Morgunblaðið - 04.06.2011, Qupperneq 28

28 FRÉTTIRErlent
MORGUNBLAÐIÐ LAUGARDAGUR 4. JÚNÍ 2011
Kristján Jónsson
kjon@mbl.is
Ratko Mladic, fyrrverandi yfirmaður herafla
Bosníu-Serba, kom fyrir stríðsglæpadómstól
Sameinuðu þjóðanna vegna ríkja gömlu Júgóslav-
íu í gær og sagði hann að ákærur á hendur sér um
þjóðarmorð og stríðsglæpi væru „viðbjóðslegar“.
Mladic sagðist hafa „varið land mitt og þjóð“ í
átökunum í Bosníu-Herzegóvínu 1992-1995 en
hafnaði boði um að lýsa sig strax saklausan.
Ekkjur og mæður fórnarlambanna 8.000 frá
Srebrenica í Bosníu fylgdust með réttarhöldunum
í Haag í gær á sjónvarpsskjám í heimalandi sínu.
Nokkrar þeirra voru við inngang dómshússins og
þegar ein þeirra náði augnsambandi við Mladic
dró hún fingur yfir barkann. Fanginn svaraði með
brosi. Karlmaður hélt á skilti með orðunum
„Mladic, slátrari Srebrenica“. Alphons Orie, for-
seti dómstólsins, las útdrátt úr ákærunni og
spurði síðan Mladic um afstöðu hans.
„Mig langar til að lesa og fara yfir þessar við-
bjóðslegu ákærur gegn mér, vil lesa þær yfir með
lögfræðingum mínum,“ sagði Mladic. Hann bað
um þolinmæði, sagðist þurfa meira en mánuð til að
fara yfir ákærurnar en samkvæmt lögum á hann
að svara ákærunni innan 30 daga. En geri hann
það ekki verður hann sagður hafa neitað ákæru-
atriðum og í framhaldi af því verða réttarhöld.
Talið er að þau gætu tekið nokkur ár.
Sagðist vera mjög veikur
Mladic sagðist vera mjög veikur maður. Lög-
maður hans í Serbíu, Milo Saljic, fullyrðir að Mla-
dic, sem er 69 ára, hafi fengið meðferð við krabba-
meini fyrir tveimur árum og nokkrum sinnum
heilablóðfall og hjartaáfall. En læknar dómstóls-
ins segja hann fullfæran um að koma fyrir réttinn.
„Slátrarinn“ hafnar ákærunum
 Mladic segist þurfa meira en mánuð til að fara yfir „viðbjóðslegar“ sakargiftir  Sagður hafa skipu-
lagt umsátrið um Sarajevo og fjöldamorðin í Srebrenica 1995  Réttarhöldin gætu tekið nokkur ár
Morðin í Srebrenica
» Allt að 8.000 múslímakarlar
og -drengir voru myrtir í
Srebrenica sem var byggð
múslímum en umkringd svæð-
um Bosníu-Serba.
» Áður höfðu vígamenn músl-
íma myrt um 1.000 Serba á
svæðinu og voru morðin sögð
vera hefndaraðgerð vegna
þeirra glæpa.
» 44 mánaða langt umsátur
um höfuðborgina Sarajevo
kostaði um 10.000 manns lífið.
Mladic var yfirmaður herjanna
sem sátu um hana.
Reuters
Haag Mladic hlýðir á dómara lesa ákæruna.
Svo getur farið
að Sameinuðu
þjóðirnar aflétti
að beiðni stjórnar
Hamids Karzais í
Kabúl alþjóð-
legum refsiað-
gerðum gegn
sumum af fyrr-
verandi leiðtog-
um talíbana í
Afganistan. Bandaríkjamenn og
Bretar styðja hugmyndina og þykir
þetta sýna að mikill áhugi sé á að
reyna að fá einhverja af leiðtogum
uppreisnarinnar til að semja um
frið.
Kosið verður um tillöguna 16.
júní. Um er að ræða 18 menn, þeim
er meinað að ferðast frítt og eignir
þeirra hafa verið frystar eins og
annarra talíbanaleiðtoga.
Einn 18-menninganna, Mohamm-
ed Qalamuddin, bannaði á sínum
tíma konum að farða sig og nota háa
hæla, einnig bannaði hann öllum
Afgönum að horfa á sjónvarp. Hann
er nú hættur hernaði og Karzai for-
seti skipaði hann í nefnd til að und-
irbúa friðarviðræður við talíbana.
Reyna að
koma á frið-
arviðræðum
Hamid Karzai
Ágætur markaður er fyrir manns-
hár í Bandaríkjunum og fleiri lönd-
um og hafa hárþjófar nú fært sig
mjög upp á skaftið, að sögn BBC.
Um er að ræða iðju sem er ábata-
samari en margan grunar.
Nýlega braust hárþjófagengi á
bíl inn í verslun sem selur alls kyns
fegurðaraukandi hluti í Atlanta,
þ.á m. mannshár sem mest er notað
í hárlengingu. Afraksturinn var
eingöngu hár, gengið vildi bara
hár. Selja má þýfið á 10.000 dollara
eða liðlega 1,1 milljón króna. Annar
réðst inn í hárgreiðslustofu í Hou-
ston og klófesti ekta indíánahár
fyrir 120.000 dollara.
Hártogun Sumar konur hafa greini-
lega af nógu að taka.
