Morgunblaðið - 07.06.2011, Blaðsíða 7
FRÉTTIR 7Innlent
MORGUNBLAÐIÐ ÞRIÐJUDAGUR 7. JÚNÍ 2011
Samfélagsstyrkir
Landsbankans
landsbankinn.is 410 4000Landsbankinn
Samfélagssjóður Landsbankans hefur það hlutverk að
styrkja verðug verkefni. Veittir verða ferns konar styrkir
á hverju ári: námsstyrkir, samfélagsstyrkir, nýsköpunar-
og sprotastyrkir og umhverfisstyrkir.
Samfélagsstyrkir
Samfélagssjóður hyggst veita 35 samfélagsstyrki til mannúðar-,
menningar- og menntamála, samtals að upphæð 15.000.000 kr. Umsókn-
arfrestur er til 1. september 2011. Styrkir skiptast með eftirfarandi hætti:
5 styrkir að upphæð 1.000.000 kr. hver.
10 styrkir að upphæð 500.000 kr. hver
20 styrkir að upphæð 250.000 kr. hver.
Verkefni sem einkum koma til greina eru:
verkefni mannúðarsamtaka og góðgerðarfélaga
verkefni á sviði menningar og lista
menntamál, rannsóknir og vísindi
forvarnar- og æskulýðsstarf
sértæk útgáfustarfsemi
Umsóknarfrestur vegna samfélagsstyrkja er til og með 1. september 2011
(póststimpill gildir). Dómnefndir eru skipaðar fagfólki á hverju sviði.
Sækja verður um styrkina sérstaklega og senda umsókn merkt:
Samfélagsstyrkir, Landsbankinn, Austurstræti 11, 155 Reykjavík.
Ingveldur Geirsdóttir
ingveldur@mbl.is
Nýtt frumvarp um breytingar á fisk-
veiðistjórnunarkerfinu verður lagt
fyrir Alþingi í október. Stóra frum-
varpið svonefnda var tekið af dag-
skrá Alþingis í gær. Nýja frumvarpið
mun byggja á því sem nú var til um-
ræðu að sögn Lilju Rafneyjar Magn-
úsdóttur, formanns sjávarútvegs- og
landbúnaðarnefndar.
„Málið verður ekki sett á dagskrá
septemberþingsins. Núna fer frum-
varpið í hefðbundinn umsagnarferil.
Nefndin kemur saman síðla sumars
og fer yfir þessar umsagnir og vinnur
úr þeim. Svo er verið að bíða eftir
skýrslu vegna hagrænna áhrifa á
þjóðfélagið og við gætum trúlega
fengið fleiri skýrslur eins og t.d.
varðandi samfélagsleg áhrif frum-
varpsins.
Allar umsagnirnar munu nýtast til
gerðs nýs frumvarps og það kemur
nýtt fram á nýju þingi. Þetta verður
nýtt frumvarp í október en byggir
auðvitað á grunni þess sem er núna
verið að senda út til umsagnar,“ seg-
ir Lilja Rafney. Hún segist hafa átt
von á því að stóra frumvarpið um
breytingar á fiskveiðistjórnunar-
kerfinu yrði tekið af dagskrá þessa
þings. „Það kom ekki á óvart að það
færi í þennan farveg því það kom það
seint fram.“
Friðrik J. Arngrímsson, fram-
kvæmdastjóri LÍÚ, er hóflega bjart-
sýnn á að frumvarpið verði betra í
haust. „Ég held að það þurfi margt
að breytast í röðum Samfylkingar-
innar sérstaklega til þess að maður
geti verið bjartsýnn. Hingað til hefur
ekki verið hlustað á neitt en auðvitað
vonumst við til að menn sjái að sér,“
segir Friðrik. Hann vill sjá minna
fiskveiðifrumvarpið, sem er nú í
meðförum sjávarútvegsnefndar, fara
sömu leið og það stóra. „Það á að
taka þetta allt í eina heildarendur-
skoðun og gefa sér tíma til að vinna
þetta almennilega. Við óskum eftir
að það sé unnið faglega og að breyt-
ingarnar verði til góðs. Ekki eins og
þessi tvö frumvörp sem eru mikil
afturför varðandi fiskveiðistjórnun á
Íslandsmiðum og á rekstrarskilyrð-
um atvinnugreinarinnar.“
Nýtt frumvarp á nýju þingi
Stóra fiskveiðifrumvarpið var tekið af dagskrá Alþingis í gær Nýtt frumvarp kemur fram á nýju
þingi í október Framkvæmdastjóri LÍÚ er hóflega bjartsýnn á að frumvarpið verði betra í haust
Morgunblaðið/Kristinn
Alþingi Stærra fiskveiðistjórnarfrumvarpið var tekið af dagskrá þingsins.
Sjávarútvegsfrumvarpið
» Skipt í stóra og litla frum-
varpið. Kerfisbreytingarnar eru
í því stærra en úthlutanir og
veiðigjald í því litla.
