Eyjablaðið - 15.03.1984, Blaðsíða 4

4
EYJABLAÐIÐ
Vitftalid
Umsjón: Ragnar Oskarsson
Tímabært
að stofna
sérsamband
fiskvinnslufólks
Kjarasamningar þeir sem Alþýðusamband íslands og Vinnu-
veitendasamband íslands gerðu nú fyrir skömmu hafa verið ofar-
lega á baugi undanfarið. Mörg verkalýðsfélög hafa þegar samþykkt
þessa samninga en önnur fellt þá. Mikla athygli vakti að bæði Snót
og Verkalýðsfélag Vestmanneyja felldu samningana á sameigin-
legum fundi nú fyrir skömmu. Af þessu tilefni snéri Eyjablaðið sér
til Jóns Kjartanssonar formanns Verkalýðsfélags Vestmannaeyja
og ræddi við hann um stöðuna í samningum við atvinnurekendur
og önnur mál er tengjast verkalýðshreyfingunni.
— Nú liggur fyrir að ekki hafa
öll verkalýðsfélög á landinu
samþykkt þá samninga sem ASÍ
og VSÍ komu sér saman um.
Þýðir þetta að verkalýðs-
hreyfingin sé klofin?
— Já, nún er það. í samning-
unum 1981 var fiskvinnslufólk
hlunnfarið í samabandi við
dagvinnutekjutryggingu. Þá
fann ASÍ forustan leið til þess
að horfa framhjá því fólki sem
hefur bónus þannig að bónus-
inn var tekinn með í dæmið
þegar reiknuð voru lágmarks-
laun. Þá var verkafólk hér í
Eyjum afar óánægt með þessi
vinnubrögð. í nýgerðum samn-
ingum var enn haldið áfram á
sömu braut og því í raun engin
furða þótt fólk felldi samning-
ana hér.
— Var bónusinn sem sé höíuö-
ástæðan fyrir því að samning-
arnir voru felldir?
— Það má segja að svo hafi
verið. ASÍ forustan virðist álíta
að bónusvinnan sé eingöngu
hlunnindi en svo er ekki því
bónusinn er fyrst og fremst
aukaálag á verkafólk.
En samningarnir voru einnig
felldir af öðrum ástæðum og
þar vil ég sérstaklega nefna þá
vafasömu tilraun að ráðast á
laun unglinga 16-18 ára. Sú
tilraun fékk sem betur fer
engan hljómgrunn hér.
— Er samstaða meðal verka-
fólks hér í Eyjum?
— Á hinum sameiginlega
fundi Snótar og Verkalýðs-
félagsins kom í ljós megn
óánægja með samningana enda
vitnar atkvæðagreiðslan best
þar um. Aðgerðir verkafólks í
frystihúsunum undanfarna
daga staðfesta einnig að
óánægjan er mikil meðal fisk-
verkafólks og samstaða að
sama skapi góð.
— Hvernig brugðust atvinnu-
rekendur við því að þið fellduð
samningana?
— Þeir urðu auðvitað ekki
neitt hressir eins og gefur að
skilja. Hins vegar þykir mér
öllu verra að þeir hjá ASÍ eru í
raun móðgaðir við okkur vegna
okkar afstöðu. Við höfum nú
haldið fjóra formlega fundi
með atvinnurekendum síðustu
daga en algerlega án árangurs
og er reyndar svo komið að
slitnað hefur upp úr viðræðum
við þá. Eg er reyndar ekki
bjartsýnn á að samningar sem
fólk getur sætt sig við náist því
atvinnurekendur eru tregir til
að víkja frá þeirri stefnu sem
„stóri bróðir” vill fylgja. Á hinn
bóginn virðast þeir vera til-
búnir að fella niður ákvæðin
um unglingataxtann og er það
auðvitað vel.
— Er verkalýðshreyfingin hér
tilbúin að fara í verkfall ef ekki
Jón Kjartansson,
formaður Verkalýðsfélags
Vestmannaeyja.
nást samningar við atvinnu-
rekendur?
— Allsherjarverkfall kemur
ekki til greina nema sem algert
neyðarúrræði. Hins vegar er
alltaf unnt að grípa til annarra
aðgerða sem bera árangur og
nú hefur verið ákveðið að boða
til yfirvinnubanns frá og með
16. mars n.k. hafi atvinnu-
rekendur ekki fyrir þann tíma
breytt stefnu sinni.
— Forsætisráðherra sagði ný-
lega að alls ekki ætti að semja
við þau félög sem ekki sam-
þykktu samkomulag ASÍ og
VSÍ. Hvað viltu um þessi um-
mæli segja?
— Ég sagði einu sinni í viðtali
að ég teldi stigsmun en ekki
eðlismun á Steingrími Her-
mannssyni og Jaruselski hinum
pólska. Á sínum tíma fór þetta í
taugarnar á mörgum. Hins
vegar held ég að þessi ummæli
Steingríms staðfesti endanlega
að skoðun mín er rétt.
