Morgunblaðið - 26.11.2010, Blaðsíða 2
2 FRÉTTIRInnlent
MORGUNBLAÐIÐ FÖSTUDAGUR 26. NÓVEMBER 2010
Morgunblaðið Hádegismóum 2, 110 Reykjavík. Sími 5691100 Fréttir ritstjorn@mbl.is Fréttastjórar Sunna Ósk Logadóttir, sunna@mbl.is Sigtryggur Sigtryggsson, sisi@mbl.is Viðskipti
vidsk@mbl.is Ívar Páll Jónsson, fréttastjóri, ivarpall@mbl.is Menning menning@mbl.is Umræðan | Bréf til blaðsins | Minningar mbl.is/sendagrein, Arnór Ragnarsson Íþróttir sport@mbl.is
Víðir Sigurðsson, vs@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is Prentun Landsprent ehf.
Lögin andstæð stjórnarskrá
Hæstiréttur telur nýleg lög um ábyrgðarmenn ekki standast eignarréttarákvæði
Guðmundur Sv. Hermannsson
Egill Ólafsson
Hæstiréttur segir að lög, sem sett voru á Alþingi
á síðasta ári um ábyrgðarmenn, séu andstæð
eignarréttarákvæði stjórnarskrárinnar. Stað-
festi Hæstiréttur dóm Héraðsdóms Suðurlands
um að tveir ábyrgðarmenn láns skuli greiða
Sparisjóði Vestmannaeyja rúma 1 milljón króna.
Um var að ræða sjálfskuldarábyrgð á láni en
fólkið hélt því fram að ábyrgð þess væri ekki
lengur fyrir hendi vegna breytinga, sem gerðar
voru á lögum um ábyrgðarmenn. Dómurinn taldi
lögin hins vegar ekki afturvirk.
„Þessi niðurstaða skaðar framgang laga um
greiðsluaðlögun,“ segir Árni Páll Árnason, efna-
hags- og viðskiptaráðherra, og bendir á að
þriðja manns ábyrgðir séu mjög útbreiddar hér
á landi.
Upphaf málsins er að kona á fimmtugsaldri,
sem er 75% öryrki, fékk útgefið skuldabréf upp
á eina milljón árið 2006 en lenti strax á því ári í
vanskilum með það. Móðir konunnar og bróðir
voru ábyrgðarmenn hennar.
Konan fékk greiðsluaðlögun á síðasta ári og
voru allar samningskröfur gefnar eftir að fullu,
þar á meðal kröfur Sparisjóðs Vestmannaeyja á
hendur henni. Sjóðurinn taldi hins vegar að
ábyrgð ábyrgðarmannanna væri ekki fallin nið-
ur og höfðaði mál á hendur þeim þegar þeir neit-
uðu að greiða. Hæstiréttur segir að kröfuréttur
sparisjóðsins á hendur ábyrgðarmönnunum
njóti verndar eignarréttarákvæðis stjórnar-
skrárinnar og þau réttindi verði ekki skert án
bóta með afturvirkri íþyngjandi löggjöf.
„Það er auðvitað mjög slæmt ef fólk í alvar-
legum greiðsluvanda getur ekki komist aftur á
lappirnar á annan hátt en að vandi þess sé flutt-
ur yfir á aðra,“ segir Árni Páll og bætir við að
Hæstiréttur leggi greinilega mikla vigt á frið-
helgi eignarréttarins en minni áherslu á frið-
helgi heimils og einkalífs sem líka sé tryggð í
stjórnarskrá.
„Ég vil að löggjafinn fari
yfir þetta og við leitum
leiða til að réttlætið nái
fram að ganga.“
Árni Páll Árnason
Gengið var með kyndla gegn kynbundnu ofbeldi í Reykjavík í gærkvöldi,
gangan hófst við Þjóðmenningarhúsið við Hverfisgötu og var gengið að
Sólfarinu við Sæbraut. Sex ráðherrar tóku þátt í ljósagöngunni í ár en hún
markaði upphaf sextán daga átaks gegn ofbeldi gagnvart konum.
UNIFEM á Íslandi (nú hluti af Jafnréttisstofnun SÞ – UN Women), í sam-
vinnu við mannréttindasamtök og kvennahreyfinguna á Íslandi, stóð fyrir
ljósagöngunni í tilefni af alþjóðlegum degi gegn kynbundnu ofbeldi.
„Alþjóðleg yfirskrift átaksins í ár er: Berjumst gegn ofbeldi gegn konum
á átakasvæðum og viljum við á Íslandi leggja áherslu á ábyrgð gerenda í
ofbeldismálum,“ sagði í tilkynningu frá aðstandendum átaksins.
Gengið gegn kynbundnu ofbeldi
Morgunblaðið/Golli
Séra Sigurður Sigurð-
arson, vígslubiskup í
Skálholti, andaðist á
Landspítalanum í
Reykjavík í gærmorg-
un, 66 ára að aldri.
Eftirlifandi eigin-
kona hans er Arndís
Jónsdóttir skólastjóri.
Þau eignuðust tvö
börn, Stefaníu og Jón
Magnús. Fóstursonur
þeirra, Rúnar Krist-
jánsson, lést árið
2000.
