Eyjablaðið - 29.03.1984, Blaðsíða 2

2
EYJABLAÐIÐ
EYJABLAÐIÐ
Ritnefnd:
Sveinn Tómasson
Ragnar Óskarsson (ábm.)
Inga Dröfn Ármannsdóttir
Baldur Böðvarsson
Edda Tegeder
Elías Bjömsson
Oddur Júlíusson
Ármann Bjamfreðsson
Útgefandi: Alþýðubandalagið í Vestmannaeyjum
Tölvusetning og offsetprentun: Eyrún h.f. Vm.
___________________________________________/
*
Ovænt slysagat
á fjárlögunum
Það var lukkulegur söfnuður og fagnandi sem setti
punktinn á eftir fjárlögunum rétt fyrir fæðingarhátíð
frelsarans á síðastliðnu ári. Allt hafði gengið upp, ekki
var einnar gráðu halli á fjárlögunum — þvert á móti
sýndi bókhaldið afgang— fyrstu raunhæfu fjárlögunum
hafði verið komið sarnan, og góðar vonir með að
afgangurinn færi vaxandi með hverri vikunni sem leið.
Fyrst var étin jólasteikin, áramótin tekin, kvótinn
settur á og þingi startað á nýjan leik. Og allir brosandi.
Þá kom allt í einu í ljós smágat á hælnum á ríkis-
búskapnum og enginn skildi neitt í neinu.
Gjörsamlega ófyrirséð. Þetta gat bara alls ekki verið.
Gatið, sem gat ekki verið, reyndist svo engin smá-
smíð, heldur hátt á annað þúsund milljónir króna eða
næstum tveir milljarðar og kannski alveg það.
Skyldi engum hafa dottið í hug, að kaupmáttar-
rýrnun upp á tæpan þriðjung hefði engin áhrif á tekjur
ríkisins, eða hvaðan koma þær annars?
Ætli Albert, vindilberinn mikil, hafi búist við því, að
tekjur ríkisins yrðu meiri með niðurfellingu skatta á
skrifstofu- og verslunarhúsnæði upp á 150 milljónir,
eða niðurfelling á álagi á ferðamannagjaldeyri og fjöl-
mörgu öðru, svo sem eins og á poppplötum?
Síðan komu smá reiknivillur, svo sem eins og nokkur
hundruð milljónir í lyfjakostnaði, þó menn hafi verið
nýbúnir að kaupa eina voldugustu tölvu á Norður-
löndum til að reikna þann lið. Allnokkrar milljónir,
líklega um 600, vantaði í húsnæðismálin, sem nýja
stjórnin ætlaði að bæta svo um munaði.
Engan sparnað var hægt að fá út úr heilbrigðiskerfinu
þrátt fyrir góða tilburði í þá veru, og svo framvegis.
Til að gera langt mál stutt, er best að segja sann-
leikann eins og hann er: Mennirnir sniðgengu stað-
reyndir og gleymdu öðrum til þess að fá þá útkomu,
sem þeim sýndist vænlegast á þeim tíma, en tóku síðan
þann kostinn að veifa með áberandi hætti saman-
teknum stórhalla, til þess að hræða eða jafnvel ógna
almenningi í landinu með, á meðan á samningum stóð
og til þess að hafa vöndinn hæfilegan, handbæran og
nærhendis það sem eftir var ársins.
Þó þessir herramenn séu kannski ekki bráðskarpir,
er engin leið að trúa því, að þeir hafi ekki gert sér grein
fyrir því að allmikill halli hlaut að vera framundan í
þessum efnum.
Aflaóskir
Þá nálgast apríl óðum, og kominn tími til að sjá
verulega til þess gula. Nú verður hann að gjósa upp,
ekki síst með tilliti til þess, að um miðjan mánuð kemur
sá dagur að endurskoðað verður aflahámark á þorsk-
veiðinni þetta árið.
Enn sem komið er bendir því miður lítið til þess, að
ástand þorskstofnsins sé mikið betra en fiskifræðingar
hafa álitið. Ekkert kæmi sér betur nú en að þeir ágætu
menn hefðu að þessu sinni getið sér alrangt til um stærð
stofnsins og mismunurinn væri okkur í hag. A því veltur
afkoma þjóðar og ríkis fyrst og fremst, eins og íbúar
sjávarútvegsbæjar eins og okkar gera sér best grein
fyrir.
