Morgunblaðið - 07.06.2011, Blaðsíða 29
Morgunblaðið/Ernir
Þverskurður „Sex pör er verulega gott framlag til íslenskrar danslistar sem og íslenskrar tónsköpunar. “
Sex pör eru sex íslensk dans-og tónverk sem samin voru ínánu samstarfi tónskálda ogdanshöfunda. Sex íslenskir
danshöfundar og sex tónskáld unnu
saman í pörum og hvert par flutti eitt
nýtt verk. Voru þau frumflutt hinn
31. maí í Tjarnarbíói. Sex pör er sam-
starfsverkefni Listahátíðar og RÚV.
Verkin voru sýnd aðeins einu sinni á
Listahátíð, en samstarfsferli lista-
mannanna, ásamt verkunum sjálfum,
voru fest á filmu fyrir sjónvarpsþætti
í umsjón Jónasar Sen og Jóns Egils
Bergþórssonar sem sýndir verða í
sjónvarpinu á næsta ári.
Hvert par flutti eitt verk. Í flestum
verkunum var dansað við upptökur
af tónlistinni. Erna Ómarsdóttir og
Ólöf Arnalds gerðu þó tilraun til að
brjóta upp formið með því að tvinna
saman dansinn og tónlistina. Verk
þeirra nefndist Íslenska tungan og
var tunga Ernu notuð sem verkfæri
til að skapa dansinn og tónlistina.
Ólöf og Erna voru báðar inni á svið-
inu og spilaði Ólöf einnig hljóð úr
tölvu. Íslenska tungan var ólík hinum
verkunum og skar sig úr, en það
hefði verið hægt að taka hugmyndina
lengra og vinna hana betur. Til að
mynda hefði verið áhugavert að nýta
betur viðveru Ólafar á sviðinu.
Það sama má þó segja um flest
verkanna, að þau minntu frekar á
hugmynd en fullbúið verk. Í mörgum
þeirra hefði verið hægt að ganga enn
lengra varðandi úrvinnslu efnis og
oft vantaði töluvert upp á heildar-
mynd verkanna. Sex pör sýnir því
vissulega fram á hversu vandasamt
það er að semja svo stutt dansverk
og voru því flest verkin svokölluð
stemnings- eða þemaverk en ekki
borin uppi af söguþræði. Í verki
Daníels Bjarnasonar og Margrétar
Bjarnadóttur, Smáljón í sjónmáli,
tókst þó einkar vel að skapa hrífandi
stemningu sem krafðist ekki fram-
vindu.
Í sýningunni Sex pör ægði saman
ólíkum stefnum og straumum dans-
listar. Tónlist verkanna var einnig af
mjög ólíkum toga þrátt fyrir að það
mætti finna tregablandinn undirtón í
flestum verkunum. Tónlist Þórarins
Guðnasonar sem hann samdi fyrir
dansverk Sigríðar Soffíu Níels-
dóttur; Bergmál, skar sig þó töluvert
úr. Hraði og ákveðinn húmor ein-
kenndi tónlistina, sem stóð vel undir
hreyfiformum Sigríðar Soffíu. Þrátt
fyrir hrynfestuna var einnig að finna
alvarlegan undirtón sem og í öllum
verkum kvöldsins.
Mjög vel var staðið að vali paranna
en Sex pör er góður þverskurður af
því helsta sem á sér stað í íslenskum
samtímadansi.
Sex pör er verulega gott framlag
til íslenskrar danslistar sem og ís-
lenskrar tónsköpunar. Sem kynning
á íslenskri dansflóru var sýningin vel
heppnuð og hentug og hefði því verið
gaman ef fleiri áhorfendur hefðu
fengið tækifæri til að upplifa hana.
Það verður spennandi að sjá hvernig
Ríkissjónvarpinu tekst til við úr-
vinnslu efnisins. Vonandi verða þætt-
irnir skref í átt að því að gera ís-
lenskri danslist hærra undir höfði og
draga fram mikilvægi þess að lista-
menn úr ólíkum greinum sameini
krafta sína.
Frekar hugmyndir
en fullbúin verk
Sex pör bbbnn
Sex íslensk dans- og tónverk samin í
samstarfi tónskálda og danshöfunda.
Flutt í Tjarnarbíói 31. maí. Samstarfs-
verkefni Listahátíðar og RÚV.
MARGRÉT
ÁSKELSDÓTTIR
DANS
MENNING 29
MORGUNBLAÐIÐ ÞRIÐJUDAGUR 7. JÚNÍ 2011
Undanfarin fjögur ár hefur ljósmyndarinn Svavar Jón-
atansson ferðast reglulega með vöruflutninga- og hóp-
ferðarbifreiðum um landið og ljósmyndað landslagið út
um hliðarrúðuna á nokkura sekúndna fresti. Myndirnar
eru alls orðnar ríflega 200.000, en síðan hefur hann val-
ið úr þeim myndum í myndbandsverk, eins og til að
mynda í verkið Innland/Útland-Ísland, en í því eru
40.000 ljósmyndir í hreyfimyndarformi með frumsam-
inni tónlist Daníels Ágústs Haraldssonar, en flytjendur
með honum eru Davíð Þór Jónsson og Matta Kallio.
