Morgunblaðið - 20.12.2010, Blaðsíða 4

Bíl á miklum hraða var ekið utan í
annan bíl við Gullinbrú á móts við
Stórhöfða um miðjan dag í gær og
hafnaði fyrrnefndi bíllinn að lokum
á staur þar sem hann staðnæmdist.
Ökumaður þess bíls var fluttur á
slysadeild. Meiðsli mannsins eru
ekki talin alvarleg, að sögn lögregl-
unnar á höfuðborgarsvæðinu. Ljóst
þykir að slysið varð í kjölfar hrað-
aksturs ökumannsins.
Bíllinn er mikið skemmdur eftir
áreksturinn eins og sést á meðfylgj-
andi mynd.
Harður skellur
á Gullinbrú
Morgunblaðið/Árni Sæberg
Árekstur Annar bíllinn lenti á staur
eftir hraðakstur.
4 FRÉTTIRInnlent
MORGUNBLAÐIÐ MÁNUDAGUR 20. DESEMBER 2010
Skógarhlíð 18 • sími 595 1000 • www.heimsferdir.is
Birt með fyrirvara um prentvillu. Heimsferðir áskilja sér rétt til leiðréttinga á slíku. Ath. að verð getur breyst án fyrirvara.
Frábær ferð - 14 nætur
Nú bjóðum við síðustu sætin í sólina á Kanaríeyjum þann 5. janúar í
14 nætur á frábæru tilboði. Þú bókar fllugsæti og fjórum dögum fyrir
brottför færðu að vita hvar þú gistir. Gríptu tækifærið og njóttu lífsins
á þessum vinsæla áfangastað í 14 nætur á ótrúlegum kjörum.
5. janúar í 14 nætur
Verð frá 99.900
Kanarí
Verð kr. 129.900 allt innifalið
Netverð á mann, m.v. 2-4 í herbergi /
studíó / íbúð í 14 nætur með allt innifalið.
Stökktu tilboð 5. janúar.
stökktu til
Verð kr. 99.900
Netverð á mann, m.v. 2-4 í herbergi /
studíó / íbúð í 14 nætur. Stökktu tilboð
5. janúar.
Halldór Armand Ásgeirsson
haa@mbl.is
Fjárhaldsstjórn Álftaness telur að
sveitarstjórn hafi ekki farið að lögum
við ráðstöfun fjár sem sveitarfélagið
fékk vegna sölu eigna á síðasta kjör-
tímabili. Þetta kemur fram í skýrslu
fjárhaldsstjórnarinnar sem gefin var
út í liðinni viku. Í henni er að finna
úttekt á rekstri sveitarfélagsins og
jafnframt áætlun fyrir árin 2011 -
2014.
Það er niðurstaða fjárhaldsstjórn-
arinnar að til þess að leysa fjárhags-
vanda sveitarfélagsins þurfi að leysa
það alfarið undan öllum leiguskuld-
bindingum sem eru utan efnahags.
Þessar skuldbindingar eru 4.106
milljónir króna samkvæmt ársreikn-
ingi árið 2009.
Í áætlun fjárhaldsstjórnarinnar
kemur fram að með því að losa sveit-
arfélagið undan þessum skuldbind-
ingum muni skuldir þess fara úr
518% af tekjum við árslok 2009 í rétt
innan við 250% af tekjum í árslok
2010. Fjárhaldsstjórnin telur að
sveitarfélagið geti ráðið við skuldir
af þessari stærð en ljóst sé að lítið
svigrúm verði til viðgerða og við-
halds. Til þess að standa í skilum
þurfi hins vegar að vera að minnsta
kosti 5% álag á útsvar fram til ársins
2014 á Álftanesi. Mikil hagræðing
væri fólgin í sameiningu við annað
sveitarfélag og þá væri hægt að
leggja álagið niður.
Í bága við skyldur
Í skýrslunni fjallar fjárhalds-
stjórnin sérstaklega um eignasölu
sveitarfélagsins á síðastliðnu kjör-
tímabili. Sölur á fastafjármunum
námu um 645 milljónum króna og
þar af fékk sveitarfélagið greiddar
um 449 milljónir króna í peningum.
Þessum fjármunum var hins vegar
hvorki varið til að greiða niður skuld-
ir né til varanlegrar fjárfestingar
heldur til þess að standa undir dag-
legum útgjöldum sveitarfélagsins.
Í skýrslunni segir að ekki verði
annað séð en að sala fasteigna og
veitukerfa sveitarfélagsins og með-
ferð söluandvirðisins hafi ekki verið í
samræmi við almennar skyldur
varðandi meðferð fjármuna sem
hvíla á sveitarfélögum. Í þessu sam-
hengi er bent á 1. mgr. 64. gr. sveita-
stjórnarlaga nr. 45/1998 sem er svo-
hljóðandi: „Sveitarstjórn skal gæta
ábyrgðar í meðferð fjármuna
sveitarfélagins og tryggja örugga
ávöxtun þeirra“. Ýmsar tillögur eru
jafnframt lagðar fram í skýrslunni til
að draga úr rekstrarkostnaði á
Álftanesi á næsta ári, t.d. segja upp
allri yfirvinnu og skera niður kostn-
að við Álftanesskóla.
