Morgunblaðið - 26.11.2010, Blaðsíða 38

38 MENNING
MORGUNBLAÐIÐ FÖSTUDAGUR 26. NÓVEMBER 2010
Marteinn Sigurgeirsson kennari hóf kvikmynda-
samkeppni á milli allra grunnskólanna á landinu
í ár og verða úrslit kunngjörð í Sambíóunum í
dag klukkan 16.30. Hann hóf samkeppni í sam-
starfi við íþrótta- og tómstundaráðið í Reykjavík
í kvikmyndalist fyrir 29 árum en aðeins Reykvík-
ingar hafa getað tekið þátt í henni. Honum sveið
að þurfa alltaf að segja nei við þá sem voru utan
af landi og hóf því þessa keppni í samstarfi við
Kópavogsbæ og Kvikmyndamiðstöð Íslands.
Keppt í mörgum flokkum
Dómnefndin í keppninni er skipuð nemendum
úr Kvikmyndaskóla Íslands og er keppt í tveim-
ur aldurshópum, á unglingastiginu eru áttundi
til tíundi bekkur og svo geta allir sem eru yngri
tekið þátt í hinum aldurshópnum. Keppt er í fjór-
um flokkum, stuttmyndum, heimildarmyndum,
tónlistarmyndböndum og hreyfimyndum. Í
flokknum hreyfimyndir eru klippimyndir og
þess háttar. „Kennarar í myndmennt hafa sumir
tekið upp kennslu í hreyfimyndagerð sem hefur
skilað sér í stórauknu framlagi til keppni eins og
þessari,“ segir Marteinn.
Marteinn sem byrjaði sem kennari fór síðar í
framhaldsnám til Svíþjóðar í ljósmyndun og
kvikmyndun og hefur því haft metnað til að auka
þekkingu grunnskólanema á faginu. „Seinustu
fimmtán árin hef ég verið forstöðumaður Mynd-
vers grunnskóla Reykjavíkur. Þar hefur maður
getað beitt sér fyrir því að þetta sé nýtt betur í
kennslu,“ segir Marteinn. borkur@mbl.is
Upprennandi kvikmyndaséní í Sambíóunum
Árni Sæberg
Veisla Marteinn stendur að hátíðinni.
 Eins og glöggir kvikmyndaunn-
endur hafa eflaust tekið eftir er
ekki lengur hægt að kaupa miða á
þær kvikmyndir sem sýndar eru í
Sambíóunum á miðasöluvefnum
Miði.is. Sambíóin selja nú miða á
kvikmyndasýningar sínar á vef sín-
um, sambioin.is. Vilji menn t.d.
kaupa miða á netinu á nýjustu
Harry Potter-myndina verða þeir
að fara á vef Sambíóanna og skrá
sig sem notendur.
Alfreð Ásberg Árnason, fram-
kvæmdastjóri Sambíóanna, segir
ástæðuna fyrir þessu þá að Sam-
bíóin séu komin í annað kerfi og
ætli í framtíðinni að selja bíómiða á
eigin vef. Miða.is var boðið að selja
áfram miða fyrir Sambíóin en ekki
var áhugi fyrir því, að sögn Alfreðs.
Viðskiptavinir geta annaðhvort
greitt með inneign eða með
greiðslukorti á vef Sambíóanna og
geta svo nálgast miðana bæði í
tölvupósti og á vef Sambíóanna, á
svæði notanda.
Sambíóin selja á eigin
vef, farin af Miða.is
 Íslenska heimildamyndin Feath-
ered Cocaine er í keppni um First
Appearance-verðlaunin á IDFA, al-
þjóðlegu heimildamyndahátíðinni í
Amsterdam, um þessar mundir. Í
fyrradag, miðvikudag 24. nóv-
ember, var tilkynnt um tilnefningar
til verðlauna á hátíðinni. Feathered
Cocaine er í þriggja mynda úrslit-
um í sínum flokki en valið var úr 16
myndum í þeim flokki. Á hverju ári
sækja yfir 3.000 myndir um að kom-
ast að á hátíðinni en einungis um
280 myndir eru valdar úr þeim hópi
inn á hátíðina. Af þeim myndum
sem komast inn eru 80 myndir kall-
aðar til keppni í ýmsum flokkum.
