Eyjablaðið - 17.10.1985, Qupperneq 4

4
EYJABLAÐIÐ
2. deild ÍR-Þór
26-21 (10-11)
IR heldur áfram að koma á
óvart í 2. deildinni. Þeir tylltu
sér á topp deildarinnar er þeir
unnu öruggan sigur á Þór s.l.
sunnudag, 26-21. Með tapinu
færðust Þórarar hins vegar nær
botninum, en þetta var þriðji
tapleikur Þórs í röð.
Fyrri hálfleikur var nokkuð
jafn, en Þór hafði ávallt undir-
tökin. Forysta þeirra var yfir-
leitt eitt til tvö mörk, en mest
varð hún þrjú mörk, 10-7. En
ÍR tókst að klóra í bakkann
undir lok hálfleiksins og var
forysta Þórs orðin einungis eitt
mark er flautað var til leikhlés,
11-10.
En það var ÍR sem átti seinni
hálfleikinn með húð og hári.
Þórarar fengu aldrei rönd við
reist, bjuggust greinilega ekki
við þessum hamskiptum ÍR-
inga sem skoruðu hvert markið
á fætur öðru. Áður en yfir lauk
náðu þeir 5 marka forystu og
urðu lokatölur leiksins 26-21.
Páll Scheving var bestur hjá
Þór í þessum leik, eins og í
undanförnum leikjum þeirra.
Sigbjörn Óskarsson, sá fjölhæfi
piltur, átti einnig mjög góðan
leik fyrir Þór. Minna bar á
öðrum.
Mörk Þórs: Sigbjörn 8, Páll
5, Eyjólfur 3, Sigurður 2, Sig-
urður (Más) 1, Óskar 1 og Elías
Fr. 1.
Þór er nú um miðbik 2.
deildar með 2 stig úr 4 leikjum.
3. deild
ÍH-Týr 25-24
Týr lék tvo leiki í 3. deildinni
s.l. helgi, báða fyrir sunnan.
Fyrri leikurinn var gegn ÍH í
Hafnarfirði. Týr náði fljótt for-
ystu í leiknum og juku hana
jafnt og þétt. Þegar 15 mín.
voru til leiksloka var staðan
orðin 19-10 Tý í vil. En þessum
síðustu 15 mín. þessa leiks vilja
Týrarar fljótt gleyma, því ÍH
tókst að vinna leikinn 25-24, en
sigurmarkið gerðu þeir á síð-
ustu sekúndunum. Verður þessi
endasprettur ÍH-manna seint
leikinn eftir.
VEISTU?
• Að núverandi ríkisstjórn tók um
tíma samningsréttinn af verka-
lýðshreyfingunni.
• Að núverandi ríkisstjórn nam um
tíma úr gildi verkfallsréttinn,
þetta dýrmæta vopn launafólks,
• Að núverandi ríkisstjórn hefur
með aðgerðum sínum lækkað svo
laun almenns launafólks að það
býr nú víða við skort.
• Að núverandi ríkisstjóm sá
ástæðu til þess að leggja sérstakan
skatt á lyf en sú aðgerð bitnar
einkum illa á öldruðum og ör-
yrkjum.
• Að núverandi ríkisstjórn hefur
með vaxtastefnu sinni sett hús-
byggjendur og þá sérstaklega
ungt fólk í slíkan vanda við að
standa í skilum með afborganir af
lánum að einsdæmi er.
Þess vegna er ljóst
• Að launafólk á ekki samleið með
þeim flokkum sem haga sér á
þennan hátt.
• Að aldraðir og öryrkjar eiga ekki
samleið með þeim flokkum sem
haga sér á þennan hátt.
• Að húsbyggjendur eiga ekki sam-
leið með þeim fiokkum sem haga
sér á þennan hátt.
Eins og áður sagði vilja Týr-
arar áreiðanlega gleyma
þessum leik sem fyrst. Lið sem
fær á sig 15 mörk á síðustu 15
mínútum leiks er ekki líklegt til
stórræða, það er vita mál.
3. deild
Njarðvík-Týr
20-25
Eftir hrakfarirnar gegn ÍH
kom ekkert annað en sigur til
greina hjá Tý gegn Njarðvík. Sú
varð og raunin. Njarðvík, sem
Týrarar töldu mun sterkari en
ÍH, fékk aldrei rönd við reist,
og sigraði Týr næsta auðveld-
lega 25-20. Þarna sýndu þeir
loksins sitt rétta andlit, og nú er
bara að halda áfram á sömu
braut og sigla seglum þöndum
upp í 2. deild.
Týr er með 4 stig eftir 4 leiki,
og er í efri hluta deildarinnar.
Þjálfari ráðinn
til ÍBV
Pólverjinn Gregorz
Bielatowicz hefur verið ráðinn
þjálfari ÍBV næsta sumar. Sem
kunnugt er þjálfaði hann yngri
flokka Týs í sumar. Gregorz
kemur til starfa fljótlega eftir
áramót.
