Morgunblaðið - 26.11.2010, Blaðsíða 14

14 FRÉTTIRInnlent
MORGUNBLAÐIÐ FÖSTUDAGUR 26. NÓVEMBER 2010
Hugrún Halldórsdóttir
hugrun@mbl.is
„Ef upplifun Árbótarmanna er sú
sama og upplifun mín og Mumma þá
getum við ekki áfellst þá fyrir að kalla
á aðstoð þingmanna eða ráðherra í
málinu því okkar upplifun var sú að
engan veginn væri hægt að semja við
Braga [Guðbrandsson forstjóra
Barnaverndarstofu] á neinum sann-
gjörnum nótum,“ segir Gísli Kr.
Björnsson, lögfræðingur Götusmiðj-
unnar, um hvernig staðið var að
starfslokasamningum meðferð-
arheimilisins Árbótar en að hans
sögn var samið við Götusmiðjuna á
gjörólíkan hátt.
Hann gagnrýnir meðferð Barna-
verndarstofu harðlega og segir að
brotið hafi verið á skjólstæðingi sín-
um. Barnaverndarstofa rifti þjón-
ustusamningi við Götusmiðjuna í júlí
vegna ásakana um að Guðmundur
Týr Þórarinsson, betur þekktur sem
Mummi í Mótorsmiðjunni, hefði haft í
hótunum við sjö börn sem voru í vist-
un á heimilinu. „Lögreglan kom aldr-
ei að málinu þrátt fyrir að þess
hefði verið krafist af
okkur frá fyrstu
tíð þegar ásak-
anirnar litu dagsins
ljós. Bragi hafði
skyldu til þess að
kæra þetta til lög-
reglu, því hún ein hefur heimild til að
rannsaka brot á almennum hegning-
arlögum. Ég bað Árna Pál, þáverandi
félagsmálaráðherra, margoft um að
koma að málinu en hann leit ekki við
okkur. Á sama tíma var hann að beita
sér í máli Árbótar. Ég fékk hreinlega
á tilfinninguna að mönnum þætti
Mummi ekki nógu merkilegur.“
Á meðan á rannsókn nefndarinnar
stóð óskaði einn þeirra sem ásakaði
Mumma um að hafa átt í hótunum við
sig eftir að skýrslutaka sín yrði leið-
rétt. Mótorsmiðjunni barst hinsvegar
bréf þess efnis eftir að samningur um
starfslok var undirritaður, hinn 15.
júlí. „Bréfið var dagsett 8. júlí en okk-
ur barst það eftir 1. ágúst. Hefðum
við verið með þetta bréf í höndunum
er alveg ljóst að forsendur okkar fyrir
samningi hefðu verið allt aðrar því
þetta bréf sýnir að nefndirnar vönd-
uðu ekki sína rannsókn.“ Gísli krefst
þess að málið verði tekið upp að nýju
þar sem samið hafi verið við Mumma
á röngum forsendum.
Samið við Mótorsmiðjuna
á röngum forsendum
 „Nefndirnar vönduðu ekki sína rannsókn“
Unnur Brá Konráðsdóttir og Pétur H.
Blöndal, fulltrúar Sjálfstæðisflokks-
ins í félagsmálanefnd Alþingis, hafa
óskað eftir fundi í félagsmálanefnd
til að fá upplýsingar varðandi stjórn-
sýslu félagsmálaráðuneytis og
Barnaverndarstofu vegna meðferðar-
heimila.
Í tilkynningu segir að til-
efnið sé málefni
Götusmiðjunnar og
meðferðarheimilisins
Árbótar, en jafnframt er
tekið fram að nauðsyn
sé að upplýsa nefndina um stöðu
einkarekinna meðferðarheimila al-
mennt sem og stjórnsýslu, eftirlit
og framkvæmd ráðuneytisins og
Barnaverndarstofu með þeim þjón-
ustusamningum sem í gildi eru og
hafa fallið niður af einhverjum or-
sökum undanfarin ár. Aðspurður
hvort þeir Mummi verði viðstaddir
fundinn segir Gísli: „Við höfum lagt
fram kröfu um það og ég hef fengið
staðfestingu á því að við munum
vera á þeim fundi. Það verður óskað
eftir okkar aðkomu.“
„Óskað eftir okkar aðkomu“
PÉTUR OG UNNUR BRÁ VILJA AÐ FUNDAÐ VERÐI UM MÁLIÐ
Laugardaginn 27. nóvember nk. kl.