Mikill heiður þykir að vera valinn í
keppni á IDFA, sem er stærsta og
mikilvægasta heimildamyndahátíð
í heimi. Feathered Cocaine er um
þessar mundir sýnd í Bíó Paradís
við Hverfisgötu á haustbíódögum
Græna ljóssins.
Í úrslit stærstu heim-
ildamyndakeppninnar
Fyrirsögn þessarar greinar er ekki
uppfinning blaðamanns, ónei, heldur
titill sýningar myndlistarmannanna
Rakelar McMahon og Snorra Ás-
mundssonar. Sýninguna opna þau á
morgun kl. 17 í Crymo galleríi á
Laugavegi 41a (bak við verslunina
Vínberið). Segir um sýninguna í
tölvupósti að hún sé „hugsuð fyrir
þroskaða einstaklinga sem hafa góð-
an smekk fyrir góðri list“ og að
Snorri og Rakel muni „afhjúpa af-
rakstur samræðna sinna í heita pott-
inum sem hófust í Feneyjum sum-
arið 2009“, þ.e. á Feneyjatvíæringn-
um.
„Hann skýrist nú bara svolítið
svona á sýningunni,“ svarar Snorri,
spurður að því hvernig þessi merki-
legi sýningartitill sé til kominn og
hvað hann þýði. „Hann varð eig-
inlega bara til þegar við vorum að
finna nafn á sýninguna. Við erum
reyndar með svona gjörning í
vinnslu og Rakel bauð mér að sýna
þarna með sér og mér fannst
skemmtilegt að gera það. Hún er
mjög skemmtileg.“
– Hvernig sýning er þetta?
„Þetta er sýning með málverkum,
teikningum og vídeóinnsetningum.“
– Það er ekkert þema hjá ykkur?
„Jú, jú, t.d. þessar teikningar hjá
Rakel er það sem henni býr í brjósti
og við mættumst svolítið þegar við
vorum að ræða þennan gjörning.
Þetta er svolítið unnið út frá því,“
segir Snorri. Gjörningurinn verði þó
ekki fluttur á sýningunni.
– Ég heyri á þér að ég næ ekki að
toga mikið meira upp úr þér um
þessa sýningu?
Snorri hlær. „Nei, það er alltaf
vont að gera það. Hvað má segja í
rauninni? Ég verð með málverk
þarna stórt sem er mjög gaman að
gera.“
– Er það pólitískt?
„Nei, það er ekkert pólitískt en
það er svolítið útsmogið,“ segir
Snorri kíminn. helgisnaer@mbl.is
Blow me (potti) – Bloody
Beauty, ókei?
Morgunblaðið/Eggert
Forvitnilegt Sýning Snorra og Rakelar ber þann merkilega titil Blow me
(potti) – Bloody Beauty, ókei? Myndin var tekin á vinnustofu Rakelar í gær.
Arnar Eggert Thoroddsen
arnart@mbl.is
Saxófónleikarinn knái Jóel Pálsson
beitti nokkuð glúrinni aðferð við
upptökur á nýjustu plötu sinni,
HORN, sem er nýkomin út. Með-
spilarar hans á plötunni, þeir Ari
Bragi Kárason (trompet og flyg-
ilhorn), Eyþór Gunnarsson (píanó,
Rhodes-píano og mini-moog), Davíð
Þór Jónsson (Hammond-orgel,
mini-moog, barítónsaxófónn og raf-
bassi) og Einar Scheving (tromm-
ur), léku með honum efnið á síð-
ustu djasshátíð Reykjavíkur sem
fram fór í endaðan ágúst. Á þeim
tíma tjáði Jóel blaðamanni að hann
vonaðist til að plata yrði til í fram-
haldinu, en hersingin fór inn í
hljóðver nánast rakleitt af sviðinu.
Þessi „flétta“ Jóels gekk semsagt
upp.
