Morgunblaðið - 04.06.2011, Side 16

16 FRÉTTIRInnlent
MORGUNBLAÐIÐ LAUGARDAGUR 4. JÚNÍ 2011
BAKSVIÐ
Baldur Arnarson
baldura@mbl.is
Sterkar vísbendingar eru um að ríf-
lega 11% hækkun á bensínverði frá
áramótum hafi dregið enn úr veltu í
verslun á Suðurlandi.
Eins og fram kom í Morgunblaðinu í
fyrradag dróst umferð á Hellisheiði
saman um 22% í maí miðað við sama
mánuð í fyrra og virðast verslunar-
menn á Suðurlandi flestir sammála
um að ró hafi færst yfir verslunina.
Þorsteinn Ásgeirsson, verslunar-
stjóri hjá Bónus á Selfossi, er einn
þeirra. „Maður finnur vel fyrir því að
höfuðborgarbúar koma seinna. Þeir
hafa oft verið fyrr á ferðinni. Þeim hef-
ur líka fækkað töluvert.
Í staðinn fyrir að koma hverja helgi
koma þeir orðið aðra hverja eða þriðju
hverja helgi. Manni hefur oft fundist
sem að í maí væri byrjað að koma mik-
ið af fólki frá höfuðborgarsvæðinu. Nú
er það mánuði seinna á ferð en venju-
lega,“ segir Þorsteinn sem merkir
breytt innkaupamynstur.
„Við erum að selja svipaða vöru en
minna af henni. Oft voru keyptir tveir
pakkar af kexi en nú er einn látinn
duga, svo ég nefni lítið dæmi. Inn-
kaupakarfan hjá fólki hefur minnkað.“
Langrólegasti veturinn
Guðný Ísaksdóttir, verslunarstjóri
hjá N1 í Breiðumörk í Hveragerði,
merkir líka samdrátt í verslun.
„Það er líklega minni velta hjá okk-
ur en í fyrra. Ég finn hins vegar mik-
inn mun á maí og apríl og mars. Við-
skiptin hafa verið að aukast,“ segir
Guðný en tekur fram að veturinn hafi
verið þungur. „Veturinn er búinn að
vera rosalega rólegur. Ég er búin að
vera hjá N1 í fimm ár og þetta er
langrólegasti veturinn á þeim tíma.
Við merktum ekki mikinn samdrátt
á árinu 2008. Veltan minnkaði aðeins í
fyrra en þennan vetur finnst mér hafa
verið stórt stökk niður á við. Sumarið
verður að halda öllu árinu uppi ef velt-
an í haust verður eins og í vetur. Það
er búið að vera rosalega lítið að gera,“
segir hún.
Svava Ó. Stefánsdóttir, verslunar-
stjóri hjá Olís í Arnbergi á Selfossi,
kveðst ekki merkja mikinn mun í
veltu. Eldsneyti seljist þó minna.
Sverrir Einarsson, rekstrarstjóri
Húsasmiðjunnar, skynjar samdrátt.
Hefur minna milli handanna
„Við finnum greinilega fyrir því að
fólk hefur minni peninga á milli hand-
anna. Við erum á sumarhúsasvæði og
finnum því vel fyrir samdrættinum í
umferð. Þeir sem fóru vikulega eða
hálfsmánaðarlega í bústaðinn fara nú
kannski einu sinni í mánuði eða á
tveggja mánaða fresti. Það er ennþá
verið að byggja ný hús og stækka,
bæta og breyta en það hefur hægst
mjög á framkvæmdum. Það eru færri
á ferðinni. Vegagerðin er ekki að segja
okkur neinar fréttir.
Ég held samt að það jákvæða fyrir
okkar svæði sé að umferðin í sumar
eigi eftir að fara um Suðurland og
Vesturland fremur en um Norðurland
og Austurland. Það er orðið svo dýrt
að keyra norður og austur.“
„Langrólegasti vetur“ frá hruni
Morgunblaðið/Sigmundur Sigurgeirsson
Við hringtorgið Ferðasumarið virtist vera að taka við sér á Selfossi í gær ef marka má þessa ljósmynd fréttaritara
Morgunblaðsins. Tölur Vegagerðarinnar benda til að höfuðborgarbúar hafi dregið mjög úr akstri yfir Hellisheiði.
 Verslunarstjóri hjá N1 í Hveragerði segir veltuna hafa tekið „stórt stökk niður á við“ í vetur
 Bensínverðið dregur úr umferð  Verslunarstjóri hjá Bónus segir fólk kaupa minna en áður
Hefur óveruleg áhrif
» Lesandi gerði athugasemd
við frétt í Morgunblaðinu 2.
júní og benti á að nýr vegur um
Lyngdalsheiði kynni að skýra
hvers vegna umferð um Hellis-
heiði var 22% minni í maí í ár
en í sama mánuði í fyrra.
» Hjá Vegagerðinni fengust
þær upplýsingar að meðal-
umferð um Gjábakkaveg hefði
verið 369 bílar á dag í maí í
fyrra en 599 bílar á dag í sama
mánuði um nýja veginn, Lyng-
dalsheiðarveg, í ár.
» Taldi fulltrúi Vegagerðar-
innar það tiltölulega litla aukn-
ingu miðað við umferðina um
Hellisheiði, en eins og sjá má á
kortinu hér fyrir neðan fór þar
um 6.151 bíll á dag í maí sl.
» Sé aukinni umferð (230
bílar á dag) um Lyngdalsheiði
bætt við þá tölu er samdráttur
á Hellisheiði milli ára 19,5%.
