Morgunblaðið - 20.12.2010, Blaðsíða 16
FRÉTTASKÝRING
Þórður Gunnarsson
thg@mbl.is
Björgunaraðgerðir Evrópusam-
bandsins (ESB) og Alþjóðagjaldeyr-
issjóðsins (AGS) til handa írska
bankakerfinu gætu haft áhrif til hins
verra á eignir sem írskir bankar hafa
lagt að veði í endurhverfum viðskipt-
um við Seðlabanka Evrópu. Þetta
kemur fram í álitsgerð seðlabankans
vegna löggjafar sem samin var og
samþykkt í flýti á Írlandi í tengslum
við björgunaraðgerðirnar. Löggjöfin
sem um ræðir veitir írska fjármála-
ráðuneytinu margvíslegar og auknar
heimildir til að grípa inn í rekstur
banka. Sumar þeirra heimilda eru í
anda þeirra sem leiddar voru í lög á
Íslandi með setningu neyðarlaganna
í október 2008.
Á vef Financial Times eru leiddar
líkur að því að þetta mat seðlabank-
ans sýni að þar á bæ telji menn mikla
áhættu fólgna í því að veita írska
bankakerfinu enn aukna fyrir-
greiðslu. Útistandandi veðlánavið-
skipti írskra banka við Seðlabanka
Evrópu nema í heild 136 milljörðum
evra, eða sem nemur rúmlega 21.000
milljörðum íslenskra króna. Um er
að ræða um fjórðung allra útistand-
andi veðlána á vegum seðlabankans,
en til viðbótar við þá upphæð hefur
Seðlabanki Írlands veitt bönkum þar
í landi um 45 milljarða evra neyðar-
lán. Auk þess að hafa veitt írskum
bönkum mikla lausafjárfyrir-
greiðslu, hefur Seðlabanki Evrópu
keypt mikið af skuldabréfum evru-
ríkja á markaði til að halda fjár-
magnskostnaði þeirra niðri. Alls hef-
ur seðlabankinn keypt ríkisskulda-
bréf evruríkja fyrir 72 milljarða
evra, en talið er að stór hluti þess sé
írsk ríkisskuldabréf, en ekki hefur
fengist uppgefin hjá peningamála-
yfirvöldum í Evrópu sundurliðun á
því, frá hvaða ríkjum skuldabréf hafa
helst verið keypt.
Telja fullveldinu afsalað
Eins og fram hefur komið hefur
írska ríkisstjórnin samþykkt 85
milljarða evra neyðaraðstoð frá ESB
og AGS til að halda bankakerfi
landsins lifandi. Írska ríkið mun í
kjölfarið herða verulega að lands-
mönnum með skattahækkunum og
niðurskurði opinberra útgjalda.
Mjög deildar meiningar eru meðal
írsku þjóðarinnar um hvort rétt hafi
verið að þiggja aðstoð AGS og ESB.
Í könnun sem birt var sl. laugardag
kom fram að 51% Íra styður björg-
unaraðgerðirnar, en 37% sögðust
mótfallin aðgerðunum. Athygli vek-
ur að um 56% aðspurðra í könnun-
inni sögðu Írland hafa afsalað sér
fullveldi sínu með því að undirgang-
ast áætlun ESB og AGS. Tæp 70%
sögðust telja að niðurskurðaráætlan-
ir í ríkisrekstri væru of harkalegar.
Fjórðungur allra veð-
lána til írskra banka
56% Íra telja fullveldi afsalað með björgun ESB og AGS
Reuters
Írland Seðlabanki Evrópu hefur af því áhyggjur að ný löggjöf Íra muni hafa
áhrif á veðstöðu gagnvart írskum bönkum vegna veðlánaviðskipta.
Írland
» Írskir bankar hafa sótt alls
136 milljarða evra til Seðla-
banka Evrópu í endurhverfum
viðskiptum. Um er að ræða um
fjórðung allra slíkra útistand-
andi viðskipta á vegum seðla-
bankans.
» Um helmingur írsku þjóð-
arinnar er hlynntur því að
þiggja neyðaraðstoðina frá
ESB og AGS.
Viðskipti | Atvinnulíf
MORGUNBLAÐIÐ MÁNUDAGUR 20. DESEMBER 2010
Stjórnvöld í Suður-Kóreu hyggjast leggja sérstakan
skatt á erlenda fjármögnun þarlendra banka. Er þetta
gert til þess að stemma stigu við skyndilegum fjár-
magnshreyfingum og áhrifum þeirra á gengi gjaldmið-
ils landsins. Samkvæmt yfirlýsingum frá stjórnvöldum
verður sett 20 punkta álag á erlenda skammtíma-
fjármögnun banka. Álagningin mun svo renna í sjóð
sem verður nýttur til þess að útvega bankakerfinu fjár-
magn á tímum lausafjárþurrðar. Skatturinn mun ein-
göngu leggjast á markaðsfjármögnun og mun ekki
taka til fjármögnunar í formi innlána. Suður-Kórea er
eitt fjölmargra útflutningshagkerfa í Asíu sem hafa
verið að takmarka frjálst flæði fjármagns að undan-
förnu. Vegna hins lága vaxtastigs sem er á Vestur-
löndum hefur miklu fjármagni verið beint til þessara
hagkerfa í leit að hærri ávöxtun og það hefur svo sett
þrýsting á gengi gjaldmiðils viðkomandi landa.
ornarnar@mbl.is
Bankaskattur á erlenda fjár-
mögnun í Suður-Kóreu
Reuters
Mannlíf Lífið gengur sinn vanagang í Seúl þrátt fyrir áform um skatt á erlenda fjármögnun banka.
Munið að
slökkva á
kertunum
Slökkvilið
höfuborgasvæðisins
Eldspýtur og kveikjarar
eru ekki barna meðfæri.
Staðsetjið kveikjara og
eldspýtur ávallt þar sem
börn ná ekki til.Til eru
kveikjarar með barna-
læsingum sem eiga að
koma í veg fyrir að börn
geti kveikt á þeim.