Það mun ekki vefjast fyrir íslenskum sjómönnum að
koma aflanum á land, ef hann er til á annað borð.
Við vonum hið besta. G.S.
Nýlokið er Ijósinyndanáinskeiði sem foreldrafélög grunnskólans héldu með aðstoð áhuga-
Ijósmyndara í bænum. Myndina hér að ofan tók og stækkaði einn sem þátt tók í námskeiðinu.
—Ljósm: Ó.R.
Hvad leynist
í heiðinni?
Framhald af 1. síðu
víkurflugvelli. Þessar vélargeta
borið kjarnorkusprengjur.
• Á Keflavíkurflugvelli eru
nú staðsettar svonefndar
AWACS-flugvélar, en þær
gegna mikilvægu hlutverki í
stjórn kjarnorkuhernaðar
Bandaríkjanna á Atlantshafi.
• Við Ketlavík er sérstakur
örbylgjusendir sem er tengdur
stjórnstöð bandaríska flug-
hersins í Nebraska. Hlutverk
slíkra örbylgjusenda er að gefa
bandarískum spre.ngjuflug-
vélum endanlega skipun. ef til
slíks kemur. um kjarnorkuárás,
á Sovétríkin og senda þeim
lokaupplýsingar um skot-
mörkin.
• Hér á landi er einnig annar
sendir, lágtíðnisendir. sem
ásamt öðrum hliðstæðum á Ný-
fundnalandi í Kanada. á að gefa
bandarísku kjarnorkukafbát-
unum í Norður-Atlantshafi
árásarskipanir.
• Verið er að reisa geymslur
fyrir tlugskeyti og ný flugskýli á
Vellinum sem eiga að standast
kjarnorkuárás. (Af hverju
þurfa þau að vera svona
voldug?).
• Við Helguvík er í undir-
búningi ný olíubirgðastöð fyrir
herinn, fimm sinnum stærri en
sú gamla. Þetta er á sama tírna
og Hitaveita Suðurnesja leysir
af hólmi olíukyndingu húsa á
Vellinum. Eina sennilega skýr-
ingin á þessum aukna olíuforða
er að hann er ætlaður banda-
rískum B-52 sprengjutlug-
vélunt ef til þess kæmi að þær
yrðu sendar til árása á Sovét-
ríkin. Þær taka eldsneyti á flugi
frá sérstökum tankvélum. sem
m.a. hafa aðsetur á Keflavíkur-
flugvelli.
Herstöð
er skotmark
Þessi upptalning sýnir að
ísland er nátengt kjarnorku-
vígbúnaði Bandaríkjanna og
gegnir miklu hlutverki við
hugsanlega árás þeirra á Sovét-
ríkin.
Ekki þarf lengi að velta
vöngum yfir því hver afdrif her-
stöðvarinnar (og byggðarinnar
á Suð-Vesturlandi) yrði í
kjarnorkustyrjöld, jafnvel í
þeirri takmörkuðu kjarnorku-
styrjöld sem stórveldin láta sig
nú dreyma um að sé möguleg.
Herstöðin yrði meðal fyrstu
skotmarka Sovétríkjanna í
kjarnorkustríði. Hún er of
mikilvæg til að fá að vera í friði.
Það er ekki „mikilvæg
hernaðarlega íslands” sem ylli
dauða 2/3 hluta íslensku
þjóðarinnar á fyrstu dögum
kjarnorkustríðs, heldur her-
stöðin sjálf og sá búnaður sem
þar er.
Hættan leynist í heiðinni.
Herstöð er skotmark. Herinn
burt.
KALORÍUVIGTIN
Loksins er hún komin vigtin fyrir fólk sem gæta þarf að mataræði sínu.
Vigt sem mælir kalorlur í algengustu matartegundum á svipstundu.
Með þessari undravigt verður megrunarkúrinn leikur einn.
Kaloríuvigtin er því nauðsynlegur hjálparkokkur hvort sem fólk vill létta
sig eöa þyngja. Einföld og hentug í notkun.
Svo er þetta líka venjuleg eldhúsvigt.
DREIFING ELGUR HF LAUGAVEGII» REYKJAVtK 101 SlMI 91-27911