Morgunblaðið - 06.06.2011, Qupperneq 2

2 FRÉTTIRInnlent
MORGUNBLAÐIÐ MÁNUDAGUR 6. JÚNÍ 2011
Bíldshöfða 18 | Sími 567 1466 | Opið frá kl. 8–22
Morgunblaðið Hádegismóum 2, 110 Reykjavík. Sími 5691100 Fréttir ritstjorn@mbl.is Fréttastjórar Sunna Ósk Logadóttir, sunna@mbl.is Sigtryggur Sigtryggsson, sisi@mbl.is Viðskipti vidsk@mbl.is
Ívar Páll Jónsson, fréttastjóri, ivarpall@mbl.is Menning menning@mbl.is Umræðan | Bréf til blaðsins | Minningar mbl.is/sendagrein, Arnór Ragnarsson Íþróttir sport@mbl.is Víðir Sigurðsson,
vs@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is Marta María Jónasdóttir fréttastjóri dægurmála martamaria@mbl.is Prentun Landsprent ehf.
Börkur Gunnarsson
borkur@mbl.is
Áætlaður er þingflokksformanna-
fundur fyrir hádegi í dag þar sem
reynt verður að ná samkomulagi um
lok þingsins sem áætluð eru á
fimmtudaginn. Óvenjumörgum mál-
um er ólokið í þinginu þegar aðeins
nokkrir dagar eru til stefnu. Gjald-
eyrishöftin, hið umdeilda sjávarút-
vegsmál og bandormurinn út af
kjarasamningunum eru aðeins nokk-
ur dæmi um stór mál sem eru óaf-
greidd. Sigurður Kári Kristjánsson
alþingismaður segir að algengt sé að
mál hlaðist upp í lok þingsins. „En
óstjórnin hefur aldrei verið eins og
núna, ég hef aldrei séð annað eins,“
segir Sigurður Kári.
Jóhanna Sigurðardóttir forsætis-
ráðherra gaf í skyn í síðustu viku að
það þyrfti að halda sumarþing til að
klára þessi stóru mál. En þegar
hlustað er á fulltrúa annarra flokka
verður að teljast ólíklegt að mikill
vilji sé fyrir því. Ragnheiður Elín
Árnadóttir, formaður þingflokks
sjálfstæðismanna, segir það „galið“
að koma með þetta frumvarp í sjáv-
arútvegsmálunum tveimur mánuðum
eftir lokafrest til að leggja til ný þing-
mál og rétt fyrir lok þingsins ef ætl-
unin hafi verið sú að koma því í gegn
núna. Þuríður Backman, þingflokks-
formaður Vinstri grænna, segir að
það sé mjög óheppilegt að svona stórt
mál eins og frumvarpið um sjávarút-
vegsmálin skuli koma svona seint.
„Það frumvarp er ekkert að fara að
afgreiðast núna á vorþingi,“ segir
Þuríður. Sjávarútvegsfrumvarpinu
er skipt í tvö mál sem eru kölluð
stóra og litla frumvarpið, annars veg-
ar kerfisbreytingarnar í því stærra
en úthlutanir og veiðigjald í því litla.
Sátt verður að nást í hinu svokallaða
litla frumvarpi þar sem það fjallar
um úthlutanir á kvóta fyrir næsta ár.
„Þótt það sé kallað litla frumvarpið
er það hreint ekkert svo lítið, þar eru
ýmis stór atriði eins og til dæmis
stórfelld hækkun á veiðigjaldinu og
aðrar kerfisbreytingar sem ættu að
liggja til grundvallar heildarniður-
stöðu,“ segir Ragnheiður Elín.
„Það er enginn óbrjálaður maður
sem heldur að þetta stóra frumvarp
sjávarútvegsmála fari í gegn núna,“
segir Gunnar Bragi Sveinsson, for-
maður þingflokks framsóknar-
manna, „og í sjálfu sér ekkert ljóst
með það litla heldur, enda getur
ráðherrann úthlutað kvóta án þess
að þetta litla frumvarp fari í gegn.
Okkur finnst hækkanir í strand-
veiðum og byggðakvóta út úr öllu
korti eins og það kemur fram í
frumvarpinu.“
Flestum sem rætt var
við fannst ólíklegt að af
sumarþingi yrði. Þuríður
Backman vildi líka meina
að það sé ekki einsdæmi
að mörg mál séu óaf-
greidd í lok þings-
ins.
Sumarþing ekki talið líklegt
 Þuríður Backman, VG, segir sjávarútvegsmálið ekki verða afgreitt á þessu vor-
þingi  „Óstjórnin aldrei verið eins og núna“  Mikill fjöldi ókláraðra þingmála
Enginn óbrjálaður
maður heldur að
þetta stóra frum-
varp fari í gegn.
