Morgunblaðið - 26.11.2010, Blaðsíða 9
FRÉTTIR 9Innlent
MORGUNBLAÐIÐ FÖSTUDAGUR 26. NÓVEMBER 2010
Guðni Einarsson
gudni@mbl.is
Töluverður misbrestur virðist hafa
orðið á því að öll heimili landsins hafi
fengið kynningarblað um frambjóð-
endur og kosningar til stjórnlaga-
þings. Fólk sem saknar blaðsins hef-
ur hringt mikið til dómsmála- og
mannréttindaráðuneytisins. „Það er
frekar þungt í okkur út af þessu,“
sagði Hjalti Zóphóníasson, skrif-
stofustjóri í ráðuneytinu.
Íslandspóstur var fenginn til að
dreifa kynningarblaðinu á hvert
heimili 15.-17. nóvember sl. Dreifingu
blaðsins lauk 22. nóvember sam-
kvæmt frétt á vef stjórnlagaþings.
Hjalti segir að ráðuneytið sé ekki sátt
við þjónustuna varðandi dreifinguna.
Hann sagði að m.a. hefðu verið gefin
fyrirmæli um að þeir sem hafna fjöl-
pósti að öðru jöfnu hefðu samt átt að
fá blaðið.
„Það var töluvert afgangsupplag
og við höfum sjálf verið að verða við
óskum fólks sem
hringir hingað,“
sagði Hjalti. Hann
segir að ekki sé
hægt að una við
það að fólk fái ekki
kynningarblaðið.
„Það er
ómögulegt fyrir
hvern einasta
mann sem ekki fær
blaðið. Hvernig á
hann að kjósa ef hann ekki hefur
það?“ spurði Hjalti. Hann sagði að
starfsmenn ráðuneytisins hefðu bæði
ekið blöðum heim til þeirra sem vant-
aði þau og sent blöð í pósti. Þetta hafi
valdið heilmiklu álagi á símakerfi
ráðuneytisins. „Þetta hafa verið
hundruð blaða, sem við höfum verið að
senda,“ sagði Hjalti. Hann sagði reynt
að bregðast skjótt við en að núorðið
væri flestum sem sakni blaðsins beint
til Íslandspósts.
„Það hefur ekki verið mikið
hringt til okkar,“ sagði Ágústa Hrund
Steinarsdóttir, forstöðumaður mark-
aðsdeildar Íslandspósts. Hún sagði
að borist hefðu kvartanir um að blöð
vantaði á einstök heimili, en ekki í
heilu hverfin. Svo virðist sem þessar
kvartanir dreifist nokkuð jafnt yfir
landið og þær séu ekki margar í ljósi
þess að blaðinu hafi verið dreift í
meira en 120.000 eintökum. Þá eru
dæmi um að fólk hafi óvart hent
blaðinu og biðji um nýtt.
„Við höfum boðið þeim sem vant-
ar blað að hringja í þjónustuverið í
580 1200 og þá reynum við að senda
blaðið samdægurs eða daginn eftir,“
sagði Ágústa Hrund.
Sakna kynningarblaðsins
Margir hafa haft samband við dómsmálaráðuneytið og kvartað yfir að hafa
ekki fengið kynningarblaðið um frambjóðendur og kosningar til stjórnlagaþings
Morgunblaðið/Brynjar Gauti
Stjórnlagaþing Kosið verður til stjórnlagaþings á laugardag. Kjósendur
skrifa númer frambjóðenda á kjörseðla. Talningu lýkur í næstu viku.
Íslandspóstur
dreifði blaðinu.
Agnes Bragadóttir
agnes@mbl.is
Hitafundur var í gærmorgun í fé-
lags- og tryggingamálanefnd Alþing-
is, þar sem m.a. framkvæmd og
virkni greiðsluaðlögunar og skulda-
vandaúrræði voru á dagskrá fundar-
ins. Á fundinn mætti samráðshópur
fjármálafyrirtækja sem settur var á
laggirnar til þess að vinna að lausn á
skuldavanda heimilanna.
Samkvæmt upplýsingum Morgun-
blaðsins beindi Sigríður Ingibjörg
Ingadóttir, þingmaður Samfylking-
arinnar og formaður félags- og
tryggingamálanefndar, spjótum sín-
um að fulltrúum bankanna á fund-
inum og sagði m.a. að það gengi ekki
hversu skammt bankarnir væru
reiðubúnir til þess að koma til móts
við fólk í skuldavanda, en væru svo
að afskrifa „milljarða á milljarða of-
an hjá drullusokkum eins og Halldóri
Ásgrímssyni og Jakobi Valgeiri
Flosasyni“.