Að sögn Svavars hefur verkið verið sýnt víða um
land, en einnig sýndi hann það í Kanada á síðasta ári. Í
júní sýnir hann svo sérunnin verk frá svæðum
Vatnajökulsþjóðgarðs og Snæfellsjökulsþjóðgarðs í
gestastofum þjóðgarðanna á hvorum stað. Sýningin í
Skaftafelli, sem var opnuð 4. júní síðastliðinn og stend-
ur fram á haust, er í samstarfi við Vatnajökulsþjóðgarð
og styrkt af Vinum Vatnajökuls.
Sýningin á Snæfellsnesi, í gestastofu Snæfellsjökuls-
þjóðgarðs að Hellnum, sem er í samstarfi við Snæfells-
jökulsþjóðgarð og styrkt af Menningarráði Vestur-
lands, verður svo opnuð 22. júní næstkomandi í tilefni
10 ára afmælis þjóðgarðsins og stendur fram í sept-
ember.
Hægt er að skoða verk Svavars á vefsetrinu
inlandoutland.com og þar er einnig hægt að sjá heim-
ildarmynd um verkefnið. Hann lýsir verkinu svo: „Það
felur í sér margar hliðar, bæði í framsetningu mynda,
en einnig í framkvæmd; er ýtarleg myndræn framsetn-
ingu á landslagi, ný sýn og samanburður sem undir-
strikar fjölbreytni landslagsins.“
arnim@mbl.is
Ljósmynd/Svavar Jónatansson
Samanburður Myndir af Svínafellsjökli teknar út um bílglugga, en Svavar sýnir stækkaðar ljósmyndir í þessu
formi, tvær ljósmyndir teknar frá sama stað, ávallt úr bíl á ferð.
Landslagsmyndir út
um hliðarrúðuna á ferð
Fyrir stuttu var opnuð sýning á
verkum Önnu Jóelsdóttur í Clock-
tower Gallery í New York. Sýningin
stendur til 1. október, en sýningar-
stjóri er Alanna Heiss, fyrrverandi
forstöðumaður PS1-deildar Nútíma-
listasafnsins í New York, MOMA.
Clocktower-galleríið bauð Önnu
að vera með vorsýningu þess í ár í
kjölfar sýningar hennar í Stux Gall-
ery í New York veturinn 2009-2010.
Þetta er þriðja einkasýning Önnu í
New York. Hún hefur einnig haldið
einkasýningu í Museum of Contem-
poray Art í Chicago þar sem hún býr
og tekið þátt í fjölda einka- og sam-
sýninga þar og víðar.
Anna málar og teiknar með akrýl
og bleki báðum megin á stórar hálf-
gegnsæjar mylar-arkir og mótar
þær síðan í rýminu þar sem þær um-
breytast í þrívíð skúlptúrmálverk.
Þess má geta að í ár var Anna val-
in úr hópi yfir 1.000 umsækjenda í
bókina New American Painting og
birtast verk hennar í bókinni í þriðja
sinn. Í vor hlaut hún styrk úr Minn-
ingarsjóði Barböru og Magnúsar
Árnasonar. Hún tók þátt í samsýn-
ingunni Kenjóttar hvatir í Listasafni
Akureyrar og Tvívídd vídd í Nýlista-
safninu 2005. Einnig hefur hún hefur
haldið einkasýningar í Hafnarborg
og í Listasafni ASÍ.
Skúlptúrmálverk Frá sýningu á verkum Önnu Jóelsdóttur í Clocktower
Gallery í New York. Sýningin stendur til 1. október næstkomandi.
Anna Jóelsdóttir
sýnir í New York
568 8000 – borgarleikhus.is – midasala@borgarleikhus.is
NEI, RÁÐHERRA! (Stóra sviðið)
Fös 10/6 kl. 20:00 Lau 11/6 kl. 20:00
Tveggja tíma hláturskast...með hléi. Síðustu sýningar þessa leikárs
Húsmóðirin (Nýja sviðið)
Þri 7/6 kl. 20:00 Lau 11/6 kl. 20:00 Fim 23/6 kl. 20:00 aukasýn
Mið 8/6 kl. 20:00 Mið 15/6 kl. 20:00
Fös 10/6 kl. 20:00 Mið 22/6 kl. 20:00 aukasýn
Sýningum lýkur í júní. Ósóttar pantanir seldar daglega
Faust (Stóra svið)
Fim 9/6 kl. 20:00 lokasýn
Allra síðustu sýningar
Klúbburinn (Litla sviðið)
Þri 7/6 kl. 20:00 4.k Mið 8/6 kl. 20:00 5.k
Á Listahátíð - Leikhús, dans og tónlist renna saman í eina órjúfanlega heild
Klúbburinn – dansleikhús um karlmenn
- nýr auglýsingamiðill
569-1100finnur@mbl.is