Morgunblaðið - 08.06.2011, Blaðsíða 16
16 FRÉTTIRViðskipti | atvinnulíf
MORGUNBLAÐIÐ MIÐVIKUDAGUR 8. JÚNÍ 2011
Morgunblaðið/Heiddi
Íslandsbanki Telur fyrirhugaðar
breytingar stuðla að óhagkvæmni.
útveg,“ segir m.a. í skýrslunni.
Að mati teymisins hafa flestar
breytingar sem frumvörpin hafa í
för með sér neikvæð áhrif á
rekstrarumhverfi sjávar-
útvegsfyrirtækja. Greinin verði
óhagkvæmari, arðsemi fyrirtækja
minnki, hvati og geta til fjárfest-
inga dragist saman og samkeppn-
isstaða íslensks sjávarútvegs á
mörkuðum erlendis veikist þegar
fram líði stundir.
„Rekstur sjávarútvegsfyrirtækja
gengur almennt vel og hefur af-
koman batnað mikið síðastliðna
þrjá áratugi. Verði fyrirhugaðar
breytingar á núverandi stjórnkerfi
að veruleika er hins vegar hætt við
að framlag greinarinnar til þjóð-
arbúsins minnki,“ segir í skýrsl-
unni.
Þá segir að sjávarútvegur leggi
til stærstan hluta útflutnings-
verðmætis Íslands, eða 40%. Verð-
mæti útfluttra sjávarútvega árið
2010 hafi numið 220 milljörðum,
sem sé það mesta hingað til.
ivarpall@mbl.is
Íslandsbanki varar við neikvæðum
áhrifum þeirra frumvarpa sem nú
eru til meðferðar hjá Alþingi um
stjórnun fiskveiða. Þetta kemur
fram í skýrslu sjávarútvegsteymis
Íslandsbanka sem kom út í gær.
„Sjávarútvegur er mikilvægasta
atvinnugrein Íslendinga. Sú stað-
reynd undirstrikar nauðsyn þess að
verðmætin sem fiskstofnar við
landið gefa af sér séu hámörkuð
með sjálfbærum hætti. Ísland hefur
í raun ekki efni á öðru en að reka
öflugan og hagkvæman sjávar-
Varar við neikvæðum áhrifum
frumvarpa á sjávarútveg
STUTTAR FRÉTTIR
● Vöruskiptajöfnuður var jákvæður um
sex milljarða króna í aprílmánuði, borið
saman við 6,9 milljarða króna afgang á
sama gengi í apríl 2010. Á gengi ársins í
fyrra nam afgangurinn 7,3 milljörðum
króna. Þetta kemur fram á vef Hag-
stofu Íslands.
Vöruskiptajöfnuðurinn var jákvæður
um 34,2 milljarða króna á fyrstu fjórum
mánuðum ársins, en á gengi ársins í
fyrra var afgangurinn 38,3 milljarðar
króna á sama tímabili 2010. Útflutn-
ingur jókst úr 176,7 milljörðum í 184,1
milljarð, eða um 7,4 milljarða króna.
Innflutningur jókst meira, um 11,5
milljarða, á gengi hvors árs.
Afgangur minnkar
„Þetta er án efa einn stærsti samn-
ingur sem félagið hefur gert frá upp-
hafi,“ segir Þorsteinn Högni Gunn-
arsson, framkvæmdastjóri
viðskiptaþróunar hjá CCP, um sam-
starfssamning við Sony, sem var
kynntur í Los Angeles í fyrrinótt.
Um er að ræða samning um út-
gáfu á tölvuleiknum DUST 514 fyrir
Playstation 3-leikjatölvuna. Ráðgert
er að leikurinn komi út næsta sumar
og þá aðeins fyrir Playstation-tölvur.
Þorsteinn segir í samtali við mbl.is
að samningurinn marki tímamót fyr-
ir fyrirtækið. „Við erum að fara inn á
leikjatölvumarkaðinn með fulltingi
eins stærsta risans á þeim markaði,
þannig að þetta gefur okkur gríð-
arleg sóknartækifæri hvað varðar
markaðssetningu leiksins og tæki-
færi til að aðgreina hann frá sam-
keppninni.“
Þá bendir Þorsteinn á að á hverju
ári komi út hundruð tölvuleikja fyrir
Playstation 3. Það séu hins vegar
örfáir sem fái slíkan stuðning frá
Sony. Samningurinn er gerður á
heimsvísu og fær CCP stuðning frá
öllum helstu deildum Sony.
