Morgunblaðið - 23.02.2011, Síða 36

MIÐVIKUDAGUR 23. FEBRÚAR 54. DAGUR ÁRSINS 2011
VEÐUR » 8 www.mbl.is
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
Í LAUSASÖLU 350 ÁSKRIFT 3990 HELGARÁSKRIFT 2500 PDF Á MBL.IS 2318
1. Andlát: Guðmundur Ingvi …
2. Afsalar sér doktorsgráðu
3. Hrikalegar afleiðingar
4. Margir missa réttindin
»MEST LESIÐ Á mbl.is
FÓLK Í FRÉTTUM
 Mood nefnist væntanleg hljóm-
plata Begga Smára en um tónjöfnun
á henni sá Bob Katz sem hlotið hefur
Grammy-verðlaun fyrir þrjár plötur:
The Words of Gandhi, Portraits of
Cuba og Olga Viva, Viva Olga. »32
Grammy-verðlauna-
hafi tónjafnaði Mood
 Tónlistarkonan
Jussanam da
Silva heldur tón-
leika með píanó-
leikaranum Agn-
ari Má Magnús-
syni á Café Haiti
föstudaginn nk.,
25. febrúar, kl. 21,
til að mótmæla
því að hún hafi verið svipt atvinnu-
leyfi af Vinnumálastofnun af því hún
sé útlendingur og atvinnuleysi mikið
í landinu.
Mótmælatónleikar
með Jussanam
 Tónlistarkonan Hafdís Huld hefur
gert samning við fyrirtækið OK! Good
um útgáfu plötu sinnar Synchronised
Swimmers í Bandaríkjunum og Kan-
ada. Hafdís heldur í tónleikaferð um
Bandaríkin í byrjun
maí, mun m.a.
koma fram á
tónlistar-
ráðstefnunni
LA musexpo
og í Skandin-
avia House í
New York.
Plata Hafdísar gefin
út í N-Ameríku
Á fimmtudag Suðlæg átt, 5-10 m/s og rigning eða slydda, en norðaustlæg átt 5-10 og él
norðvestantil. Heldur kólnandi veður.
Á föstudag Sunnan og suðvestanátt, víða 5-10 m/s en hvessir síðdegis. Él, en úrkomu-
lítið NA-lands. Frost 1 til 7 stig en frostlaust við S- og A-ströndina.
SPÁ KL. 12.00 Í DAG Sunnan 5-13 m/s víðast hvar og rigning með köflum. Hiti 2 til 6
stig.
VEÐUR
„Þetta er óttalega leið-
inlegt. Ég held að við séum
allir sammála um það að við
höfum verið mjög ánægðir
með Aron en það hefur ekki
skilað sér á stigatöflunni,“
sagði landsliðsmaðurinn
Vignir Svavarsson, leik-
maður þýska handknatt-
leiksliðsins Hannover-
Burgdorf, við Morgunblaðið
í gær en þjálfarinn Aron
Kristjánsson var á dögunum
látinn fara frá félaginu. »1
Voru mjög ánægð-
ir með Aron
Bjarni Þór Viðarsson er ekki ánægður
í herbúðum belgíska knattspyrnuliðs-
ins Mechelen. Bjarni hefur lítið feng-
ið að spila með liðinu og hann hefur
áform um að yfirgefa félagið í sumar.
Hann var ekki valinn í leikmannahóp
liðsins í kvöld frekar en
um síðustu helgi. »1
Bjarni Þór ósáttur hjá
Mechelen í Belgíu
Keppendur voru um 600 talsins
á Gullmóti KR í sundi sem haldið
var í Laugardalslauginni á dög-
unum. Góður árangur náðist í
mörgum greinum og ljóst er að
sundíþróttin er í miklum blóma
hér á landi. Sundfólk frá 20 fé-
lögum stakk sér til sunds,
keppti í 84 sundgreinum og
sýndi góð tilþrif. »4
Fjölmennt á Gullmóti
KR-inga í sundi
ÍÞRÓTTIR
Ágúst Ingi Jónsson
aij@mbl.is
Það var stór dagur í Falmouth á
norðurströnd Jamaíku þegar fyrsta
skemmtiferðaskipið, Voyager of the
Seas, lagðist að nýrri bryggju á
fimmtudag. Heimamenn unnu ekki
mikið þennan dag, 140 þúsund tonna
skipið og gestir þess áttu hug þeirra
allan og starfsmenn Ístaks sem hafa
unnið þarna í um eitt ár tóku þátt í
gleðinni.
