Morgunblaðið - 03.06.2011, Qupperneq 13
FRÉTTIR 13Erlent
MORGUNBLAÐIÐ FÖSTUDAGUR 3. JÚNÍ 2011
Kínversk stjórnvöld neita því að hafa stolið aðgangs-
upplýsingum fólks að tölvupóstsforriti Google. „Tölvu-
árásir eru alþjóðlegt mál. Kína er líka fórnarlamb,“ sagði
Hong Lei, talsmaður utanríkisráðuneytis Kína í Peking, í
gær. „Hin svokallaða yfirlýsing þess efnis að kínversk
stjórnvöld styðji tölvuhakkara í árásum er algjör
tilbúningur. Hún þjónar annarlegum
tilgangi.“ Sagði hann yfirlýsingu
Google óviðunandi.
Forsvarsmenn Google segjast ekki
vissir um hverjir standi fyrir árásunum,
en að þær megi rekja til Jinan, höfuð-
borgar Shandong-héraðs. Borgin er tal-
in miðstöð tölvuglæpa. Á miðvikudag
sögðu þeir að Kínverjar hefðu farið inn í
tölvupóst hundraða háttsettra banda-
rískra og suðurkóreskra embættismanna
og kínverskra andófsmanna.
onundur@mbl.is
Kínverjar neita ásökunum
Google um tölvunjósnir
Segja ásakanir tilkomnar
af annarlegum ástæðum
Sýkillinn er
ný tegund
kólígerils
Heilbrigðisyfir-
völd í Bandaríkj-
unum tilkynntu í
gær að þrír ein-
staklingar þar í
landi hefðu að öll-
um líkindum
sýkst af kólígerli
eftir að hafa dval-
ist í Þýskalandi.
Rúmlega 2.000
manns hafa sýkst
af bakteríunni í Þýskalandi síðasta
mánuðinn. Átján hafa látist af hennar
völdum í Evrópu; sautján í Þýska-
landi og einn í Svíþjóð.
Talið er að þetta afbrigði bakt-
eríunnar sem greinst hefur í mönnum
sé nýtt og áður óþekkt. Í tilkynningu
frá Alþjóðaheilbrigðisstofnuninni í
gær sagði að afbrigðið hefði aldrei
greinst áður í kólígerlafaraldri.
Ekki er vitað hvaðan bakterían
kemur. Yfirvöld í Þýskalandi sögðu
upphaflega að bakterían kæmi úr
spænskum gúrkum en drógu síðar
þær staðhæfingar til baka.
Kólí Sjúklingar í
sóttkví í Hamborg.
Þrír hafa sýkst í
Bandaríkjunum
FRÉTTASKÝRING
Önundur Páll Ragnarsson
onundur@mbl.is
Fjórir eru látnir eftir að hvirfilbylur
gekk yfir borgina Springfield og bæ-
inn Monson í Massachusetts-ríki
Bandaríkjanna á miðvikudag. Þetta
er í fyrsta sinn í þrjú ár sem hvirfil-
bylur gerir þar usla og þessi sá
mannskæðasti í að minnsta kosti
sextán ár. Í Nýja-Englandi eru
hvirfilbyljir sjaldgæfir og fólk óvant
þeim.
Síðdegis í gær var fjöldi slökkvi-
liðsmanna og sjálfboðaliða, auk 1.000
þjóðvarðliða við hreinsunar- og
björgunarstörf á svæðinu. Þá hafði
verið leitað í um þremur fjórðu húsa
á þeim svæðum sem eru verst út-
leikin. Það eru tvö íbúðahverfi í
Springfield og svo Monson, sem er
9.000 manna bær. Ríkisstjórinn De-
val Patrick skoðaði hverfin í gær og
sagði að því loknu að hvirfilbylurinn
hefði „fullkomlega tortímt“ þeim.
Hét hann því að ríkið myndi styðja
þá sem misst hefðu heimili sín.
Tré í Monson voru í gær beygð og
brotin eins og sprek, en sum höfðu
rifnað upp með rótum. Þök voru fok-
in af sumum húsum en önnur voru
hrunin til grunna.
Tíu mínútna fyrirvari
Alls urðu nítján svæði fyrir
skemmdum en verst varð Spring-
field úti, þar sem 40 manns slösuðust
og 250 eyddu aðfaranótt fimmtudags
í neyðarskýlum.
Blaðamaður NY Times spurði
ríkisstjórann Patrick hvort fólk hefði
tímanlega fengið viðvaranir frá yfir-
völdum, en hann svaraði því til að
veðurstofan hefði gefið viðvörun um
leið og hún sá í hvað stefndi. „Veistu
hvað sá frestur var langur í Spring-
field? Hann var tíu mínútur,“ sagði
Patrick.
Ekki er víst hvort einn hinna látnu
dó beinlínis af völdum skýstrokksins,
en sá fékk hjartaáfall. Tvö önnur
dauðsföll urðu í vesturhluta Spring-
field. Þar á meðal var kona sem
bjargaði lífi dóttur sinnar. Hún lagði
fimmtán ára gamla dóttur sína ofan í
baðkar heimilisins og lagðist svo of-
an á hana. Þegar húsið hrundi lést
hún en dóttirin lifði af.
