞM í kvöld!
Fólk
 Anna Jia, sem vann Elite-
fyrirsætukeppnina hér heima ný-
verið, er nú stödd í Kína til að taka
þátt í úrslitakeppninni sem fer
fram í kvöld.
Allt hefur gengið vel hjá Önnu,
sem talar fimm tungumál og hefur
því átt auðvelt með að eignast vini
og taka þátt í öllu sem keppnin býð-
ur upp á. Keppendur eru sjötíu og
var Anna valin ein af fjórum sem
sjónvarpsfólk á vegum Elite-höfuð-
stöðvanna fylgist nú með allan dag-
inn í undirbúningi keppninnar.
Hægt er að fylgjast með úrslita-
kvöldinu á netinu á slóðinni:
www.elitemodellook2010.com/
index.html. Hún fer fram um kvöld
í Sjanghai, sem er kl. 12.30-14.30 að
íslenskum tíma á sunnudaginn.
Anna Jia keppir
í Elite-úrslitakeppn-
inni í kvöld
 Hljómsveitn Bróðir Svartúlfs
vinnur nú að nýrri plötu ásamt Þór-
arni Guðnasyni úr Agent Fresco.
Sveitin er í góðum gír, lagið „Vel-
komin“ er komið í útvarpsspilun og
nokkrir tónleikar eru framundan.
Bróðir Svartúlfs með
mörg járn í eldi
Helgi Snær Sigurðsson
helgisnaer@mbl.is
Hinn ungi Nico Muhly er rísandi stjarna í heimi
nútímatónlistar. Hann hefur þó komið víðar við,
m.a. unnið með Björk Guðmundsdóttur og að-
stoðað við útsetningar á nýjustu plötu Jónsa í Sig-
ur Rós, Go. Þá hefur hann unnið með Bonnie
„Prince“ Billy, Anthony and The Johnsons og
Philip Glass, svo fáeinir séu nefndir. Muhly mætti
kannski kalla „hið nýja tónskáld“, þ.e. tónskáld af
ungu kynslóðinni sem dansar milli tónlistarheima,
popps og klassíkur m.a. Og hann er Íslandsvinur,
einn tónlistarmannanna sem standa að baki tón-
listarútgáfunni Bedroom Community, en hinir
eru þeir Valgeir Sigurðsson, Ben Frost, Sam
Amidon og Daníel Bjarnason. Bedroom Comm-
unity gaf í september út plötuna I Drink The Air
Before Me með dansverki Muhly, í samvinnu við
hið heimskunna Decca Classics-útgáfufyrirtæki
og önnur plata með verkum Muhly er væntanleg
frá Decca, A Good Understanding, sem hefur að
geyma safn kórverka eftir hann, tekin upp í Los
Angeles. Blaðamaður ræddi stuttlega við Muhly í
byrjun viku.
Kór í LA vildi taka upp plötu
– Segðu mér aðeins frá þessari plötu sem
Decca er að gefa út með kórverkum eftir þig.
„Þetta er allt tónlist sem ég samdi fyrir mörg-
um árum. The Los Angeles Master Chorale, frá-
bær kór í LA, vildi taka upp þessa plötu, kórinn
var mjög spenntur fyrir því. Þetta er safn ólíkra
kórverka, mest af þessu er kirkjutónlist og eitt
langt verk sem ætlað var til flutnings á tón-
leikum. Þetta er því blanda af trúarlegri tónlist
og veraldlegri, í flestum verkunum er orgelleikur
eða sungið án hljóðfæra,“ segir Muhly.
Hin platan, sem Bedroom Community gefur út
með Decca, I Drink The Air Before Me, hefur
hlotið prýðilega dóma víða og segir m.a. í gagn-
rýni vefjarins Boomkat að platan stefni í að verða
ein sú besta í flokki klassískrar nútímatónlistar
sem gefin hafi verið út á þessu ári.
– Þú hefur unnið í ólíka greinum tónlistar. Er
hægt að kalla þig „nýja tónskáldið“ í ljósi þess?
„Já, ég hef verið í öllu, eiginlega. Ég veit það þó
ekki, ég er enn frekar gamaldags, satt að segja,“
svarar Muhly. Tónlistin sem hann kunni einna
best að meta sé frá 16. öld og hjartað slái enn með
hinu gamla og hefðbundna.
– Þú átt nám að baki í klassískum tónsmíðum,
ekki satt?
„Jú, ég lærði klassískar tónsmíðar. Þegar ég
var strákur söng ég í drengjakór, í Providence í
Boston, og endaði svo í tónlistarnámi í Julliard en
ég var einnig í enskunámi í Columbia-háskóla. Ég
var með fingurna í öllu en bakgrunnur minn er í
sígildri tónlist, jú.“
– Og þú spilar á píanó?
