Morgunblaðið - 07.06.2011, Blaðsíða 12

12 FRÉTTIRInnlent
MORGUNBLAÐIÐ ÞRIÐJUDAGUR 7. JÚNÍ 2011
Kristján H. Johannessen
khj@mbl.is
Í Víðistaðaskóla í Hafnarfirði er tek-
ist á við hegðunarerfiðleika barna og
unglinga með markvissum hætti
samkvæmt ákveðnu kerfi sem á ræt-
ur að rekja til Bandaríkjanna. Kerfið
hefur þar og víðar skilað góðum og já-
kvæðum árangri og þegar má sjá ár-
angur af notkun þess í Hafnarfirði.
Kerfið byggist á kennslu í skólafærni
sem og þjónustu og stuðningi við
börn jafnt sem foreldra þeirra. Í gær
varð Víðistaðaskóli sjálfstætt starf-
andi SMT-skólafærniskóli og var
haldið upp á viðburðinn með hátíð-
legri athöfn þegar nemendur og
kennarar komu saman við skólann og
fengu afhentan SMT-fánann.
Upphaf málsins má rekja aftur til
ársins 2000, þegar skólaskrifstofa
Hafnarfjarðar hóf í samstarfi við fé-
lagsþjónustu og heilsugæslu að vinna
að markvissri lausn á hegðunarerfið-
leikum barna og ungmenna.
Erlend fyrirmynd
Var m.a. litið til þess hvernig mál-
um er háttað í nágrannalöndunum og
kom þá í ljós að skólar í Noregi voru
að innleiða kerfi sem átti uppruna
sinn í Oregon-ríki í Bandaríkjunum.
Vestanhafs hefur kerfið verið við lýði
um árabil og skilað góðum árangri.
Var því tekin ákörðun um að innleiða
kerfi er kallast PMT á ensku, eða
Parent Management Training. Um
framkvæmd innleiðingarinnar segir
Anna María Frímannsdóttir, sálfræð-
ingur hjá PMT-foreldrafærni á Skrif-
stofu Hafnarfjarðar, að Margrét Sig-
marsdóttir, sálfræðingur og verk-
efnisstjóri, hefði farið til Oregon-ríkis
og kynnt sér aðferðina til að geta haf-
ið undirbúning innleiðingar hennar
hérlendis. Um tvíþætta þjónustu er
að ræða, segir Anna María. Annars
vegar er um að ræða PMT sem er
þjónusta við foreldra og þá einkum þá
foreldra sem eiga börn sem glíma við
hegðunarvandamál.
Gefur sú þjónusta foreldrum færi á
að sækja ráðgjöf um hvernig taka
beri á hegðunarvanda barna en einn-
ig er í boði foreldranámskeið sem
veitir foreldrum ítarlegri aðstoð.
Hins vegar er um að ræða SMT, sem
innleitt var hér á landi árið 2002, og
mætti kalla hina hafnfirsku útgáfu af
því sem vestanhafs nefnist Positive
Behavior Support, og eru helstu
markmið þess að aðstoða skólasam-
félagið við að skapa jákvætt and-
rúmsloft innan veggja skólans ásamt
því að draga stórlega úr hegðunar-
frávikum nemenda. Er nemendum
kennd jákvæð hegðun í samskiptum
við samnemendur og starfsfólk skól-
ans og markvisst er unnið að því að
ýta undir slíka hegðun. Anna María
segir starfsfólk og kennara hafa hlot-
ið þjálfun í að þekkja og bregðast við
einkennum hegðunarvandamála til að
geta spornað gegn áframhaldandi
þróun í þeim efnum, því ljóst þykir að
ef ekkert er aðhafst geti sú hegðun
þróast út í meiri og alvarlegri and-
félagslega hegðun.