Þjófahendur
í hári fólks
Rómamenn þvo hestana sína í ánni Eden við Appleby í Cumbriu í Englandi í gær við upphaf fornfrægs
hestamóts sem fjölmargir rómamenn, öðru nafni sígaunar, sækja ár hvert. Sölusýningin í Appleby, þar sem
fram fer mikið hrossaprang, er sérstaklega vernduð með leyfi af hálfu Jakobs annars Bretakonungs frá
árinu 1685.
Nýþveginn hestur til sölu
Reuters
Kristján Jónsson
kjon@mbl.is
Fjárlög Evrópusambandsins eru
ávallt tilefni harðra átaka og svo
verður einnig í júlí þegar fjárlög fyr-
ir 2012 verða lögð fram, að sögn
óháðs, bresks vefjar, The Bureau of
Investigative Journalism. Fram-
kvæmdastjórnin fer fram á 4,9%
hækkun á fjárlögunum sem nú nema
117 milljörðum punda (liðlega 21
þúsund milljörðum ísl. króna), en á
sama tíma þurfa aðildarríkin að
grípa til harkalegs niðurskurðar.
Fjármál sambandsins hafa
lengi verið í ólestri. Þess má geta að
í fyrra tókst loks að fá endurskoð-
endur til að gefa rekstrinum heil-
brigðisvottorð, nokkuð sem ekki
hafði tekist í 16 ár í röð, svo margt
fannst þeim alltaf athugavert og
óljóst. En nú hefur áðurnefndur vef-
ur í samstarfi við blaðið Financial
Times svipt hulunni af bruðli fram-
kvæmdastjóranna 27.
Varið er milljónum evra ár
hvert í einkaþotur, veislur og mun-
aðarlíf á rándýrum hótelum út um
allan heim, framkvæmdastjórarnir
gáfu gestum sínum í Brussel skart-
gripi frá hinu fræga Tiffany’s í New
York. Jose Manuel Barroso, forseti
framkvæmdastjórnarinnar, dvaldi í
fjóra daga á svítu í New York, reikn-
ingur hans og átta aðstoðarmanna
var upp á 24.600 pund eða um 4,5
milljónir króna.
„Viðburður“ í Amsterdam á
vegum framkvæmdastjóranna, sem
sagður var í tengslum við vísindi,
innihélt m.a. „ólýsanlega undranótt
sem engu líkist...nýjustu hátækni,
ögrandi list, ásamt spennandi kokkt-
eilum, óvæntum skemmtiatriðum og
plötusnúðum í háklassa“. Móttakan
kostaði skattborgarana í aðildarríkj-
unum 66 þúsund pund, um 12 millj-
ónir króna. „Þetta gerir hyldýpið
milli borgaranna og skriffinnanna í
Brussel enn stærra og dýpra en
ella,“ segir Martin Ehrehauser,
austurrískur fulltrúi á þingi ESB.
Sukk og svall hjá fram-
kvæmdastjórum ESB?
Reuters
Glaður Jose Manuel Barroso þegar
hann tók við forsetaembætti 2004.
 Eyða milljónum evra í einkaþotur og lúxusveislur
Átökin í Jemen á sunnanverðum Ar-
abíuskaga harðna stöðugt og í gær
særðist hinn umdeildi forseti lands-
ins, Ali Abdullah Saleh, lítillega þeg-
ar uppreisnarmenn gerðu stórskota-
liðsárás á mosku við bækistöðvar
hans í höfuðstaðnum Sanaa.
Heimildarmenn segja að fulltrúar
Bandaríkjastjórnar leggi nú hart að
Saleh að fara frá en hann hefur verið
leiðtogi landsins í rúma þrjá áratugi.
John Brennan, ráðgjafi Baracks
Obama Bandaríkjaforseta í hryðju-
verkavörnum, hélt í gær til fundar
við ráðamenn í Sádi-Arabíu um
ástandið í Jemen en þar búast menn
nú við að borgarastyrjöld skelli á.
Sádi-Arabar eru sagðir hikandi við
að hætta stuðningi við Saleh.
Fjórir af hermönnum Saleh féllu í
árásinni í gær og forsætisráð-
herrann og forseti þingsins voru
sagðir hafa særst. Mennirnir voru
við bænahald þegar árásin var gerð.
Liðsmenn ættbálks, sem sjeikinn
Sadiq al-Ahmar stýrir, hafa und-
anfarna daga barist hart við örygg-
issveitir forsetans í Sanaa.
Ásakanir á víxl
Stjórnvöld sögðu ættbálkinn bera
ábyrgð á atlögunni í gær, al-Ahmar
vísaði því á bug. Skömmu áður höfðu
stjórnarhermenn gert sprengjuárás
á heimili bróður al-Ahmars, sá er
leiðtogi stærsta stjórnarand-
stöðuflokksins.
Talið er að um 60 manns hafi fallið
síðan á þriðjudaginn. Mótmælin
gegn Saleh hafa staðið yfir síðan í
janúar. Jemen er meðal fátækustu
ríkja í heimi, þar búa um 25 milljónir
manna. kjon@mbl.is
Forseti
Jemens
særðist
Reuters
Uppreisn Andstæðingar Saleh for-
seta á útifundi í Sanaa í gær.
 Bandaríkjamenn
vilja að Saleh fari frá
Skannaðu kóðann til að lesa
um handtökuna og mála-
reksturinn gegn Mladic.