Umferð á völdum stöðum
Fjöldi bíla á dag, að meðaltali í maí ár hvert
8.000
7.000
6.000
5.000
4.000
3.000
2.000
1.000
0
8.000
7.000
6.000
5.000
4.000
3.000
2.000
1.000
0
8.000
7.000
6.000
5.000
4.000
3.000
2.000
1.000
0
8.000
7.000
6.000
5.000
4.000
3.000
2.000
1.000
0
Hringvegur á Hellisheiði Hringvegur um Hvalfjarðargöng
Hringvegur á Holtavörðuheiði Hringvegur við Hafnarfjall
2005 2011‘06 ‘07 ‘08 ‘09 ‘10 2005 2011‘06 ‘07 ‘08 ‘09 ‘10
2005 2011‘06 ‘07 ‘08 ‘09 ‘10 2005 2011‘06 ‘07 ‘08 ‘09 ‘10
6.
87
1
6.
93
1
7.
57
6
7.
55
8
7.
54
4
7.
92
6
6.
15
1
5.
0
17
5.
0
52 5.
88
9
5.
73
9
5.
69
6
5.
71
6
5.
0
46
3.
27
2
4.
03
9
4.
0
86
3.
87
0
4.
11
0
3.
67
4
3.
67
2
94
2
1.
15
6
1.
27
3
1.
23
0
1.
24
1
1.
0
59
1.
22
0
Samdráttur 2010-2011: 22%
Samdráttur 2010-2011: 19% Samdráttur 2010-2011: 12%
Samdráttur 2010-2011: 18%
Heimild: Vegagerðin
„Eftir að hrunið
varð datt allt nið-
ur. Svo hefur
dregið enn meira
úr viðskiptunum
eftir að bensínið
varð svona dýrt.
Það er vel
merkjanlegur
munur,“ segir
Kristinn T. Har-
aldsson, betur
þekktur sem Kiddi rót, um samdrátt
í verslun og þjónustu á Suðurlandi.
Ferðamönnum fækkaði
Kristinn opnaði veitingahúsið
Cafe Kiddi Rót í Hveragerði árið
2004 en sá sér ekki annað fært en að
loka því í september 2009. Hann
reyndi svo fyrir sér með sama rekst-
ur í Mosfellsbæ í apríl í fyrra en
hætti rekstrinum um áramót.
„Veitingareksturinn dó vegna
þess að ferðamönnum á einkabílum
fækkaði. Svo var hráefnið orðið svo
dýrt. Ég hef það eftir veitingamönn-
um úti á landi að það hafi orðið gífur-
legur samdráttur í veltu. Það á sér-
staklega við um Íslendinga. Þegar
ég var að aka Hellisheiðina var ekki
óalgengt að maður mætti sjö til átta
húsbílum. Nú sér maður þá ekki
lengur,“ segir Kristinn sem ekur nú
hópferðabifreiðum fyrir Allrahanda.
Finnst bensínið dýrt
„Maður heyrir það á útlendingum
að þeim finnst verðlag hér lágt.
Engu að síður vilja þeir frekar fara
orðið með hópferðabifreiðum en að
leigja bílaleigubíl vegna þess að
bensínið er orðið svo dýrt. Hvort
sem menn vilja viðurkenna það eða
ekki er það hækkunin á bensíni og
olíu sem er að keyra okkur í kaf. Ég
hef litla trú á að hækkunin skili eins
miklu í ríkiskassann og ætlast var
til. Þegar fólk tímir ekki orðið að
ferðast vegna olíuverðsins bitnar
það á allri þjónustu á landsbyggð-
inni. Þetta er slæm staða.
Það er skrítin stefna að láta skatta
hækka samfara hækkandi elds-
neytisverði og horfa svo á fyrirtækin
fara á höfuðið. Þau geta ekki haldið
starfsfólki á launaskrá þegar ekkert
kemur í kassann. Ísland er að verða
eins og Spánn var árið 1974. Nú
koma erlendir ferðamenn hingað
vegna hagstæðs vöruverðs. Það
sama dró Íslendinga til Spánar á sín-
um tíma. Nú er þetta að snúast við.“
Gífurlegur samdráttur hjá
veitingamönnum úti á landi
 Eigandi matsölustaðar í Hveragerði lokaði eftir hrunið
Morgunblaðið/Sigmundur Sigurgeirsson
Ölfusáin Bjart var yfir Selfossi í gær. Ekki er jafn bjart yfir versluninni.
Kristinn T.
Haraldsson
Sími 412 2500 - sala@murbudin.is - www.murbudin.is
– Afslátt eða gott verð?
Grill í Múrbúðinni
– skoðaðu verðið!
Reykjavík - Reykjanesbæ
Akureyri - Húsavík
Vestmannaeyjum
GAS GRILL
4 ryðfríir brennarar og
hliðarplata. 14 kw/h.
48.000-BTU. Hitamælir.
Kveikja í stillihnapp.
Grillgrind er postulíns-
húðuð. 44x56 cm.
Extra sterk hjól v.gaskút.
Þrýstijafnari og
slöngur fylgja.
37.900kr.
59.900kr.
GAS GRILL
4 brennarar 14 kw/h.
48.000-BTU. Kveikja í
stillihnapp. Hitamælir.
Grillgrind er postulíns-
húðuð. 43x37 cm.
Hitaplata er postulíns-
húðuð. 43x39 cm.
Þrýstijafnari og
slanga fylgir.