Dust 514 er sérstakur að því leyti
að hann á margt sameiginlegt með
svokölluðum MMO-fjölspilaratölvu-
leikjum, sem er afar sjaldgæft fyrir
skotleiki. Leikurinn verður svo bein-
tengdur EVE Online-fjölspilunar-
leiknum, sem hefur verið flaggskip
CCP.
CCP gerir
risasamning
við Sony
Örn Arnarson
ornarnar@mbl.is
Evrópski seðlabankinn er með samtals um 440
milljarða evra stöðu í sínum bókum gagnvart verst
stöddu evruríkjunum. Eignir bankans þurfa ekki
að minnka nema um 4,25% til þess að þurrka út
eigið fé hans að stærstum hluta. Þetta kemur fram
í nýrri skýrslu bresku hugveitunnar Open Europe.
Evrópski seðlabankinn hefur á undanförnum
árum gripið til óhefðbundinna aðgerða vegna fjár-
málakreppunnar og skuldakreppu evrusvæðisins.
Þær hafa meðal annars falist í að veita bönkum á
evrusvæðinu nánast ótakmarkað aðgengi að
lausafé í veðlánaviðskiptum og í beinum kaupum á
ríkisskuldabréfum verst stöddu evruríkjanna.
Þetta hefur gert að verkum að gírun eigin fjár
Evrópska seðlabankans er nú 25-föld, að mati
Open Europe og ekki má mikið út af bregða til að
efnahagsreikningur bankans verði ekki fyrir
meiriháttar áföllum.
Áhættan vegna Grikklands nemur
um 190 milljörðum evra
Fram kemur í skýrslunni að verðmæti eigna
Evrópska seðlabankans sem tengjast Grikklandi
nemi nú um 190 milljörðum evra. Komi til þess að
um helmingur skulda gríska ríkisins verði með
einum eða öðrum hætti afskrifaður – en verðlagn-
ing fjármálamarkaða á grískum skuldabréfum um
þessar mundir endurspeglar væntingar um slíkt –
myndi tap Evrópska seðlabankans nema á bilinu
45-66 milljörðum evra. Þetta eitt myndi þurka út
eigið fé bankans að stærstum hluta og þá stæði
hann frammi fyrir skuldsetningarhlutfalli á bilinu
53 til 120. Þar með stæði hann frammi fyrir gjald-
þroti og tveimur valmöguleikum: Annars vegar
peningaprentun með tilheyrandi verðbólguáhrif-
um eða þá að aðildarríki evrusvæðisins endurfjár-
mögnuðu bankann.
Skýrsluhöfundar telja fyrri kostinn ólíklegan og
seinni kostinn varasaman. Endurfjármögnun
myndi kosta evrópska skattgreiðendur milljarða
evra. Ólíkt þeim neyðarlánum sem hafa verið veitt
til skuldsettra evruríkja að undanförnu myndi
endurfjármögnuninni fylgja beinn kostnaður fyrir
aðildarríki evrusvæðsins. Kostnaðurinn skiptist
með ólíkum hætti milli landa, en þýskir skattgreið-
endur bæru þyngstar byrðar í þessum efnum og er
talið að kostnaður þeirra gæti numið ríflega 18
milljörðum evra.
Skuldavandi Grikklands gæti gert
Evrópska seðlabankann gjaldþrota
Bankinn með 440 milljarða evra stöðu í verst stöddu evruríkjunum
Örn Arnarson
ornarnar@mbl.is
Már Guðmundsson, seðlabanka-
stjóri, segist ánægður með niður-
stöðuna í fyrsta gjaldeyrisútboðinu
sem fór fram í tengslum við áætlun
stjórnvalda um afnám gjaldeyris-
hafta. Már segir að bæði magn til-
boða og meðalgengi þeirra tilboða
sem Seðlabankinn samþykkti í út-
boðinu gefi tilefni til bjartsýni um
framhaldið. Meðalgengið í útboðinu
var umtalsvert lægra en aflands-
gengið á krónunni, en Már segir að
of snemmt sé að túlka þá niðurstöðu
sem merki um vaxandi traust á krón-
unni. Það eigi eftir að skýrast betur í
næstu útboðum.
Í útboðinu bauðst Seðlabankinn til
þess að kaupa aflandskrónur fyrir
gjaldeyri. Alls bárust tilboð fyrir ríf-
lega 61 milljarð króna og var tilboð-
um fyrir rúmlega 13 milljarða tekið.
