Organistablaðið - 01.12.1981, Blaðsíða 3

tónlistinni einvörðungu.
Þegar tekin var upp aukaþjónusta í Laugarneshverfinu í Reykjavík og sr.
Garðar Svavarsson var ráðinn til að gegna þar prestsstörfum 1936 varð
Brynjólfur Þorláksson organleikari þarfyrsta árið, en 1 937 réðst Kristinn þangað
til organleikarastarfs en hélt þó fyrri störfum sínum. Og þegar Reykjavíkur-
prófastsdæmi var skipt í 4 kirkjusóknir þótti hann sjálfkjörinn organisti í
Laugarnessókn og síðan við kirkjuna þegar hún var byggð, en hún var vígð 1 949,
en 1 956 kom gott og vandað orgel í kirkjuna. Kristinn kom upp góðum kór við
Laugarneskirkju. Auk þess að annast messusönginn hélt hann alloft samsöngva
með kórnum í kirkjunni.
Kristinn viðaði að sér miklu safni af nótum. Einkum voru það nótur fyrir
harmoníum og orgel sem hann sóttist eftir. Hann var lista nótnaskrifari og
skrifaði upp fjölda af lögum, íslenskum og erlendum sem hefði á þeim tíma verið
örðugt að eignast með öðru móti, sum þeirra a.m.k.
Árið 1934 gaf Kristinn út safn af lögum fyrir harmoníum - Samhjómar I. -
Heftið varð mjóg vinsælt og er löngu uppselt. Því miður varð ekki framhald á
þeirri útgáfustarfsemi. Og nú virðist vera liðið langt á öld harmoníanna og við
vitum ekki hvort eða hvenær þessi viðfelldnu hljóðfæri koma aftur til skjalanna.
Kristinn samdi allmörg sönglög. Sýnishorn af þeim eru ,,17 sönglög", sem
hann gaf út 1 955.
í tónlistarstörfum sínum var Kristinn einkar smekkvís og sérlega
skyldurækinn. Hann var alltaf viðbúinn þegar til hans var leitað. Það gerðu
starfsbræður hans oft.
í Tónlistarblaðinu 1 956 segir „hefur hann spilað í milli 40 og 50 kirkjum við
kirkjulegar athafnir" en líklega hefur sú tala verið orðin hærri um það lauk.
Kristinn kvæntist 16. okt. 1920 Guðrúnu Sigurðardóttur, sem ættuð er úr
Keflavík. Eignuðust þau 3 dætur og eiga þær mæðgur allar heimili sín í
Reykjavík.
Kristinn andaðist 24. júlí 1965 og var jarðsunginn í Laugarneskirkju 4. águst
að viðstöddum fjölda manns.
P.H.
ORGANISTABLAÐIÐ 3