» Tillögur að stærra frumvarp-
inu voru fyrst kynntar opin-
berlega 19. maí. Það var tekið
af dagskrá Alþingis í gær eftir
að ljóst var orðið að ekki næð-
ist að klára það fyrir sumarfrí.
» Nýtt frumvarp verður unnið í
sumar, á grunni þess gamla, og
lagt fyrir nýtt þing í október.
„Það er mín skoðun að þetta laga-
frumvarp eigi sér fáa líka í flokki
óvandaðra lagafrumvarpa á sviði ís-
lenskrar fiskveiðistjórnar.“ Svo ritar
Helgi Áss Grétarssonar, sérfræðing-
ur í fiskveiðistjórnarkerfum við
Lagastofnun Háskóla Íslands, í um-
sögn sinni um litla frumvarpið um
breytingar á fiskveiðistjórnarkerf-
inu. Fundað var
um frumvarpið í
landbúnaðar- og
sjávarútvegs-
nefnd í gærkvöldi
og er stefnt að því
að klára málið
fyrir þinglok.
Miðað við um-
sögn Helga, sem
er tólf blaðsíður,
er margt eftir
óunnið.
Niðurstöðuna byggir Helgi á
nokkrum veigamiklum ástæðum
sem hann tekur saman. Hann segir
efni frumvarpsins ekki styðjast við
þær skýrslur og rannsóknir sem
gerðar hafa verið á mögulegum af-
leiðingum stefnu ríkisstjórnarflokk-
anna um fyrningu aflaheimilda.
„Frumvarpstillögurnar eru t.d. í
engu samræmi við þær hugmyndir
sem ræddar voru í starfshópi þeim
sem skilaði skýrslu til sjávarútvegs-
og landbúnaðarráðherra í byrjun
september 2010. Tillögurnar eru í
reynd nýjar af nálinni og hafa fengið
takamarkaða umfjöllun í samfélag-
inu. Þrátt fyrir að frumvarpstextinn
sé afar tyrfinn og efni tillagnanna
flókið á að ljúka afgreiðslu málsins á
Alþingi á skömmum tíma. Þessi
vinnubrögð á að viðhafa þótt mark-
miðin með frumvarpstillögunum séu
óljós og útfærsla þeirra óglögg.
Mögulegar afleiðingar frumvarpstil-
lagnana voru lítt metnar áður en þær
voru settar fram. Þessu til viðbótar
eru margvíslegir lagatæknilegir
gallar á frumvarpinu,“ ritar Helgi í
fyrstu athugasemdinni.
Vinnubrögð við frumvarpið eru
ekki í samræmi við það vinnulag sem
almennt er mælt með í Handbók
stjórnarráðsins um lagafrumvörp og
bendir Helgi á að einstök ákvæði
frumvarpsins gætu brotið í bága við
grundvallarreglur stjórnarskrárinn-
ar. Í annarri athugasemd segir: „Það
er mitt mat að tiltekin atriðið í 1. gr.,
2. gr., 5 gr. og 7. gr. frumvarpsins
kunni ein og sér, eða metin í heild, að
brjóta í bága við grundvallarreglur
stjórnarskrárinnar um eignarrétt,
atvinnufrelsi, jafnræði og meðalhóf.
[…] Hér verður einnig til þess að líta
að mat á almannahagsmunum virðist
lítt eða ekki hafa farið fram við gerð
frumvarpsins.“
Athugasemdir eru gerðar við
marga liði og meðal annars nefnt að
með einu ákvæði sé Alþingi að senda
þau skilaboð að forsvaranlegt sé að
heimila umtalsverðar veiðar umfram
aflaráðgjöf fiskifræðinga. Helgi seg-
ir að breytingar á fiskveiðstjórnar-
kerfinu muni hafa efnahagslegar af-
leiðingar en í undirbúningsgögnum
frumvarpsins séu þær ekki metnar
að neinu marki fyrir fram sem telja
verði til lagalegra annmarka. Hann
bendir á að aukin hætta verði á hags-
munaárekstrum og geðþóttaákvörð-
unum hafi sveitarstjórnir heimildir
til að úthluta byggðakvótum, eins og
lagt er til í frumvarpinu.
„Í þessari umsögn eru gerðar al-
varlegar athugasemdir við nánast öll
ákvæði frumvarpsins. Lagt er því til
að frumvarpið í heild verði fellt eða
þá að það taki verulegum breyting-
um í meðförum þingsins,“ endar
Helgi umsögnina á. ingveldur@mbl.is
Leggur til að
frumvarpið í
heild verði fellt
Segir litla kvótafrumvarpið óvandað
Morgunblaðið/Skapti Hallgrímsson
Fiskveiðar Gerðar eru alvarlegar
athugasemdir við kvótafrumvarpið.
Helgi Áss
Grétarsson