Morgunblaðið - 03.06.2011, Side 2

2 FRÉTTIRInnlent
MORGUNBLAÐIÐ FÖSTUDAGUR 3. JÚNÍ 2011
Morgunblaðið Hádegismóum 2, 110 Reykjavík. Sími 5691100 Fréttir ritstjorn@mbl.is Fréttastjórar Sunna Ósk Logadóttir, sunna@mbl.is Sigtryggur Sigtryggsson, sisi@mbl.is Viðskipti vidsk@mbl.is
Ívar Páll Jónsson, fréttastjóri, ivarpall@mbl.is Menning menning@mbl.is Umræðan | Bréf til blaðsins | Minningar mbl.is/sendagrein, Arnór Ragnarsson Íþróttir sport@mbl.is Víðir Sigurðsson,
vs@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is Marta María Jónasdóttir fréttastjóri dægurmála martamaria@mbl.is Prentun Landsprent ehf.
„Við hlupum ekki einn metra án fylgdar, þetta var al-
veg ótrúlegt. Ef þetta er hvatningin sem við fáum þá
verður þetta ekkert mál,“ segir Signý Gunnarsdóttir
sem ásamt manni sínum Sveini Benedikt Rögnvaldssyni
og systur Sveins og mági, Ölmu Maríu Rögnvaldsdóttur
og Guðmundi Guðnasyni, lagði upp í hringferð um
landið í gær hlaupandi. Er ferðin farin til að safna
áheitum fyrir Styrktarfélag krabbameinssjúkra barna.
Ætla þau að leggja að baki 100 km á dag í fimmtán
daga.
Þau lögðu af stað frá Barnaspítala Hringsins kl. 9.30
í gærmorgun og luku fyrsta áfanga ferðarinnar á Hellu
kl. 18.45. Í dag hlaupa þau frá Hellu til Víkur í Mýrdal.
Fylgjast má með þeim á www.mfbm.is og Facebook.
Morgunblaðið/Árni Sæberg
Hlupu ekki einn metra án fylgdar
Halldór Armand Ásgeirsson
haa@mbl.is
„Við gerum auðvitað engar athuga-
semdir út af fyrir sig við það að upp-
lýsingar séu aðgengilegar almenn-
ingi í svona máli en það er
óneitanlega dálítið einkennilegt að
saksóknari taki upp á því af sjálfs-
dáðum að opna heimasíðu um eitt
tiltekið mál,“ segir Andri Árnason,
verjandi Geirs H. Haarde, um ný-
opnaða vefsíðu saksóknara Alþingis
um málshöfðun Alþingis á hendur
skjólstæðingi hans.
Geir var ákærður fyrir brot gegn
lögum um ráðherraábyrgð og hegn-
ingarlagabrot til vara og mál hans
verður þingfest fyrir Landsdómi
hinn 7. júní næstkomandi.
Andri segir jafnframt að Sigríður
J. Friðjónsdóttir, saksóknari Al-
þingis, virðist telja að starf hennar
sé í raun sérstök stofnun. „Þetta er
einhver misskilningur hjá Sigríði;
hún virðist líta svo á að þetta sé eitt-
hvert embætti Alþingis sem höfði
málið. Saksóknari Alþingis er hins
vegar ekki embætti heldur er Sig-
ríður einungis kjörin til að fara með
þetta tiltekna mál gegn Geir
Haarde,“ segir Andri.
Áróðurskennd vefsíða
Andri segir jafnframt að vefsíðan
beri með sér keim af áróðri. „Það
hefur ekki tíðkast til þessa að sak-
sóknari setji upp heimasíðu utan
um mál sem honum þykja spenn-
andi og þangað séu sett inn gögn
sem henti honum í málinu – þetta er
auðvitað dálítið áróðurskennt. Það
hefði alveg komið til álita að setja
upp einhvers konar heimasíðu í
kringum málið, hvort sem það væri
á vegum Alþingis eða hvað, en mér
finnst svona frekar óeðlilegt að sak-
sóknarinn hafi þetta frumkvæði.