„Já, ég spila enn á píanó. Ég leik aðallega eigin
tónlist, ég er dauðhræddur við að spila tónlist eft-
ir aðra (hlær).“
Allir eru tónlistarmenn
– Hvernig kom þetta samstarf þitt við íslenska
tónlistarmenn til?
„Það byrjaði þegar ég spilaði á píanó fyrir
Björk. Ég kynntist öllum í gegnum hana, það eru
svo fáir á Íslandi og allir eru tónlistarmenn
(hlær), ef þú skilur hvað ég meina. Ég fór bara að
vinna með þessu fólki, fólki sem er að vinna að
tónlist á sama stað. Það er svo frábært að vinna á
Íslandi, í New York fær maður þessa tilfinningu
líka að allir þekki alla en þar er svo mikill hama-
gangur. Á Íslandi er miklu meiri ró yfir þessu,
allt miklu samanþjappaðra,“ segir Muhly. Það sé
þægilegt að vinna í hinu smáa tónlistarsamfélagi
Íslands og það minni hann á upphaf ferilsins, þeg-
ar hann var að vinna með vinum sínum í tónlist-
arbransanum í New York. Þá segir Muhly mik-
ilvægt að þekkja tónlistarmenn sem geti flakkað
milli tónlistartegunda, leikið jafnt klassík og
popp. Menn byrji kannski morguninn á því að
leika með sinfóníuhljómsveit, leiki um kvöldið
með rokkhljómsveit og útsetji svo þjóðlagatónlist
þegar þeir komi heim.
– Þú ert orðinn býsna þekktur, ef litið er til um-
fjöllunar um þig á netinu, m.a. í þekktum tónlist-
arritum …
„Ætli það ekki (hlær), ég veit ekki hvort viðtöl í
bandarískum miðlum eru góður mælikvarði á það
en innan lítils heims klassískrar tónlistar hef ég
vissulega fengið vænan skammt af athygli, jafnvel
of mikla.“
– Þú hefur nú líka verið í breskum miðlum,
Times og BBC t.d. Maður skyldi ætla að þú værir
búinn að slá í gegn, svo að segja?
„Tja, það er áhugavert við klassíska tónlist
hvað hún er skrítin, lítill heimur […] ef maður er
undir sextugu og fær athygli verða allir sér-
staklega spenntir, af því maður er ungur,“ segir
Muhly og hlær, segist ekki einu sinni vera það
ungur.
Pottþétt næsta sumar
– Ertu á leiðinni til Íslands á næstunni?
„Ég átti að koma fram á Airwaves en það gekk
ekki upp hjá mér. Það þótti mér afar leitt en ég
kem líklega aftur í janúar, pottþétt næsta sum-
ar.“
– Það má búast við frekara samstarfi þínu og
Bedroom Community?
„Algjörlega,“ svarar Muhly og segist vera að
leggja drög að plötu með Valgeiri Sigurðssyni. Og
það er nóg framundan hjá Muhly, hann er m.a. að
fara að semja verk fyrir strengjakvartett í New
York og fleiri verkefni bíða hans á næsta ári.
„Þetta er hrúga af verkefnum,“ segir Muhly eld-
hress að lokum.
„Ég er enn frekar gamaldags“
 Tónskáldið Nico Muhly er með fingurna í öllu; poppi, klassík, kóratónlist,
dansverkum …  Decca gefur út tvær plötur í ár með verkum hans
Ljósmynd/Samantha West
Fjölhæfur Nico Muhly á að baki nám í tónsmíðum en er þó með fingurna í öllu, svo að segja.
Muhly fæddist í
Vermont í Banda-
ríkjunum árið 1981
og er því aðeins 29
ára. Hann býr og
starfar í Bandaríkj-
unum en er á sí-
felldum þönum um
heiminn starfsins
vegna. Þegar blaðamaður ræddi við hann í
byrjun viku var hann staddur á hóteli nærri
Barbican-listamiðstöðinni í London, nýkom-
inn af æfingu í Barbican þar sem ball-
ettverkið „I Drink the Air Before Me“ var
flutt í vikunni en tónlistina við það samdi
hann fyrir bandaríska danshópinn Stephen
Petronio. Verkið var frumflutt í New York í
fyrra en Muhly segist hafa horft á dans-
flokkinn æfa, fylgst með hreyfingum dans-
aranna, áður en hann hóf að semja verkið.
Hann segist alltaf fylgja þeirri reglu við tón-
smíðar fyrir danshópa, að stúdera hreyf-
ingar dansaranna áður en lengra er haldið.
Tónverkið gaf Decca út í september sl.
Fylgst með dönsurum
I DRINK THE AIR BEFORE ME
Ljósmynd/Sarah Silver
Gusugangur Dansarar í Stephen Petronium.
www.nicomuhly.com