— Á síðustu árum hefur oft
verið talað um það að verka-
lýðsforustan sé meir og meir að
fjarlægjast hinn almenna
Iaunamann. Er þetta rétt?
— Það hefur greinilega komið
í Ijós að forusta sú sem fer með
samningsumboðið virðist oft
vera fyrir ofan og utan fólkið og
lítil tengsl eru milli forustu-
mannanna og hins almenna
launamanns. Eftir þær aðgerðir
sem fiskvinnslufólk hérí Eyjum
stóð fyrir nú á dögunum, að-
gerðir sem ekki voru á nokkurn
hátt af frumkvæði eða með
vitund stéttarfélaganna,
megum við hér einnig fara að
líta í eigin barm svo við verðum
ekki eins.
— Er skipulag verkalýðs-
hreyfingarinnar e.t.v. að ganga
sér til húðar?
— Já, vegna þess að verka-
lýðshreyfingin er stöðnuð og
notar enn vinnu- og baráttu-
aðferðir sem eru löngu úreltar.
Atvinnurekendur hafa á hinn
bóginn skipulagt sig og eru með
þaulvana fræðinga í öllu og þó
sérstaklega hvað áróður
snertir. Af þessum ástæðum
verður verkalýðshreyfingin
undir í áróðursstríðinu og
þegar sest er að samninga-
borðinu er hún þegar búin að
bíða ósigur.
— Hver verður þróunin innan
verkalýðshreyfingarinnar?
— Ef verkalýðshreyfingin á að
halda höfði verður hún að
endurskipuleggja sínar bar-
áttuaðferðir. Hin stóru samflot
eru til að mynda vita máttlaus.
Til marks um það má geta þess
að þeir sem betur mega sín, þ.e.
iðnaðarmenn, voru ekki með
nú, heldur biðu átekta. í
Verkamannasambandinu sem
er stærst innan ASÍ hefur
komið fram stór brotalöm.
Félagið sem þar fer með ferð-
ina er Dagsbrún en þar er til-
tölulega fátt um fiskverkafólk.
Vegna þessa er viss hætta á að
kröfur fiskverkafólks eigi erfitt
uppdráttar eins og berlega
hefur nú komið í Ijós. Ég held
að þetta ástand sýni best að tími
er til kominn að þau stéttar-
félög sem gæta hagsmuna fisk-
verkafólks stofni sérsamband.
Þetta sérsamband ætti að hafa
með höndum samningsgerð
fyrir fiskverkafólk og er ég viss
um að þannig næðust betri
samningar en nú er raunin á í
gegnum hin stóru samflot.
Viðtal: R.Ó.
Iþróttir
Umsjón: Þorsteinn Gunnarsson
Æfingaleikir
Þór-HK 25-24
(12-10)
Þór-HK 17-19
(13- 9)
Týr-HK 24-28
(15-13)
Eins og allir vita hafa Eyja-
liðin þrjú staðið sig með
miklum glæsibrag það sem af er
vetrinum. Meistaraflokkur
kvenna IBV hefur tryggt sér
sæti í I. deildinni næsta
keppnistímabil og Þórarar eru
komnir með annan fótinn
þangað, en þó er langt í land
ennþá. Fjórar langar og
strangar túrneringar eru eftir,
og hafa Þórarar æft geysilega
stíft og markvisst að undan-
förnu til að undirbúa sig sem
best fyrir þær. Þá standa Týr-
arar einnig vel að vígi í 3. deild.
Þeir eru í 2. sæti, en eiga eftir að
spila í tveim túrneringum,
þannig að róðurinn verður
væntanlega geysilega þungur
fyrir þá.
Liður í undirbúningi Týs og
Þórs fyrir úrslitatúrneringarnar
var að fá 2. deildar lið HK
hingað í heimsókn. Léku þeir
þrjá leiki hérna, tvo við Þór og
og einn við Týr. Fyrsti leikurinn
var háður s.l. föstudag við Þór.
Leikurinn var jafn allan tím-
ann, mikið skorað en frekar illa
leikið. Staðan í hálfleik var 12-
10, Þór í vil. HK náði fljótt að
vinna þennan mun upp, en á
síðustu mínútu Ieiksins, náði
Elías Bjarnhéðinsson að skora
sitt eina mark í leiknum, og
reyndist það vera sigurmark
leiksins. Lokatölur 25-24 fyrir
Þór. Herbert og Páll voru bestu
menn Þórs í leiknum. Þeir
skoruðu 5 mörk, sama fjölda
gerði Sigbjörn, þá skoruðu
Þorbergur 4, Ragnar 3, Óskar
2, Þór 2 og Elías Bj. eitt eins og
áður sagði.
