Morgunblaðið - 04.06.2011, Síða 4
4 FRÉTTIRInnlent
MORGUNBLAÐIÐ LAUGARDAGUR 4. JÚNÍ 2011
ALÞINGI
Önundur Páll Ragnarsson
onundur@mbl.is
Hagfræðileg úttekt á áhrifum
stærra kvótafrumvarps ríkisstjórn-
arinnar er væntanleg eftir helgina,
að sögn Jóns Bjarnasonar, sjávarút-
vegs- og landbúnaðarráðherra.
Hann mælti fyrir frumvarpinu á Al-
þingi í gær.
Í framsöguræðu sinni lagði Jón
áherslu á grunnatriði frumvarpsins
sem sátt er um meðal stjórnarþing-
manna og sagði jafnframt að í frum-
varpinu væri gætt mjög vandaðs
meðalhófs. Samt vildi þjóðin „af-
dráttarlausar breytingar á kerfinu“.
Velmegun þjóðarinnar byggðist á
framlagi sjávarbyggðanna fyrst og
fremst og að með ráðstöfun hins
hækkaða veiðigjalds til þeirra fengju
þær réttlátan hlut sinn í skatttekjum
ríkisins, en í því tilliti bæru þær nú
skarðan hlut frá borði.
Bjarni Benediktsson, formaður
Sjálfstæðisflokksins, hóf andsvör
með því að benda á að Jón hefði litlu
púðri eytt í að fjalla um hagkvæmni
útgerðarinnar í ræðu sinni. Veiði-
heimildir væru nú þegar að lang-
mestu leyti hjá sjávarbyggðunum og
því væri spurningin sú hvaða rétt-
læti væri í því að ráðherra tæki afla-
heimildir af sumum til að færa öðr-
um, eftir eigin höfði.
Ekki svaraði Jón því sérstaklega,
en sagði að ekki ætti að markaðs-
væða byggðir landsins svo að þær
gætu þurft að lúta í gras þrátt fyrir
að vera staðsettar rétt við fengsæl
fiskimið, rétt undan ströndum lands-
ins. „Er arðbært að leggja niður
heilt byggðarlag og gera allar eignir
þar verðlausar?“ spurði Jón. „Ég tel
að þingmaðurinn ætti að hverfa frá
algjörri markaðshyggju sinni og
taka þátt í enduruppbyggingu
sjávarútvegsins sem við hér leggjum
til,“ sagði Jón.
Umræðurnar í gær snerust að
nokkru leyti um hagkvæmni útgerð-
arinnar. Andsvör voru stutt, aðeins
mínúta á mann, og umræðan yfir-
veguð, þrátt fyrir að himinn og haf
væri milli skoðana þingmanna.
Sagði Ólína Þorvarðardóttir, Sam-
fylkingu, m.a. að mörg þúsund störf
hefðu farið forgörðum í nafni hag-
ræðingar og sérhagsmuna í grein-
inni. Sigurður Ingi Jóhannsson,
Framsóknarflokki, velti því þá upp
hvort ekki væri verið að rugla saman
eðlilegri tækniþróun og sérhags-
munum. Tryggvi Þór Herbertsson,
Sjálfstæðisflokki, hjó eftir því að
Ólínu þætti veiðigjaldið heldur
lágt í frumvarpinu. Sagði hann
ljóst að með því yrðu sóknar-
geta, fjárfesting og mannafl
aukin og þannig gengið á arð-
inn af auðlindinni. Gjaldið
yrði því ekki hægt að
hækka vegna
breytinganna
sem frumvarpið
sjálft felur í sér.
Hófstilltar en rót-
tækar breytingar
Engin áhersla á hagkvæmni útgerðarinnar, segir Bjarni
Morgunblaðið/Eggert
Mjög gott „Ég flyt það og mér finnst bara gott að flytja það,“ sagði Jón Bjarnason um kvótafrumvarpið sem hann
mælti fyrir í gær. Gagnrýni stjórnarandstæðinga snerist m.a. um að málið væri ekki tilbúið fyrir þingumræðu.
Steingrímur J. Sigfússon, fjár-
málaráðherra og formaður VG, segir
að það hefði verið ágætt ef úttekt
hagfræðingahóps á vegum sjávar-
útvegsráðherra á hagfræðilegum
áhrifum af frumvarpinu um breytt
fiskveiðistjórnunarkerfi hefði legið
fyrir áður en Jón Bjarnason mælti
fyrir frumvarpinu. Ráðherrann
mælti fyrir frumvarpinu á Alþingi í
gær.
