Morgunblaðið - 09.06.2011, Page 12
12 FRÉTTIRInnlent
MORGUNBLAÐIÐ FIMMTUDAGUR 9. JÚNÍ 2011
ÚR BÆJARLÍFINU
Skapti Hallgrímsson
Akureyri
Kuldaboli býr enn í höfuðstað
Norðurlands. Hann á ekki axlabönd
en er gyrtur kuldabelti til að halda
buxunum uppi. Örfá snjókorn féllu í
gær en götur eru greiðfærar …
Alls sóttu 36 um forstjórastarf
Norðurorku, þ. á m. Þorvaldur Lúð-
vík Sigurjónsson, stofnandi og fyrr-
verandi framkvæmdastjóri Saga
fjárfestingabanka (áður Saga Capi-
tal). Franz Árnason forstjóri Norð-
urorku lætur af starfi á árinu.
Gríðarlegar kalskemmdir eru á
íþróttasvæði KA; um 90% grasvall-
anna eru mjög illa farin og KA-menn
(eins og aðrir bæjarbúar) liggja á
bæn og biðja um að hlýni í veðri.
Aðeins eru þrjár vikur þar til
N1-mót KA í 5. flokki drengja fer
fram. Búist er við 1.500 keppendum.
Næsti heimaleikur KA fer fram á
Þórsvellinum á morgun. Þar eru kal-
blettir en völlurinn þó ekki nærri því
eins slæmur og landsmenn kunna að
halda eftir að hafa séð glefsur úr
leikjum Þórsliðsins í sjónvarpinu.
Kalið á Þórsvellinum er á öðrum
kantinum. Sjónvarpvélarnar eru
þeim megin og myndað frá þannig
sjónarhorni að á skjánum sýnist
völlurinn ónýtur! Svo er þó ekki.
Sýningin Hönd í hönd verður
opnuð á Iðnaðarsafninu á morgun,
byggð á verkefni sem unnið var í
samvinnu við nemendur sjötta
bekkjar Brekkuskóla og félagsstarf
aldraðra í Víðilundi. Markmiðið var
að stofna til tengsla þar sem safnið
yrði brú á milli kynslóðanna, að
vekja endurminningar og fræða.
Morgunblaðið/Skapti Hallgrímsson
KAL Óskar Þór Halldórsson, framkvæmdastjóri knattspyrnueildar KA, á fé-
lagssvæðinu í gær. Hann bíður og vonar að fljótt hlýni í veðri.
Gyrtur kuldabelti
BAKSVIÐ
Björn Jóhann Björnsson
bjb@mbl.is
Fiskverkafólk víða um land hefur
áhyggjur af afkomu sinni nái boðuð
kvótafrumvörp fram að ganga.
Hafa áhyggjur einnig verið uppi um
að strandveiðar skapi ekki næg
störf í landi, eins og fram kom í
Morgunblaðinu í gær.
Áhyggjur fiskverkafólks koma
vel fram í bréfi sem Eyfirðingar
sendu þingmönnum Norðaustur-
kjördæmis í vikunni, ásamt um 240
undirskriftum. Með undirskrifta-
listunum var sent svohljóðandi
bréf, er bar yfirskriftina „Fisk-
verkafólk í Eyjafirði óttast um
framtíð sína“:
„Við undirrituð, starfsmenn í
fiskvinnslu í Eyjafirði, mótmælum
þeim ásetningi stjórnvalda að flytja
störfin okkar til einhverra annarra
með tilflutningi aflaheimilda frá
einum stað til annars. Þannig er
vegið að fjárhagslegri afkomu
hundraða fjölskyldna á Eyjafjarð-
arsvæðinu.
Í þeim lagafrumvörpum um
stjórn fiskveiða sem nú eru til um-
fjöllunar er fjallað ítarlega um fisk-
veiðar og hvernig þeim skuli háttað.
Í engu er tekið tillit til þeirra sem
starfa við fiskvinnslu í landi, enda
kemur orðið fiskvinnsla aldrei fyrir
í þessum lagatextum. Með því er
áratuga reynslu okkar og þekkingu
í fiskvinnslu enginn sómi sýndur.