Einhvern veginn grunar mig þó að
þessi vefsíða sé runnin undan rifj-
um saksóknarnefndarinnar í
þinginu.“
Aðspurður segir Andri að heima-
síðan hafi ekki verið sett upp í sam-
ráði við hann og hann búist ekki við
því að gögn frá honum muni rata inn
á síðuna. „Ég hafði ekkert um þessa
síðu að segja í raun. Það var heldur
ekki boðið upp á að við gætum sett
gögn þarna inn enda veit ég ekki
hvort það var hugsunin sem lá að
baki. Svona tilfelli gætu leitt til þess
að ákærði þyrfti hreinlega að opna
heimasíðu sjálfur til þess að vega
upp á móti upplýsingagjöf saksókn-
ara og gæta hlutleysis. Það væri
auðvitað dálítið óvenjulegt.“
Heimasíður um öll mál?
Andri bætir við að hann geti vel
tekið undir með Sigríði að skort-
ur hafi verið á upplýsingum
um málið og bæta hafi þurft
úr þeim skorti. „Að það
sé hins vegar hlutverk
saksóknara Alþingis
að gera það set ég
hins vegar stórt
spurningarmerki
við. Dómstólar
eru auðvitað með
heimasíður sem
geyma upplýs-
ingar um mál og
jafnframt starf-
semi þeirra en
saksóknarar hafa
ekki opnað síður
um einstök mál –
það hefur ekki tíðk-
ast. Spurningin er
jafnframt sú hvort
stefnan í þessum
„hrunmálum“ sé sú að
opna heimasíðu um hvert
mál. Einhvern veginn efast ég
um að svo sé.“
Vefsíðugerð
í verkahring
saksóknara?
 Verjandi Geirs H. Haarde gagnrýnir
vinnubrögð saksóknara Alþingis
„Svona tilfelli
gætu leitt til þess
að ákærði þyrfti
hreinlega að opna
heimasíðu sjálfur“
Andri Árnason
Ingveldur Geirsdóttir
ingveldur@mbl.is
Fimmtán óbirt ljóð Davíðs Stefánssonar frá
Fagraskógi, rituð eigin hendi, voru auglýst til
sölu í Finni, aukablaði Morgunblaðsins, í gær.
Það er Þorvaldur Þór Maríuson fornbókasali
sem auglýsti þau til sölu en þau komu upp í
hendurnar á honum þegar hann keypti bóka-
safn úr dánarbúi. Það voru ættingjar vinar Dav-
íðs sem áttu það.
„Þetta var inni í ljóðabók Davíðs, Kvæði, sem
kom út 1922. Hann virðist hafa gefið vini sínum
þá bók og handskrifar líka eitt ljóð inn í hana.
Þetta eru í raun sextán óbirt ljóð, með því sem
er í bókinni. Bréfið var geymt inni í bókinni og
er það fjögur blöð með fimmtán ljóðum á en
skrifað er báðum megin á blöðin og þau merkt
1, 2, 3 og 4. Þetta er bara einkabréf í bundnu
máli, ljóð sem Davíð sendi vini sínum og fjalla
um dagleg málefni. Hann skrifar undir þetta
Davíð frá Fagraskógi. Rithöndin og stíllinn eru
dæmigerð fyrir hann,“ segir Þorvaldur um
ljóðafundinn.
„Ég mundi halda að þetta hefði verið mjög
kær vinur Davíðs sem fékk ljóðin. Hann er lát-
inn fyrir um hálfri öld, þannig að þetta hefur
bara legið inni í bókinni og fólk ekkert spáð í
þetta,“ bætir Þorvaldur við.
Ekkert umslag var utan um bréfið og segir
Þorvaldur ómögulegt að segja til um hvort það
hafi verið sent innanlands eða frá útlöndum.
„Bréfið er sent 1922. Davíð er svo ungur
þarna, rétt um 27 ára gamall. Hann fer út um
þetta leyti en það kemur ekkert fram hvaðan
bréfið er sent.“
Þorvaldur segist vera nokkuð viss um að
þessi ljóð hafi hvergi birst. „Ég er búinn að fara
yfir kvæðasöfnin hans og þetta er hvergi þar,
svo þetta hefur örugglega aldrei birst neins
staðar. Hann biður líka vin sinn í niðurlagi síð-
ustu vísunnar að brenna þetta rusl í lokin.