SMT komið til að vera
Undanfarin ár hafa skólar í Hafn-
arfirði tileinkað sér kerfið með góðum
árangri sem lýsir sér m.a. í aukinni
námsgetu barna, jákvæðara skóla-
umhverfi og færri alvarlegum hegð-
unaratvikum. Í skólum eru hegð-
unarfrávik skráð og í úttekt sem gerð
var mátti glöggt sjá að skráðum til-
fellum hefur fækkað eftir að skólar
hófu að vinna eftir SMT-skólafærni-
aðferðinni og því sé ljóst að marktæk-
ur árangur hafi náðst. Anna María
bendir á að talsverður áhugi sé á
SMT-skólafærni í grunnskólum
landsins og nefnir sem dæmi að skól-
ar á Akureyri hafi nú þegar tileinkað
sér þessa aðferð. „Við finnum að
þetta er að breiðast út.“
Kenna börnum jákvæða hegðun
Morgunblaðið/Eggert
Skólafærni Þegar ljósmyndara Morgunblaðsins bar að garði voru nemendur að dást að hinum nýfengna SMT-fána
á skólalóðinni. Líkt og góðum nemendum sæmir vildu þau hjálpast að við að draga fánann að húni.
 Víðistaðaskóli í Hafnarfirði orðinn sjálfstæður SMT-skólafærniskóli að bandarískri fyrirmynd
 Nemendur læra skólareglur líkt og stærðfræði í kennslustundum og foreldrarnir fá stuðning
Önundur Páll Ragnarsson
onundur@mbl.is
Skattalegt uppgjör fyrirtækja frá fyrra ári verður notað
til að meta skattstofn auðlegðarskatts frá og með álagn-
ingu árið 2012. Þetta felst í breytingartillögu meirihluta
efnahags- og skattanefndar Alþingis við frumvarp fjár-
málaráðherra um aðgerðir í ríkisfjármálum, bandorminn
svokallaða.
Í áttundu grein frumvarpsins var upphaflega lagt til að
í stað þess að miða ákvörðun auðlegðarskattsstofns við
raunvirði hlutabréfa (hlutdeild í skattalegu bókfærðu
eigin fé) skyldi miða við stofnverð, þ.e. kostnaðarverð
hlutabréfa við kaup þeirra eða stofnun félagsins.
Erfitt að meta raunvirði hlutabréfa
Í athugasemdum við þá grein kom fram að ástæða þess
að breyta ætti fyrirkomulagi auðlegðarskattsins væri að
erfitt hefði reynst að meta raunvirði bréfanna.
Eins og Morgunblaðið greindi frá fyrir rúmri viku
sagði ríkisskattstjóri í umsögn sinni um 8. greinina að
þar væri verið að „breyta grundvelli skattlagningar auð-
legðarskatts með mjög róttækum hætti og í raun verið að
kollvarpa því kerfi sem komið var á við lögfestingu auð-
legðarskatts“.
Ríkisskattstjóri féllst þannig ekki á að það sjónarmið,
að erfiðleikar við að meta raunvirðið gætu réttlætt hinar
róttæku breytingar sem frumvarpið í sinni upprunalegu
mynd kveður á um.
Skatturinn lagður á í einu lagi
Að fenginni umsögn frá fjármálaráðuneytinu leggur
meirihluti efnahags- og skattanefndar því til að
auðlegðarskatturinn verði ekki lagður á í tvennu lagi, þ.e.
á nettóeignir aðrar en eigið fé á 1. ári og síðan eigið fé á 2.
ári, heldur í einu lagi.
„Það mun hafa í för með sér að matið á nettóeignum í
formi eigin fjár/hlutafjár byggist á skattalegu uppgjöri
fyrirtækja einu ári fyrr. Þannig verður mat á skattalegu
eigin fé fyrirtækja, við álagningu árið 2012, byggt á
skattalegu uppgjöri fyrirtækja vegna rekstrarársins
2010 og skattlagt með annarri nettóeign aðila eins og hún
stóð í árslok 2011,“ segir í áliti meirihluta nefndarinnar.