Tveir á ári að meðaltali
Að meðaltali hafa tveir hvirfilbylj-
ir gert vart við sig í Massachusetts á
ári síðustu sextíu árin. Sá mann-
skæðasti í sögunni varð árið 1953,
þekktur sem Worcesterbylurinn, en
hann varð níutíu og fjórum að bana
og yfir þúsund manns slösuðust.
Eyðileggingin mikil
Skæður hvirfilbylur kom íbúum Massachusetts að óvörum
Kona í Springfield fórnaði lífi sínu til að bjarga dóttur sinni
Reuters
Tjón Íbúi í bænum Monson í Massachusetts hughreystir nágranna sinn á
uppstigningardag, en hús þeirra beggja gjöreyðilögðust í hvirfilbylnum.
Tollverðir á flugvellinum í Bang-
kok í Taílandi fundu í gær 451
skjaldböku og sjö ferskvatns-
krókódíla í farangri eins flug-
farþegans. Dýrin eru flest í útrým-
ingarhættu og er talið að þau hafi
átt að selja sem gæludýr. Markaðs-
virði þeirra er nálægt 33 þúsund
dollurum eða sem nemur um fjór-
um milljónum króna.
Smyglarinn kom aldrei að sækja
farangurinn og slapp því frá lag-
anna vörðum, en dýrunum verður
aftur komið til síns heima.
Taílendingar
hindra stórfellt
smygl á dýrum
Silvio Berlusconi, forsætisráðherra Ítalíu, umvafði
handaband stórveldanna við höllina Villa Doria Pamp-
hili í Róm í gær. Joe Biden, varaforseti Bandaríkjanna,
og Dimitri Medvedev, forseti Rússlands, komu til há-
tíðahalda í tilefni af því að 150 ár eru liðin frá samein-
ingu Ítalíu. Haldin var hersýning og var Berlusconi í
essinu sínu þrátt fyrir að flokkur hans eigi nú undir
högg að sækja, eftir tap í sveitarstjórnarkosningum.
Reuters
150 ár eru liðin frá sameiningu Ítalíu
Stuðningur við sænska konung-
dæmið hefur minnkað eftir að Karl
Gústaf Svíakonungur veitti frétta-
stofunni TT viðtal. Er honum borið
á brýn að hafa sótt nektardansstaði
og stundað gjálífi.
Gerð var 1.500 manna úrtaks-
könnun á dögunum í kringum við-
talið og sögðust 74% aðspurðra
styðja konungdæmið fyrir það, en
68% eftir á. Þetta ætti þó ekki að
valda konungi áhyggjum, því hann
er aðeins kominn niður í hefð-
bundið fylgi krúnunnar undanfarna
áratugi. Aftonbladet greindi frá.
Minni stuðningur
við sænska krúnu
Sú sem fyrst uppgötvaði kínverska netsvindlið var
Mila Parkour, sem starfar við rekstur tölvukerfa í
Washington og er bloggari. Hún lýsti svindlinu á
bloggi sínu: Fórnarlambið fær
tölvupóst frá eftirlíkingu af kunn-
uglegu netfangi. Pósturinn lítur út
fyrir að með honum fylgi viðhengi.
Þegar fórnarlambið smellir á við-
hengið fer það á falsaða
innskráningarsíðu sem líkist Go-
ogle. Það slær þá inn notandanafn
sitt og lykilorð til að skrá sig aftur
inn. Parkour taldi svindlið ekki
nýtt af nálinni og lét Google því
ekki vita af því með öðrum hætti en að
skrifa um það á bloggið sitt.
Einföld svik sem virka
BLOGGARI SÁ STRAX Í GEGNUM SVINDLIÐ
Kínverjar ritskoða
netið.
Stríðið gegn eiturlyfjum hefur mis-
tekist með hörmulegum afleiðingum
fyrir fólk og samfélög um allan heim.
Aðra nálgun en refsingar og her- og
lögregluvald þarf til að lágmarka
skaðann sem hlýst af notkun þeirra.
Þetta er niðurstaða skýrslu sem
alþjóðleg nefnd um stefnu í fíkni-
efnamálum birti í gær. Í nefndinni
eiga sæti margir fyrrverandi leiðtog-
ar á borð við Kofi Annan, fyrr-
verandi aðalritara SÞ, Paul Volcker
fyrrverandi seðlabankastjóra Banda-
ríkjanna og þá Fernando Cardoso,
Cesar Gaviria og Ernesto Zedillo,
fyrrverandi forseta Brasilíu, Kól-
umbíu og Mexíkó. Einnig sitja í
nefndinni rithöfundar á borð við
perúíska nóbelsverðlaunahafann
Mario Vargas Llosa.
„Fangelsun tuga milljóna manna á
síðustu áratugum hefur fyllt fangelsi
og lagt líf fólks og fjölskyldur í rúst,
en hvorki minnkað framboð ólög-
legra efna né skert völd glæpasam-
taka,“ segir í skýrslunni.
Leiðtogar segja að stríðið
gegn eiturlyfjum sé tapað