Túrnering hjá
2. flokki
Fyrsta túrneringin af þrem
hjá 2. flokki í íslandsmótinu í
handknattleik verður nú um
helgina. Leikið verður í Kefla-
vík. Eyjaliðin eru með ÍBK,
Haukum og Njarðvík í riðli.
Tvö lið komast í úrslita-
keppnina, þannig að bæði
Eyjaliðin eiga mikla möguleika
á að komast þangað.
Óska ég liðunum góðs gengis
um helgina.
Gústaf ráðinn
hjá KA
Gústaf Baldvinsson, Eyja-
maðurinn góðkunni, hefur
verið endurráðinn sem þjálfari
2. deildarliðs KA. Er þetta
þriðja árið í röð sem hann
verður með liðið. Hafa for-
ráðamenn og leikmenn KA
verið mjög ánægðir með störf
hans, og kom ekkert annað til
greina en að ráða hann aftur,
þrátt fyrir að KA hafi misst af I.
deildarsæti í ár.
í tíð núverandi ríkisstjórnar hafa sífellt fleiri krónur farið í nauðþurftir heimila í landinu.
Tangaveggur og
aðrar uppákomur
Tangaveggurinn er hrópandi
dæmi um virðingarleysi íhalds
þessa bæjar fyrir almenningi.
Nágranni minn, Þórður Rafn,
hefur lagt til í bæjarstjórn að
veggurinn frægi verði fjar-
lægður „ekki síðar en nú strax”
eins og Tóti rafvirki myndi orða
það. En ekkert hefur skeð. Það
er ögrandi við yfirvöld, að
steypa vegg þvert um þjóðbraut
sem á korti er. Og það býður
mér í grun að sá veggur hefði
verið fjarlægður dag eftir
steypu, ef undirritaður hefði
framkvæmt verknaðinn,
segjum þvert á Fjólugötu (til
þess að loka af forseta bæjar-
stjórnar!). En þeir fóstbræður
Georg Þór og Gísli á Tangan-
um láta sig ekki muna um slíkt
lítilræði. En tvö göt á gafli bíl-
skúrs vestur í hrauni skulu burt
að aðför hótaðri. Lög skulu virt
á Eyjunni og ekkert röfl. Ég
ætla mér ekki að verja gerðir
Ágústs Hreggviðssonar í máli
þessu,.enda ekki ástæða til. En
samræmið í þessum málum
tveimur er himinhrópandi um
það ranglæti sem viðgengst í
þessu okkar samfélagi, sem
ekki hefur efni á slíkum uppá-
komum, en frekar þeim er
sameina það fólk sem hér býr,
og skapar þann gjaldeyri sem
sóað er í svallveislu hins taum-
lausa innflutnings sem við-
gengst í borg Davíðs við sundin
blá. Þjóð sem skuldar milljarða
öðrum þjóðum hefur ekki efni
á að hafa við völd menn sem
trúa því að algert frjálsræði í
gjaldeyrisúthlutun sé undir-
staða velmegunar. Það sem
þarf nú og í hvelli, er að gera
óþarfa helming helminginn af
heildsalaliði íhaldsins í Reykja-
vík. Með gjaldeyrisskömmtun
manna sem vita að við höfum
aðeins takmarkaða sjóði, sem
ráðstafa skal af viti. Og hvað er
að ráðstafa af viti? Það að raða í
forgang því sem heldur at-
vinnulífinu gangandi, mat-
vælum, rekstrarvörum til út-
gerðar, iðnaðar og landbúnað-
ar. Matvæli skulu keypt af því
viti, sem hver húsmóðir myndi
beita vegna takmarkaðra fjár-
ráða. Að kaupa innflutt loft
fyrir dollara, Cocoa puffs,
kornflex og fleira í þeim dúr,
þar sem helmingur verðs liggur
í umbúðum, heitir sóun. Við
eigum að kaupa kornvöru og
vinna sjálfir í ýmsar umbúðir.
Það skapar vinnu og minnkar
um helming þann gjaldeyri sem
færi í slíkt fæði. Hvað myndi
slíkt skapa mörg störf? Eigum
við að framkvæma þetta, Eyja-
menn? Til þess eru ljónin á
veginum að fjarlægja þau.
Hömlulaus innflutningur og
algert frjálsræði í innflutningi
er hægt að framkvæma. En
aðeins með þjóð sem skapar
meiri gjaldeyri en hún þarf að
nota! Það er heila málið.
Hermangs-
flokkarnir
Hermangsflokkarnir röfla nú
mikið um það hvort herinn hafi
brotið hin eða þessi lög hér í
landi. En sjálf tilvera hersins
hér er stjórnarskrárbrot og
ógnun við tilveru þjóðarinnar.
Það er kjarni málsins. Burt með
herinn.
Uppbyggingu sjávarútvegs-
ins sem var, er og verður undir-
staða alls lífs í landi voru.
Sig. Sig frá Vatnsdal.