Bæjarstjórn í berhögg við lög
 Fjárhaldsstjórn Álftaness gerir alvarlegar athugasemdir við rekstur sveitarfé-
lagsins á síðastliðnu kjörtímabili  Sveitarfélagið sameinist öðru hið fyrsta
Morgunblaðið/Golli
Árni Emilsson, fv. útibússtjóri Landsbankans,
lék fyrsta leikinn í skák þeirra Jóhanns Hjart-
arsonar og Sigurðar Ingasonar við upphaf Frið-
riksmótsins svonefnda í höfuðstöðvum bankans í
gær en um er að ræða Íslandsmótið í hraðskák,
haldið til heiðurs Friðriki Ólafssyni, fyrsta stór-
meistara Íslendinga. Um 80 skákmenn mættu til
leiks. Þegar upp var staðið voru Jón Viktor
Gunnarsson og Þröstur Þórhallsson efstir og
jafnir með níu vinninga. Jón Viktor hafði betur
eftir tvöfaldan stigaútreikning og telst vera Ís-
landsmeistari í hraðskák árið 2010.
Atgangur á Friðriksmótinu í skák
Morgunblaðið/Árni Sæberg
Halldór Armand Ásgeirsson
haa@mbl.is
„Þetta er erfið áætlun enda erfiðar
ákvarðanir sem við þurfum að taka.
Við ákváðum þó að vera með báða
fætur á jörðinni við gerð þessarar
fjárhagsáætlunar enda ennþá mikil
óvissa í samfélaginu,“ segir Guðríð-
ur Arnardóttir, formaður bæjarráðs
Kópavogs. Síðari umræða fer fram
á morgun um fjárhagsáætlun Kópa-
vogsbæjar sem allir bæjarfulltrúar
utan Gunnars I. Birgissonar unnu
að.
Gunnar I. Birgisson, eini bæjar-
fulltrúinn sem ekki kom að gerð
fjárhagsáætlunarinnar, lagði fram
sína eigin áætlun í liðinni viku.
Hann telur að tillögur meirihluta
bæjarstjórnar um hækkanir á skött-
um og þjónustugjöldum séu óþarf-
ar.
Guðríður segir hugmyndir Gunn-
ars vera lýðskrum og ennfremur
lýsi þær fádæma hroka. „Hann er í
rauninni að segja að við öll hin í
bæjarstjórn og starfsfólk bæjarins,
sem einnig vann að gerð áætlunar-
innar, séum óhæf til að taka þessar
ákvarðanir.“ Hún bætir við að hug-
myndir hans séu öldungis óraun-
hæfar. „Hann leggur til mikinn flat-
an niðurskurð en staðreynd málsins
er sú að öll fita hefur þegar verið
skorin af í starfseminni. Skipulags-
breytinga er þörf.“
Ármann Kr. Ólafsson, bæjar-
fulltrúi Sjálfstæðisflokksins, segir
að meirihluti bæjarstjórnar hafi
boðið flokknum að taka þátt í gerð
áætlunarinnar og honum hafi þótt
tilhlýðilegt að láta á það reyna að
vinna hana í sameiningu líkt og síð-
ustu ár. „Í mörgum tilvikum var
tekið tillit til sjónarmiða okkar sjálf-
stæðismanna þó svo að við höfum
ekki náð öllu fram. Meginatriðið er
að bæjarsjóður sé rekinn hallalaus
og skuldir verði greiddar niður, t.d.
með lóðasölu ef hægt er.“ Spurður
um áætlun Gunnars segir Ármann
að hún leysi engan sérstakan vanda
enda séu forsendur hennar óljósar.
„Þessi áætlun er lögð fram í tóma-
rúmi og er áhrifalaust plagg.“
Stigið varlega til jarðar
með fjárhag Kópavogs
 Hugmyndir Gunn-
ars „óraunhæfar“
Guðríður
Arnardóttir
Ármann Kr.
Ólafsson
Banaslys varð í Reykjavík síðdegis
á laugardag þegar ekið var á gang-
andi vegfaranda á Snorrabraut við
Bergþórugötu. Maðurinn, sem ný-
lega varð fimmtugur, hlaut alvar-
lega höfuðáverka auk fleiri meiðsla
og var fluttur á slysadeild Land-
spítala. Hann var úrskurðaður lát-
inn skömmu eftir komu þangað, að
sögn lögreglu. Rannsókn málsins
stendur yfir og lýtur m.a. að stöðu
umferðarljósa þegar slysið varð.
Talið er að hinn gangandi hafi farið
yfir götuna á móti rauðu ljósi. Þá er
bifreið ökumanns til skoðunar.
Ekki er talið að um hraðakstur hafi
verið að ræða. Þetta er sjöunda
banaslysið í ár.
Banaslys við
Snorrabraut
Mikill erill var hjá slökkviliðs- og
sjúkraflutningamönnum á höfuð-
borgarsvæðinu um helgina. Þannig
voru um 40 sjúkraflutningar í gær
og í fyrrinótt annað eins, þar af um
20 útköll í forgangsflutning. Varð-
stjóri segir þá nótt hafa verið
„brjálaða“ en til viðbótar voru tvö
útköll á dælubíla slökkviliðsins.
Brunaviðvörunarkerfi í fyrirtæki
við Vesturvör í Kópavogi fór í
gang. Mikill reykur var á staðnum
og þurfti að reykræsta húsið. Þá
bárust eldboð frá Landspítalanum
sem reyndust svo vera falsboð.
Mikill erill hjá
slökkviliðinu