Seinni leikur Þórs og HK fór
fram á laugardeginum. Þór
byrjaði leikinn af miklum krafti
og voru 4 mörk yfir í hálfleik,
13-9. í seinni hálfleik snérist
dæmið við. HK-menn sigu hægt
og bítandi fram úr, og sigruðu
19-17. Þorbergur var marka-
hæsti leikmaður Þórs, skoraði 8
(3 víti), Ragnar skoraði 5, Sig-
björn 3 og Elías Bjarnhéðins-
son skoraði að venju eitt mark.
Leikur Týs og HK, sem
einnig fór fram á laugar-
deginum, var sveiflukenndur í
meira lagi. Liðin skiptust á að
hafa forystuna en hálfleik voru
Týrarar tvö mörk yfir, 15-13.
Það sama var uppi á teningnum
í seinni hálfleik þar til á síðustu
mínútunum að HK sölluðu inn
nokkrum mörkum á skömmum
tíma, og sigurinn varð þeirra,
28-24. Mörk Týs: Hlynur 7 (2
víti), Þorsteinn 5, Sæþór 4,
Heiðar 3, Stefán 2, Varði 2 og
Hörður 1. Þá vörðu þeir Sigur-
jón og Jón Bragi 9 skot hvor, og
þar af báðir eitt víti.
Næstu leikir
Núna um helgina, 16., 17. og
18. mars, fer fram fyrri úrslita-
keppnin í 3. deild karla. Fer
hún fram á Akureyri og hefur
Týr ásamt Þór Ak., Ármanni
og ÍA tryggt sér þar þátttöku-
rétt. Seinni úrslitakeppnin fer
fram í íþróttahúsinu að Varmá.
20. mars eða n.k. þriðjudag,
fær Þór í heimsókn tilvonandi
íslandsmeistara í handknatt-
leik, FH, en þessi leikur er í 16
liða úrslitum bikarkeppni HSÍ.
Búast má við jöfnum og
spennandi leik og má enginn
handknattleiksunnandi Iáta
þennan stórleik ársins, fram hjá
sér fara.
Fyrsta túrneringin af fjórum í
úrslitakeppni 2. deildar fer
fram dagana 23.-25. mars, hér í
Eyjum. Þór ásamt UBK, Frarn
og Gróttu hafa tryggt sér þátt-
tökurétt í slagnum að komast
upp í 1. deildina. Vænti ég þess
að bæjarbúar fjölmenni í Höll-
ina og styðji við bakið á Þór-
urum, með hvatningarhrópum
og smá aðgangseyri.
Tipp
Sex komust áfram í síðustu
keppni, og er það í 3. skipti sem
það næst en það er jafnframt
besti árangurinn.
Jói Ragg. nálgast nú óðfluga
þá kumpána Jón Ó. Jóhanns-
son og Gylfa Birgisson, en eins
og flestir eru farnir að vita, voru
þeir með í 5 skipti. Nú eru tveir
mánuðir eftir af keppnistíma-
bilinu í Englandi, þannig að nú
fer hver að verða síðastur að ná
þeim félögum.
Ég vil svo að lokum vekja
athygli á því, að ef einhverjum
spekingum um enska knatt-
spyrnu finnast þeir hafi verið
sniðgengnir, þá mega þeir hafa
samband við mig í síma 1376,
því að ég á orðið í mestu erfið-
leikum með að finna nýja
tippara!
Páll Scheving spáir:
Aston Villa-Nott. Forest X
Af því að þetta er lang-
erfiðasti leikurinn á seðhnum.
Þór Valtýsson (2) spáir:
Everton-Ipswich 1
Everton er í dúndurformi um
þessar mundir.
Sigurjón Birgisson spáir:
Leicester-West Ham 2
The Hammers hafa staðið sig
vel í deildinni í vetur - útisigur.
Viktor Scheving (2) spáir:
Man. Utd.-Arsenal 1
Utd. verður að vinna ef þeir
ætla sér að verða Englands-
meistarar.
Adólf Óskarsson spáir:
Norwich-Luton 2
Paul Walsh skorar þrennu
sem tryggir Luton sigur.
Friðrik Ragnarsson (2)
spáir:
Southampton-Liverpool 2
Þeir eru bara svona góðir
Liverpool.
Kári Þorleifsson (2) spáir:
Stoke-Birmingham 1
Stoke hafa verið í sókn að
undanförnu - heimasigur.
Þorsteinn Viktorsson (2)
spáir:
Tottenham-WBA 1
„No comment”.
Haraldur Hannesson jr.
spáir:
Watford-QPR 2
,,No comment”.
Jóhann Ragnarsson (4)
spáir:
Wolves-Sunderland 2
Úlfarnir eru alveg glataðir
um þessar mundir en Sunder-
land er virkilega farið að
hressast. Þetta er öruggur
útisigur.
Páll Ólafsson spáir:
Leeds-Grimsby 1
Gamla „stórveldið” er' ekki
dautt úr öllum æðum.
—ÞoGu.