Fiskvinnslan verður færð aftur um
áratugi með tilheyrandi verðmæta-
tapi fyrir þjóðarbúið allt.“
Verði ekki stefnt í hættu
Aðalsteinn Á. Baldursson, for-
maður Framsýnar stéttarfélags í
Þingeyjarsýslu, segist vel skilja
áhyggjur fiskverkafólks í Eyjafirði,
enda stór og öflug sjávarútvegsfyr-
irtæki þar í rekstri. Staðan sé þó
mismunandi eftir byggðarlögum,
víða sé mikið treyst á fiskmark-
aðina og fiskurinn komi áfram til
með að flytjast á milli landshluta.
Þannig sé verið að flytja fisk burtu
frá Húsavík til vinnslu annars stað-
ar, um leið og fiskur komi þangað
líka til vinnslu.
Stóra málið segir Aðalsteinn vera
að kvótafrumvörpin stefni ekki
rekstri alvöru sjávarútvegsfyrir-
tækja í hættu. Þau verði að búa við
góð rekstrarskilyrði og hafa aðgang
að kvóta til að láta vinnsluna ganga.
„Hjá þessum fyrirtækjum hefur
starfsumhverfi fiskverkafólks verið
hvað öruggast og hægt hefur verið
að greiða fólki góð laun. Ég vona
það að Alþingi Íslendinga fari ekki
að stefna þessum fyrirtækjum í
hættu. Það yrði mikill og stór
skaði,“ segir Aðalsteinn.
Örn Pálsson, framkvæmdastjóri
Landssambands smábátasjómanna,
segist ekki vera sammála því að
strandveiðar skapi ekki næg störf í
landi. Vissulega sé aflinn víða
fluttur á milli landshluta eða úr
landi í gámum en á smærri stöð-
um skapi strandveiðar heilmikla
vinnu, þar sem ekkert hafi áður
verið um að vera. Það muni t.d.
heilmikið um útgerð 5-6 báta á
sumum stöðum.
Þó að mikil eftirspurn sé
eftir „flugfiski“ segir Örn að
stórlega hafi dregið úr
gáma-
útflutningi
á fiski. Það
þurfi líka að
flaka þann afla
fyrir útflutning.
„Vegið að afkomu
fiskverkafólks“
Formaður Framsýnar segir stöðuna mismunandi um landið
Morgunblaðið/Ernir
Fiskvinnsla Áhyggjur eru víða innan raða fiskverkafólks af áhrifum boðaðra kvótafrumvarpa á störf þess.
Hjörtur Guðmundsson
Kristján Jónsson
Stjórnarandstaðan gerði harða hríð
að Jóhönnu Sigurðardóttur forsætis-
ráðherra á þingfundi í gær og gagn-
rýndi hana fyrir að vilja hafa umræð-
ur um breytingar á stjórn fiskveiða í
ágreiningi. Afgreiðsla meirihluta
sjávarútvegs- og landbúnaðarnefnd-
ar á litla frumvarpinu svonefnda um
kvótakerfið til annarrar umræðu var
harðlega gagnrýnd og sagt að engin
efnisleg umræða hefði farið fram um
málið í nefndinni. Frumvarpið var
tekið úr nefndinni í gærmorgun og
fer í kjölfarið til annarrar umræðu í
þinginu.
Mörg mikilvæg mál standa enn út
af þótt þingi eigi að ljúka í dag.
Stjórnarliðar sem tóku til máls
sögðu stjórnarandstöðuna einnig
bera ábyrgð á því að lok þingsins
væru í óvissu. Meirihluti sjávarút-
vegs- og landbúnaðarnefndar hefði
gert breytingar á litla frumvarpinu
til þess að rétta fram sáttarhönd en í
hana hefði ekki verið tekið. Þá gerðu
stjórnarliðar athugasemdir við per-
sónulega gagnrýni stjórnarandstöð-
unnar á forsætisráðherra sem ekki
var viðstaddur þingfundinn.
„Það er greinilega vilji til þess að
skoða málið betur og gera sér grein
fyrir alvarleika þeirra neikvæðu um-
sagna sem liggja fyrir. En forsætis-
ráðherra er greinilega ekki tilbúinn
til þess að hlusta á það,“ segir Jón
Gunnarsson, þingmaður Sjálfstæðis-
flokksins, sem sæti á í sjávarútvegs-
og landbúnaðarnefnd Alþingis.