12:00-17:00 verður haldinn mark-
aður í Menningarverstöðinni á
Stokkseyri á suðurströnd Íslands. Á
sölubásnum verður margt hægt að
skoða, meðal annars fatnað, smá-
kökur og íslenskt handverk. Kaffi-
sala verður á staðnum þar sem
gestir geta gætt sér á nýbökuðum
vöfflum með sultu og rjóma og fyrir
þá sem þora verður Draugasetrið
opið. Hvatt er til að fólk fjölmenni
og skemmti sér vel.
Markaður í verstöð
Bókasöfnin á Austurlandi hafa gef-
ið öllum fjögurra ára börnum á
Austurlandi bókina Stafróf dýr-
anna eftir Halldór Á. Elvarsson.
Fyrstu bækurnar voru afhentar á
Degi íslenskrar tungu, 16. nóv-
ember sl., þegar börn og foreldrar í
Neskaupstað heimsóttu bókasafnið
í Neskaupstað. Auk þess fengu
börnin ókeypis bókasafnsskírteini.
Á næstu vikum munu fleiri börn fá
boð um að koma á bókasafn með
foreldrum sínum og þiggja gjöfina.
Verkefnið er til tveggja ára og nær
því til tveggja árganga. Verkefnið
er styrkt af Samfélagssjóði ALCOA
Fjarðaáls. Um 300 börn fá gjöfina í
þátttökusveitarfélögunum.
Markmið verkefnisins er að
kveikja áhuga barnanna á lestri,
kynna þeim leyndardóma bóka-
safnsins og hvetja foreldra til að
lesa með börnum sínum. „Það er
mín trú að með því að lesa fyrir
börn víkki sjóndeildarhringur
þeirra og opni þeim dyr að miklum
töfraheimi sem býr í bókum,“ sagði
Halldór, höfundur bókarinnar.
Bókagjöf Öll fjögurra ára börn á Austurlandi fá bók að gjöf.
Fjögurra ára börn á Austurlandi fengu
bókargjöf á Degi íslenskrar tungu
Piparkökuleikur Kringlunnar,
Ljóma og Hagkaupa til stuðnings
Barnaspítala Hringsins stendur nú
yfir. Keppt er í tveimur aldurs-
flokkum, flokki 10 ára og yngri og
flokki 11-14 ára. Þema piparköku-
leiksins er Ísland.
Tekið er á móti piparkökum á
þjónustuborði Kringlunnar til 10.
desember nk. Piparkökur sem ber-
ast verða til sýnis í Kringlunni frá
1.-18. desember nk. Hinn 18. des-
ember munu Rikka og Jói Fel. velja
flottustu piparkökurnar í Kringl-
unni og eru vegleg verðlaun í boði
fyrir vinningshafa frá Kringlunni.
Jafnframt munu Rikka og Jói
standa fyrir uppboði á flottustu pip-
arkökunum, en allur ágóði upp-
boðsins rennur til Barnaspítala
Hringsins.
Kringlan gefur þeim gjafabréf
sem verða í fyrsta, öðru og þriðja
sæti. Aðalverðlaunin eru 50 þúsund
króna gjafabréf, annað sæti 20 þús-
und og það þriðja 10 þúsund. Þá
munu Sambíóin gefa 20 bökurum
miða í Kringlubíó.
Morgunblaðið/Sverrir
Piparkökuleikur til
styrktar Hringnum
Á sunnudag nk. efnir Ferðafélag Íslands ásamt Góu sælgætisgerð til kon-
fektgöngu á Esjuna. Lagt verður af stað frá Esjustofu og er mæting kl.
11:00. Góa býður upp á konfektmola fyrir alla þá sem mæta í gönguna. Þá
munu heppnir göngumenn fá konfektkassa frá Góu að gjöf en að auki
verða dregnir út stærri konfektkassar að lokinni göngu. Þátttaka er
ókeypis og eru allir velkomnir.
Um 20.000 manns hafa lagt leið sína á Esjuna það sem af er árinu. Ferða-
félag Íslands hefur gestabækur á Þverfellshorni og við svokallaðan Stein
þar sem göngufólk skráir nafn sitt í bækurnar. FÍ og Valitor standa fyrir
Esjuhappdrætti og hafa gert sl. ár og nú fyrir jólin er dregið úr hópi allra
þeirra sem hafa skráð sig í gestabækurnar.
Undanfarið hefur göngufólki sem leggur leið sína á Esjuna fjölgað veru-
lega. Flestir sækja Esjuna heim yfir bjartasta tíma ársins þó að ætíð bætist
í hóp þeirra sem fara að vetri til. Esjan er því sannarlega eitt mest sótta
útivistarsvæði Reykvíkinga. Ferðafélag Íslands og Skógræktarfélag
Reykjavíkur hafa um árabil unnið að uppbyggingu gönguleiða á svæðinu.