„En það skiptir nú ekki öllu máli, í
þessum efnum, hvort verið er að
mæla fyrir frumvarpinu eða það er
komið til nefndar þegar úttektin
verður tilbúin,“ sagði fjármálaráð-
herra í samtali við Morgunblaðið í
gær.
„Það hefur alltaf legið ljóst fyrir
að þegar hagfræðileg greining á
áhrifum þessara breytinga lægi fyr-
ir, þá yrði sest yfir hana og hún met-
in í meðferð málsins,“ sagði Stein-
grímur.
Þar sem ekkert samkomulag ligg-
ur fyrir um starfslok Alþingis var
Steingrímur spurður hvort hann
teldi að haldið yrði sumarþing, eins
og forsætisráðherra hefur látið í
veðri vaka að gæti orðið: „Það held
ég ekki. Ég held að menn séu búnir
að fá nóg af sumarþingum tvö
undanfarin ár, þannig að það væri
ákaflega æskilegt ef það yrði sæmi-
legur friður um að ljúka störfum
þingsins um svipað leyti og áformað
hefur verið, en það er ekki hægt að
gefa sér slíka niðurstöðu fyrirfram.“
agnes@mbl.is
„Held að menn séu búnir
að fá nóg af sumarþingum“
Morgunblaðið/Eggert
Mat Sest verður yfir hagfræðilegu
úttektina þegar hún liggur fyrir.
Mælt var fyrir
frumvarpinu þótt út-
tektin lægi ekki fyrir
Kerfið sem frumvarp Jóns mæl-
ir fyrir um er of lokað, að mati
Ólínu Þorvarðardóttur, þing-
manns Samfylkingar. Hægt er
að auka frekar atvinnufrelsi
með því að veita kvótalausum
og kvótalitlum útgerðum meiri
aðgang að nýtingarsamningum
og „opna gáttir“ á milli
nýtingarsamninga og potta.
Þá er leiguhlutinn of lítill og
gæti stækkað hraðar en frum-
varpið gerir ráð fyrir svo hann
yrði raunverulegt mótvægi við
nýtingarsamningana.
Gjaldið fyrir nýtingar-
samningana er fulllágt
og þyrfti að tengja við
verðvísitölu sjávarafurða
eða verðtryggja. Þá má
skoða verð-
myndunarþáttinn
betur og fyrir-
komulag forleigu-
réttarins. Hand-
stýringarvald
ráðherra er hins
vegar of mikið og
þyrfti að minnka.
Gengur ekki
nógu langt
ÓLÍNA VILL BREYTINGAR
Ólína
Þorvarðardóttir
„Mér finnst það koma til greina að skoða aðra skiptingu,
að fjármálastofnanir fjármagni stærri hluta en helming-
inn af þessu, því mér sýnist að bankarnir séu nú að
græða ansi vel á fyrsta ársfjórðungi þessa árs,“ sagði Jó-
hanna Sigurðardóttir um fjármögnun almennrar vaxta-
niðurgreiðslu á þessu ári og því næsta.
Pétur H. Blöndal, Sjálfstæðisflokki, greindi frá því að
Gylfi Arnbjörnsson, forseti ASÍ, hefði sagt erfitt fyrir
samninganefnd ASÍ að samþykkja kjarasamninga ef
skattleggja ætti lífeyrissjóði fyrir þessu. Þá hefði Gylfi
sagt það lygi að stjórnvöld hefðu haft samráð um málið.
Sagði Pétur að það stefndi því í að kjarasamningarnir
röknuðu upp frá og með febrúar á næsta ári. Við bættust svo kvóta-
frumvörp ríkisstjórnarinnar, sem einnig mættu andstöðu á vinnumarkaði.
Sagði Jóhanna að niðurstaðan hefði verið sú í desember síðastliðnum að
bankar og lífeyrissjóðir fjármögnuðu aðgerðirnar. „Það var ekki niður-
staða um hvernig yrði farið í þessa fjármögnun af þeirra hálfu. Það er rétt
að leita átti samráðs við þær um þetta, en komið hefur fram opinberlega
oftar en einu sinni og oftar en tvisvar að það yrði gert með skattlagningu
að einhverju leyti,“ sagði Jóhanna. Sá hluti niðurgreiðslunnar sem lífeyris-
sjóðir ættu að fjármagna væri aðeins 0,1% af hreinni eign lífeyrissjóðanna.
