Eyjablaðið - 16.05.1990, Blaðsíða 2

2
EYJABLAÐIÐ
Hel Alþ stuá lýðut iherslu )andal< mál agsi ns
vegna bæjarstjórnarkosninganna 26. maí
EYJABLAÐIÐ
Útgefandi: Alþýðubandalagið í Vestmannaeyjum
Ritnefnd:
Ragnar Óskarsson, ábm.
Sveinn Tómasson, Guðmunda Steingrímsdóttir,
Guðmundur Jensson, Drífa Gunnarsdóttir.
Prentvinna: Eyjaprent/Fréttir hf.
Höfnum
stöðnun.
Byggjum upp
Nú styttist óðum til kosninga. Ekki er nema rétt rúm vika þar
til bæjarbúar ganga að kjörborðinu og gera upp hug sinn. Það er
rétt rúm vika þar til kjósendur gera það upp við sig hvers konar
meirihluta þeir vilja í bæjarstjórn Vestmannaeyja næsta kjör-
tímabil. Valið er í raun tvíþætt. Bæjarbúar velja annars vegar um
það hvort þeir vilja áfram treysta núverandi meirihlutaflokkum
til þess að vinna saman eða hvort þeir vilja koma Sjálfstæðis-
flokknum aftur í meirihlutaaðstöðu í bænum. Bæjarbúar velja
um það hvort hér verði áfram haldið því uppbyggingastarfi sem
núverandi meirihlutaflokkar hafa staðið fyrir á kjörtímabilinu
eða hvort hér verði stöðnun eins og sú sem ríkti á meirihluta-
kjörtímabili sjálfstæðismanna 1982-1986.
Alþýðubandalagið gengur til þessarar kosningabaráttu með
stefnuskrá sem miðar að áframhaldandi uppbyggingastarfi í
Vestmannaeyjum. Höfuðandstæðingurinn, Sjálfstæðisflokkur-
inn, leggur upp í kosningabaráttuna með málefnafátækt að
vopni og stefnir að því að ná meirihluta í bæjarstjórn með
svipuðum meðulum og 1982. Það er nauðsynlegt fyrir bæjarbúa
í þessu sambandi að rifja upp fyrir sér það meirihlutatímabil
Sjálfstæðisflokksins, tímabil sem einkenndist öðru fremur af
stöðnun, fálmkenndum vinnubrögðum og svartsýni á framtíð
Vestmannaeyja. Það er nauðsynlegt fyrir bæjarbúa að átta sig á
því að hvert atkvæði sem greitt er Sjálfstæðisflokknum er ávísun
á skref til fortíðar.
Það er einnig og ekki síður jafn nauðsynlegt fyrir bæjarbúa að
vita að hvert skref sem greitt er Alþýðubandalaginu er ávísun á
skref til framtíðarinnar, ávísun á skipulögð vinnubrögð og vilja
til áframhaldandi uppbyggingar í Vestmannaeyjum. Þess vegna
hlýtur valið að vera X-G.
Brýnt hagsmunamál í höfn
Um nokkurt skeið höfum við Vestmannaeyingar staðið í
baráttu fyrir því að fá nýjan Herjólf. Hér er um mikið sanngirn-
ismál fyrir okkur að ræða, sanngirnismál sem því miður hefur
dregist allt of lengi. Þegar núverandi ríkisstjórn var mynduð
kom fram greinilegur vilji til þess að leysa þetta hagsmunamál
okkar á raunhæfan hátt. Sett var í gang skipulögð og fagleg
undirbúningsvinna sem nú er að skila raunverulegum árangri.
Á fundi sem fjármálaráðherra hélt h ér á dögunum lýsti hann
því yfir að í þessum mánuði yrði gefin heimild til þess að bjóða
út nýjan Herjólf. Þessi yfirlýsing ráðherrana er afar kærkomin og
með henni má segja að þetta brýna hagsmunamál okkar
Vestmannaeyinga sé komið í höfn. Nú verður ekki aftur snúið.
R.Ó.
ALDREI
AFTUR
ÍHALDIÐ
í dag heldur Eyjablaðið áfram kynningu
helstu stefnumála Alþýðubandalagsins
vegna bæjarstjórnarkosninganna.
Atvinnumál
9 Að bæjaryfirvöld hafi frum-
kvæði að því að auka fjölbreytni
í atvinnumálum. Efna þarf til
hugmyndasamkeppni í þessu
skyni.
• Að líefnaiðnaður verði settur
á stofn í Vestmannaeyjum.
9 Að bæjaryfirvöld beiti sér fyrir
því að atvinnuöryggi sé tryggt
með sem bestum hætti.
