Morgunblaðið - 02.06.2011, Qupperneq 26

Díana Rós A. Rivera
diana@mbl.is
Haukur Tómasson hefur samið
nýtt kór- og hljómsveitarverk,
Fléttu, sem frumflutt verður á
Listahátíð Reykjavíkur á laug-
ardag. Flytjendur eru Kamm-
ersveit Reykjavíkur, Schola Can-
torum og Mótettukór
Hallgrímskirkju en stjórnandi er
Hörður Áskelsson. Tónleikarnir
fara fram í Hallgrímskirkju og
hefjast kl. 17:00.
Í kynningu segir að verkið sé um
ægifegurð náttúrunnar, tengsl okk-
ar við hana og ábyrgð okkar á
henni. Textinn er samsettur úr
ljóðum og ljóðabrotum eftir sex ís-
lensk skáld á ýmsum aldri. Að sögn
Hauks hefur hann lengi langað að
gera verk sem fjallaði um náttúr-
una og samband okkar við hana og
hann byrjaði á því að lesa ljóða-
bækur og leita að ljóðum sem
tengdust þessu viðfangsefni. „Þeg-
ar ég var kominn með einhverja
tugi ljóða reyndi ég að raða þeim
saman í heild og búa til þráð sem
meðal annars fer í gegnum árstíð-
irnar,“ segir hann. „Ég reyndi líka
að velja ljóð sem skoða samhengið í
náttúrunni frá mismunandi sjón-
arhornum, bæði víðum og þröng-
um. Það eru kannski sérstaklega
ljóðin hans Sjóns sem hafa mikla
vídd í þessu sambandi, skoða bæði
hið smæsta og stærsta.“
Höfundar ljóðanna auk Sjóns eru
Snorri Hjartarson, Þorsteinn frá
Hamri, Stefán Hörður Grímsson,
Pétur Gunnarsson og Hannes Pét-
ursson. „Þetta eru lengri ljóð til
skiptis við örstutt, hálfgerðar hæk-
ur, eftir Sjón, þrettán ljóð í allt.“
Schola Cantorum syngur nátt-
úruljóðin eftir Sjón á móti Mót-
ettukórnum sem syngur stærri
kórkafla og samkvæmt kynningu
spanna ljóðin allt frá lofsöng um
vorið yfir í ljótleika, auðn og eyði-
leggingu.
Uppskera í tónlistinni
Haukur segir kórana tvo, Schola
Cantorum og Móttettukórinn, hafa
æft saman í fyrstu og hljómsveitin
seinna bæst við. Hann hafi þó hitt
einstaka hljóðfæraleikara og farið
yfir verkið með þeim til að spara
tíma á æfingum því að mörgu sé að
hyggja þegar saman koma áttatíu
flytjendur að kljást við nýtt verk.
Haukur segir að æfingar hafi geng-
ið mjög vel í undirbúningsferlinu
en hann segist nota nokkuð óvenju-
leg hljóðfæri fyrir verk af þessu
tagi á borð við rafmagnsgítar.
Að sögn Hauks er mikill upp-
skerutími hjá honum. Nýverið var
verðlaunverk hans Í sjöunda himni
frumflutt við opnum Hörpu og um
þessar mundir kemur kammer-
verkið Moldarljós í flutningi Ca-
put-hópsins út á hljómdiski.
Morgunblaðið/Kristinn
Uppskera Stjórnandinn Hörður Áskelsson og tónskáldið Haukur Tómasson æfa Fléttu.
Í sambandi við náttúruna
 Flétta Hauks
Tómassonar frum-
flutt á Listahátíð
26 MENNING
MORGUNBLAÐIÐ FIMMTUDAGUR 2. JÚNÍ 2011
Jón Ingi Sigurmundsson sýnir
nú málverk í Eden, Hvera-
gerði, en Eden hefur nú verið
opnað aftur eftir nokkurt hlé.
Innréttingar og öll aðstaða hef-
ur verið endurnýjuð og Lista-
mannaskálinn þar fengið nýtt
útlit og aðstaða til sýninga
bætt.