Vilja breyta ákvæðum
um auðlegðarskattinn
 Miðað er við skattalegt uppgjör fyrirtækja frá fyrra ári
Morgunblaðið/Golli
Auðlegð Ákvæðum frumvarpsins um álagningu auð-
legðarskatts verður breytt, nái tillagan fram að ganga.
Sigurður Björgvinsson, skólastjóri
Víðistaðaskóla, segist vera mjög
ánægður með þann árangur sem
náðst hefur með SMT-skólafærni-
kerfinu. Í upphafi hafi verið um að
ræða samvinnu Víðistaðaskóla og
Lækjarskóla í Hafnarfirði við Há-
skólann í Eugene í Bandaríkjunum
og hafi það samstarf reynst mjög
vel. Sigurður segir að „þetta gangi
út á jákvætt inngrip í hegðun, þar
sem nemendum er kennt að fara
eftir skólareglum.“
Víðistaðaskóli hefur ávallt unnið
vel að agamálum í gegnum tíðina
og á sínum tíma
hafi skólinn ver-
ið að fara yfir
sín agamál þeg-
ar Margrét Sig-
marsdóttir sál-
fræðingur bauð
skólanum að
taka þátt í
þessu verkefni.
„Við höfum notast við SMT-
kerfið síðan árið 2002 og gengið
mjög vel,“ segir Sigurður og bætir
við að kerfið hafi breytt miklu og
bætt námsárangur nemenda.
Ánægður með árangurinn
SKÓLAFÆRNIKERFIÐ HEFUR BREYTT MIKLU
„Þetta var erfiður dagur, það verð-
ur að viðurkennast. Við vorum með
rokið í fangið eiginlega allan tím-
ann. Örugglega 15 til 25 metrar á
sekúndu,“ segir Signý Gunnars-
dóttir sem ásamt manni sínum
Sveini Benedikt Rögnvaldssyni og
systur Sveins og mági, Ölmu Maríu
Rögnvaldsdóttur og Guðmundi
Guðnasyni, hleypur nú hringinn í
kringum landið til að safna áheitum
fyrir Styrktarfélag krabbameins-
sjúkra barna.
Í gær hlupu þau frá Hnappavöll-
um, sem er miðsvegar milli Kirkju-
bæjarklausturs og Hafnar, til Hafn-
ar í Hornafirði. Þau voru komin á
áfangastað klukkan fimm síðdegis.
„Við komum við á Brunnhóli og
keyptum ís og erum að borða hann
núna. Þetta er víst besti ís á land-
inu,“ sagði Signý í gærkvöldi. Þeim
veitir víst ekki af orkunni því í dag
hlaupa þau frá Höfn á Djúpavog.
Fylgjast má með hlaupurunum á
www.mfbm.is og Facebook. Þar má
líka sjá upplýsingar um hvernig má
styrkja þau.
Morgunblaðið/Golli
Meðan fæturnir bera mig Alma María Rögnvaldsdóttir við Jökulárslón.
Með rokið í fangið
leiðina til Hafnar
 Hlaupa í dag frá Höfn til Djúpavogs
Delia Howser, foreldri barns í
Víðistaðaskóla, segist almennt
vera ánægð með SMT-
skólafærnikerfið. „Viðhorf mitt
gagnvart þessu kerfi er mjög já-
kvætt, þetta veitir krökkunum
skýran ramma og um er að
ræða einfaldar reglur,“ segir
Delia. Hún hefur þó orðið vör
við að þeir nemendur sem al-
mennt eru prúðir í hegðun eigi
það til að gleymast. „Það sem
mér finnst miður við þetta kerfi
er að þeir nemendur sem eru
stilltir fá ekki nógu mikla umb-
un fyrir góða hegðun sökum
þess hve lítil áreynsla er til
staðar,“ segir Delia. Meira
mætti því vera um umbun fyrir
jákvæða hegðun nemenda.
„Það er mikill
munur“
REYNSLA FORELDRIS