Ráðherra „vill ekki frið“
„En sú sem vill ekki frið í þessu
máli er Jóhanna Sigurðardóttir, for-
sætisráðherra. Það er ekki hægt að
meta það öðruvísi en að hún telji sig
hafa pólitíska hagsmuni af því að
hafa þetta mál í ófriði. Hún er friðar-
spillirinn í þessu máli.“
Björn Valur Gíslason, þingmaður
Vinstri grænna, gerði ásamt Magn-
úsi Orra Scram, þingmanni Samfylk-
ingarinnar, fyrirvara við samþykkt
sína á áliti meirihluta sjávarútvegs-
og landbúnaðarnefndar Alþingis á
nefndarfundi um litla frumvarpið.
„Þetta voru bara svona almennir fyr-
irvarar, annars vegar um ráðstöfun
auðlindagjaldsins og hins vegar um
aukingu í strandveiðum og byggða-
kvóta,“ segir Björn Valur.
-Hvernig sérðu framhaldið fyrir
þér? Áttu von á langri umræðu um
málið í annarri umræðu í þinginu?
„Ég á ekki von á öðru. Þetta er
tekið út í andstöðu við stjórnarand-
stöðuna og það er ekkert samkomu-
lag um málsmeðferðina og svo
framvegis. Það getur ekki annað en
kallað á miklar umræður.“
Skorti efnislega umræðu
Ertu sammála þeirri gagnrýni að
ekki hafi farið fram nægileg efnisleg
umræða um málið í nefndinni?
„Já, ég er sammála því. Við fund-
uðum ekkert um málið nema með
gestum.“
Hefði ekki verið rétt að ræða mál-
ið efnislega?
„Við hefðum getað notað daginn í
dag til þess jú. Það er alltaf gaman
að takast á og ræða málin og rök-
ræða. En við fengum ekki tækifæri
til þess.“
Ertu ósáttur við það?
„Já, ég hefði gjarnan viljað
skiptast á skoðunum án þess að vera
með gesti inni á gafli. Það er það sem
ég er að meina. Það var engin um-
ræða í nefndinni sjálfri nema bara
skoðanaskipti við gesti. Ég hefði
helst viljað klára þetta.“
„Hún er frið-
arspillirinn í
þessu máli“
Hart deilt um kvótafrumvörp á þingi
Morgunblaðið/Heiddi
Verðmæti Fiskurinn stendur undir
um 40% gjaldeyristeknanna.
Umdeild frumvörp
» Í litla frumvarpinu svo-
nefnda um breytingar á lögum
um fiskveiðistjórnun er kveðið
á um að veiðigjald sé hækkað
um 70%.
» Einnig eru ákvæði sem gera
kleift að halda áfram strand-
veiðum. Litla frumvarpið á að-
eins að gilda fram á næsta ár.
» Stóra frumvarpið verður
ekki afgreitt á þessu þingi.
Auknar strandveiðar hafa haft
það í för með sér að verð á smá-
bátum hefur snarhækkað. Aðal-
steinn Torfason, fasteigna- og
skipasali hjá Híbýlum og skip-
um, segir dæmi um að bátar
hafi margfaldast í veðri. Góð
sala sé í öllum bátategundum,
notuðum og nýjum.
„Það eru allar dollur dregnar
á sjó,“ segir Aðalsteinn og telur
engan vafa á að aukin eftir-
spurn í strandveiðarnar hafi
haft þessi áhrif á verðið. Margs-
konar önnur afleidd störf hafi
einnig skapast og haft áhrif á
þessa þróun. „Það er verið að
smíða báta úti um allt, varla
nokkur sem flytur inn báta er-
lendis frá lengur. Nýsmíðin hef-
ur breyst þannig að íburður hef-
ur minnkað. Það er reynt að
smíða þokkalega báta fyrir
minni pening en áður. Sem
dæmi eru keyptar uppgerðar
vélar í staðinn fyrir nýjar og
reynt að spara í tækjakosti,“
segir Aðalsteinn. Hægt er að fá
þokkalegan smábát fyrir um
sex milljónir króna.
Allar dollur
dregnar á sjó
TRILLUR HÆKKA Í VERÐI
Smábátar hafa rokið
upp í verði.