Lágmarksverð samþykktra tilboða
var 215 krónur fyrir evru en meðal-
verð samþykktra tilboða var tæplega
219 krónur. Samkvæmt fjármála-
vefnum Keldunni nam meðaltal milli
kaup- og sölugengis aflandskrónu
230 gagnvart evru í gær. Hið opin-
bera seðlabankagengi er hins vegar
tæpar 167 krónur gagnvart evru.
Fyrsti áfangi afnáms gjaldeyris-
hafta, sem er ráðgert að standi fram
til ársins 2015, snýst um að Seðla-
bankinn kaupi þær aflandskrónur
sem eru fastar í hagkerfinu fyrir
gjaldeyri og selji svo áfram til þeirra
sem eru reiðubúnir að kaupa þær
gegn gjaldeyri til fjárfestingar í
löngum ríkisskuldabréfum eða fjár-
festingaverkefnum hér á landi. Sam-
kvæmt mati Seðlabankans er staða
erlendra aðila í krónustöðu í íslensk-
um bönkum og skuldabréfum um
460 milljarðar, eða sem nemur tæp-
lega þriðjungi landsframleiðslu 2010.
Aðspurður hvers vegna Seðla-
bankinn hafi hreinlega ekki tekið við
öllum tilboðum í útboðinu sem voru
ásættanleg segir Már að slíkt hefði
sett of mikinn þrýsting á kerfið.
Seðlabankinn greiði fyrir krónurnar
með eigin gjaldeyrisforða og menn
hafi ekki viljað taka of mikla áhættu í
fyrstu skrefum þessa ferlis.
Útboðsgengið lægra
en aflandsgengið
Morgunblaðið/Ómar
Seðlabankinn Seðlabankastjóri er ánægður með viðbrögðin í fyrsta gjald-
eyrisútboðinu sem fór fram í tengslum við afnám gjaldeyrishafta.
Meðalgengi í útboði Seðlabanka 219 krónur gagnvart evru
Gjaldeyrisútboðið
» Seðlabankinn keypti af-
landskrónur fyrir tæpa 14 millj-
arða og var meðalgengi við-
skiptanna tæpar 219 krónur
gagnvart evru.
» Alls bárust tilboð fyrir ríf-
lega 61 milljarð.
» Aflandsgengi krónunnar
gagnvart evru er um 230 krón-
ur, á meðan hið opinbera
seðlabankagengi er 167 krónur.
!"# $% " &'( )* '$*
++,-+.
+/0-1
++2-34
..-.4
.+-+0/
+/-,10
+,0-02
+-4314
+/.-4,
+20-/4
++,-,1
+/2-,0
++2-,/
..-,30
.+-..
+/-441
+,0-14
+-4+,0
+/.-15
+22-,
..3-221
++,-22
+/2-/
++2-5.
..-,5
.+-./.
+/-03,
+,2-,.
+-4+52
+/,-0+
+22-52
Skannaðu kóð-
ann til að sjá
gengið eins og
það er núna á
Fram kemur í
Lögbirtinga-
blaðinu að 365
miðlar ehf., sem
reka m.a. Frétta-
blaðið og Stöð 2,
hyggist taka yfir
Pósthúsið, dreif-
ingarfyrirtæki,
sem er að fullu í
eigu 365 miðla.
Ari Edwald, forstjóri 365 miðla, seg-
ir að einungis sé um að ræða endur-
skipulagningu á tengslum félaganna,
sem lúti að uppgjörs- og skatta-
málum. „Ég get sagt það alveg eins
og er að þetta er gert til þess að nýta
uppsafnað tap Pósthússins innan
365-samsteypunnar,“ segir hann við
Morgunblaðið.
Að sögn Ara gengur rekstur Póst-
hússins vel. Samkvæmt ársreikningi
Pósthússins var 66 milljóna króna
hagnaður af rekstrinum árið 2010.
Eigið fé var 15,5 milljónir króna og
skuldir 118 milljónir. Veltufjármunir
voru 99 milljónir króna og fasta-
fjármunir 34 milljónir.
Aðspurður segir hann að engar
þreifingar hafi að undanförnu verið
á milli 365 og Árvakurs um samstarf
í dreifingarmálum, en árið 2008 var
búið að ákveða að sameina Póst-
húsið, Árvakur og Fréttablaðið.
Samkeppniseftirlitið taldi samrun-
ann hafa raskandi áhrif á samkeppni
og stöðvaði hann.
Ari segir að ekki séu fyrirhugaðar
breytingar á rekstri Pósthússins.
ivarpall@mbl.is
365 miðlar
taka yfir
Pósthúsið
Ari Edwald
Nýta tap
í samstæðunni