Jón Ingi hlaut nýlega menn-
ingarviðurkenningu Árborgar
2011 á hátíðartónleikum í til-
efni hátíðarinnar Vor í Árborg, þar sem Kjartan
Björnsson, formaður menningarnefndar, og Ey-
þór Arnalds, formaður bæjarráðs, afhentu Jóni
Inga viðurkenninguna.
Sýningu Jóns Inga í Eden lýkur 13. júní.
Myndlist
Jón Ingi sýnir
málverk í Eden
Eitt verka
Jóns Inga.
Fyrir viku kom Vetrarsól,
skáldsaga Auðar Jónsdóttur,
út á þýsku undir heitinu Jen-
seits des Meeres liegt die
ganze Welt.
Bókinni, sem kom út á ís-
lensku fyrir þremur árum, hef-
ur verið vel tekið í Þýskalandi
og í þýska fréttatímaritinu Der
Spiegel segir gagnrýnandinn
Gabrielu Seidel-Hollaender að
Vetrarsól sé hugvitssamlega
skrifuð, spennandi og áhrifamikil bók. Einnig er
sérstaklega tekið til þess að lestur bókarinnar
hvetji fólk til þess að ferðast til Íslands.
Kristof Magnusson þýðir bókina á þýsku, útgef-
andi er btb Verlag.
Bókmenntir
Vetrarsól vel
fagnað í Þýskalandi
Vetrarsól
á þýsku.
Næstkomandi laugardag kl.
16:00 opnar Gréta Mjöll
Bjarnadóttir grafíksýninguna
„Ísland – abstrakt á abstrakt
ofan“ í sýningarsal Íslenskrar
grafíkur í Hafnarhúsinu. Sýn-
ingin verður síðan opin
fimmtudaga til sunnudaga kl.
14.00-18.00 og lýkur 19. júní.
Á sýningunni eru stórar tré-
ristur skornar með fræsurum
og slípirokkum. Gréta lýsir
verkunum svo að þau séu abstraktmyndir sem séu
eins og útdráttur af flóknum og margvíslegum ís-
lenskum veruleika. Í þeim reyni á samspil fag-
urfræðinnar við Excel-skjalið, dans hægra heila-
hvelsins við það vinstra og slípirokksins við tréð.
Grafík
Ísland – abstrakt
á abstrakt ofan
Gréta Mjöll
Bjarnadóttir
Sænski saxófónleikarinn og tón-
skáldið Mats Gustafsson hlýtur
Tónlistarverðlaun Norðurlanda-
ráðs 2011. Hann hefur um árabil
verið þekkt nafn á sviði spuna-
tónlistar eins og rakið er í umsögn
dómnefndar. Þar segir meðal ann-
ars: „Með nýskapandi saxófónleik
leitar hann stöðugt út fyrir ramma
þeirra skilgreininga sem við notum
til að flokka þá tónlist sem við höf-
um ekki heyrt áður.
Óháð því hvort hann vinnur í
framúrstefnuheimi Peter Brötz-
mann Chicago Tentet eða í pönk-
tríóinu The Thing er Mats til staðar
í afdráttarlausri túlkun, algjörri
nærveru, með eftirtektarverða
orku og mikla tilfinningu fyrir
meðleikurum sínum.
Mats endurnýjar ekki eingöngu
tjáningarform saxófónsins, hann
enduruppgötvar það og skapar nýj-
an tónlistarheim milli tónanna og
bak við hávaðann.“
Gustafsson lét fyrst að sér kveða
um miðjan níunda áratuginn og
hefur hefur verið ötull upp frá því,
leikið með grúa tónlistarmanna um
allan heim og alls hefur hann gefið
út ríflega 200 plötur.
Nomo michael hoefner / http://www.zwo5.de
Verðlaun Sænski saxófónleikarinn
og tónskáldið Mats Gustafsson.
