Eyjablaðið - 23.12.1985, Blaðsíða 12
12
EYJABLAÐIÐ
ARAMOT A
HALANUM 1976
Óskum öllum Vestmannaeyingum
GLEÐILEGRA JÓLA
og farsœls komandi árs
SANDFELL HF
útgerðarvörur
Söngleikurinn
Oklahoma
frumsýndur
í Eyjum
Framhald
með að takast saman undan
stroffunum. Aftur var híft í
vírana og hægt hægt byrjuðu
pokarnir að síga upp rennuna.
Þeir voru strengdir til hins
ýtrasta og það byrjaði að braka
og bresta í öllu netinu. Við
vorum eins og hengdir upp á
þráð. Allt, talíur, vírar og net,
virtist að því komið að bresta
þá og þegar. Pokarnir voru nú
hálfir upp á dekki og hálfir í
rennunni.
Þá stökk ég upp á netið. Enn
þann dag í dag veit ég ekki af
hverju. Kannski var það vegna
hinna skipanna er voru fyrir
ofan okkur í þessum túr, ef til
vill var það vegna þreytunnar
og hugsunarleysisins er henni
fylgdi. Pað var kannski út af
þessu hvoru tveggja eða auð-
valdsfíkninni, ég veit það ekki.
En þarna lá ég á strengdu
netinu og reyndi að halda því
saman, vita vonlaust fyrirtæki
að sjálfsögðu. Það tók mig
nokkrar sekúndur að átta mig á
að þetta var nokkuð sem hlyti
að enda illa og ég stóð upp og
ætlaði að hoppa niður á dekkið
aftur, er ég fann að allt gaf eftir
undir mér. Síðan leið líf mitt
fram hjá mér á örskoti uns ég
lenti í sjónunt ásamt þorskinum
og fór á bóla kaf.
Er mér skaut upp aftur vissi
ég frá skipinu og sá að pokarnir
möruðu í hálfu kafi steinsnar
frá, enn fullir af fiski. Ég sökk
aftur og snéri að skipinu er mér
skaut upp á ný. „Geriði eitt-
hvað!” öskraði ég, því ég fann
að ég var að dragast niður og
undir skipið. „Della”, þetta var
það eina sem mér kom í hug
fyrir hræðslu. Ég var að sökkva
aftur er ég sá björgunarhring
koma fljúgandi með línu og öllu
hringað inn í hann. í kafi
teygði ég upp hendina og gat
skotið mér upp einu sinni enn.
Um leið kom annar hringur, og
var línan úr honum sett föst upp
í skipið. Ég buslaði nú alveg við
skutrennuna og man það eitt að
mér þótti dallurinn aldrei hafa
verið stærri.
Nú var togað í línuna og rann
hún gegnum hendur mínar við-
stöðulaust. Sívafði ég henni þá
um vinstri hönd og vonaði að
þeir slitu hana ekki af mér í
hamaganginum við að ná mér
um borð. Hins vegar máttu þeir
gjarna brjóta hana. Síðan varég
dreginn upp í rennu eins og
trollpokinn áður og fannst það
ganga seint og líklegast myndu
þeir nú slíta af mér handlegg-
inn. Þá var rennt niður til mín
grönnum stálvír og mér sagt að
grípa um hann líka. Fór með
hann eins og línuna að hann
rann úr höndum mér eins og
hann ætti þar ekki heima og
greip ég því til þess ráðs að bíta
í hann. Þannig var ég dreginn
upp fastur á handlegg og kjafti,
volandi og bölvandi af hræðslu.
Er upp kom á dekk var ég
borinn fram í íbúðir og settur í
sjóðandi heita sturtu og skilinn
þar eftir. Ég þvoði mér öllum
og nuddaði eftir bestu getu með
vinstri handlegginn úr umferð.
Síðan fór ég niður í klefa og fór
í hrein föt og fékk mér kaffi og
sígarettu. Þá var mér litið í
spegil. ég var grænn.
Eg hökti upp í brú eins og
skömmustulegur skólastrákur.
Þar uppi var allt á fleygiferð.
