Morgunblaðið - 09.06.2011, Qupperneq 32

32 MENNING
MORGUNBLAÐIÐ FIMMTUDAGUR 9. JÚNÍ 2011
Það er samt
merkilegt að
Svarfdælingar telja sig
ekki vera Eyfirðinga 34
»
Á föstudag opnar Anna María Sig-
urjónsdóttir ljósmyndasýninguna
Herrar, menn og stjórar á Norður-
bryggju í Kaupmannahöfn.
Á sýningunni eru myndir af 35
konum ásamt hugleiðingum þeirra
um starf sitt eða um lífið og til-
veruna, en þær konur sem mynd-
aðar voru fyrir sýninguna eiga það
sameiginlegt að starfsheiti þeirra
endar á „herra“, „maður“ eða
„stjóri“ eða að þær gegna eða
gegndu starfi sem hér áður fyrr var
álitið karlmannsstarf. Konurnar
voru myndaðar á vinnustöðum sín-
um við sem eðlilegastar aðstæður.
Sýningin er tileinkuð Vigdísi Finn-
bogadóttur, fyrrverandi forseta.
„Herrar, menn og stjórar“ var sett
upp á nokkrum stöðum á Íslandi á
síðasta ári.
Anna María Sigurjónsdóttir er
sjálfstætt starfandi ljósmyndari og
býr í Reykjavík. Hún stundaði nám
í ljósmyndun í Bandaríkjunum og
útskrifaðist með BA í ljósmyndun
árið 1993 og MFA árið 1995 frá
Savannah College of Art and De-
sign.
Anna María hefur haldið 25 sýn-
ingar hér heima og erlendis og tekið
þátt í samsýningum. Myndir eftir
hana hafa birst í bókum og erlend-
um tímaritum. Sýningin á Norður-
bryggju í Kaupmannahöfn er fyrsta
sýning Önnu Maríu í Danmörku.
Herrar, menn og stjórar
til sýnis á Norðurbryggju
 Myndir af konum í „karlmannsstörfum“
Hugleiðing Ein mynda Önnu Maríu Sigurjónsdóttur á sýningu hennar á
Norðurbryggju í Kaupmannahöfn.
Skáldsagan Svörtuloft eftir Arnald
Indriðason var kjörin glæpasaga
ársins af dómnefnd blaðamanna
hollenska tímaritsins Vrij Neder-
land, en það gefur árlega út sérrit
um glæpasögur.
Í umsögn sinni um bókina gaf
dómnefnd tímaritsins henni fimm
stjörnur af fimm mögulegum og
sagði meðal annars: „Með sínum yf-
irvegaða en afar áhrifaríka stíl hef-
ur Arnaldur Indriðason enn einu
sinni sent frá sér afburðagóða bók.
[…] Styrkur hans er fólginn í sam-
skiptum sagnapersónanna. Í þeim
ber hann höfuð og herðar yfir
aðra.“
Aðrir sem tilnefndir voru til
verðlaunna voru Jussi Adler-Olsen,
Michael Connelly, Umberto Eco,
R.J. Ellory, Phillip Kerr og S.J.
Watson. Bók Arnaldar, sem heitir
Doodskap á hollensku, kom út í
Hollandi í maí og hefur selst í ríf-
lega 17.000 eintökum. Svörtuloft
kom út á íslensku árið 2009.
Svörtuloft
glæpasaga ársins
 Afburðagóð að mati Vrij Nederland
Áhrifarík Svörtuloft er glæpasaga
ársins að mati dómnefndar blaða-
manna tímaritsins Vrij Nederland.
Sumarjazz á Jómfrúnni, sum-
artónleikaröð veitingahússins
Jómfrúarinnar við Lækjargötu,
hófst sl. laugardag og verður fram
haldið nk. laugardag með tónleikum
Kvintetts Reynis Sigurðssonar.
Hann hyggst flytja dagskrá helgaða
píanóleikaranum og hljómsveit-
arstjóranum George Shearing sem
lést fyrr á þessu ári, níutíu og
tveggja ára að aldri.
George Shearing var blindur og
ólst upp í mikilli fátækt í Lundúnum
þar sem hann fór snemma að spila á
píanó á hverfiskránni. Hann fluttist
til Bandaríkjanna á fimmta áratugn-
um og bjó þar upp frá því. Shearing
var meðal annars þekktur fyrir að
flétta saman klassík, sving- og bop-
djass í lagasmíðum og gaf út grúa
hljómplatna. Hann fékk Grammy-
verðlaun 1982 og 1983 fyrir plötur
sem hann gerði með Mel Torme.
Meðlimir kvintettsins eru Reynir
Sigurðsson á víbrafón, Jón Páll
Bjarnason á gítar, Agnar Már
Magnússon á píanó, Tómas R. Ein-
arsson á kontrabassa og Erik Qvick
á trommur. Tónleikarnir hefjast kl.
15:00. Leikið er utandyra á Jómfrú-
artorginu. Aðgangur er ókeypis.
Sumarjazz Breski píanóleikarinn
George Shearing.