Samkvæmt upplýsingum Morgun-
blaðsins var bæði gestum og ein-
hverjum nefndarmanna nokkuð
brugðið við orðbragð for-
manns nefndarinnar og var
það staðfest í samtölum
Morgunblaðsins við einstak-
linga sem voru á fundinum í
gær.
Einkum þótti það hæpið
að Sigríður Ingibjörg skyldi
beina spjótum sínum að
ofangreindum einstakling-
um og nafngreina þá, í stað
þess að ræða um þær af-
skriftir sem félög eða fyrirtæki sem
þeim tengjast hafa fengið hjá banka-
kerfinu.
Orð féllu í hita leiksins
Sigríður Ingibjörg sagði í samtali
við Morgunblaðið í gær, aðspurð
hvort þessi orð hennar hefðu verið
með tilhlýðilegum hætti: „Ég man nú
ekki nákvæmt orðalag mitt um þetta
á fundinum sem féllu í hita leiksins,
en ég vil þó segja, að það verður að
skoða orð mín í réttu samhengi. Orð
mín féllu í framhaldi umræðna um að
við í félags- og tryggingamálanefnd
höfum mánuð eftir mánuð, ár eftir ár
verið að vinna í því að fá bankana í lið
með okkur til þess að finna leiðir til
að afskrifa skuldir hjá heimilunum.
Síðan er niðurstaðan sú, að nú
tveimur árum eftir hrun er búið að
afskrifa hjá heimilunum 22 milljarða
króna innan bankakerfisins, en hvað
var afskrifað hjá þessum tveimur
fyrirtækjum, til dæmis?“ sagði Sig-
ríður Ingibjörg.
Blaðamaður benti Sigríði á að hún
hefði ekki verið að beina spjótum sín-
um að fyrirtækjunum sem um ræðir,
heldur hefði hún nafngreint einstak-
linga og kallað þá „drullusokka“.
„Ég nafngreindi þá sem eigendur
fyrirtækjanna. Það skilja það allir að
skuldir þessara fyrirtækja eru tap-
aðar og öll viljum við halda lífi í
rekstrarhæfum einingum.
Ég spurði bankamennina á
fundinum í morgun, hvar þeir
drægju mörkin varðandi hæfi
eigenda til þess að halda fyrir-
tækjum sínum. En ég get líka
viðurkennt, að auðvitað á mað-
ur ekki, að fólki fjarstöddu, að
tala eins og ég gerði, en við
skulum ekki gleyma því í hvaða
samhengi þetta var sagt.“
Þeir sem voru gestir fundarins
voru Guðjón Rúnarsson og Davíð
Sverrisson, frá Samtökum fjármála-
fyrirtækja, frá Íslandsbanka komu
Birna Einarsdóttir bankastjóri og
Unnur Steinsdóttir, frá Arion banka
komu Höskuldur H. Ólafsson og
Hermann Björnsson og Helgi Teitur
Helgason og Ingvar Ragnarsson
komu frá Landsbankanum.
Gestir fundarins munu litlu hafa
svarað ásökunum Sigríðar Ingi-
bjargar, öðru en því að þeir væru
bundnir af bankaleynd og ekki væri
hægt að ganga út frá því sem gefnu
að allt væri satt og rétt, sem birt
hefði verið í fjölmiðlum um afskriftir.
Nafngreindi einstaklinga
og kallaði þá drullusokka
Formaður félags- og trygginganefndar segir að skoða verði orð hennar í samhengi
Sigríður Ingibjörg
Ingadóttir
Halldór
Ásgrímsson
Jakob Valgeir
Flosason
SVARTAR
DÖMUBUXUR
M/TEYGJU Í MITTIÐ
STR. 36-56
VERÐ KR.
3990,
4900,
5900
Bæjarlind 6, sími 554 7030
Eddufelli 2, sími 557 1730
www.rita.is
...vegna þess að hann hefur
einstaka hæfileika til að sjá
hlutina í víðu samhengi.“
Helga Barðadóttir, stjórnsýslufræðingur
...til stjórnlagaþings. Einmitt
maðurinn sem við þurfum þar."
Björn Karlsson, brunamálastjóri
„Ég styð Þorkel Helgason ...
www.thorkellhelgason.is
1. val
2. val
2 8 5 3
Hæstiréttur hefur komist að þeirri
niðurstöðu að bandarískur fyrr-
verandi hermaður, sem gegndi
herþjónustu hér á landi, eigi ekki
rétt á bótum úr ríkissjóði vegna
líkamsárásar sem hann varð fyrir
utan við skemmtistað í Reykja-
nesbæ árið 2005. Árásarmaðurinn
var venesúelskur ríkisborgari, sem
var árið 2006 dæmdur í 18 mánaða
fangelsi fyrir árásina, þar af 15
mánuði skilorðsbundið.