Gunnar Bragi Sveinsson
Árlegur handverksdagur Heimilisiðnaðarfélags
Íslands var í Árbæjarsafni í gær. Félagsmenn
sýndu margvíslegt handverk, t.a.m. baldýringu,
útsaum, knipl, perlusaum, tóvinnu, spjaldvefnað,
rússneskt hekl og sauðskinnsskógerð. Bjarni
Þór Kristjánsson hamraði járnið í eldsmiðjunni.
Járnið hamrað heitt á handverksdeginum
Morgunblaðið/Árni Sæberg
„Þetta skiptir máli upp á það að skilja
betur eðlisfræði gosmakka, hvernig
þeir rísa og hvað gerist. Það eru til
ákveðin fræðileg líkön um hvernig
hreyfingin á að vera en hingað til hafa
ekki verið almennilegar mælingar á
því,“ segir Halldór Björnsson veður-
fræðingur. Hann mun í dag, ásamt
Sindra Magnússyni stærðfræðingi,
flytja erindi um það hvernig má
reikna vindsnið út frá mekki Eyja-
fjallajökulsgossins í fyrra.
„Við erum með myndir, teknar á 5
sek. fresti, af mekkinum úr mastri
Mílu á Hvolsvelli. Út frá þeim má
mæla hraða uppstreymis á bólstrun-
um og líka vindhraðann almennt og
þá erum við búnir að breyta þessu
gosi í vindsniðsmæli. Þegar gos-
mökkur kemur út er hann miklu
þyngri en loftið í kring. Hann rís upp
í andrúmsloftið, sogar í sig loft sem
snögghitnar og þenst út. Blandan
verður þá léttari en loft og hann rís
eins og hefðbundið uppstreymi. Það
fer eftir því hversu mikill hiti er í hon-
um hversu hátt upp hann nær. Í
Eyjafjallagosinu fór hann aldrei mik-
ið yfir 5-10 km. En í Grímsvatnagos-
inu fór hann upp fyrir 20 km og það
er mjög erfitt að koma gosmekki það
hátt á okkar slóðum,“ segir Halldór
og bætir við að Eyjafjallagosið sé
sennilega eitt best ljósmyndaða gos í
heimi og sé það forsendan fyrir því að
þeir geti unnið þetta verkefni.
Erindið verður flutt á vorþingi
Veðurfræðifélagsins sem hefst í dag
kl. 13 í Orkugarði að Grensásvegi 9.
ingveldur@mbl.is
Nota myndir af Eyjafjalla-
gosinu sem vindsniðsmæli
Morgunblaðið/Helgi Bjarnason
Eyjafjallajökull Gosmökkinn má
nota sem vindsniðsmæli.
Flugvirkjafélag
Íslands sat eitt við
samningaborðið í
Karphúsinu í gær.
Um kvöldmatar-
leytið voru þeir
ekki búnir að ná
samkomulagi við
Samtök atvinnu-
lífsins um nýja
kjarasamninga.
Aðfaranótt laugardagsins und-
irritaði Félag íslenskra hjúkr-
unarfræðinga og samninganefnd
ríkisins nýjan kjarasamning eftir
rúmlega þrettán klukkustunda
samningalotu. Eru þeir samningar á
sambærilegum grunni og kjara-
samningar á almennum markaði.
Þörungaverksmiðjan á Reykhólum
náði einnig samningi um helgina við
Verkalýðsfélag Vestfirðinga.
Mikið verður um að vera hjá ríkis-
sáttasemjara í dag þegar viðræður
halda áfram af fullu kappi. Þá verða
m.a. í Karphúsinu: ISAL, Félag ís-
lenskra atvinnuflugmanna, Banda-
lag háskólamanna, Starfsgreina-
sambandið og Samband
sveitarfélaga.
Áfram er
samið í
karphúsi
Frá undirritun
kjarasamninga.
 Tveir samningar
undirritaðir um helgina
„Það var hringt í okkur um sjö-
leytið á föstudagskvöldið fyrir
sjómannadaginn og við vorum
boðaðir á fund nefndarinnar á
mánudagsmorgni til að koma
með umsögn um frumvarpið,“
segir Friðrik Arngrímsson, fram-
kvæmdastjóri LÍÚ. „Þetta eru
náttúrlega óboðleg vinnubrögð.
En þetta er í takt við mála-
tilbúnaðinn eins og hann hefur
verið hjá ríkisstjórninni allan
tímann. Frumvarpið hefur verið
unnið algjörlega án þess að
hagsmunaaðilar kæmu að því.
Nú er búið að leggja fram tvö
frumvörp án þess að það hafi
verið metið hvaða afleiðingar
þetta hefur fyrir atvinnugrein-
ina,“ segir Friðrik.
Óboðleg
vinnubrögð
UMSAGNIR HAGSMUNA-
AÐILA FRUMVARPSINS
Friðrik Arngrímsson