Konfektganga á Esjuna á sunnudag
Viðskiptavinum Póstsins, sem fá
sendingar að utan, stendur nú til
boða að skrá tölvupóstfang sitt og
fá því tölvupóst sem tilkynningu
um sendingar. Það verður til þess
að viðskiptavinir munu fá upplýs-
ingar um sendingar sínar sólar-
hring fyrr en ella. Þessar tilkynn-
ingar berast þeim sem eru að fá
til sín sendingar sem hafa verið
stoppaðar hjá Tollmiðlun þar sem
þörf er á upplýsingum til að geta
tollafgreitt sendinguna (t.d. ef
upplýsingar um verðmæti vör-
unnar eru ekki fyrir hendi).
Til að gefa upp tölvupóstfang
geta viðskiptavinir hringt til
Póstsins í síma 580-1200, eða sent
tölvupóst þess efnis á post-
ur@postur.is.
Tölvupóstföng skráð
STUTT
FÁÐU ÞÉR ÁSKRIFT Á MBL.IS/ASKRIFT
EÐA Í SÍMA 569 1122
MOGGAKLÚBBURINN
SEX DAGA ÓPERUÆVINTÝRI Í NEWYORK UNDIR STJÓRN
SIGRÍÐAR ELLU OG GUÐNA ÞÓRÐARSONAR
–– BROTTFÖR 4. JANÚAR 2011
Allir fastir áskrifendur Morgunblaðsins eru sjálfkrafa félagar í Moggaklúbbnum og njóta ýmissa fríðinda og tilboða.
ÍS
LE
N
SK
A
/S
IA
.IS
/M
O
R
52
43
8
11
/1
0
KORTIÐ GILDIR TIL
31.12.2010
MOGGAKLÚBBURINN
– MEIRA FYRIR ÁSKRIFENDUR
TAK
MA
RK
AÐU
R
SÆ
TAF
JÖL
DI
Fararstjóri er Guðni Þórðarson sem
þekkir borgarlífið New York vel frá
fornu fari og Sigríður Ella fylgir
hópnum í öllu er viðkemur
óperunni.
Erfitt er að láta sér leiðast í New
York. Hægt er að heimsækja heims-
fræg listasöfn, China Town eða
listamannahverfin, borða stærstu
nautasteikur í heimi og skoða
borgarlífið. Upplagt væri að heim-
sækja áramótaútsölur í hinum
risastóru verslunarmiðstöðvum á
Breiðgötu og Fimmta Stræti.
SUNNUFERÐIR bjóða til óvenjulegrar óperuveislu í heimsborginni NewYork.
Sigríður Ella óperusöngkona hefur valið þrjár vinsælar óperur í Metropolitan-
óperunni. Undir hennar leiðsögn fá Moggaklúbbsfélagar að skoða baksviðs og
öðlast innsýn í heim söngvaranna:
LA TRAVIATA
eftir GuiseppiVerdi.
Stjórnandi Gianandrea Noseda.
Í aðalhlutverkum:
Marina Poplavskaya,
Matthew Polenzani
og Andrezej Dobber.
CARMEN
eftir George Bizet.
Stjórnandi Edward Gardner.
Í aðalhlutverkum:
Genia Kuhmeier,
Anita Rachvelishviti,
Roberto Alagna og Paulo Szot.
TÖFRAFLAUTAN
eftirW.A. Mozart.
Stjórnandi Erik Nielsen.
Í aðalhlutverkum:
Susanna Phillips, Erika Miklósa,
Bruce Sledge, Nathan Gunn
og Morris Robinson.
Svona ferð er menningarævintýri og
töfrandi skemmtun sem aldrei
gleymist. Ferðin kostar félaga í
Moggaklúbbnum ekki meira en góð
sólarlandaferð, eða 275.000 kr.*
Óperuveislan hentar einkar vel fyrir
sérstök tilefni eða bara til að dekra
við elskuna sína. Hægt er að fá
ferðina með flugi á Saga Class og
gistingu á Valdorf Astoria, frægasta
lúxushóteli borgarinnar.
Fáið nánari upplýsingar um
óperuævintýrið með því að senda
tölvupóst á netfangið
sirry@operastudio.is
Bókanir og ferðaupplýsingar
í síma 555 4700.
*INNIFALIÐ:
Flug fram og til baka, gisting með
morgunverði á góðu hóteli í hjarta
borgarinnar, óperumiðar og
óperukvöldverður.