Hamar - 11.08.1950, Qupperneq 1

JV. ÁRGANGUR HAFNARFIRÐI 11. ÁG. 1950 18. TÖLUBLAÐ
Embættismenn st. Morgunstjörnunnar nr. 11
Aftasta röð, talið frá vinstri: Jón Þórarinsson, Jón B. Pétursson, Jón Helgason, Þor-
ualdur Þorvaldsson, Sigurjón Arnlaugsson. Miðröð: Guðjón Magnússon, Eina Pálma-
dóttir, Jóna Jónsdóttir, Fjóla Guðjónsdóttir, Magnús Jónsson. Frenista röð: Gísli Sig-
urgeirsson, Jón Einarsson, Halla Magnúsd., Sigurgeir Gíshis., Ilalldór M. Sigurgeirss.
St. Morgunstjarnan nr. 11 65 ára
1885
Sfofnaður sjóður til verðlauna
veilinga fyrir sundafrek í
Sundlaug Hafnarfjarðar
Árið 1885 var Hafnarfjörður
fámennt fiskimannaþorp. Ibú-
arnir voru flestir fátækir og
bjuggu við Ktil efni og í litlum
íbúðum. Lífið í „Firðinum“ var
þá fábreytt og lítið um tilbreyt-
ingu frá hinu hversdagslega.
Drykkjuskapur var þá mikill og
vín veitt og selt í hverri verzlun.
í júlímánuði 1885 var Góð-
templarastúka stofnuð í Reykja-
vík, stúkan Verðandi nr. 9.
Nokkrir Hafnfirðingar hófust
þegar handa og vildu kynnast
þessari félagshreyfingu, og fóru
til Reykjavíkur, þeir Eyjólfur 111-
ugason og Magnús Th. S. Blöndal
ákveðnir í því að gerast félagar
í þessari nýstofnuðu Góðtempl-
arastúku og á þann hátt að kynn-
ast þessari félagshreyfingu. En
með ráði góðra manna í Reykja-
vík og í samráði við þessa menn
var svo ákveðið að stofna hér
deild í Hafnarfirði og fóru þeir
heim við svo búið. Þeir létu ekki
sitja við orðin tóm, heldur hófust
þegar handa að undirbúa stúku-
stofnun og var svo stúkan Morg-
unstjarnan nr. 11 stofnuð 2. ág.
Var stúkan stofnuð í Flensborg
og stofnaði hana hr. Ólafur
Rósinkranz úr st. Verðandi. —
Stofnfélagar voru 13 að tölu, allt
saman karlmenn. Eru þeir allir
dánir. En stúkan lifir og starfar
ennþá.
Hópurinn var ekki stór og fyrir
þessari félagsstofnun fór ekki
mikið. En brátt fóru menn að
taka eftir þessum félagsskap og
veita honum athygli. Ymsir af
Hafnfirðingunum sem höfðu ver-
ið drykkjumenn gengu í stúkuna,
og líf þeirra og lífsafkoma breytt-
ist mjög til hins betra. Fundir
voru haldnir vikulega og þessir
frumherjar bindindishugsjónar-
innar hér í Ilafnarfirði voru á-
hugasamir og duglegir. Þegar á
fyrsta ári hófust þeir handa með
að byggja fundarhús, og á því
máli voru engin vetlingatök. Ár-
ið eftir, þ. 17. des. var svo nýtt
samkomuhús vígt, og er það Góð-
templarahúsið sem ennþá stend-
ur við Suðurgötu 7 hér í bænum,
og var upphaflega húsið, fundar-
salurinn eins og hann er nú, en
síðar byggt við báða enda.
Þetta var fyrsta hús, sem Góð-
templarar byggðu hér á landi,
og var þetta stórt átak og sýndi
stórhug og dugnað þessara fáu
1950
og fátæku manna að byggja svo
stórt fundarhús að nálega rúmaði
alla íbúa bæjarins þá. Var þetta
svo eina samkomuhús Hafnfirð-
inga um áratugi.
Brátt fór þessi félagsskapur að
hafa töluverð áhrif hér í þorpinu.
Skemmtanalíf færðist í aukana
en það var áður mjög af skornum
skammti. Gekkst stúkan fyrir
ýmiskonar skemmtanastarfsemi
svo sem sjónleikjum, fyrirlestr-
um, dansleikjum o. fl. og eiga
margir hinna eldri Hafnfirðinga
ljúfar minningar frá þessum
fyrstu árum Góðtemplararegl-
unnar hér í Hafnarfirði.