Þannig að ég er viss um að þetta hefur aldrei
farið neitt fyrir almenningssjónir.“
Þorvaldur hefur ekki látið neinn skoða bréfið.
„Ég er búinn að tala við þá hjá Davíðshúsi, þeir
eru eitthvað að velta þessu fyrir sér. Þeir hafa
áhuga en það hefur enginn
séð bréfið. Ég ætla
bara að selja það. Ég
hef ekkert við þetta
að gera. Ég er ekkert
mikið fyrir ljóð Davíðs
þótt mér lítist ágætlega
á hann, með betri skáld-
um Íslands,“ segir Þor-
valdur kíminn.
Óbirt ljóð eftir Davíð fundust
 Fimmtán ljóð Davíðs Stefánssonar frá Fagraskógi fundust í formi sendi-
bréfs  Fjórar síður um dagleg málefni sem hann hefur sent vini um 1922
„Mér þykir þetta ansi merkilegur fundur,
ef þetta stenst allt saman. Það gerir þetta
líka enn meira spennandi að þetta skuli
vera frá yngri árum Davíðs. En ég spurði
samt strax: Hver hefur sagt að þetta sé
eftir Davíð?“ segir Friðrik G. Olgeirsson,
höfundur ævisögu Davíðs Stefánssonar.
„Það kemur mér ekkert á óvart að
til séu skrif eftir Davíð sem hafa
ekki komið fyrir almennings-
sjónir áður. Ég veit t.d. að hann
kom einu sinni í afmælisveislu og
skrifaði ljóð í afmælisbókina. Ég
hef ekki enn komist í það að hafa
uppi á því ljóði. Auðvitað væri
skemmtilegast ef Davíðshús eða ein-
hver aðili myndi eignast þetta.“
Merkilegur fundur
BRÉF DAVÍÐS
Reikna má með að fundur Alþingis sem hefst kl. 10.30 standi
langt fram á kvöld en mörg mál bíða afgreiðslu þingsins. Í dag
verður m.a. mælt fyrir stærra frumvarpi sjávarútvegs-
ráðherra um breytingar á lögum um stjórn fiskveiða, og
hætt er við að sjávarútvegsmálin yfirskyggi alla aðra um-
ræðu síðustu þingdaga fyrir sumarfrí – ef ætlunin er að
keyra þau áfram á fullum þunga. Er það mat Birgis Ár-
mannssonar, þingmanns Sjálfstæðisflokksins. Hann segir
því að mögulega þurfi að semja um að skjóta öðrum mál-
um inn á milli. Formenn þingflokkanna funda þó kl. 11 og
hugsanlega er von á fregnum eftir fundinn.
Þingfundur stóð til tæplega tvö aðfaranótt
uppstigningardags þegar minna fiskveiðifrumvarpið var til
umræðu. Ekki er óvenjulegt að fundað sé fram á nótt þótt
rauður dagur sé daginn eftir, að sögn Helga Bernódussonar,
skrifstofustjóra Alþingis. „Ég man ekki sérstaklega eftir
uppstigningardegi sem slíkum en það hefur oft verið fundað
fram á miðnótt aðfaranótt rauðra daga. Við erum svo fornir í
skapi að við teljum að nýr dagur hefjist með sólarupprás.“
Ekki var fundað á Alþingi í gær en þinghald heldur áfram í dag og
stendur fram eftir næstu viku að sögn Helga. „Áætluð þinglok eru á
fimmtudaginn en ég veit ekki nema það geti dregist um dag eða svo.“
Tugir mála bíða af-
greiðslu fyrir sumarfrí
Safnaðu 5 toppum af Merrild
eða Senseo-pökkum og sendu
Ölgerðinni fyrir 16. júní.
Gullverðlaun að verðmæti 350.000 kr.
Tískuráðgjöf í heilan dag með Karli Berndsen,
100 þúsund kr. úttekt í Debenhams, ársbirgðir
af Merrild eða Senseo kaffi o.fl.
Fjöldi aukavinninga m.a. kaffivélar
frá Heimilistækjum og ársbirgðir af
Merrild eða Senseo kaffi.