Hermaðurinn fór fram á að fá
skaðabætur á grundvelli laga um
greiðslu ríkissjóðs á bótum til þol-
enda afbrota vegna tjóns af völd-
um árásarinnar. Bótanefnd hafn-
aði því á þeim forsendum að
árásarmaðurinn hefði verið stadd-
ur á Íslandi sem ferðamaður þeg-
ar hann framdi brot sitt. Hann
teldist því hafa verið á landinu um
stundarsakir og sama gilti um
hermanninn, sem var hér aðeins
tímabundið vegna atvinnu sinnar.
Hermaðurinn höfðaði mál og
krafðist 3,1 milljónar króna í bæt-
ur en Hæstiréttur, og áður Hér-
aðsdómur Reykjavíkur sýknuðu
ríkið á sömu forsendum og bóta-
nefndin.
Fær ekki
bætur úr
ríkissjóði
Gunnar Þorsteinsson, forstöðumað-
ur trúfélagsins Krossins, segir
ásakanir, sem komið hafa fram á
hendur honum um kynferðisbrot,
algerlega tilhæfulausar. Fimm kon-
ur hafa sent bréf til stjórnar safn-
aðarins og fjölmiðils og saka Gunn-
ar um kynferðislega áreitni og
þöggun. Eru það m.a. tvær fyrrver-
andi mágkonur Gunnars sem bera
hann sökum.
Vefmiðillinn Pressan hefur fjallað
um málið og birti í gær bréf frá
nokkrum konum til stjórnar Kross-
ins, þar á meðal tveimur fyrrver-
andi mágkonum Gunnars. Í bréfinu
er Gunnar sakaður um kynferðis-
lega áreitni og að reyna að þagga
niður málið. Er þess krafist að
stjórn Krossins bregðist við með
hagsmuni þeirra og safnaðarins að
leiðarljósi.
Að því er kemur fram á Press-
unni segja konurnar, að samkvæmt
lögum séu brotin fyrnd og forsend-
ur fyrir kærum á hendur Gunnari
því brostnar. Það sé hins vegar ljóst
að afleiðingarnar fyrnist ekki en
nokkrar kvennanna hafi verið undir
lögaldri þegar á þeim var brotið.
Tilhæfulausar ásakanir
„Þessar ásakanir eru gersamlega
tilhæfulausar. Ég mun leita allra
úrræða sem ég hef til að koma því á
framfæri. Það er algerlega ólíðandi
hvernig Pressan hefur höndlað
þetta mál. Þó að söguburður sé
kominn á pappír er hann bara sögu-
burður,“ segir Gunnar í samtali við
mbl.is en hann útilokar ekki að leita
réttar síns fyrir dómstólum. Þannig
hafi hann áður stefnt Pressunni fyr-
ir umfjöllun sína um málið.
„Ég er náttúrlega mjög sleginn
og miður mín. Þetta er þungbært að
þurfa að standa í þessari stöðu því
að ég fyrirlít svona framkomu
gagnvart fólki,“ segir hann. Gunnar
neitar alfarið að hafa reynt að
þagga málið niður. Hann hafi hvatt
fólk til að koma fram því að málið
hafi verið á flökkusagnaformi um
mánaðarskeið. Sögunum hafi verið
dreift og beitt gegn honum og söfn-
uðinum.
„Ég tel að þetta sé af safnaðar-
pólitískum toga þannig að málið er í
mörgum skilningi alveg grafalvar-
legt,“ segir Gunnar. kjartan@mbl.is
Forstöðumaður Krossins sak-
aður um kynferðislega áreitni
Á síðastliðnu
sumri hafði Mat-
vælastofnun af-
skipti af nokkrum
kúabændum
vegna skorts á úti-
vist nautgripa.
Nokkrir þeirra
brugðust rétt við
kröfum Matvæla-
stofnunar og settu út sína nautgripi. Í
tilviki níu bænda telur Matvælastofn-
un hinsvegar að ekki hafi verið bætt
úr annmörkum á meðferð nautgrip-
anna. Matvælastofnun hefur nú kært
þessa níu einstaklinga til lögreglu.
Matvælastofnun telur að þeir sem
byrgja gripi sína inni allt árið séu að
brjóta reglugerð um aðbúnað naut-
gripa sem og ákvæði dýraverndunar-
laga, segir á mast.is.
Níu kúabænd-
ur kærðir til
lögreglu