Það væri skrýtið ef skerða þyrfti lífeyrisgreiðslur vegna þessa. Hún tryði
því einfaldlega ekki að þetta mál skemmdi fyrir kjarasamningunum.
Bankarnir borgi meiri skatt í sérstöku
vaxtaniðurgreiðsluna en lífeyrissjóðir
Jóhanna
Sigurðardóttir
Niðurstaða fjárlagaskrifstofu fjármálaráðuneytisins um
að úthlutun veiðigjaldsins til sveitarfélaga geti strítt
gegn ákvæðum stjórnarskrár er lítið rökstudd.
Þetta sagði Jóhanna Sigurðardóttir í svari við óundir-
búinni fyrirspurn Ólafar Nordal, varaformanns Sjálf-
stæðisflokksins, í gær. Ólöf spurði út í ástæður þess að
kvótamál væru rædd áður en hagræn áhrif þeirra væru
ljós og sömuleiðis þegar sum ákvæði þeirra gætu leitt til
brota á jafnræðisreglu.
Sagðist Jóhanna heyra að mjög skiptar skoðanir væru
meðal þingmanna um það mál, hvernig skyldi ráðstafa
veiðigjaldinu. „Ég minni líka á, þó að það sé ekki alveg
sambærilegt mál, að þegar aflabresturinn varð árið 2007 var varið um 750
milljónum til sveitarfélaga, sem var skipt á milli þeirra miðað við aflamark
í þorski síðustu þrjú fiskveiðiár þar á undan. Ég varð ekki vör við athuga-
semdir við þá ráðstöfun,“ sagði Jóhanna. Þessi mál þyrfti öll að skoða ræki-
lega í sjávarútvegs- og landbúnaðarnefnd Alþingis.
Ólöf hafnaði því að niðurstaðan væri illa rökstudd. Mismunað yrði eftir
landshlutum samkvæmt frumvarpinu. Leggja ætti á skatta og skipta þeim
svo upp eftir tilviljanakenndum geðþóttaákvörðunum ráðherra.
Jóhanna sagðist í síðara andsvari sínu draga í efa að þetta gengi gegn
stjórnarskránni. Varpaði hún þá fram þeirri spurningu hvort verið gæti að
úthlutunin árið 2007 hefði þá líka verið brot á stjórnarskrá.
Ósammála Jóhönnu um að niðurstaðan um
brot á jafnræðisreglunni sé illa rökstudd
Ólöf
Nordal
Ríkisstofnanir urðu ekki við tilmælum ríkisstjórnar-
innar um að laun í stjórnsýslunni yfir 400 þúsund krón-
um á mánuði yrðu lækkuð. Tilmælin voru send ráðu-
neytum og stofnunum árið 2009. Þetta var tilefni
fyrirspurnar Höskuldar Þórhallssonar alþingismanns til
Jóhönnu Sigurðardóttur á Alþingi í gær. Vísaði hann í
könnun Ríkisendurskoðunar sem leitt hefur þetta í ljós.
Jóhanna svaraði því til að hún hefði ekki vitað annað
en að farið væri eftir tilmælunum. Annað væri bagalegt
og ekki í samræmi við ákvörðun ríkisstjórnarinnar. Full
ástæða væri til að skoða hvaða skýringar væru á þessu
og hvernig þetta hefði verið framkvæmt. Kanna þyrfti
hverjar væru skýringarnar á þessu launaskriði, hvort aðgerðin hefði verið
samræmd og hvort einhverjar stofnanir hefðu verið undanskildar.
Sagði Höskuldur að í uppgjöri ríkissjóðs fyrir apríl segði að laun fram-
kvæmdavaldsins væru komin 1,5 milljarða fram úr áætlun. Spurði Hösk-
uldur hvort Jóhanna myndi efla Alþingi til móts við það sem fram-
kvæmdavaldið virtist vera að taka sér sjálft.
Sjálftekið launaskrið í stjórnsýslunni þvert
á tilmæli ríkisstjórnarinnar frá árinu 2009
Höskuldur
Þórhallsson
Golfkortið 2011
Spilað um Ísland - 23 golfvellir
Upplýsingar á golfkortid.is
Sumartilboð
Einstaklingskort 9.000 kr.
Fjölskyldukort 14.000 kr.