Búið var að ná inn pokunum og
sagði helvítis kokkurinn mérað
þeir hefðu náð úr þeim 25-30
tonnum. Verið var að slá undir
nýju trolli og enginn virtist hafa
tíma til að tala við mig, svo ég
fór niður aftur.
Við vorum komnir með full-
fermi um morguninn og þá um
kvöldið drakk ég mig hauga-
fullan á ísafirði. En ég gleymi
aldrei þessari veiðiferð, né
mönnunum sem tóku þátt í
henni.
Gunnar K. Magnússon.
Sendum
starfsmönnum
okkar og
viðskiptavinum
bestu óskir um
Gleðileg jól
farsælt nýtt ár
með þökk fyrir
viðskiptin
á liðnu ári
ás>búti»n
^eitingaþtiöfö
birbjubeai 21 girni 1420
Leikfélag Vestmannaeyja
frumsýnir söngleikinn Okla-
homa eftir Rogers ogHammer-
stein þann 26. des. n.k. (annan
dag jóla). Leikstjóri er Guðjón
Ingi Sigurðsson.
Að þessari sýningu hefur
L.V. unnið síðustu mánuði með
aðstoð afbragðsmanna. Ólafur
Gaukur hefur annast útsetn-
ingu tónlistar, og er það trúlega
í fyrsta skipti sem tónlist viðsvo
stórt verk er skrifuð á svo
stuttum tíma eða 3 mánuðum.
Ólafur Gaukur hefur einnig æft
hljómsveitina.
Söngleikurinn Oklahoma
fjallar um kúreka og bændur
sem ekki alltaf eru á eitt sáttir.
Astin kemur þar líka mikið við
sögu. En yfirleitt er gott að búa
i Oklahoma, þar ræður ríkjum
dans, söngur, glaumur og gleði.
Hlutverk í leiknum eru 12
talsins — en um 40 manns
koma fram í sýningunni auk 10
manna hljómsveitar, sem spilar
ekki hvað minnsta rullu. Að
sýningunni vinna að auki 20
manns. Leikmynd er það fyrsta
sem leik húsgestur sér. Hún er í
höndum Jóhanns Jónssonar.
Dansana hefur Ingveldur Gyða
Kristjánsdóttir samið og æft.
Lýsingu sér Lárus Björnsson
um. Hann hefur séð um lýsingu
fyrir L.V. í allmörgum verkum.
Guðni Guðmundsson frá
Landlyst, nú organisti Bú-
staðakirkju, hefurekki látiðsitt
eftir liggja fyrir L.V. Hefur
hann annast söng- og hljóm-
sveitaræfingar.
Oklahoma er eflaust stærsta
verkefni sem L.V. hefur ráðist
í. og má segja að það sé vel við
hæfi að enda 75. afmælisár L.V.
með svo veigantikilli sýningu.
Með þessum orðum vill L.V.
þakka þeim fjölmörgu aðilum
sem greiddu götu L.V. og gerðu
þessa sýningu mögulega. Þjóð-
leikhúsinu þökkum við ein-
stakan skilning og velvilja við
þessa sýningu. —L.V.
Eftirtalin fyrirtœki og einstaklingar
óska bœjarbúum gleðilegra jóla og
farsœls komandi árs.
Steingrímur Benediktsson
Stefán Sigurjónsson, skósm.
Pinninn
Sjöstjarnan VE
Erlingur VE
Hafliði VE
Óskum öllum Vestmannaeyingum
GLEÐILEGRA JÓLA
og farsœls komandi árs
Endurskoðunarskrifstofa
Sigurðar Stefánssonar hf.
Oskum öllum Vestmannaeyingum
GLEÐILEGRA JÓLA
og farsœls komandi árs
þökkum viðskiptin á árinu sem
er að líða
Sigurjón Jónsson, lyfsali og tjölskyldu
APÓTEK VESTMANNAEYJA
------------------------------\
EYJABLAÐIÐ
RITNEFND:
Ragnar Óskarsson (ábm.)
Sveinn Tómasson
Gunnar Kári Magnússon
Edda Tegeder
Oddur Júlíusson
Sigurður Sigurðsson
Utgefandi: Alþýðubandalagið í Vestmannaeyjum
Tölvusetning og offsetprentun: Eyrún hf. Vm.
S____________________________________>