Skipafélagið Royal Caribbean
byggir höfnina í samvinnu við hafn-
aryfirvöld á Jamaíku og verður Fal-
mouth nýr viðkomustaður skemmti-
ferðaskipa í Karíbahafi. Í bænum búa
um tíu þúsund manns og þeir hafa
fæstir kynnst ríkidæmi eins og ein-
kenndi farþega glæsiskipsins.
Skipið gnæfði yfir húsin
„Það var ótrúlegt að fylgjast með
þessu, sannarlega mikil tímamót fyrir
okkur og heimamenn,“ segir Erling-
ur Leifsson, einn yfirmanna Ístaks á
staðnum. „Hafnarmannvirkin eru
tilbúin og farþegar gátu gengið frá
borði á hellulögðum stéttum og bíla-
stæðin eru malbikuð. Margvíslegar
breytingar hafa verið gerðar á verk-
inu, en það sem átti að vera tilbúið
var klárt fyrir komu skipsins.“
Nú eru 17 stjórnendur og tækni-
menn frá Ístaki í Falmouth og eru
þeir með um 200 iðnaðar- og verka-
menn frá Jamaíku í vinnu. Fram-
kvæmdir hófust við byggingu versl-
ana, veitingastaða og þjónustuhúsa á
hafnarsvæðinu í mars í fyrra. Húsin
19 eru öll byggð á uppfyllingu, en E.
Pihl & Søn A.S. byggir hins vegar
hafnarmannvirkin.
„Það var ótrúleg sjón að sjá þetta
risavaxna skemmtiferðaskip við
bryggjuna,“ segir Erlingur. „Það
gnæfði yfir húsin sem við byggðum,
sem þó eru í um þriggja metra hæð
yfir sjávarmáli. Svo ekki sé minnst á
lágreistan bæinn þar fyrir ofan, en
hann stendur í aðeins hálfs metra
hæð yfir sjó.“
Von er á tveimur skemmtiferða-
skipum á viku fram á vor og segist
Erlingur vonast til að nýjabrumið
rjátlist af heimamönnum svo hægt
verði að halda uppi eðlilegum afköst-
um. Meðal skipanna sem væntanleg
eru til Falmouth er annað flaggskipa
Royal Caribbean, Oasis of the Seas.
Það er 225.000 tonn og gert fyrir allt
að 6.360 farþega.
Hitinn kominn yfir 25 stig
„Þetta hefur í rauninni gengið æv-
intýralega vel frá því að fyrstu menn
frá Pihl & Søn og Ístaki komu hingað
fyrir tæpum tveimur árum. Þá var
bara ströndin þar sem nú er komin
höfn fyrir stór skemmtiferðaskip og
margs konar byggingar. Það fækkar í
Ístakshópnum hér í vor, en einhverjir
verða áfram til að sjá um byggingu á
miðstöð við höfnina, þar sem verður
tollafgreiðsla og opinbert eftirlit ým-
iss konar. Vinna við þá byggingu
stendur fram á sumar,“ segir Erling-
ur.
Og veðrið: „Það er nú ekkert sér-
stakt í dag, það rigndi mikið í nótt, en
nú skín sólin og hitinn er kominn yfir
25 stig.“
Fagnað þegar fyrsta skipið kom
 Starfsmenn Ístaks vona að nýjabrumið rjátlist af heimamönnum í Falmouth
 „Það var ótrúleg sjón að sjá þetta risavaxna skemmtiferðaskip við bryggjuna“
Ljósmynd/Erlingur Leifsson
Hátíð Fjöldi manns fylgdist með komu fyrsta skipsins að bryggju í Falmouth og lítið var unnið þann daginn.
Heimamenn settu upp tjöld og sölubása og hljómsveit spilaði dillandi tónlist í tilefni dagsins.
Nokkrir Íslendinganna sautján eru með fjölskyldur sínar á Jamaíku og hafa
fjögur íslensk börn gengið í skóla þar í vetur. Ístaksbörnin eru frá hægri Al-
exander Haukur Erlingsson, 14 ára, Maron Árnason, 13 ára, Silja Haralds-
dóttir, 8 ára, og Linda Elíasdóttir, 7 ára. Þau ganga í einn af einkaskólunum í
bænum Montego Bay. Í skólanum er hvað hæst hlutfall erlendra barna á Ja-
maíku. Aðstaða og aðbúnaður í skólanum er talsvert öðru vísi en á Íslandi.
Kennt er á ensku og enginn talar þá tungu sem þau eru vön að heiman.
Fjögur börn Ístaksmanna
GANGA Í EINKASKÓLA Í MONTEGO BAY
Ljósmynd/Ásdís Ingþórsdóttir