Mats Gust-
afsson verð-
launaður
Fær Tónlistarverðlaun
Norðurlandaráðs
Næstkomandi sunnudag halda Rut
Ingólfsdóttir fiðluleikari og Richard
Simm píanóleikari tónleika í Hlöð-
unni á Kvoslæk í Fljótshlíð. Þetta
verða fyrstu tónleikarnir sem þar
eru haldnir.
Húsráðendur á Kvoslæk eru tón-
listarkonan Rut Ingólfsdóttir og
Björn Bjarnason, fyrrverandi al-
þingismaður og ráðherra. Rut segir
að þau hafi fengist við það á und-
anförnum árum að gera upp gamla
bæinn á Kvoslæk og framundan hafi
verið að gera upp útihúsin á bænum
þegar þau fuku út í veður og vind í
illviðri. „Sem betur fer vorum við
búin að mæla þau upp og gátum því
endurbyggt þau í sömu mynd, en þá
ekki sem hesthús og hlöðu,“ segir
Rut. Hún segir að Björn hafi vinnu-
aðstöðu sína í Hlöðunni og þar hafi
þau líka komið fyrir tónleikaaðstöðu.
„Þetta verður söguleg stund fyrir
mig því mig hefur alltaf dreymt um
að geta haldið tónleika hér. Það er
líka gott að byrja að sumarlagi þeg-
ar enginn þarf að hafa áhyggjur af
færð, en svo dreymir mig líka um að
halda tónleika við kertaljós á vet-
urna.“
Þau Rut og Richard hyggjast
leika verk eftir Pál Ísólfsson, Moz-
art, Svendsen, Vieuxtemps og
Brahms. Tónleikarnir hefjast kl.
15:00. Þeir eru hluti af verkefninu
Landsbyggðartónleikar, sem Félag
íslenskra tónlistarmanna skipulegg-
ur með styrk frá menntamálaráðu-
neytinu.
Kvoslækur í Fljótshlíð er um 10
km frá Hvolsvelli, ekið sem leið ligg-
ur inn Fljótshlíðina og framhjá
Tumastöðum.
Tónleikar í Hlöðunni á
Kvoslæk í Fljótshlíð
Morgunblaðið/Eggert
Draumur Richard Simm og Rut Ingólfsdóttir búa sig undir fyrstu tón-
leikana í Hlöðunni á Kvoslæk í Fljótshlíð.
 Fyrstu tónleikarnir sem þar eru haldnir
Jazzsumartónleikaröð veitingahúss-
ins Jómfrúarinnar við Lækjargötu
hefst á laugardag og er nú haldin í
sextánda sinn. Jakob Jakobsson,
veitingamaður á Jómfrúnni, býður
þeim sem heyra vilja upp á ókeypis
djasstónleika á laugardögum, frá og
með næsta laugardegi og til loka júlí.
Tónleikar verða haldnir alla laug-
ardaga í júní og júlí og alltaf á sama
tíma, kl. 15:00-17:00. Alls verða níu
tónleikar í ár og fram koma margir
helstu djasslistamanna Íslands auk
erlendra gesta.
Á fyrstu tónleikunum leikur
hljómsveitin Sálgæslan, sem skipuð
er þeim Sigurði Flosasyni, sem leik-
ur á saxófón og leiðir sveitina, Þóri
Baldurssyni á Hammond-orgel,
Andrési Þór Gunnlaugssyni á gítar
og Einari Scheving á trommur.
Hljómsveitin blandar saman áhrif-
um úr djass- og blúsheimum. Tón-
leikarnir fara fram utandyra á
Jómfrúartorginu og aðgangur er
ókeypis eins og að öðrum tónleikum
Jazzsumartónleikaraðarinnar.
Jómfrúin í djass-
sveiflu í sumar
 Djasstónleikaröð hefst á laugardag
Morgunblaðið/Einar Falur
Sumar Sigurður Flosason er
listrænn stjórnandi djasstónleika-
raðarinnar.
Nú hafi hljómsveitin
spilað lengur saman
og stíll þeirra þróast27
»