9 Að efldar verði nýjar atvinnu-
greinar svo sem ferðamannaiðn-
aður.
9 Að efla atvinnutækifæri fyrir
fólk með skerta starfsorku.
9 Að stuðlað sé að samvinnu
verkalýðshreyfingarinnar og at-
vinnurekenda við uppbyggingu
atvinnulífs.
9 Að felld verði tímabundið
niður aðstöðugjöld af nýjum at-
vinnugreinum sem ekki eru í
samkeppni við þær sem fyrir
Fræðslu- og
menningarmál
9 Að verknám og bóknám verði
metið til jafns.
9 Að áfram verði haldið upp-
byggingu Barnaskólans og
Hamarsskólans og nemendum
og kennurum búin fullnægjandi
aðstaða.
9 Að unnið verði áfram að frek-
ari stækkun Framhaldsskólans
og nemendum og kennurum
búin fullnægjandi aðstaða.
9 Að Stýrimannaskólinn verði
efldur þannig að hann geti á-
fram gegnt sínu mikilvæga hlut-
verki í menntun sjómanna.
9 Að fullorðinsfræðsla verði efld
við Framhaldsskólann og tekið
verði upp fjarnám. Sérstaklega
verði hugað að greinum er
snerta framleiðsluatvinnuveg-
ina en einnig lögð áhersla á
þjónustugreinar svo sem ferð-
amannaiðnað.
9 Að aukin verði tengsl atvinnu-
lífs og skóla.
9 Að skipuleg endurmenntun
verði tekin upp í samráði við
verkalýðshreyfinguna.
9 Að haldið verði áfram upp-
byggingu Bóka- Byggðar- og
Náttúrugripasafns. Stofnað
verði náttúrustofa í tengslum
við Náttúrgripasafnið.
9 Að mótuð verði menningar-
málastefna þar sem lögð verði
áhersla á séreinkenni Vest-
mannaeyja.
Æskulýðs- og
íþróttamál
9 Að ungt fólk hafi afgerandi
áhrif á stefnuna í æskulýðs- og
íþróttamálum.
9 Að hlúð verði að hvers konar
félaga- og klúbbastarfsemi sem
lætur æskulýðsmál til sín taka.
9 Að efla samstarf við íþrótta-
hreyfinguna um uppbyggingu
íþróttamannvirkja.
9 Að unnið verði að því að efla
æskulýðsstarf fyrir börn og ung-
linga sem ekki taka þátt í hefð-
bundnu æskulýðsstarfi.
9 Að efla starfsemi Félags-
heimilis og auka félagsstarf í
skólunum í samræmi við áhuga-
mál og óskir nemenda.
9 Að finna leiðir til þess að efla
félagsstarf meðal unglinga á
aldrinum 16-18 ára. í því sam-
bandi verði leitað eftir hug-
myndum þessara aldurshópa.
9 Að leita leiða til þess að ungt
fólk fái sumaratvinnu. I því sam-
andi má nefna sérstakt átak í
umhverfismálum.
Samgöngumál
9 Að unnið verði áfram að dýpk-
un hafnarinnar og í henni
skapaðar þær aðstæður sem
nauðsynlegar eru til þess að
höfnin geti annað fiskiskipa-
flotanum, vöruflutningum og
farþegaflutningum.
9 Að áfram verði haldið römm-
un innan hafnarinnar og við-
legupláss aukið.
9 Að unnið verði að auknu
öryggi í innsiglingunni og kann-
aðir kostir og gallar þess að
stytta norðurhafnargarðinn.
9 Að ekki verði farið út í bygg-
ingu hafskipabryggju utan
garða nema fyrir liggi nákvæmar
rannsóknir um kosti og galla.
9 Að bæjaryfirvöld beiti sér fyrir
smíði nýs Herjólfs svo fljótt sem
verða má.
9 Að bæjaryfirvöld beiti sér fyrir
auknu öryggi á Vestmanna-
eyjaflugvelli með því að þar
verði komið upp fullkomnum
flugöryggistækjum.
Fjármál
9 Að fylgt verði hóflegri gjald-
astefnu.
9 Að áfram verði unnið að lækk-
un skulda bæjarins og stofnana
hans.
HAFIÐ ÁHRIF!
Kosningaskrifstofa Alþýðubandalagsins í KREML er opin alla virka daga
frákl. 17:00- 19:00 og 20:00 - 21:30
Laugardaga og sunnudaga er opið frá kl. 13:00 - 17:00.
KOSNINGASÍMAR G-LISTANS ERU
X 1B"70 & XXOO“7
KOSNINGASTJÓRN ALÞÝÐUBANDALAGSINS