Sigurður fæddist
30. maí 1944 í Hraun-
gerði. Faðir hans var séra Sig-
urður Pálsson, sóknarprestur í
Hraungerði og síðar á Selfossi og
vígslubiskup Skálholtsstiftis. Móð-
ir hans var Stefanía Gissurardóttir
húsfreyja.
Sigurður varð stúd-
ent frá Mennta-
skólanum í Reykjavík
á árinu 1965 og lauk
kandídatsprófi í guð-
fræði frá Háskóla Ís-
lands 1971. Hann nam
einnig fiðluleik og
kenndi um tíma á
fiðlu. Sigurður lauk
meistaraprófi í guð-
fræði frá Princeton
Theological Seminary
árið 1981.
Séra Sigurður var
sóknarprestur á Sel-
fossi 1971-1994 er
hann tók við embætti vígslubisk-
ups í Skálholtsstifti og gegndi því
embætti þar til hann lést.
Hann sinnti kennslustörfum um
árabil og var stundakennari í
kennimannlegri guðfræði við guð-
fræðideild Háskóla Íslands 1983-
84 og 1989. Hann sat í stjórn
Prestafélags Íslands og var for-
maður þess um tíma.
Sigurður sat í fjölmörgum
nefndum og ráðum á vegum þjóð-
kirkjunnar, í helgisiðanefnd þjóð-
kirkjunnar um árabil og í kenn-
ingarnefnd frá árinu 1998. Hann
var staðgengill biskups Íslands frá
árinu 2003. Þá gegndi hann trún-
aðarstörfum fyrir Sjálfstæðis-
flokkinn.
Sigurður ritaði bókina Þorlákur
helgi og samtíð hans sem kom út
árið 1993. Hann ritaði og fjölda
greina í Kirkjuritið, Morgunblaðið
og héraðsblöð Sunnlendinga.
Séra Sigurður Sigurðarson var
sæmdur riddarakrossi hinnar ís-
lensku fálkaorðu árið 1994 og
stórriddarakrossi á kristnihátíðar-
árinu 2000.
Andlát
Sr. Sigurður Sigurðarson vígslubiskupGegn umfangsmiklum breytingumá stjórnarskránni.
Auðkennistala: 7759
Óráðlegt er að ráðast í umfangsmiklar
breytingar á stjórnarskránni. Það er til
marks um ágæti hennar að hún hefur
staðist tímans tönn stóráfallalaust.
Bankahrunið gefur ekkert tilefni til að
breyta henni. Orsakir þess er ekki að
finna í henni. Þvert á móti er óráðlegt
að ráðast í breytingar á stjórnarskránni
á þessum umbrotatímum.
Elías Blöndal Guðjónsson,
lögfræðingur.
elias@elias.is
elias.is
FRAMBOÐTIL STJÓRNLAGAÞINGS
Fangelsismálastofnun hefur vakið
athygli dóms-
mála- og
mannrétt-
indaráðuneyt-
isins á að-
finnslum sem
hún hefur
gert við fjár-
reiður og bók-
hald fangels-
isins á Kvíabryggju.
Ráðuneytið hefur rætt málið við
forstöðumann fangelsisins og hefur
hann í framhaldi óskað eftir því að
Ríkisendurskoðun verði falið að fara
yfir bókhaldið. Á meðan á þeirri
skoðun stendur hefur forstöðu-
manninum verið veitt lausn frá
störfum um stundarsakir á grund-
velli laga um réttindi og skyldur
starfsmanna ríkisins.
Forstöðumaðurinn á Kvíabryggju
var skipaður í stöðuna snemma árs
2006.
Fjármál
Kvíabryggju
rannsökuð
Frá Kvíabryggju.
Fleiri hafa kosið
utan kjörfundar í
kosningu til
stjórnlagaþings
en kusu í þjóðar-
atkvæðagreiðsl-
unni um Icesave-
lögin. Sá munur
er hins vegar á að
aðeins verður
hægt að kjósa ut-
ankjörfundar í
tvo klukkutíma í dag, en við þjóð-
aratkvæðagreiðsluna var opið allan
daginn degi fyrir kjördag og einnig
var hægt að kjósa utankjörfundar á
kjördegi.
Bergþóra Sigmundsdóttir, kjör-
stjóri hjá sýslumanninum í Reykja-
vík, sagði að mjög margir hefðu
komið eftir kvöldfréttir í gær. „Það
fylltist allt og fólk þurfti að bíða allt
upp í 55 mínútur.“
Utankjörfundaratkvæðagreiðslu
lauk kl. 22 í gærkvöldi en þá voru
nokkrir enn í biðröð og var þeim
heimilað að kjósa. Tæplega 2.000
manns kusu í gær og höfðu þá 6.160
kosið hjá sýslumanninum í Reykja-
vík. Heildarfjöldi atkvæða á landinu
öllu er 8.503, eru þá ótalin nokkur
aðsend atkvæði.
Bergþóra segir að kosningin hafi
almennt gengið vel og fólk komi
undirbúið á kjörstað. egol@mbl.is
Um 8.500
hafa kosið
Bergþóra
Sigmundsdóttir