Nú fóru menn og konur að
ganga í stúkuna og fyrsta konan,
sem braut ísinn í Hafnarfirði og
gerðist Góðtemplari var Helga
Árnadóttir Hildibrandssonar, en
hún var gift Jóni kaupm. Bjarna-
syni er varð 1. umboðsmaður
í Morgunstjörnunni. Eftir það
voru konur mjög starfandi í stúk-
unni og hafa margar þeirra verið
forvígiskonur í ýmsum öðrum
félagssamtökum sem síðar voru
mynduð hér í bænum.
Um svipað leyti og Morgun-
Framh. á bls. 4
Eftirfarandi bókun frá bæjar-
ráðsfundi 24. júlí s.l. var einróma
samþykkt á bæjarstjórnarfundi
1. ágúst s. 1.
„Á fundinum mættu þeir Ásgeir
G. Stefánsson, forstjóri, Ólafur
Tr. Einarsson, forstjóri og Björn
Jóhannesson, fyrv. bæjarfulltrúi,
en þeir höfðu á sínum tíma verið
tilnefndir samkv. erfðaskrá Ólafs
Jónssonar, Garða, til heimilis á
Suðurgötu 29, til að annast skipti
og ráðstafanir á eignum hans, en
í arfleiðsluskrá Ólafs sál. Jóns-
sonar Garða, dags. 16. marz
1939, segir svo:
„Innanstokksmunum og fatn-
aði skal ráðstafað af Sigurbent
Gíslasyni, Ásgeiri G. Stefánssyni
og Ólafi Einarssyni, og allt ann-
að sem eftir verður, eftir að búið
er að koma mér í gröfina, og reisa
minnisvarða yfir okkur hjónin,
skal ganga til sjóðstofnunar, sem
ber nafn okkar hjóna, og skal
sjóðnum ráðstafað til Sundlaug-
arbyggingar hér í Hafnarfirði,
og verðlauna fyrir sundafrek.
Fari svo, að sundlaug sé komin
upp, áður en ég fell frá, má nota
féð til sólbaðsskýlis og annars í
sambandi við sundlaugina.“
Nefndir menn skýra frá því,
að skiptum sé nú lokið, og þá sé
til ráðstöfunar fé í sparisjóðsbók
við Sparisjóð Hafnarfjarðar nr.
6738, kr. 16.218.99 — sextán þús-
und, tvö hundruð og átján krón-
ur, níutíu og níu aurar —, miðað j
við 1. jan. 1950, og leggja þeir til,
að af fé þessu sé varið kr. 10.000,
— tíu þúsund krónum — til sjóðs-
myndunar til verðlaunaveitinga
fyrir sundafrek í Sundlaug Hafn-
arfjarðar, það fé, sem þá er eftir,
renni í framkvæmdasjóð Sund-
laugarinnar.
Ennfremur leggja þeir til, að
íþróttanefnd bæjarins og íþrótta-
fulltrúa ríkisins, verði falið að
Berjaferð
Sjálfstæðisfélögin munu á
næstunni efna til berjaferðar
og verður hún nánar auglýst
síðar.
semja drög að skipulagsskrá fyr-
ir sjóðinn, sem þeir svo gangi end
anlega frá og leggi fyrir bæjar-
stjórn.
Um leið og bæjarráð þakkar
heimsókn þeirra Ásgeirs, Ólafs
og Björns, og minnist gefanda,
tekur það fram, að það fellst í
einu og öllu á tillögur þær, er
fram hafa komið um ráðstöfun á
fé þessu.
Bæjarstjóri veitti móttöku
nefndri sparisjóðsbók með upp-
hæð þeirri er fyrr greinir."
Forseti minntist gefendanna,
þeirra hjóna Pálínu Eysteinsdótt
ur og Ólafs Jónssonar Garða; og
risu bæjarfulltrúar úr sætum til
að votta þeim þakklæti sitt og
virðingu.
-----•------
Leggið vatnsveit-
unni lið
Frá því er sagt á öðrum
stað í blaðinu, að ákveðið
hefur verið að bjóða út
skuldabréfalán fyrir vatns-
veituna. Bæjarbúar eru lengi
búnir að bíða eftir auknu
vatni og nú er svo komið f jár-
hag bæjarins að það hefur
orðið eina leiðin til að geta
haldið vatnsveitubygging-
unni áfram, að leita til'al-
mennings um að fá lán til
hennar. Það er vitað, að svo
hefur harnað að hjá mörgum,
að ekki er við því að búast,
að þeir geti látið fé af mörk-
um í þessu skyni, en þeir,
sem aflögufærir eru ættu að
leggja þessu nauðsynjamáli
lið sitt með því að kaupa
skuldabréf, þegar farið verð-
ur að selja þau. — Bréfin eru
að upphæð krónur 5.000,00,
1.000,00 og 100,00.
FRÁ BÓKAHAPPDRÆTINU
Frestað hefur verið að draga
í bókahappdrætti Heimdallar
og S.U.S. til 15. október n. k.