Eyjablaðið - 10.05.1984, Page 2

2
EYJABLAÐIÐ
EYJABLAÐIÐ
Ritnefnd:
Sveinn Tómasson
Ragnar Óskarsson (ábm.)
Inga Dröfn Ármannsdóttir
Baldur Böðvarsson
Edda Tegeder
Elías Bjömsson
Oddur Júlíusson
Ármann Bjarnfreðsson
Útgefandi: Alþýðubandalagið í Vestmannaeyjum
Tölvusetning og offsetprentun: Evrún h.f. Vm.
______________________________________/
Þörf er á átaki
í náttúruvemdarmálum
A síðari árum hefur umræða um náttúrvernd aukist
jafnt og þétt. Ástæðan er fyrst og fremst sú að maðurinn
er í ríkari mæli en áður farinn að gera sér grein fyrir því
að afkoma hans er að verulegu leyti undir því komin á
hvern hátt hann hagar sér í samskiptum sínum við
náttúruna. Menn hafa t.d. smám saman uppgötvað að
þær auðlindir sem náttúran býr yfir eru langt frá að vera
óþrjótandi og þess vegna verður að gæta fyllstu varúðar
þegar af þeim er tekið.
En þrátt fyrir þetta ríkir víða kæruleysi og fyrir-
hyggjuleysi í samskiptum mannsins við náttúruna og
víða haga menn þeim samskiptum þannig að til há-
borinnar skammar er. Úti í hinum stóra heimi hefur
fyrirhyggjuleysið valdið óbætanlegu tjóni á náttúrunni,
svo miklu að þar sem áður voru búsældarleg svæði er nú
lífvana land.
Hér á íslandi hefur þróunin enn ekki náð því að fara í
þennan jarðveg. Þetta þýðir þó ekki að hérlendis sé
engin hætta á ferðum og þess vegna er fyllsta ástæða til
þess að staldra við áður en það verður of seint.
Ef við t.d. veltum fyrir okkur samskiptum okkar
Vestmannaeyinga við náttúruna kemur í ljós að þar er
víða pottur brotinn. Víða hefur fögru landslagi verið
spillt allverulega og eiga þar jafnan hlut að máli bæði
bæjaryfirvöld, fyrirtæki og einstaklingar. Ekki þarf
lengi að fara um Heimaey til þess að sjá hauga af alls
konar drasli sem skildir hafa verið eftir vítt um Eyjuna.
Þessir haugar geta vart telist til prýði, heldur vitna þeir
þvert á móti um þá óvirðingu sem náttúrunni hér er
sýnd.
En hvað er hægt að gera til þess að koma betra lagi á
samskipti okkar við náttúruna? Þar kemur auðvitað
margt til en tvennt er það sem líklegast er til árangurs.
Annars vegar þarf hugarfarsbreytingu sem byggist á
skilningi á því að nauðsynlegt er að bera virðingu fyrir
umhverfinu. Hins vegar þarf að gera heildarskipulag
um náttúruvernd og útivistarsvæði á Heimaey, heildar-
skipulag sem miðar að því að vernda ákveðin svæði á
Eyjunni, ákveða sérstök útivistarsvæði o.s.frv.
Hugarfarsbreytingin varðar fyrst og fremst al-
menning en auðvitað fyrirtæki og bæjaryfirvöld einnig.
Heildarskipulagið þarf hins vegar að koma frá bæjar-
yfirvöldum sem hljóta að vera sá aðili sem móta á
stefnuna í þessum efnum. Með mótun slíkrar heildar-
stefnu væri án efa stigið heillavænlegt spor í sam-
skiptum okkar við náttúruna, spor sem kæmi komandi
kynslóðum Vestmannaeyinga til góða.
Rauðagerði 10 ára
Nú um þessar mundir eru liðin 10 ár frá því að
dagheimilið Rauðagerði var opnað. Dagheimilið var
reist fyrir gjafafé sem Rauði kross íslands hafði fengið
frá Svíþjóð og Sviss.
Strax og Rauðagerði tók til starfa kom í ljós að þörfin
fyrir dagvistun barna í Vestmannaeyjum var brýn og
svo er reyndar enn. Ófá börn hafa á s.l. 10 árum notið
góðrar umönnunar á Rauðagerði, þroskast þar og
fengið gott veganesti til framtíðarinnar.
Eyjablaðið sendir Rauðagerði, börnum og starfsfólki
innilegar hamingjuóskir á afmælisdaginn í þeirri von að
það starf sem þar er unnið megi eflast á komandi árum.
—R.Ó.
Skoðun
reiðhjóla
Skoöun reiðhjóla fer fram
sunnudaginn 13. maí n.k. við
Barnaskólann kl. 13:30.
í framhaldi af reiðhjóla-
skoðuninni fer fram keppni í
hjólreiðaþrautum og góðakstri
og er fyrir alla krakka frá 7 ára
til 14 ára.
Góð verðlaun verða veitt í
hverjum aldursflokki frá 7 ára
til 14 ára.
Er hjólið í lagi?
Eftirfarandi þarf að vera í
lagi fyrir sumarakstur: Hemlar,
bjalla, lás, glitaugu á afturbretti
og stigum.
Gerðu fákinn kláran fyrir
skoðun og taktu svo þátt í
keppninni.
JC Vestmannaeyjar
Slysavarnafélagið Eykyndiil
Lögreglan.
Mæðra
dagurinn
er á
sunnudaginn!
Fjölbreytt úrval
afskorinna blóma.
Opið laugardag frá kl.
09:00-18:00.
Opið sunnudag frá kl.
10:00-18:00.
— Góð þjónusta
og gott verð —
Sími 2047
NYKOMIÐ
Niðursuðuglös í öllum stærðum
V2 ltr. — 3/4 ltr. — 1 ltr. — IV2 —2 Itr. — 3 ltr
Eldföst föt og mót í hvítum litum
Skæri í mörgum stærðum
— Verið velkomin —
FLUGLEIÐIR H/F
Sumaráætlun gildir
frá 21. maí til 16. september 1984
Morgunferð
daglega nema lau/sun kl. 08:00 frá REK
Laugardaga og sunnudaga kl. 11:15 frá REK
Síðdegisferð daglega kl. 17:00 frá REK
Á tímabilinu frá 11. júní til 17. ágúst er
eftirmiðdagsferð
daglega nema lau/sun kl. 14:15 frá REK
Afgreiðsla Flugleiða h/f
á Vestmannaeyjaflugvelli verður opin daglega,
virka daga (mánud.-föstud.) frá kl. 07:00 -19:00.
Laugardaga og sunnudaga frá kl. 10:00 - 19:00.
Pakkaafgreiðslan er opin á sama tíma
til þæginda fyrir viðskiptavini Flugleiða h/f.
SÍMAR:
Farþegá- og vöruafgreiðsla símar: 1520 og 1521.
Uppl. um millilandaflug og bókanir í síma 1174.
Umdæmisstjóri sími 1525.
Símsvari eftir lokun sími 1520.
FLUGLEIÐIR
Gott fólk hjá traustu félagi
BÆTT ÞJÓNUSTA í SPARISJÓÐNUM
GJALDEYRIS-
VIÐSKIPTI
Önnumst kaup og sölu á
ferðamannagjaldeyri, sölu
námsmannagjaldeyris,
stofnun innlendra
gjaldeyrisreikninga
og gefum út
VISA-greiðslukort
SPARISJÓÐURINN
SÉR UM SÍNA
fífiaí
■■■■■■
œmmil
SPARISJ0ÐUR
VESTMANNAEYJA