Gulrót
„Þetta var nokkurs konar gulrót,
að halda þessa tónleika, en þá gat
ég sett pressu á menn að koma
saman,“ segir Jóel og brosir. „Þetta
eru menn af slíku kalíberi að það
er hausverkur að koma þeim sam-
an, næstum jafnmikill hausverkur
og upptökurnar sjálfar.“
Jóel segir að með þessu hafi tón-
listin verið komin í mannskapinn,
tekin að flæða um æða- og tauga-
kerfið. Menn hafi því mætt heitir í
hljóðverið, en upptökur fóru fram í
Vatnagörðum, þar sem Sýrland er
með hljóðver.
„Við röðuðum okkur í hring og
lékum þetta inn. Kiddi Hjálmur
(Guðm. Kristinn Jónsson) sá svo
um að taka upp, hljóðblanda og
hljómjafna.“
Jóel segir hljóðfæraskipun
óvanalega; tveir blásarar, tveir pí-
anó/hljómborðsleikarar og svo
trymbill.
„Þetta eru ólíkir spilarar allir
saman, ólíkir karakterar. Það var
gaman að fylgjast með píanóleik-
urunum espa hvor annan upp t.d.
Ari er þá rétt skriðinn yfir tvítugt
og það var gaman að hafa hann
þarna í framlínunni með mér. Mjög
hæfileikaríkur strákur sem er í
námi í New York.“
Olnbogarými
Tónlistin er skrifuð en hver og
einn fékk nægilegt olnbogarými til
að setja sína áferð á framvinduna.
„Við fórum í hljóðverið strax
morguninn eftir tónleika og vorum
svo í þrjá daga að þessu,“ rifjar Jó-
el upp. „Það var mikið drukkið af
kaffi, við vorum eiginlega orðnir
snældubrjálaðir á tímabili enda
höfðum við takmarkaðan tíma.“
HORN er sjálfstætt framhald
síðustu plötu, VARP, en Jóel segir
að allar þær hugmyndir sem fædd-
ust í því ferli hafi ekki rúmast á
einni plötu. Í tilkynningu vegna
plötunnar segir m.a. að þar ægi
saman „fönki, pönki, frjálsjazzi,
swingi, rokki, og kirkjumúsík … á
plötunni má t.d. finna lögin
Tog og Þel til
heiðurs íslensku
sauðkindinni,
framtíðarsw-
inglagið Pigs in
Space, brothættu
ballöðuna Keili, fjú-
sjónlagið Tusk o.fl.“
Jóel er með iðn-
ari hljóðfæraleik-
urum og hefur kom-
ið víða við á farsælum ferli.
„Það er skrítið að vera atvinnu-
hljóðfæraleikari á Íslandi,“ segir
hann. „Ólíkir heimar skarast mikið,
mun meira en ég þekki hjá koll-
egum mínum úti sem geta svamlað
um óáreittir í eigin tjörn. Hérna er
maður að hlaupa í allar áttir – en
maður býður líka upp á það. Og ég
hef haft mjög gaman af þessu, ég
held að ég sé dálítill reynslufíkill og
hef gaman af því að prófa allt –
a.m.k. einu sinni (hlær). Maður hef-
ur fengið tækifæri til að koma víða
við og spilað ótrúlega fjölbreytta
tónlist - oft í sömu vikunni.“
Útgáfutónleikar vegna HORNs
verða 12. desember.
Með djass á
hornum sér
 Jóel Pálsson gefur út HORN
 Tekin upp á þremur dögum eftir
tónleika á Djasshátíð Reykjavíkur
Fjölhæfur „Hérna er maður að hlaupa í allar áttir – en maður býður líka
upp á það.“
Umslag HORNs er sér-
staklega vel heppnað;
en um hönnun þess sá
Alli metall (Mugison
o.fl.). Jóel horfir þarna
á okkur með skemmti-
lega djöfullegu
augnaráði, nánast
prakkaralegu, með
horn á höfði og horn
á öxlum sömuleiðis.
Horn og horn
UMSLAGSHÖNNUNIN
Fólk