Til heiðurs
George
Shearing
 Sumarjazz á Jóm-
frúnni á laugardag
Í sumar heldur Reykjavík Art
Gallery tvær sýningar sam-
tímis í tveimur aðskildum söl-
um í húsakynnum gallerísins á
Skúlagötu 50. Í rauða salnum
verða sýningar upprennandi
listamanna sem eru að skapa
sér nafn en í stóra salnum
sýna þekktari listamenn verk
sín.
Nú sýnir Ásta R. Ólafs-
dóttir akrýlmyndir í rauða
salnum og Bjarni Sigurbjörnsson olíumálverk í
þeim stóra. Sameiginleg yfirskrift sýninganna
beggja er Fegurðin og fíflið.
Sýningarnar standa til 26. júní.
Myndlist
Fegurðin og fíflið
á Skúlagötunni
Úr mynd eftir Ástu
R. Ólafsdóttur.
Í dag efnir Íslenska óperan til
prufusöngs fyrir þrjú hlutverk
í Töfraflautunni eftir Mozart,
sem frumsýnd verður í Hörpu í
haust. Um er að ræða hlutverk
„drengjanna þriggja“, „Drei
Knaben“, sem koma töluvert
við sögu í óperunni. Leitað er
að ungum drengjum eða stúlk-
um með bjartar sópranraddir,
þó ekki yngri en 10 ára. Nánari
upplýsingar eru á opera.is.
Þess má geta að sópransöngkonan Þóra Ein-
arsdóttir, sem nú syngur aðalhlutverkið í Töfra-
flautunni, söng einn drengjanna í uppfærslu Ís-
lensku óperunnar árið 1991.
Tónlist
Prufusöngur fyr-
ir Töfraflautuna
Þóra
Einarsdóttir
Nemendur á öðru ári í Ljós-
myndaskólanum sýna myndir
sínar í húsnæði skólans á
Hólmaslóð 6 í Reykjavík. Sýn-
ingin verður opnuð á föstudag
kl. 17:00. Sex nemendur skól-
ans eiga myndir á sýningunni:
tískumyndir, portrettmyndir
og listrænar myndir. Sýnendur
eru Björn Árnason, Brynjar
Snær Þrastarson, Kolbrún
Inga Söring, Jóhanna Vigdís
Guðmundsdóttir, Berglind Jack Guðmundsdóttir
og Ragnheiður Arngrímsdóttir.
Sýningin stendur til 19. júní en lokað verður
mánudaginn 13. og þriðjudaginn 14. júní.
Ljósmyndun
Sýning nemenda
á öðru ári
Mynd eftir Brynjar
Snæ Þrastarson.
Díana Rós A. Rivera
diana@mbl.is
Í dag kl. 17:00 verður opnuð sýning
á verkum Kristjáns Guðmundssonar
í i8 Gallery á Tryggvagötu 16. Á sýn-
ingunni eru ný verk og eldri verk í
nýju samhengi.
Kristján Guðmundsson vakti fyrst
athygli með sýningu í Gallerí SÚM
1969 sem mikið var talað um þó ekki
hafi margir séð hana. Að sama skapi
var mikið rætt í fjölmiðlum um verk-
ið Vörðubrot 1970 sem vakti svo
mikla hneykslan að lögreglan fjar-
lægði það. Kristján hefur ögrað við-
teknum hugmyndum um myndlist,
teikningu og málverk með verkum
sínum, með aðstoð einfaldra verk-
færa og hversdagslegs efniviðar sem
hann hefur beitt á nýjan hátt.
Spurður að því við hvað hann fáist
í verkum sínum segist hann hrein-
lega fást við myndlist og játar því að
hann sé að kljást við eðli listarinnar.
„Hvaða listamaður er ekki að því?“
spyr Kristján. Hvað hann sé að gera
og listina sjálfa segist hann aðeins
geta skilgreint fyrir sjálfum sér og
það sé einungis á milli sín og list-
arinnar. Hann sé þó sjaldan að gera
nákvæmlega það sama þótt það
komi stundum fyrir. „Það eru auð-
vitað alltaf einhverjar hreyfingar og
viðbætur.“ Hvers vegna hann geri
hlutina sé annað mál og erfitt að út-
skýra.
Á sýningunni má finna það sem
Kristján kallar hljóðdrykkjumyndir
og eru verk af því tagi sem hann
hlaut Carnegie-myndlistarverðlaun-
in fyrir árið 2009. Eru þetta gömul
og ný verk í bland og segir Kristján
þetta vera plötur gæddar þeirri
náttúru að drekka í sig hljóð. „Verk-
in draga í sig bergmálið og minnka
þannig áreitið.“ Kristján sýnir einn-
ig Punkta, nokkurs konar framhald
af bókverki hans frá 1972 þar sem
hann valdi af handahófi þrjá punkta
úr ljóðum Halldórs Laxness og
stækkaði þá upp. Auk þess hefur
hann unnið frekar með skúlptúr sinn
Kvíahnaus og sýnir svokallaða Ör-
yggismynd. „Hún róar fólkið,“ segir
Kristján.
Hvaða listamaður
fæst ekki við eðli listarinnar?
 Sýning á verk-
um Kristjáns Guð-
mundssonar í i8
.Morgunblaðið/Eggert
Viðbætur Kristján Guðmundsson sýnir ný verk og eldri verk í nýju samhengi í i8 Gallery við Tryggvagötu.